Espuma (M88)

營業中

休息中

今晚生日去左呢間食西班牙野!!因為世界盃ma, 都有d 佈置。牛油果烤雞胸沙律配油醋汁牛油果好香甜，雞胸肉好結實，撈埋油醋沙律好醒胃。香煎珍寶帶子配辣肉腸及巴馬風乾火腿帶子鮮甜，夾住辣肉腸同巴馬火腿令到口感更加豐富，多重味道的感受是日餐湯一般一般...鵝肝黑松露醬意大利粉黑松露的味道超濃郁，鵝肝煎得剛剛好，外脆內軟，味道濃烈。意大粉爽口，醬汁濃厚。烤安格斯肉眼牛扒配炸芝士薯波配紅酒汁七成熟的安格斯肉質鮮嫩，牛肉味好重，仲有芥末醬和紅酒汁可以點，加埋個脆脆的芝士薯波成個菜式都好精緻。Drinks (choose 2) 西班牙啤酒 入口濃郁，開始帶少少的苦澀，最後會品嚐到一份甘甜。Baileys coffee +$15Balieys同咖啡味好平衡，味道好香濃overall 野食係ok既, 都唔太貴,但係有d嘈,可能d食客太開心

今晚又來到M88 Espuma開餐。今次坐近窗邊，可以欣賞到山景。高質素的美食，環境寬敞，配輕快的西班牙音樂，職員細心友善，從來都是我喜歡喺Espuma開餐的原因。西班牙式慢煮八爪魚 $98八爪魚🐙經過慢煮肉質特別嫩滑彈牙，配沙律菜、番茄食，夠晒清新、開胃。🦀蟹肉西班牙奄列 $78成塊面咁大的奄列，賣相相當吸引。一上枱已經聞到好香的蛋味。切開，係厚厚的蟹肉、薯仔絲、蛋。慢煮牛頰肉咸蛋黃醬寬管麵 $128 經過慢煮的牛頰肉，肉質非常嫩滑，把刀輕輕用力壓下，已經可以切開。一啖放入口裡，好腍好腍，完全保留住肉汁。咸蛋黃醬，令整道菜味道相當有內涵，而且真係有一粒粒咸蛋粒，又香又有咬口。 寬管麵好彈牙。 秘製香脆咸豬手$238香脆咸豬手份量十足，原隻連豬骨奉上，還細心地切開小件，可以斯斯文文咁食豬手。外層金黃色，超級香脆，一看就知好吃。香脆外皮包着嫩滑、帶咸香的豬肉，中間還有豐富骨膠原的腍肉。裡面的肉味十分香濃，能保持柔軟多汁。 配菜有德國酸菜、芥末醬和蘋果醬。推薦大家蘸蘋果蘋，酸酸甜甜的蘋果醬和油脂豐富的豬手好夾 ，將味道昇華了。真正好吃的肉，再怎麼吃也不覺得膩，所以全碟清了。

今日有個內地朋友來香港公幹幾天，晚上帶他去中環蘭桂坊(Espuma) 餐廳地方十分寬敞，設計得好有氣氛，可以喺一間餐廳食到西班牙及多國菜的美食，真的十分方便。環境好優雅坐得好舒服。蟹肉白酒青胡椒天使麵 $118， 鮮甜的蟹肉再加白酒烹調的天使麵，帶出清新的口感。烤牛肉芥末薄餅$108， pizza同牛肉都焗到剛好，芝士同餡料都好豐富， 食起時有外脆內軟的口感。荔枝水果茶，用壺盛載著淡淡的荔枝肉令到暖暖的水果茶，飲洛十分清甜可口。上菜前必飲的餐湯餐包。餐牌上仲有好多種類的美食。

