360
24
23
港鐵旺角站 E1 出口, 港鐵旺角東站 B 出口 繼續閱讀
電話號碼
35824225
90713319 (Whatsapp)
付款方式
Visa Master AlipayHK 支付寶 現金 銀聯
座位數目
60
其他資料
Wi-Fi
酒精飲品
自帶酒水
切餅費
VIP房
支持減塑 詳細介紹
電話訂座
加一服務費
電視播放
當面支付
食評 (431)
係朗豪坊睇完戲,當然搵好就腳既朗晴坊食野啦~都好多餐廳選擇,最後上左5/F既Dream Cafe~一上到去,門口用左紅色牆身,好sharp既顏色,仲好多時見到巴黎鐵塔🗼既蹤影😊,餐廳入面燈光浪漫,加埋皮梳化,感覺幾Elegant同舒服!Order二人套餐。包配餐湯/沙律,我地各要一客,南瓜湯好香甜,食到有南瓜🎃蓉,好味道!沙律配既黑醋令人好開胃,而且火箭菜都好鮮綠,夠曬Fresh~牛肝菌忌廉汁燴什菌雞肉意大利飯:上枱時見佢好白色,感覺有d擔心,不過食落就知龍與鳳,味道出色,意大利飯煮到一粒粒好有口感,汁既分量岩岩好,過多意大利飯就會變湯飯,太少又會好干,而牛肝菌味道好突出,令人流曬口水😊香焗加拿大豬鞍配胡麻醬:豬鞍都唔細塊,而且厚肉得黎夠嫩,容易切開!肉質唔會太硬,配埋胡麻醬,又幾特出到肉既味道~要比讚!熱柚子蜜、水蜜桃紅茶:柚子蜜分量多,唔係隨便比少少有個味就算,份量多夠味夠潤喉~食物味道比得上西餐廳,加埋舒適環境裝潢,真係令人好舒服享用晚餐😍Perfect! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-11
45 瀏覽
11周年西餐Cafe店出去旺角睇戲,食定個晚餐醫飽肚。平時都會喺朗晴坊呢幢大廈食嘢,喺樓下見到個餐牌都幾啱食,價錢都OK,11周年添,就上咗去食。餐廳裝修得都幾休閒,暗暗嘅燈光,都幾浪漫,加上cafe有精飲品提供都啱一班朋友坐低飲杯嘢,吹下水。兩個人叫左二人套餐,A1,B4,送湯或者沙律同埋嘢飲兩杯。忌廉湯個忌廉湯保留左少少薯仔粒,所以有咬口,唔會剩係得cream味,在自己加胡椒粉,yummy。A1香辣蒜片海鮮意大利麵呢個意粉炒得幾好,係用橄欖油炒嘅,乾身,意粉唔會好濕,所以都好彈牙,加埋蒜片,辣椒炒,食落好開胃。材料都OK,有蜆肉,蝦,帶子同埋青口,都叫做幾豐富,份量都唔算細碟,飽肚。B4香煎紐西蘭鮮肉眼扒配雜菌燒汁呢個肉眼扒叫咗medium rare,呢塊扒有少少肥膏,煎完都唔會好乾身,加上我係叫medium rare,所以塊肉都幾juicy。有個雜菌汁,同埋有少少蔬菜,紅蘿蔔做伴碟,補充番啲纖維都好。最後嘆番杯熱擰水同熱檸茶,等睇戲。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-03
1409 瀏覽
旺角,相信是每一個八九十後學生時代的回憶,記得還是學生的時候,吃飯的預算就沒有那麼充足,只可以去又平又好食嘅地方,同時又想環境好嘅,可以同同學仔一齊傾下偈或者約會。所以嚟講,當年嘅dream cafe就係我學生時候嘅飯堂,估唔到隔左咁多年,呢間cafe仍然屹立不倒,所以今日就去回味一下入到餐廳,果然又係同之前一樣,裝修都維持得唔錯,尤其是盞燈係用杯嚟造成嘅,非常特別,而且座位都係一樣咁寬敞,啱曬我同老友傾計慢慢食食物方面我哋揀咗個二人餐,可以揀兩個主菜,我哋就一於試下佢嘅招牌菜喇忌廉湯同沙律前菜可以二揀一,忌廉湯粟米蓉非常多,朋友話整體都唔錯嘅,唔會整到好杰沙律都係新鮮嘅,仲加咗啲醋,食落都係fresh 蒜片香辣海鮮意大利麵意粉非常足料,就咁數都有成五六種海鮮,除咗青口,蜆肉,魷魚,大蝦等等之外,最令我意外就係有帶子,絕非一般普通餐廳祇有蟹柳粒嘅海鮮麵。