Dodam Chicken (1亞太中心) (已結業)

今日去咗觀塘返工,同事帶咗去食韓國嘢,無論炸雞同埋湯飯都好韓式風情,所以諗住推介一下。Dodam Chicken 地址，觀塘道414號亞太中心3樓。餐廳嘅環境好舒適，地方好闊落，喺度食飯坐得非常舒適。餐廳嘅泡菜係任食，只要自己去自助區拎食幾多都可以。香脆雞，上枱已經聞到香味，每件雞都炸到金黃色，入口外脆內熱，雞皮炸到非常酥脆，雞肉肉質仲係好嫩滑，食落去仲係好多汁完全鎖住肉汁。加另外醬汁調校得啱啱好，沾少少一齊食，味道層次更加豐富，真係好香口好惹味。鮑魚人蔘雞湯飯，人蔘雞湯真係去韓國必食，味道清香得來帶少少人蔘嘅甘香味，雞嘅鮮甜味已經完全融入個湯入邊，用嚟配飯食真係好正。最正就係跟泡菜一齊食，好似去咗韓國咁。韓式牛排骨湯，骨湯煲到帶點白色，將牛骨嘅鮮味融入晒啲湯入邊，牛骨肉質非常嫩滑，加上有少少油脂香味，牛肉味特別香濃，另外湯入邊有少少金菇，冬菇，味道好鮮甜，原粒嘅冬菇好厚身，食落去好有口感。令到湯嘅鮮味提升。餐廳無論環境，同埋食物嘅質素都做得非常好。

今晚同朋友2個人黎左食炸雞，我地叫左3樣野食~ 首先黎既係芝士雞蛋卷，佢一上枱我已經窒左一窒，咁大份既~ lol ，然後一切開黎睇，我同朋友都嘩左一聲，因為啲芝士爆漿咁流出黎，證明佢好多芝士同好夠熱，而且個蛋仲係滑滑地，加埋上面既幾款醬汁同蟹子一齊放入口簡直係一種享受!之後就到海鮮拉麵，呢個拉麵係可以揀辣同唔辣，因為同行既朋友唔食得太辣，所以我地揀左唔辣~ 呢個拉麵入面好多料，而且份量都唔細，我地用碗仔食，每人都食到2碗滿既麵，唔食辣既朋友好鍾意，但我覺得如果辣既話應該唔係好食，而係好好食~  lol最後就到個香蒜脆雞，呢個雞可以揀半份 (唔係每款雞都可以揀)，啲雞黎到時真係熱辣辣，個外皮好脆，入面啲肉又好滑，蒜味好香，連雞胸啲肉都唔鞋，正!食到最尾我突然望到張餐紙，有啲單字喺上面，仲可以順手學埋韓文~ 而且餐廳既員工都好nice好有禮貌，我同朋友都坐左2個幾鐘，無特別叫其他野飲，但係侍應哥哥姐姐都keep住斟水俾我地 (但係我想講其實間餐廳係full  house, 佢地都好忙，所以好抵讚)~其實我最想試既野食係芝士年糕拉麵，只可惜呢個朋友唔食辣，加埋呢間餐廳既食物質素，一定有下次呀

Dodam chicken 位於觀塘亞太中心三樓，餐廳雖以正宗韓式炸雞為主，但其實餐牌選擇非常多，午餐時段更有多款set lunch 選擇，豐儉隨心。二人午餐點了韓式海鮮煎餅及芝士辣烤雞拉麵，海鮮煎餅確實出色，海鮮材料豐富，煎餅帶脆而且調味適中，更可配餐廳自制醬汁進食，必點推介。第一次嘗試芝士辣烤雞拉麵，份量相當足夠，韓式微辣醬汁撈拉麵，有啖啖肉嫩滑烤雞，韓式魚片吸收醬汁味道，好食。加上兩杯柚子及藍莓乳酪，可幫助減油膩感，非常滿足的一個午餐。

今日出差重回舊地，去到觀塘，聽朋友介紹有間 Dodam Chicken 大件夾抵食，午餐去試一試。餐廳位於亞太中心三樓，午餐時間座無虛席，建議提前入座，以免輪候太久。餐廳以韓式炸雞為主，午餐有Set lunch 選擇，豐儉由人。韓式海鮮煎餅$155，海鮮材料極多，脆卜卜好好食，加埋餐廳秘制醬汁一流。芝士辣無骨烤雞拉麵$208，芝士配韓式辣汁拉麵，仲有韓式無骨烤雞啖啖肉，芝士份量超多，韓式辣汁辣度輕微，配撈麵確實好食。