忙了一天，又是獎勵自己的時候，今晚決定光顧中環M88的espuma，因它既就腳，價錢亦算公道，所以二話不說，就跟同事來個晚餐叉叉電。點了幾道菜連甜品，合共五百多，在中環晚餐價來說，是絕對超值。雪莉紅酒慢燉牛頰肉 $208牛頰肉慢燉得夠稔，夠香，夠入味，切下去肉質纖維一絲絲的，肉絲中間有軟軟黏黏的質感，有點似豬頸肉。平日比較少吃到牛頰肉，對我來說，很有新鮮感。🤗🤗紅酒煮牛，取其微酸的味道，但這道菜吃不出來！但整體來說仍屬美味。目測份量不算大件，但由於厚身兼啖啖肉，最後還是吃不完！😁😁薯蓉奶味較重，口感濃郁充實，美道調得不錯。巴馬風乾火腿薄餅 $118披薩底超薄，脆薄到有點薯片感，披薩上枱夠熱，芝士近乎液態，入口時還是半糊狀的，超香且美味。風乾火腿的鹹香，配上新鮮的蔬菜，濃淡適宜。份量有六大片，瞬間給我倆秒殺掉😋😂😂牛油果蝦沙律配芝麻汁 $98蝦採用了燒烤型式，比傳統用來做沙律的烚蝦更香更惹味；牛油果香滑，大大件的；蜜桃的甜味突出，蔬菜新鮮，配碎芝士，可算是個出色的沙律。招牌鮮雜果麻糬窩夫配雪糕 $88（半份）窩夫輕盈，空氣感重，飯後吃亦不覺飽滯。外層脆口，內裏軟熟；配吉士醬及糖醬，兩者都

上次都跟朋友來過呢間餐廳dinner，今日帶另一半過來試下食lunch，點左D同上次完全唔同嘅菜，幾款都好啱食，而且推介呢間分店。中環店位於M88，雖然行左條長命斜先上到來，但由於喺17樓，景觀開揚，都幾舒服，全店位置唔算好多，但光線柔和，店員有禮，要同另一半來慶祝都唔失禮。揭左揭menu，樣樣都想試，意粉、意大利飯、pizza、甜品，最終由我發板，揀左個意粉、烤雞同前菜。前菜都有唔少選擇，平時食沙律都悶，揀左呢個比較特別嘅。香煎帶子配牛油果醬、香芒莎莎(118)，推薦啊！首先賣相已經好吸引，絕對係健康、新鮮之選。香芒莎莎圍邊，牛油果醬墊底，再跟左五粒帶子。帶子只係輕輕煎過，夠香，但唔會過熟，好新鮮。而我最鐘意反而係個醬，牛油果蓉打到好滑，容易入口，再配埋我好鐘意嘅sasa醬，一流，呢個真係又睇得又食得主食揀左意粉，因為我地都鐘意D惹味、香口野，所以揀左烤蝦蕃茄豆瓣醬意大利麵(118)，如果同我一樣鐘意濃味嘅野，一定要試下。首先，賣相亦都係好靚，砌左5隻烤蝦喺面頭，好有心思，配菜除左蕃茄，仲有翠玉瓜。意粉份量適中，條條掛汁，而且唔會太lum。個醬係亮點，蕃茄醬加豆瓣醬配搭，少少香辣，又

黎Espuma既次數，應該十隻手指都數唔晒，無論lunch 、Tea 定dinner都係甘鍾意黎，今次又黎到中環店，尼度有落地玻璃既靠窗位，邊食邊睇高層街景，真係好舒服。今次我地叫左個“西班牙式慢煮八爪魚”，八爪魚大塊，嫩滑彈牙、軟腍，好有咬口，咬落口好有彈性，配埋八爪魚既汁，少少辣，好好味！正餐叫左個“炸魚柳配薯條”，炸魚柳熱度夠，外層金黃香脆，內層魚肉香滑，配上香口薯條，好滋味，尼刻真係好想有支啤酒！我重點左杯勁大既“招牌雜果沙冰”，尼杯沙冰基本上次次都會點，份量大到足夠2個人飲，入面有紅蘋果／青蘋果粒、橙粒，沙冰冰凍而軟綿，淡黃色，微甜，似係菠蘿、橙、蘋果mix埋既水果味～清甜滋味！見到隔離枱碟 “烤蝦蕃茄豆瓣醬意大利麵”甘香，我地就跟住點，蕃茄豆瓣醬有少少甜，微辣，令成碟意大利麵香濃入味，加上彈牙既蝦肉，爽口既青瓜片，口感豐富、滋味！最近叫埋“鮮雜果麻薯窩夫配雪糕”，薯窩入口暖暖地，咬落口香甜鬆脆，旁邊重配上士多啤梨雪糕、重有士多啤梨、藍莓粒，絕對唔會膩，係夏天消暑恩物！

