Dodam Chicken (1亞太中心) (已結業)

見到亞太中心嗰度都幾多餐廳，所以放工後約咗老公去食晚飯，因為前排已經想食炸雞，所以決定去呢一間！平日夜晚唔算多人，但係都有啲人流餐廳好好幫我哋安排咗窗口位，好舒服😌呢度嘅餐牌好多嘢食，淨係雞都有四頁，最開心係有得揀烤雞！如果唔想食炸嘢，揀烤雞會健康啲！最緊要好食，又冇咁肥呀嘛！嗌咗個蜂蜜檸檬牛油烤雞，千祈唔好唔記得擠檸檬🍋擠左個味道淨勁遠😂切開個雞髀，睇到裏面肉汁都豐富，啲肉都算係滑嘅😝呢個份量係全份，最終同老公都要打包返屋企，都食唔晒！嗌咗芝士雞蛋捲，裏面嘅流心芝士真係讓人好興奮😆出邊嘅醬應該係黃芥末同茄汁！醬汁加埋雞蛋捲，絕對係Perfect match！如果淨係食雞同埋雞蛋捲好似爭咁啲嘢，所以嗌埋呢個韓式粉絲鍋！呢個粉絲係即炸，上枱嘅時候熱辣辣，記得要點湯食！佢會爽曬啲汁好好味😋因為兩個人去食其實食唔到好多，佢啲嘢都係大大份，如果三個人去食，我會建議叫佢嘅招牌芝士拉麵！😝

暫時係食過最好食嘅韓國餐廳，一定會encore crazyy RISPY SWEET SOY SAUCE CHICKEN叫左全份韓式甜豉油脆雞，應該有～12舊，甜豉油皮入味同埋真係好脆，食落有啲似冰糖葫蘆🤣而且通常有骨嘅炸雞都勁鞋，呢間balance到肉唔鞋得離又少肥膏，keep到少少juicy👍🏻BLACK TRUFFLE CARBONARA TOPOKKI估唔到份量咁多，同埋個黑松露卡邦尼醬係厚身濃郁，年糕食落似mochi有咬口又唔粉😋配料都幾多種類，有芝士獅子狗、煙肉、魚糕片、菜etc VANILLA YOGURT SMOOTHIE 第一次試雲呢拿溝乳酸，估唔到都幾夾，飲落唔會覺得太甜👍🏻

🐥 #觀塘 #DodamChicken觀塘友又有lunch好去處🥳 今日同同事嚟到亞太中心嘅Dodam Chicken食好西，揀咗三樓呢間韓國嘢，呢度嘅炸雞烤雞都好吸引！同事都叫咗，我就叫咗比較健康嘅招牌沙律🥗，再同佢哋share咗個芝士雞蛋卷🍳😍招牌沙律🥗 好大份，有各種沙律菜同蔬果，仲有nuts，加上芝士同胡麻醬😚 多種不同嘅顏色同營養，igable、健康又好食！芝士雞蛋卷🍳 大推！拉絲芝士好正，係一切開個蛋啲芝士就會爆晒出嚟😋 蛋嘅份量又多又香滑，仲有蟹籽添🥰最後仲叫咗杯Mocha💓🙆🏻‍♀️

Dodam chicken 今日同同事一齊食晚餐就去左食呢間韓國野今次叫左炸雞同薯條食呢間既炸雞既炸粉比較薄我自己都幾中意而薯條就炸得唔太好食一拎黎就凍左DD有D 可惜~可以再食既一間餐廳

今日行觀塘，揀左間韓國餐廳食烤雞，我地未到放工時間嚟，所以都有卡位。座位闊落坐得幾舒服。我地2個人叫咗一份招牌年糕，入面除咗有魚糕同腸仔仲有芝士獅子狗，年糕唔會太硬，味道似香辣肉醬意粉嘅味道，最好係佢夠多汁，每條年糕都好夠味又唔會太濃😋另外叫咗份蜂蜜牛油香蒜焗烤雞，一份嘅份量都幾多，大約有12件，烤雞等嘅時間會長少少，但一上枱就好香牛油味。食落除咗有蜂蜜嘅甜味都會有蒜既香味。好難得牛油、蜂蜜、香蒜嘅比例啱啱好，3種味道好融洽，不知不覺就一件接一件，每件嘅皮都有焦脆嘅口感👍🏻而且好juicy!野飲叫左杯Somersby Apple Cider, 佢係上面Apple Cider 下面蘋果汁，比平時Apple Cider冇咁甜🍹