今日去觀塘地鐵站側的亞太中心3樓Dodam Chicken食下午茶。下午茶時段星期一至五(公眾假期除外)由3pm至5:15pm，有多種抵食下午茶餐供應，有烤/炸雞，飯，麵，年糕，薄餅，小食等。每個餐有免費冷/熱飲，也可加$升級飲品，自選餐牌的飲品七折。我們叫了兩個下午茶餐和一份原味焗烤雞。炸和烤雞款式很多，有辣有唔辣，有些較輕盈，有些較重口味，有骨無骨任君選擇，又可相併。我們愛吃有骨雞，今日叫了原味焗烤雞。雞很大份，一碟有十多塊，有雞髀，雞胸肉，雞翼，雞背脊等，雞皮脆肉嫩，調味適中，肉質靚，雞肉保持肉汁，不用點醬都好好食。酸蘿蔔爽脆開胃，食烤雞必食。黑松露蘑菇薄餅新鮮熱辣，一個分八份，麵團發得很好，餅薄身皮脆，充滿芝士和菇及橄欖油的香味，甜甜地好味道。韓式粉絲卷材料雖簡單，紫菜捲住粉絲沾粉醬炸，即炸即吃點些甜醬好味道，菜沙律洒滿芝士粉好味爽口。士多啤梨奶昔香滑鮮甜又大杯。食得又飽又滿足，今晚不用再吃晚餐。店員服務態度好又有效率，店座位舒適，坐在卡位一路聽K Pop，吃炸雞，望下窗外浮雲和車水馬龍，好寫意。

今日放假朋友去咗好大型嘅觀塘APM行街加睇戲，一早就巳經出到去，仲要睇早場，睇完早場，已經成一點了，又係午飯嘅時候，朋友介紹話上次食過一間韓式餐廳好好食，今日就帶我嚟試吓啲set lunch ，果然冇令我失望，入面地方非常寬敞，每張枱上面都有一盞燈，相信夜晚嘅時候更加浪漫，今日我坐窗邊位，非常舒服，冷氣有足夠，餐廳入邊不停K-Pop music , 無限loop 😍每一個午餐都有一款飲品可以選擇自己行出去雪櫃揀今日我哋三個都揀咗烏龍茶不過就有着不同嘅味道，荔枝，鳳梨，黑糖其中一個午餐叫做鮑魚人蔘雞湯飲一啖湯但係有少少甘味入邊原來有兩大條人心湯料入邊有一隻鮑魚一隻雞髀，仲有少量嘅金菇同埋韓式嘅粉絲，雞肉做到好嫩滑，煲完之後個雞湯都好香濃，入面仲有一大粒冬菇，冬菇非常厚身，入口彈牙，好有口感，午餐跟咗一碗白飯，食完之後非常飽，滿足另一個午餐就叫了一個香脆雞，韓式炸雞是我非常喜歡食物之一，他表面炸到金黃色，一入口表面卜卜脆， 又帶酥脆，食落有種淡淡的香味，十分鬆化的口感，而且中間雞肉嫩滑有肉汁，多汁的雞肉在炸的时候，充分保留了里面雞肉的嫩香，也锁住了雞肉的汁，口感很好，配上他的醬料一齊食十分

炸雞好好味及牛肉年糕D湯好甜但老闆娘不斷做出D動作要你快D走所以不會有下次。詳細內容餐廳環境OK星期五晚上七點前完全冇人，七點後就好多人，全場滿晒，蜜糖炸雞，好好味，韓式炒年糕粉絲啲湯好甜，好好味。韓式海鮮薄餅不好味👎原條魷魚麻麻哋總共叫了四樣食物，有一半不合口味，店員服務態度ok,不過不失。唯一不好，老闆娘不斷做出啲想你埋單走人的動作因為未食完就講你走，所以一定不會再幫襯。一定不會介紹朋友嚟，整體不開心。食飯最不開心就係啲人好似不斷要你走，真係好不開心😡。