近來世界杯狂熱，令一聚朋友突然想食西班牙菜，要坐得舒服，又要好味的，我就立刻想起Espuma啦！Espuma位於中要威靈頓街，十分方便！已經不是第一次來吃啦，果然繼續保持到質素！最喜歡有一大片落地窗，很光猛又開揚！原來佢地出左set menu,下次可以試試呢！繼續有多款飲品，令人期待！Parma Parma Pizza 🍕薄餅用上薄的餅底，十分香脆，上面鋪滿新鮮蔬菜及蕃茄加上滿有咸香的巴馬火腿，真的是太好味啦！！炸魚柳配薯條🍟魚柳包上薄薄的粉漿，新鮮炸起，外面香口，內裡魚柳十分幼嫩，忍不住大叫「好滑的魚肉」！配上沙律醬一同吃，更能提升味道！薯條也炸得脆卜卜，吃下停口呢！至尊海鮮西班牙飯這是我們最期待的主角，果然沒有令我們失望！只叫了兩人份量已經超級大份！海鮮很足料，無論是蜆肉、帶子、大蝦及青口等也鮮味十足！米飯軟硬適中，滿有口感而且也吸收了海鮮的鮮味！忍不住一路吃一路「嘩嘩聲」！招牌雜果沙冰當日天氣熱到爆炸，沙冰是最佳解暑選擇！沙冰打得很幼細，用上新鮮水果（橙、紅青蘋果等）一同打在一起，酸酸甜甜，又有果肉，真心讚呀！再次重臨espuma一樣冇令我失望，無論主菜小食及飲品也可以保持質素，

經朋友介紹，傍晚時分去了中環的「Espuma」享用一個西班牙式的晚餐。只看到餐牌已開始流口水啦！我們先來一個「炸魚柳配薯條」薯條炸得脆卜卜，幼長長，容易入口；炸魚柳金黃色二大塊，又香又脆，魚質鮮嫩，沒有雪味。很脆，魚質鮮嫩，沒有雪味。「巴馬風乾火腿薄餅」的粉底很薄，風乾火腿中間夾着青瓜，配搭得宜；青瓜中和了火腿的鹹味，同時刺激着味蕾，令人食慾大增。「鵝肝黑松露醬意大利麵」的麵身處理不錯，半爽半腍，配上鵝肝黑松露醬，完全入味，口感豐富，醒胃非常。「至尊海鮮西班牙飯」是店內招牌菜；飯面舖滿青口、海蜆、海蝦、魷魚等海鮮，用料十足；被湯汁燴煮過的米飯，入口軟硬適中，與海鮮同吃，味道很配，滿口鹹鮮美味。飲品方面，「草莓蜜桃冰沙」～賣相精緻，真的賞心悅目；大熱天暑，冰凍涼快。而「招牌咖啡」綿密柔軟，飲下齒頰留香。「Espuma」位於中環威靈頓街廣場17/F，玻璃座位可遠眺中半山一帶，環境舒適，無論一眾朋友或一雙情侣，皆可邊吃邊談。晚飯過後，時間許可的話，還可到附近的酒吧繼續happy喎！！

今日放工同朋友喺中環食晚飯 ， 朋友之前食過這間 西班牙餐廳 Espuma， 味道不錯，加上價錢適中， 而且餐廳裝修很有氣氛，所以決定試下。餐牌真係好多嘢食,好多選擇。慢煮牛頰肉鹹蛋黃醬闊管麵$128, 呢個出奇好食。除了牛頰肉肉質非常之嫩滑， 食物好淋， 牛肉味好濃郁。加上闊管麵麵質煮得好彈牙好有咬口 ，而份量其多的蛋黃配襯，令闊管麵味道非常入味。焗海鮮及雜菜配白酒汁$198， 食材以海鮮為主， 除了魚、魷魚圈和帆立貝外，最重要的主角是那幾隻大海蝦， 味道當然非常鮮甜啦，加上配上菠菜和欖核仔， 味道新鮮又特別,菠菜全吸收了海鮮的鮮味精華，味道正。天多利香草烤雞腿$168， 烤雞份量不少，香草味道濃郁，食落有少少麻辣的味道 ，幸好味道不辣。而配料也有很多， 車厘茄、翠玉瓜、黃瓜、洋蔥絲和炸薯仔片， 全部食材焗得非常惹味， 好好食。草莓蜜桃沙冰$48, 呢個簡直係平靚正, 大大杯真估唔到價錢只是48元 。但材料好足， 杯沙冰上面全是草莓粒，非常新鮮、味道鮮甜。 沙冰勁冰凍， 每一啖都有消暑解渴嘅功效， 極透心涼， 必點的飲品之一。

