Dream Cafe (已結業)

係旺角覓食除左朗豪坊同掃街之外，係朗豪坊隔離Cinema City 朗晴坊都有唔少美食，尤其係cafe 而今次同朋友一齊食既dream cafe 二人晚餐絕對值得一試😋二人晚遠可以點選兩款主菜同一杯價值29蚊晚野飲。我地揀左呢個蕃茄汁大蝦意粉，蝦既肉質好爽口。同幾欣賞個汁🥰酸得黎有少少偏辣😋另外我地仲點左個牛排，叫左medium well。個人覺得有點偏熟，如果中意juicy d既話建議六成熟會好啲🤔

昨天與朋友一齊去食，因為朋友有BB 不能食日式放題，所以就選左呢間地點方便，見食評都ok 的cafe , 誰知道餐廳看似人多，但食物質素如此普通，連pizza 都比普通麵包差，只係小食ok ,但真係可一不可再。我一路都無寫開食評，但呢間真係⋯⋯⋯⋯

今晚晚餐，同朋友去左Dream cafe食飯。Cafe佈置佈典雅風，燈光幽暗柔和，氣氛寧靜舒適，幾適合朋友聚餐。呢間餐廳主要西餐為主，於是我同朋友就叫左個2人套餐。前菜可選沙拉或者時日餐湯。我地就各要一個。餐湯係蕃茄濃湯酸酸甜甜既蕃茄湯帶點清新既感覺，一淡淡既蕃茄蓉正好增添口感。配上黑醋既沙拉正好開胃醒神，不錯。跟著上既就係蒜香黑松露炒什菌麵。我鐘意食蒜，所以有蒜既野食特別吸引。而本身餐廳用蒜好足，見到金黃色既蒜片係面，未食已經聞到道香味，叫醒我個胃。食落時濃厚既蒜香係口腔擴散。感覺好滿足之餘，仲有黑松露既淡淡清香，纏繞著甘係口入面，豐富左麵既味道。令濃郁中帶點清新，配上什菌既既味道，更勝一籌。而闊條麵因麵身闊，正好吸收哂所有精華係麵度，食落彈牙之餘又入味，幾好幾好。之後再黎一個香煎紐西蘭肉眼扒配什菌燒汁。我鐘意食肉眼，因應肉質軟身，無西冷甘硬。而且食落較多肉質。我叫店家煎五成熟，真係合適都不得了。首先肉眼已經份量十足，比我既手掌仲要大。切開時已經見到一絲絲淡紅色時肉汁滲出。食落口更加好似入口即溶。正！更重要係烹調得宜時，食到既係濃濃肉香，完全無雪味。配上什菌汁更好，唔會搶左肉味之餘，

Dream Cafe這個名字都幾特別，可能係餐廳代表住老闆o既夢想。咁啱去朗豪坊睇戲，見這間餐評食評都唔錯，就上去試下。入到餐廳見坐無虛席，好在非煩忙時間等一等就有位入去。於是同女友就點了餐牌上的2人套餐，叫了一份香煎大蝦配墨西哥辣蕃茄意大利麵，另外又點了一份香煎紐西蘭鮮肉眼扒配什菌燒汁。是日餐廳就係西蘭花忌廉湯，幾滑又易入口。仲有點了2杯幾特別o既飲品，包括係玫瑰檸檬茶及蜂蜜奶茶。香煎大蝦配墨西哥辣蕃茄意大利麵o既辣度唔算太辣，係辣椒仔汁果種辣度，令人幾醒神開胃，而且麵條夠幼夠爽幾好食。紐西蘭鮮肉眼扒方面就點了7成熟，岩岩好無血水又夠牛味，而且夠厚身，食落幾滿足。至於飲品兩杯我都好欣賞，玫瑰檸檬茶的玫瑰味好突出，唔會似飲hand cream，蜂蜜奶茶o既蜜糖令到成杯飲品更順滑好易入口。整體而言，每道菜都覺得幾好食。

唔知從幾時開始商場的店舖餐廳已經變成集團式壟斷。想找特色美食一定要走出商場,在朗豪坊電影售票處買完票後發現旁邊的舊式大廈有得多人排隊。一看之下原來朗晴坊大廈每一層都有獨立餐廳,亂踫亂撞上到黎5樓的Dream Cafe。＿Dream Cafe沒有現時流行的華麗裝飾,反而保留了以前讀書時樓上cafe的感覺。一看門口,原來小店已開了11年,難怪難怪。距離睇戲時間無多,和朋友叫了2人套餐。餐湯:南瓜忌廉湯 香甜濃郁牛肝菌忌廉汁澮雜菌雞肉意大利飯忌廉汁味道比夠單一,意大利飯軟硬度剛好。香煎紐西蘭鮮肉眼肉眼相當有份量,師傅煎得剛好7成熟,口感剛好。再配上小店特製醬汁,出色 薯角我至愛畢竟我們不能拿小店跟現在的餐廳相比,難得還有小店保留以前的風味,能支持就多多支持吧!