佢嘅意粉亦都炒得好乾身,少少辣同有少少蒜蓉味,整體感覺係唔錯嘅香焗加拿大豬鞍配胡麻醬呢度菜真係令我喜出望外,豬胺非常厚肉,食起上嚟亦都係好腍,咬落去肉汁都好澎湃,亦都有豬胺獨有嘅味道。講真,呢件扒真係好食過唔少更加高級嘅餐廳,而且仲平過佢哋添,絕對係推介洋甘菊花茶花茶帶有陣陣嘅洋甘菊味,同時花茶亦都配有蜜糖,要幾甜就可以自己選擇,飲落都幾舒服,亦都幫助睡眠嘅香蕉朱古力朋友飲哩個,佢話香蕉味都好突出,所以係幾好飲嘅總結就係,雖然過咗咁多年,但佢依然係價廉物美,食物質素好像比前幾年更加有進步,所以我應該會繼續喺呢度嘅常客 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-02
60 瀏覽
約朋友食飯,九龍區首選去旺角,貪呢到唔同類型嘅食肆都有。要舒舒服服傾下偈,當然要揀間好坐的cafe。今日行完Lego商場, 去咗附近朗晴坊的dream cafe, 好在有預早訂位, 晚飯時間都幾多人, book咗位就唔使喺等。餐廳環境舒適, 燈光柔和,座位以梳化櫈為主, 同朋友傾下偈就算坐耐啲都冇問題。晚餐有好多選擇, 有set dinner,又有A+B二人套餐。 價錢好大眾化, 三百零蚊已有兩個主菜, 餐湯同埋兩杯飲品。最終我哋揀咗A+B二人套餐,A. 香煎大蝦配墨西哥香辣蕃茄意大利麵B. 香煎澳洲羊架配牛肝菌汁是日餐湯係南瓜湯, 濃濃的南瓜香味,十分幼滑,仲有小小南瓜蓉。沙律配上日式沙律汁, 酸酸甜甜十分醒胃大蝦肉質鮮甜爽口, 意粉唔會過淋有咬口, 配上酸酸辣辣嘅醬汁, 非常惹味羊架份量十足非常厚肉, 我哋叫咗五成熟啱啱好, 外皮煎得香脆內裹嫩滑配菜有香脆嘅薯角、 西蘭花、 紅蘿蔔仔, 非常健康。碎朱古力曲奇沙冰, 香濃嘅朱古力味, 甜度啱啱好, 而且沙冰十分棉滑另外叫咗玫瑰花茶好驚喜係全set茶具,加埋蠟燭底座甘樣畀我哋, 花茶要泡5至10分鐘, 等茶味慢慢滲出嚟, 然之後再配上蜜糖。 簡直想心悅目完美配搭。臨走嘅時候,見到隔離枱嘅pizza,好似好正, 下次再嚟嘅時候一定要試下 店員非常有禮貌, 為我安排座位的waitress, 用心為我推薦餐牌菜式 繼續閱讀
(以上食評乃用戶個人意見 , 並不代表OpenRice之觀點。)
餐廳:Dream Cafe (旺角)地址:旺角砵蘭街215號朗晴坊5樓全層好多人經過旺角附近成日都認為喺朗豪坊行街就一定要係朗豪坊食飯,但係其實好多人都唔知喺Cinema City隔離係有一幢朗晴坊,而朗晴坊係有好多好嘢食今次就帶大家去到朗晴坊5樓嘅Dream Cafe,一入到Cafe就已經被一個好大嘅時鐘奪過眼目🕐另外都見到一堆寫著”Our Memory”嘅牆紙圖案💞不禁令人回想起一段愛情關係經時間洗禮之後擁有著無數的記憶,讓這段關係成為未來夢想嘅依靠同朋友二人嚟到,見到叫兩個set dinner嘅價錢稍微比二人套餐貴少少,所以我哋就決定叫一個二人套餐($309)share嚟食,而大部份set dinner嘅食物都可以喺二人套餐入邊搵到~分別可以揀一份肉類同一份飯或者麵,仲包餐湯或沙律,同埋兩杯$29飲品番茄忌廉海蝦燴意大利飯 海蝦有五隻,每一隻都好大好新鮮,食落仲好爽口添,番茄仔令成碟海鮮飯無咁單調,無論係顏色或者味道上都加添左顏色香焗香草蜜糖無骨春雞配燒烤汁(全隻)燒春雞一開二上碟,一開始望唔講仲以為係羊鞍😂同朋友一人一邊燒春雞仲連埋雞髀可以食都幾正,雞肉入味,蜜糖同燒烤汁令燒春雞嘅香味更突出,不過雞肉就有少少韌下次嚟到朗豪坊,唔好再咁單一只係識得喺朗豪坊搵嘢食,其實朗晴坊都有好多好嘅Cafe同餐廳㗎 繼續閱讀
(以上食評乃用戶個人意見 , 並不代表OpenRice之觀點。)