上個星期日晚嚟咗呢間觀塘Dodam chicken，見佢食炸雞烤雞都幾出名，一於慕名而來😍😍因為得兩個人所以都叫唔到太多嘢食，所以揀咗牛肉炒粉絲同埋芝士辣烤雞😝 雞方面佢有好多唔同款，見呢個係佢推介又有芝士就揀咗呢款了🤣🤣 飲品我就叫咗Stawberry Smoothie～落完單之後好快就上飲品，Stawberry smoothie無咩驚喜，就係平時出面飲到嘅味🤣🤣 等咗一陣就上埋炒粉絲，佢呢個炒粉絲同平時有少少唔同，係偏扁同寬，但口感都不錯👍🏻👍🏻 牛肉份量都唔少！但有少少失望嘅係食完成碟粉絲個烤雞都未上🥺 同埋烤雞上嚟嗰陣都只係微暖唔係十分熱😢 不過佢嘅份量好多，仲有炒年糕、菜、芝士獅子狗等等配菜～ 雖然佢話係辣但作為一個唔係咁食得辣嘅人都覺得冇咩辣味🤣🤣🤣 怕辣嘅人都可以放心叫！👍🏻👍🏻 兩個人食晒兩樣嘢已經好飽～ 🥰🥰另外仲想講呢間舖頭嘅冷氣好大，而且坐嘅位置仲要係被風吹正，坐得唔係幾舒服🥹🥹 提提大家帶返件外套會好啲！

今日去左觀塘整相機，順便係附近搵食，見到有間食韓國野，又想食下韓國炒粉絲就入左去😆點知入到去發現原來無得叫韓國粉絲，因為只要叫任何lunch set 都係可以自助任拎炒粉絲😂😂 咁就叫左一個養生啲既韓式牛扒骨湯飯Set（$108）睇返Lunch menu真係好抵，比起晚市平左一半，仲要送飯品同自助小食。我想飲熱飲，又唔想飲柚子茶，就加左錢要熱檸茶。小食Bar可以任拎泡菜同韓國粉絲，好好食😆跟餐可以送一款飲品而牛扒骨湯超大份，牛都有好多件，而個湯好重牛味，仲有啲紅棗，成件事好養生又好食。湯入面仲有韓國粉絲同雜菌菇，最後食唔晒個Set😂 啲牛真係大塊到個碗咁大😂下次有機會要再試下佢啲炸雞，Lunch menu真係好抵😁

今天去觀塘做小小事，工作完成，經過觀塘亞太中心，聽說亞太中心有好多美食，這裏真的很多美食喎。！想食韓國菜於是上了三樓，找到一間叫［Dodam Chicken ］的韓國餐廳這裏裝修不錯，環境開陽好光猛 ，啲凳排列得好整齊， 比人好舒服好寬敞的感覺。餐廳午市都有lunch set供應，選擇非常之多，都十分優惠，好抵食。而且係自助式的，自己拿泡菜同埋粉絲，食幾多拿幾多，十分環保，不會浪費。 這個 set 還有跟一個飲品自由選擇。我點了一個蜂蜜牛油蒜焗烤雞，雞皮食落非常之脆薄，脆雞肉好柔軟嫩滑，又好juicy，蜂蜜的甜味適中，加埋牛油的香味，真係一個絕配。 黑松露卡邦尼年糕， 又係一個絕配，用黑松露嘅香味帶出用卡邦尼炒嘅年糕，年糕非常軟滑，十分惹味，令人回味無窮。這間餐廳是值得再來光顧嘅餐廳，抵食和有水準的韓國菜餐廳。

今日約左觀塘飯腳食飯, 諗起好奈無去韓國, 突然想食韓國野, 於是就唻左 Dodam Chicken 食個午飯, 食韓國菜一定叫鮑魚人蔘雞湯, 食午飯都要豪一豪, 材料充足有兩隻大雞腿, 有少量金菇及蔬菜, 味道濃郁, 充滿雞味, 但又無雞油係面, 算是有花功夫處理. 另外配以白飯, 人蔘雞湯送飯食晒成碗. 另外提提現場有任食小菜Bar, 可以任添食泡菜及韓國粉絲另外點了一個意大利蕃茄芝士PIZZA Margherita，薄薄一層餅皮，抹上羅勒番茄醬，放水牛奶芝士，別的材料都不需要，只有簡單的薄批底，而且烤得香脆，上面有清甜濃郁的車厘茄、大量mozzarella及水牛芝士，香味濃郁， 一件2人食剛剛好。

昨天到訪餐廳午餐，遇上兩位真心落力幫忙的男侍應，因我發現同行家人的安心出行出現問題，自己未能成功處理，我已本住買外賣的心態，但餐廳兩位男侍應落力為我們了解，想盡可行情況再嘗試，最後其中一位男侍應「眼利」，他發現家人的電話日期時間亂了，應該是此問題影響到，最後真的成功修正問題，藍碼順利過關，可以入內進餐，沒有家人失望！在此感謝兩位侍應的幫助！我們3人行到餐廳點了蜂蜜牛油香蒜焗烤雞及韓式海鮮煎餅，兩款食物比平時既質素更高，食物上台時均熱辣辣，烤雞嫩滑又入味，煎餅亦很香脆可口！極力推薦👍🏼👍🏼👍🏼