辛苦了一天終於放工啦，約埋朋友仔一齊去旺角朗豪坊行下街食下飯relax下，行到攰搵個地方落腳，但看過朗豪坊的食店價錢很貴，朋友便上OpenRice看看附近有什麼好東西吃，無意中比我們發現在隔離朗晴坊有間Dream Cafe，價錢合理決定一試。 原來是一間休閒寧靜舒適的Cafe酒吧，兩個人坐下了，服務員細心介紹今日的餐單，我們點了二人set, $308可選A及B各一款(已包含餐湯或沙律），我們是食肉獸先選了香煎紐西蘭肉眼扒，而我朋友就選了蒜香黑松露炒雜菇寬闊面，點了菜之後已經嗅到廚房傳來香氣撲鼻的黑松露味道，闊面炒得乾身加上黑松露及奶油什菌，足料及香氣橫溢。忌廉湯及沙律菜很新鮮。肉眼扒配上什菌燒汁賣相一流。牛扒分量亦不少差不多大過我的臉，足夠兩個人食用，五成熟的牛扒肉質鮮嫩，牛肉味香濃。薄荷朱古力咖啡~薄荷味加咖啡的味道很特別。粉紅色的士多啤梨冰甜蜜微酸交集感覺好像初戀

四個女仔好耐冇見，想找一個可以吃東西又可以談談少女心事的地方，樓上Cafe實在是一個不錯的選擇！但是，旺角的樓上及非質素參差，要好好選擇一間好味的Cafe實在不太容易！這間Dream Cafe是我的心頭號，我光顧過不少次了，這天就帶三位姊妹過來吧！我們四個女子的胃口真的不能看小喎！每人點了兩個主食，兩個main cource，外加兩款小食，還有一人一杯飲品！牛肝菌忌廉汁燴什菌雞肉意大利飯，飯大大粒放入口，好正呀！蒜香黑松露炒什菌闊條麵，Creamy！十分香濃，醬汁香濃，但黃金比例的配合，實在令人覺得陶醉！肉眼扒，大大件，medium rare 不刮口！羊架幼嫩，蘇味不重，適合所有人食！嘴饞的我們，再追加兩款小食！以下是飲品，杯杯都好飲！不太甜又不太膩！

今次嚟到旺角呢間樓上Cafe試吓 地點就係朗豪坊隔離 平時成日去朗豪坊行街食飯貴到咩咁原來隔離就有幾間高質素價錢又平少少嘅餐廳 以後可以喺呢度食飯先至去行街lu🥩🥩🤩今次抱住黎試一試新野嘅心態點知有少少驚喜！ 今日早左少少上嚟佢哋6:30先至開始但係五點幾上咗 因為跟住要睇戲 老闆都好好俾我哋6:00就order每次食飯最頭痕就係叫咩 今次唔係好想諗所以就直情叫佢嘅兩人餐 $308/2人份 除翻開每人都係150到 價錢可以接受 應該平過朗豪坊是但一間餐廳🍴二人餐入面可以選擇兩個食物同埋要餐湯或者沙律 🥗 我哋叫咗一個餐湯一個沙律主餐方面 我哋叫咗一個牛肝菌忌廉汁燴雜菌雞肉意大利飯 入面有好多芝士🧀🧀🧀🧀🧀🧀芝士迷最愛最愛最愛!肉方面我哋叫咗一個香煎紐西蘭鮮肉眼扒配什菌燒汁 我哋叫咗medium 食落去一啲都唔硬 亦都唔會非常血生 熟度掌握得幾好👍🏻 份量都幾大塊兩個人分享食都夠食 🥩🥩🥩🥩另外佢個暑格都幾好食 但係如果落咗汁就有少少林左 建議大家可以叫佢汁別上 咁樣暑格就會好食啲🍟最後都係忍唔到口叫咗個小食黑松露薯條🍟$48薯條份量都幾大兜 不過重點應該係佢個黑松露醬!!!!!!! 用