Dodam Chicken (觀塘)位於觀塘亞太中心3樓的韓國餐廳, 由觀塘站A2出口行5分鐘左右就到,唔算難搵! 平時食開太多cafe, 朋友今日就帶我來點不同! 入到去立即俾佢ge大玻璃窗吸引住!裝修睇落幾high class, 但野食價錢又唔算貴wo! 佢有部LED大電視播住K-pop MV, 真係好正打開menu 發現真係好多食物同飲品ge選擇! 好多野都想試下! 我地最後叫左:黑松露薯條 $78除左粗切薯條, 入面仲有一半係甜番薯條! 每條薯條出面都有黑松露粒平均分佈在表面! 正! 份量勁多! 每條薯條都平均沾上黑松露粒, 估唔到佢仲mix 埋甜番薯條! 而且好香脆!!香蒜炸雞 $198店員問我地想揀有骨定無骨,想原汁原味食, 所以揀左宥骨! 另外如果驚太熱氣, 可以揀焗烤雞! 今次我揀ge 香蒜炸雞嫩滑多汁, 而且外皮又脆又入味! 仲要好大兜, 有好多件, 兩個人share 已經覺得好飽!👍上碟個陣仲跟埋醃蘿蔔，酸酸甜甜, 非常開胃!!鮮榨青提子汁 $58完全無加冰 真係新鮮青提子榨出黎,真材實料, 入面仲有D 青提子肉 食完炸野可以健康一下海鮮煎餅$145估唔到咁大碟 食

🐷［Dodam Chicken - 1亞太中心］📍 觀塘觀塘道414號1亞太中心3樓1號舖最近成日loop到啲邪惡芝士野食片🤪好大磚用刀刮一大pet個款芝士好似又唔覺有得買🥲搞到超級芝士控嘅我勁想食芝士呀！！原先諗住係去cafe食野chill下但間cafe真係長期都好多人唔好嘥時間啦~轉場啦！去滿足我想食芝士嘅慾望🫡久違的再次食呢間過江龍韓式炸雞店🍗🍗三重芝士脆雞哇！邪惡拉絲芝士🤤🤤🤤好濃郁嘅芝士味 份量啱啱好唔會太膩好多舊炸雞 一啖一舊薄薄嘅炸粉包住又嫰又juice嘅雞肉外脆內軟 加埋芝士包住食 perfect🤤🤌🏻🦑韓式海鮮煎餅去親食韓國野都一定會叫🤣成塊Pizza咁大 都幾厚吓架料多好豐富 啖啖都食到啲海鮮中間煙煙韌韌 邊邊脆卜卜 好掛住係韓國嘅日子呀🥺🍕古岡左拉芝士薄餅古岡左拉芝士 (Gorgonzola) 係一款源自意大利嘅藍芝士我地所講一嘅發霉 / 臭芝士呢款配搭嘅Pizza…好特別嘅味道🤔🤔甜甜嘅蜂蜜配上咸咸地嘅芝士一開始會覺得怪怪地 蜂蜜會有啲甜但佢用咗燕麥做餅底中和咗甜膩嘅感覺 仲越食越滋味🫣🍜冷湯麵差唔多食完嘅時候 硬係覺得爭咁樣野最後決定嗌多個水冷麵食🤣🤣夏天熱辣

