Dodam Chicken (1亞太中心) (已結業)

Dodam chicken 呢間餐廳之前喺銅鑼灣食過，覺得啲食物味道都唔錯，而且份量十足，所以最近見到原來喺觀塘都有分店，所以即刻約咗住喺觀塘嘅朋友一齊去食。餐廳位於亞太中心嘅3樓，唔駛等超多人嘅list上去👍🏻我哋一行三個人，叫咗一份辣卡邦尼炒年糕，芝士雞蛋捲，蜂蜜香蒜脆雞同一大jar士多啤梨梳打。落咗單冇幾耐，職員就陸續送上食物，上菜嘅速度都好快👍🏻至於食物嘅味道都很好，辣卡邦尼年糕好有驚喜，年糕好彈牙煙靭，係我哋鍾意嘅質感，絕對會因為呢個年糕再次返嚟食🤩蜂蜜香蒜脆雞份量好足，我哋三個女仔嘅食量都唔係好大，諗住叫半份試吓味，點知原來本份都有咁多， CP值超高！至於芝士雞蛋捲就正常發揮，醬料配搭很好，將蛋黃醬、芥末醬同茄汁放埋一齊簡直冇得輸！