香港其實真係好多炸雞店，但係今次食嘅Dodam Chicken 可以話係我暫時食過嘅頭三甲。我會再黎食㗎～✅牛油蜜糖蒜頭烤雞 $ 208 /半份即叫即整嘅帶骨烤雞🐔，大概要等20分鐘左右。烤雞個皮好脆，裡面啲肉好juicy🍗💦，而且份量好多！上面有啲杏仁碎，同埋大量蜜糖汁🍯，雖然蒜頭味唔係好重，但係成件事都好好味！ ‼️絕對可以encore～ 個烤雞會有一碟酸蘿蔔配菜，可以食嚟解膩，不過其實我食勁多都唔漏...😏 ✅芝士年糕拉麵 $ 175呢個好似部隊鍋咁嘅鐵板年糕拉麵都好推薦❤️😘，裡面有魚板、芝心獅子狗、年糕、辛拉麵同泡菜，周圍有一圈拉絲芝士，極度邪惡❤️‍🔥。個人覺得唔算好辣，Menu 都係 mark 一個辣椒仔。推薦～

又過嚟觀塘搵人食晏，上次去咗 1亞太中心 3 樓食西餐，今次一於換下口味，嚟同層呢間來自韓國嘅「Dodam Chicken」食烤雞。餐廳裝修不俗，環境開揚光猛，卡位旁邊配有半落地大玻璃窗，時尚感及空間感十足，加上檯凳編排得一點也不擁擠，感覺特別通爽舒服。餐廳午市有 Lunch Set 供應，選擇非常之多，定價親民，而且仲可以自助享用泡菜及韓式炒粉絲同 1 Free Drink。韓式粉絲炒得好惹味，食落爽口彈牙；泡菜辛香酸辣，用嚟做前菜就最適合不過，相當醒胃。主菜我哋揀咗原味焗烤雞 ($78) 同 韓式炒牛肉拌飯 ($80)。雞隻據說係用店內嘅 Pizza 焗爐以超過 400°C 熱力烤製，食落雞皮薄而脆，雞肉柔軟嫩滑，入口完全沒有半點多餘嘅脂肪，加上 Juicy 嘅質感，實在非常之有驚喜！至於另一客韓式拌飯，用料亦唔馬虎，除了主角牛肉外，仲有菠菜、紅蘿蔔絲、冬菇、大豆芽、翠玉瓜和煎蛋，層次相當豐富，分量十足。辣醬分開上，客人可以自調辣度，將個辣醬撈埋落啲飯度一齊食，辣辣地，非常惹味，真係無得輸。隨餐還附有一碗冬菇湯，飲落順喉舒暢，很不錯。

平時食韓國炸雞🍗都閒閒地$200一個，但係其實Kaka 都好鍾意食韓國嘢同埋炸雞! 同埋好掛住韓國🇰🇷！平日帶個女去觀塘行吓街，行到肚餓就搵吓有咩好嘢食，喺APM隔離嘅亞太中心，有間韓國🇰🇷過江龍🍗炸雞，原來佢哋平日下午茶都有做緊下午茶套餐，最平$48就食到！估唔到選擇勁多，有無骨炸雞🍗、年糕、炒飯、年糕、拉麵🍜，仲有黑松露🍟薯條，每個套餐都包咗飲品！仲可以加錢要Soda & 奶昔🥤！香辣🍗脆雞 （$65）配罐裝飲品即係甜辣炸雞，呢個價錢食到韓式炸雞真係抵食到爆！嚟到見到份量都好多喎！目測都有十幾舊，雞肉全部都冇骨，外皮熱辣辣好香脆，配埋黐立立的甜辣汁，食落真係好惹味😋，食極都仲想食真係好邪惡呀‼️不過就冇比酸蘿蔔我哋，唔知係唔係比漏咗，如果食完食返啲酸蘿蔔中和下油膩咁就Perfect！金沙雞肉櫻花蝦炒飯 （$65）配罐裝飲品嚟到見到放喺飯上面炸咗嘅洋蔥圈真係好吸引，有好多櫻花蝦 & 雞肉，不過炒飯有點太乾，味道唔係想像中咁好味，而且唔係好食到鹹蛋黃嘅味道、但起碼食完唔會全個碟底都係油，不過最奇怪竟然係個洋蔥圈，外皮唔燶但係裏面洋蔥炸到燶咗仲好苦，基本上個幾個洋蔥圈可以放棄，其實係咪