呢日同朋友 喺旺角做完facial💓喺附近搵左間cafe食晚餐🍽見到有個幾抵嘅2人餐就叫黎試下😆.Dream Cafe 二人套餐（$308）1️⃣是日餐湯/沙律🥗是日餐湯係南瓜湯，飲落都唔錯，有微微南瓜味，唔係套creamy，飲落唔漏；沙律菜尚算新鮮，配以粟米粒及蕃茄仔，幾清新2️⃣香煎紐西蘭鮮肉眼扒配雜菌汁其中一款被選中嘅主菜係肉眼扒🥩皆因我好鍾意食牛，本來以為呢個價錢食到嘅牛扒唔會大塊得去邊🙈點知有半隻碟咁大，厚度有約1-1.5cm，個雜菌汁都唔錯，牛扒亦冇被過份乸到鬆曬，肉嘅質應算林身，但都會食到啲肉纖維嘅口感3️⃣蒜香黑松露炒雜菌闊條麵大愛黑松露嘅我當然會揀埋黑松露闊條麵啦💓原來配埋蒜粒炒仲惹味，好突顯到個黑松露同埋其他雜菌嘅濃郁香味，而且個意粉口感係Al dente，值得讚👍🏻唯一不足係油落得太多，食多左會有少少油膩感4️⃣士多啤梨茶/藍莓茶食完野，梗係要飲番杯野飲幫助消化啦，我同朋友揀左莓茶，諗住可以解膩，個人覺得草莓茶較好飲，帶微微草莓香，藍莓茶相對味道冇咁真實，似啫喱糖味.整體黎講，呢度都算易搵易去，喺朗豪坊隔離，而且價錢黎講相當實惠，性價比高，喺旺角行完街不妨去試下👍🏻.☕️Dream

今日完成人類創舉後在旺角晚餐，身體疲倦的我們 選擇了 一間樓上cafe食晚餐！ 即是星期日晚人流也不多，只有幾個人在餐廳。套餐可選主菜兩款，另外有兩杯飲品。Set for 2 二人套餐蒜香黑松露炒闊條麵 Saul e Ed wild mushroom garlic Fellueeini in Black Truffle Sauce素食主茶，意粉份量足夠，黑松露忌廉汁夠滑，意粉入到醬汁味道，又彈牙又夠味；另外還點了扒，所以不太heavy的扒更適合我。香煎紐西蘭鮮肉眼扒配什菌汁燒 Pan-fried NZ Rib-Eye Steak with Mushroom gravy點了五成熟，不算好大份，不過牛肉品質不錯，油脂足夠，有肉香味，煎得非常好外脆內嫩，每一口都肉汁，還算不俗。另外點了棒子咖啡和青蘋果綠茶作飲品。棒子咖啡 Hazelnut Coffee青蘋果綠茶 Green Apple Green Tea以上食物質素不錯，但不要抱有超高的期望，不過餐廳人流較地鋪餐廳少，位置又不佳，加上燈光營造出的氣氛，很適合兩個人或一班人聊一個晚上，若考慮此因素，餐廳的作價尚算合理，日後想環境舒適地食一餐的

兩個人去到Dream Cafe梗係要個夢幻二人套餐😁$308包餐湯/沙律、主菜及飲品各兩份首先黎個是日餐湯 - 蕃茄湯酸酸甜甜，又有蕃茄肉，幾開胃！主菜A,B各揀一款，包一款碳水化合物同一款肉，都幾抵食。A區 - A5 蕃茄忌廉海蝦燴意大利飯有足足5隻大海蝦，仲非常爽口彈牙。意大利飯質感唔會過腍，濕潤得嚟亦維持到口感B區 - B4 香煎紐西蘭鮮肉眼扒配什菌燒汁叫左medium，火喉控制得幾好，肉質正常，唔會煮到溶溶爛爛，另外，薯角香脆可口，但略嫌份量不足。夏日炎炎梗係要冰一冰佢！🥶兩杯餐飲都叫左沙冰，分別係朱古力曲奇沙冰(+17)同薄荷朱古力咖啡沙冰 (+$19)。朱古力曲奇嘅朱古力味突出，唔會太甜薄荷朱古力咖啡就薄荷味十足，係夏日清爽之選。