Weekend同朋友嚟中環espuma飲飲食食傾下計, 有幸安排到窗邊四人枱, 被天然光線包圍, 座擁翠綠靚view, 零舍寫意。正值炎夏, 當然要先點個冷盤, 醒一醒胃！焦香嘅黑白芝麻包圍著厚切吞拿魚, 魚肉呈漸變半熟狀態, 柔軟迷人。呢道係我幾乎每次都必點嘅頭盤。Pizza餅皮極脆, 火候控制得非常好, 牛肉片只係剛剛焗熟, 仲帶點肉汁。鹹豬手相當有份量, 豬皮烤到脆卜卜, 皮下一層厚厚嘅膠質柔韌帶勁, 食落仲啖啖肉。附上三款醬料, 蘋果蓉、酸菜、芥末醬, 我就覺得蘋果蓉最夾, 帶天然甜酸味, 清新解膩。嚟咗幾次, 食物質素依然保持水準, 服務、環境一流, 期待下次再嚟餐廳會推出更多新菜式！

同事想食西班牙菜，所以收工就黎試下呢間入到鋪環境好優雅舒服枱上已經放好哂所有餐具，本人特別喜歡佢濕紙巾既包裝佢會有晚餐set ,但我地一心想食西班牙海鮮飯，所以就散叫香煎帶子配牛油果醬和香茫莎莎（味道酸酸甜甜好開胃，芒果好甜帶子好香）至尊海鮮西班牙飯二人份（一上枱好大碟呀飯底味道少許茄汁仲有少少海鮮味道飯上面既海鮮好新鮮蝦大隻超好食蚌超鮮甜）彩虹麻糬窩夫伴焦糖醬配雪糕（外表好靚，雪糕可揀味道，我地揀左焦糖味好好食而個麻糬煙煙韌韌偏硬，點埋蜜糖都好食）水果茶（甜度岩岩好超好飲）荔枝茉莉茶（茶味比較重，都好好飲）餐廳服務非常好工作效率快同對客人都非常友善

每逢假期周圍都好多人，同老公想食好少少又無咁多人，就揀左中環。上OpenRice見到呢間位於中環廣場的Espuma有好多好評就決定嚟幫襯。一入到餐廳已經畀外面的景觀吸引住，因為餐廳有兩面牆身都係玻璃窗，可以飽覽無敵景色，夠晒舒服。我哋叫左個牛油果蝦沙律配芝麻汁、烤蝦蕃茄豆瓣醬意大利麵、秘製香脆咸豬手、抹茶豆奶咖啡同招牌雜果沙冰。牛油果蝦沙律配芝麻汁($98)，材料好豐富，除左唔同嘅沙律菜外，仲有牛油果、桃、蕃茄、用料新鮮，入面嘅烤蝦，食落好香口但唔油膩，成個沙律除左有芝麻汁外，仲有少少香醋味，好食！烤蝦蕃茄豆瓣醬意大利麵($118)，一食落喺濃濃嘅蕃茄味，然後個辣味先出嚟，加上好香口嘅烤蝦，惹味又好食！秘製香脆咸豬手($238)、 配有三種唔同嘅醬汁：酸菜(sauerkraut，食落微酸)、蘋果蓉(酸酸甜甜)、同黃芥辣，豬手外皮薄身好脆，豬手夠入味又唔嚡口，望落肥嘅部分其實好爽口，一D都唔覺油膩，正！抹茶豆奶咖啡($38)，好夠抹茶味，飲落順滑得嚟有D抹茶嘅質感，好味！招牌雜果沙冰($48)，大大杯，賣相夠晒吸引，雜果好新鮮，健康味美！呢度環境、食物、味道同服務都優質，我同老公都好滿意