Dodam chicken 呢間餐廳之前喺銅鑼灣食過，覺得啲食物味道都唔錯，而且份量十足，所以最近見到原來喺觀塘都有分店，所以即刻約咗住喺觀塘嘅朋友一齊去食。餐廳位於亞太中心嘅3樓，唔駛等超多人嘅list上去👍🏻我哋一行三個人，叫咗一份辣卡邦尼炒年糕，芝士雞蛋捲，蜂蜜香蒜脆雞同一大jar士多啤梨梳打。落咗單冇幾耐，職員就陸續送上食物，上菜嘅速度都好快👍🏻至於食物嘅味道都很好，辣卡邦尼年糕好有驚喜，年糕好彈牙煙靭，係我哋鍾意嘅質感，絕對會因為呢個年糕再次返嚟食🤩蜂蜜香蒜脆雞份量好足，我哋三個女仔嘅食量都唔係好大，諗住叫半份試吓味，點知原來本份都有咁多， CP值超高！至於芝士雞蛋捲就正常發揮，醬料配搭很好，將蛋黃醬、芥末醬同茄汁放埋一齊簡直冇得輸！

呢排好多新韓劇上，緊係要追下潮流食下韓國野🤣今日去開觀塘，就去左佢觀塘嘅分店，非常近地鐵站，好方便。去到餐廳見到環境都好大好舒服，喺門口都已經聞到好香嘅炸雞味，忍唔住就入左去坐低😂環境好闊落，兩個人都坐得好舒服，而且食物選擇都有好多，除左炸雞之外，仲有其他韓國菜，連pizza都有！我地兩個人叫左半份蜂蜜牛油香蒜炸雞，一上菜超級香！非常重嘅蜂蜜同蒜蓉味，而且熱辣辣，外皮好脆，但內裏嘅雞肉仍然保持到好嫰滑，好味道😋而且非常細心會有手套，咁就唔怕污糟喇！夏日炎炎又食咗炸雞，所以叫左份辣味冷麵消下暑、解下膩。分量非常多，兩個人都夠食，而且湯底有啲雪梨同青瓜，食落好清新，少少辣味岩岩好👍🏻👍🏻無論係炸雞定韓國野食都相當唔錯，見佢平日午市同下個午茶仲抵！下次經過都會再試多次！

疫情之下冇得去韓國🇰🇷同朋友食咗呢間韓國餐廳之前聽人介紹過但一直未有機會去_今次book咗觀塘整體環境舒服！_叫咗粉紅色年糕本身佢係少辣整體味道好好而且層次好豐富有椰菜粉絲做配菜💕💕再配上洋蔥一齊煮年糕煙煙韌韌唔會煮得太林_仲有蜂蜜蒜香炸雞叫咗半份炸雞有雞髀 雞翼仲有兩至三件胸肉份量兩個人食啱啱好！外脆 好香蜂蜜味🐝🍯🍯🍯炸雞配酸蘿蔔簡直係絕配💕💕💕💕_食物整體價格合理下次同朋友聚餐都可以再嚟😝

觀塘依家都多美食，但大多數都係工廠區，一係就APM商場，原來係APM隔離都有個美食商場，就係1亞太中心，入面有好多層，層層都有唔同種類既餐廳，可能係最近成日煲韓劇緣故就勁想食韓國野，今日就同朋友去試下呢間Dodam Chicken🐓Dodam Chicken係位於3樓，一眼就見到好光既招牌，入面環境好舒服，有幾張卡位係望住觀塘景，但可惜我地無得位卡位，座咗另一邊但都好寬敞，店舖仲有部電影不停播住韓國K-POP歌曲添一場黎到當然試下招牌原味焗烤雞，一上枱勁香仲要勁大份，同時有兩隻醬料比我地添，分別係芥末醬、甜辣醬，當然唔少得解油膩既酸蘿蔔，烤雞肉都幾多汁，同埋做到外脆內軟，我個人鍾意點芥末醬一齊食，味道再多變化啲另外又叫鮑魚人參雞湯，一入口有陣陣既人參甘甜味，湯料就梗係有鮑魚、雞，鮑魚係大大隻連殼，食得出係好新鮮，而雞有兩隻大雞脾🍗🍗都好入味，其他配料有金菇，粉絲，正正正最後叫咗杯柚子乳酪沙冰，好清新，飲落仲有少少柚子粒粒，配烤雞簡直係一流