朗豪坊就去得多，原來喺朗豪坊cinema City隔離有一棟叫朗睛坊😆，原來都好多餐廳，一層一間！今次就去左5樓嘅Dream Cafe，雖然鋪頭面積唔算大，但係都坐得舒服同乾淨。我同朋友就叫咗個二人套餐，價錢相當合理都係$308加一佢係A+B噤配，加兩杯飲品🍹。我哋叫咗一個香煎大蝦🦐配墨西哥香辣蕃茄🍅意大利麵🍝同香煎紐西蘭鮮肉眼扒🐂配什菌汁🍄。另外仲有時日餐湯(羅宋雜菜湯)同沙律🥗。塊肉眼扒又煎得好香，超級juicy 仲有個什汁又整得幾好食，不過邊位就有少少肥，有啲人就鍾意食因為嗰啲肥位好重牛香，但我就一般般，所以都係切走佢無食！配菜佢就用咗幾條薯角同西蘭花，好食！另外個大蝦意大利麵，比預期更加好食，佢個意粉比較幼身，類似天使面，唔會太𣺉，幾彈牙。佢醬汁仲好好食，酸甜有鮮蕃茄碎同粟米，愈食愈開胃，搞到我哋食完都好似唔夠，大蝦已經係開邊煎，唔使剝殼，一址就食得勁方便！飲品我哋就叫咗榛子朱古力同薄荷朱古力，朱古力味相當濃郁，又唔會太甜，不錯！

同朋友想搵間可以坐得舒服d嘅餐廳邊食邊傾下計，就去左位於朗晴坊5樓嘅呢間cafe食飯。呢間餐廳好闊落，燈光微暗，仲有梳化，所以坐低傾計好舒服。今日嗌左個二人餐，包左兩碗餐湯／沙律、兩個主菜（a項食物與b項食物各選一款）、兩個甜品同埋兩杯飲品。我同朋友嗌左一個沙律同一碗餐湯share。沙律菜新鮮，仲有我地鍾意食嘅栗米同車厘茄。今晚嘅餐湯好特別，係青豆忌廉湯，青豆味濃，好fresh。我地主菜叫左牛肝菌燴雜菌雞肉意大利飯，同埋焗鱈魚。意大利飯好creamy，雜菌味同pasley味都好香，不錯。鱈魚焗得好香，入口即溶，廚師在焗好嘅鱈魚上面灑左少少鹽同黑椒，好惹味。鱈魚上面的醬汁係濃味的，如果喜歡吃原味嘅朋友可以考慮走醬汁。我地叫左兩杯飲品分別叫左茉莉花茶同埋薄荷朱古力咖啡沙冰，上茉莉花茶時，侍應好貼心，連埋兩隻杯仔一齊上俾我哋。茶味幾清香，我同朋友都鍾意。薄荷朱古力咖啡沙冰有驚喜。咖啡味幾濃，同一般在連鎖咖啡店飲到的不同。

今次體驗不錯，如果在旺角區想搵一間可以坐得舒服，食物質素又不錯的cafe，同朋友一齊坐低傾下計，可以一試。

今日約左三五知己，今晚和朋友又來旺角搵食!這裏D SET 套餐非常抵食 前菜有得揀沙律同湯今日湯就有得揀南瓜湯 , 湯底10分濃郁沙律都係新鮮食材 香焗香草蜜糖無骨春雞配燒烤汁(全隻)仲連埋雞髀, 幾正，雞肉入味，蜜糖同燒烤汁令燒春雞嘅香味更突出燒雞肉質好滑又juicy，好軟熟又易一刀切開牛肝菌忌廉汁燴什菌雞肉意大利飯醬汁香濃, 雜菌香氣逼人 飯粒盡吸牛肝菌既香濃味 !!白汁, 係意大利飯嘅靈魂所在 令成個飯好creamy, 一啲都唔乾 ,雞肉+飯粒分明而有咬口！榛子朱古力（凍）甜度適中， 值得推介以西餐來說這間cafe CP 值很高，值得一試!

今日又回到朗豪坊上訓練，又到午餐找食時間，上次去完二樓，今日就上五樓⋯⋯見到食評都唔錯，於是就去試下！一入台都有位，所以一行八人就坐低，氣氛都幾柔和，仲有午餐menu，大部分都58元，都算是合理價錢！今日叫了牛仔骨意粉，朋友就叫了炸魚薯條，仲有豬扒焗飯和燒春雞意粉⋯⋯上菜的速度真的有些攪鬼，我的食完，焗飯和燒春雞都未到，服務員的反應同阿閃都有得比。所以，真的如名字一樣，是可以等到發夢，朋友的燒春雞最後過了五十分鐘才到，真厲害！坦白講，整體食物是好味的，但就真的要好多時間去等，未必好適合午餐時間，或許晚餐同朋友嚟慢慢食會好些！