今晚難得同好友慶祝生日， 找間靚靚嘅餐廳慶祝先。 我哋揀咗Espuma，因為勁多好評，又可以欣賞中環景色， 一舉兩得啦 ！ 餐廳位於中環威靈頓廣場M88 17樓，餐廳佈置精緻，燈飾柔和， 我被安排坐於窗囗位置， 仲可以欣賞中環美景，正爆啦! 一於叫個二人餐啦， 包括有餐前飲品、 沙律、小食、 餐湯、 主菜同餐後飲品， 真係好抵食 ！今日興致大發我哋叫咗一杯紅酒同一杯白酒，cheers !餐湯係鮮甜嘅南瓜湯，濃郁嘅南瓜味， 味道可口， 口感相當細滑。 牛油果烤雞胸沙律配醋汁，材料十分豐富有雞、 芒果、牛油果同沙律菜等等， 味道酸酸甜甜， 十分清新， 夠晒開胃呀！大大粒嘅珍寶帶子，帶子非常厚肉， 十分彈牙， 配上辣肉腸同巴馬風乾火腿， 味道更佳， 充滿鹹香。 《鵝肝黑松露醬意大利麵》 ， 我好鍾意用黑露松做食材， 因為佢嘅香味獨特， 十分清香。 野菌、黑松醬同鵝肝係一個非常好嘅配搭。 鵝肝咁香，食落仲有濃郁嘅野菌香味， 非常可囗。 《烤安格斯肉眼拼炸芝士薯波配紅酒汁》 ， 我點了五成熟嘅牛扒， 入囗香滑，肉汁豐富， 牛味香濃。用了炸芝士薯做伴碟， 入囗香脆， 外脆內軟， 好味！ 最後， 大

得閒都要氹下老婆開心，同佢浪漫下💕，唔一定要等記念日～ 今晚去到中環嘅Espuma，餐廳環境好好，情調氣氛唔錯，望住半山靚景，八點幾去到都差不多全場滿座，好彩有訂枱～ 餐廳係食西班牙菜嘅，我哋叫咗三樣嘢食加一個甜品～特色粟米薄脆 $108我地都鍾意食Nachos, 呢款做得好好，份量好多，粟米薄脆焗到熱辣辣，上面加上芝士、番茄碎、同牛油果忌廉醬，非常好味😋，令人食唔停口～ 巴馬臣芝士焗雞胸牛肝菌燴飯 $128牛肝菌燴飯味道好好，牛肝菌份量好多，整體好creamy, 至於芝士焗雞胸都非常好味😍！未食之前仲好擔心雞胸會唔夠滑，但係呢個肉質非常嫩滑，完全唔覺得自己食緊雞胸，而且好入味，外皮焗得好香脆，香濃芝士味，值得一讚👍🏻烤牛肉芥末薄餅 $108薄餅非常薄脆，上面亦有濃厚的芝士，牛肉同芥末醬好夾，整體味道好好，口感亦都好好😋流心軟芝士麻薯口鬆餅 $108賣相超級正好😍 好大份！其實可以一班朋友share, 但係我哋兩個大胃王都食得晒，因為真係太好味啦😝 切開已經見到留心芝士，鬆餅做得非常鬆軟，口感非常好，有入口即溶嘅感覺，鬆餅中間底部有一片薄薄嘅麻薯，整體芝士味唔會過濃，亦唔會太甜，做得非

近排最熱門之打卡景點，非「大館」莫屬啦，有古蹟和藝術節目，行完增添不少藝術氣息。行完大館滿足完心靈上的需要，係時候要滿足下肚腹之需要。同行友人介紹中環M88大樓有不少美食，可以一試。在大樓水牌當中，發現有間ESPUMA,係食西班牙菜式的，好想好想試下。餐廳位於17樓，三面大玻璃，座位闊落，每張枱都有足夠的私隱度，係現時香港吋金尺土之地，實屬難得。加上餐廳服務人員有禮又效率高，初步感覺已經贏了。打開餐牌，價錢真的有驚喜，無諗過在呢個地點會收呢個價錢，哈哈今次一定要盡情一試。第一道菜式「巴馬風乾火腿薄餅$118」，個薄餅底做得好好，又薄又脆，但絕對不會乾身，而薄餅的醬汁把巴馬風乾火腿的味道加以提升，加上小番茄、沙拉菜、芝士的配合，一個人食三、四件都意猶未盡，呢個一定係必食之選。第二道菜式「烤蝦蕃茄豆瓣醬意大利麵$118」，用上大量新鮮番茄制成，配上豆瓣醬的微辣，令人好開胃，而主角烤蝦烤得微焦，令蝦味無窮散發出來，回味之選。一道完美的晚餐又點少得甜品呢，點了一客「招牌鮮雜果麻糬窩夫配雪糕$128(full)」個窩夫餅底做得好脆好脆好脆，但仍能保留中心的軟度，應該係麻糬的功勞，呢個係我暫時食過