今日點了人蔘雞湯，黑松露卡邦尼年糕，芝士辣炒麵，蜂蜜奶油炸雞。必點炸雞，份量十分大，半份都已經足夠3人食。而且炸雞入味，肉質嫩滑。人蔘雞湯應該係店自己煮，足料且美味，並不似部分店舖翻熱即食人蔘雞湯包。辣炒麵非常辣，但辣得來，又忍唔住不停食。🤣

Dodam Chicken餐廳地址：觀塘觀塘道414號1亞太中心3樓1號舖，係觀塘站A2出口一出行5分鐘就到👍位置方便✅️今次係星期一大約5:30左右入座，好彩早入座，可以坐窗口位😍餐廳好大裝修好靚，以深藍色為主，餐廳重會播住K-pop陪大家一齊食飯💗真係好有氣氛好開心！餐廳服務員態度友善👍食物方面，一睇menu：嘩!！不論係食物、飲品都好多選擇！好多都好吸引好想食🤩一定要同朋友黎多幾次先得😝最後order左一個蜂蜜牛油香蒜焗烤雞$198同芝士蛋溶岩泡菜炒飯$138，飲品叫左Yuja(柚子）yogurt smoothie $58，三樣都好好食😍焗烤雞味道好突出，雞件嫩滑多汁🐔一份有好多件，大約有15件左右，好好食👍仲配左個醃蘿蔔，酸酸甜甜好開胃！芝士蛋溶岩泡菜炒飯一上台就已經聞到好香蛋味😍 飯入邊有煙肉添，令到成個飯好香口感好好😝飲品味道好好🍹，岩曬宜家天氣咁熱🌞下次有機會一定會再黎呢間餐廳😍

Dodam Chicken (1亞太中心)觀塘觀塘道414號1亞太中心3樓1號舖===================香蒜炸雞 $198店員上菜時提供膠手套俾我地, 仲有個兜裝骨! 好細心呀! 真係乾淨又衛生!!D 雞皮炸得非常香脆!! 而且蒜味唔會太出,反而醬汁味出D, 味道岩岩好!! 雞肉好鮮美,非常juicy! 黑松露薯條 $78份量勁多! 每條薯條都平均沾上黑松露粒, 估唔到佢仲mix 埋甜番薯條! 而且好香脆!!海鮮煎餅$145熱辣辣的! 煎得香脆，上面有好多蔥同唔少海鮮! 好有韓國味道!!Grapefruit Juice $58新鮮榨的, 好多提子果肉!! 估唔到無加冰, 真係拎勁多提子榨出黎, 當柚子茶都$38 ge 時候, 加多少少錢飲呢個仲抵 🤣🤣🤣Overall 一人$300 左右，對得住個價錢！

半半pizza $158 叫左B set GORGONZOLA + BLACK TRUFFLE & MUSHROOM。 Gorgonzola 係有mozzarella cheese 加blue cheese 鐘有一啲菇。Blue cheese 鹽味濃，同淡淡嘅mozzarella cheese 一齊食好夾。 Black truffle &mushroom 落左好多truffle 醬，個pizza 一黎到我同朋友就已經閒到陣香味。蜂蜜牛油脆雞$205個雞整得好好，個皮嘅炸醬層好薄同好脆。而且蜂蜜多到個炸皮每一個位都食到好甜。牛油味好香，食落去好惹味。雞又係比左脾嘅嗰部分，好嫩滑。鐘意食炸雞嘅人就唔好錯過啦。韓式海鮮煎餅$145 煎餅好大份，入面又有魷魚，蝦同帶子粒。煎得好薄，又唔會好油。餐廳好細心，會切細一份份先serve ，方便同朋友share。柚子Soda$108 叫左一炸柚子ade 。Ade 多數都係果汁加梳打水。柚子味好清淡咁洗走炸雞同煎餅嘅膩，refresh 一下口腔。而且又唔會太甜，balance 一下成餐飯。梳打嘅sparkling 感覺同炸雞好夾！