Dodam Chicken (1亞太中心) (已結業)

食物ok 但服務態度差唔係第一次食黎間野 同佢地講野完全唔會應客 見到你舉手扮睇唔到甘 多人我唔怪你但明明得幾枱客 舉幾次仲要隔左勁耐先行返過黎執野女侍應 可以執到掃埋我個電話落地下 都吾識幫我執反 成舊飯企係到好強調食90分鐘!ok無問題 。但其實佢地已經有同事同我埋緊單 。四眼廋高男侍應係甘叫我要交枱 。咩料呀 ！我係味唔洗埋單就起身走人呀！我係比錢食飯 唔係比錢睇你地全店人面色唔知以為爭佢哋錢甘 幾好食都無用啦 甘既服務 唔會再有下次！

今日食完晚飯再Happy Time ，去了觀塘的Dodam Chicken餐廳在亞太中心3樓，好明顯係無APM咁多人，朋友都話即使繁忙時段唔駛人迫人😆餐廳環境都好靚，好新淨，卡位有大玻璃望向出面，餐廳有電視keep住播住韓國K-pop黎得Dodam Chicken一定要食炸雞，我們二人要了（ 半份）蜂蜜牛油香蒜炸雞，仲有要了韓式海鮮煎餅。呢個煎餅並唔係Pizza嗰隻，而係做得有啲似中式酒樓既薄餅，薄餅上面除鋪滿了蔥，仲有海鮮魷魚鬚、元貝粒，呢個韓式海鮮煎餅可以點酸辣醬一齊食，別有一番韓式燒烤風味。而蜂蜜香蒜炸雞上面就鋪滿了杏仁片，蜂蜜封住炸雞表面，岩哂我地兩個都唔食辣雞，而蜂蜜雞肉好味，食下一件又一件，半份就好快食哂。😋😋今晚呢個宵夜真係好滿足、好滿足👍🏻👍🏻

食物份量多，味道不錯，很適合多人聚餐。如果想試多點菜式的話，不妨找多幾位朋友一起去。菜式種類很多，也有很多不辣的選擇，所以這間是不能吃辣的朋友亦可以選擇的韓國餐廳。是次用餐我們只有兩位女性，點了半份牛油蜜糖香蒜炸雞（6件）和一份海鮮煎餅，份量剛好。因為友人不能吃辣所以點了蜜糖香蒜炸雞，味道略甜，但很惹味。海鮮煎餅，粉少料多，很香口，十分推薦。餐廳位置很方便，地鐵站附近，在apm旁邊，很容易找到。用餐環境很寬敞，是次被安排到靠窗邊的卡位，可以望風景進餐，非常舒適。整體來說是次用餐很愉快，如果可以安排水壺在用餐枱上自助加水就更好了。

好耐無返韓國旅行，一來好想練番好韓文，二來真係好掛住韓國嘅野食。作為生活上嘅慰勞，今日約咗朋友嚟到Dodam Chicken食飯傾計，食吓好耐無食嘅炸雞！招牌都以chicken打響旗號，呢度整雞嘅方式都五花八門，有最廣為人知嘅炸雞，有烤雞，亦有其他款式（例如有一款配炒麵、面頭cover咗厚厚嘅焗芝士）。兩個人少少地，就簡單地點咗份三重芝士脆雞同芝士蛋熔岩泡菜炒飯share了。兩款菜式好快大概5分鐘就上菜了，賣相真係極吸引，一定要先打卡一下。餐具上頗特別地提供咗一個夾，夾雞嘅時候非常方便，尤其當呢款炸雞要蘸醬，又或者處理有骨嘅雞嘅時候都顯得非常有用，要一讚；但我地叫咗飯都無匙羹提供就爭咁啲了。先講炸雞，芝士量真係非常非常多，亦都食得出有幾款芝士嘅層次，加上雞嘅份量都多，整體真係好滿足（卡路里放題🤤）！另外份炒飯，首先好欣賞爐邊蛋，係韓燒放題嘅配置，配搭海量嘅紫菜，係想像得到嘅好味！三重芝士脆雞賣相：⭐️⭐️⭐️⭐️⭐️味道：⭐️⭐️⭐️⭐️價錢：⭐️⭐️⭐️芝士蛋熔岩泡菜炒飯賣相：⭐️⭐️⭐️⭐️味道：⭐️⭐️⭐️⭐️價錢：⭐️⭐️⭐️

This time, I finally invited my friends to eat at this Korean restaurant. Since I was too patient to travel abroad, I almost stopped going abroad to eat local food. When it comes to eating Korean wild food, it must be the Korean hot sauce, kimchi, fried chicken and ginseng chicken soup. This time, I ordered Stir-fried Beef Bibimbap and Korean Chicken Rice Soup, the chicken is very tender and juicy, and the restaurant controls it to be well-cooked, because the chicken will start to get old when i

今日行街逛商場，趁未到中午繁忙飯點，先食個lunch先，一出電梯就見到炸雞店，就呢間啦。😄韓國菜在香港很普及，炸雞🐔普遍受年輕人歡迎， 我們都年輕，當然識揀啦。😛兩個大胃王點了黃金鹹蛋脆雞和蜜糖牛油香蒜烤雞🐔，lunch set包埋飲品和小食，再大胃都夠食。😉小食都幾好食，有泡菜和炒粉絲，我覺得泡菜唔夠酸，炒粉絲就好好味，有好多蔬菜一起炒，較淡口，平衡葷素食材。兩個主菜一齊上台，好大碟，好香好惹味，賣相好靚，令人食指☞大動，餐廳還配有一次性手套，方便我們盡情落手食。😋😋兩種味道的炸雞各有各好味，鹹蛋黃炸雞外脆內軟，香味較濃，仲有少少沙律和羅蔔伴碟。蜜糖牛油香蒜烤雞就係油光亮麗 ，蜜糖香甜，牛油香蒜濃郁 ，雞肉多汁，連皮都烤得好香，我們食得干干淨淨。😁

今日咁啱過開嚟觀塘食晏，開着個地圖發現APM隔離有一間上下都幾多嘢食就走去望吓。平時都好少試韓式餐廳，今次都要忍唔住讚下呢間餐。呢間餐廳個裝修幾新幾靚又有落地大玻璃望住成個觀塘嘅景都好開揚，我哋嚟到嘅時候職員好好人幫我哋安排咗喺卡位等我哋可以一路望住成個觀塘一路享受佢哋嘅食物。佢哋個午市餐牌都幾多選擇，有炸雞，炒飯，湯，同埋意粉揀我哋分別叫咗個lunch set，配一支野飲同埋自助泡菜，鍾意食泡菜嘅朋友實會覺得好正！個lunch set我哋叫咗香脆雞同埋黑松露卡邦尼年糕。先講吓講香脆雞先，雖然佢話有辣度，但係佢算係bb辣，唔食得食得辣嘅朋友都可以試吓，個雞皮炸得好脆，雞肉咬起上黎又會有好多肉汁，配埋佢個酸辣醬都好醒胃。佢個黑松露卡邦尼年糕唔會話好似其他人覺得黑松露有浸煤氣味，親埋個卡邦尼，兩隻味出奇地夾又唔會搶咗大家嘅風頭，個年糕咬口軟硬度適中唔會太煙靭同埋太淋，呢個嚟到必定要試

呢間觀塘嘅烤雞店，之前成日大排長龍，我都食咗幾次佢嘅外賣，覺得很不錯，今日咁啱早放早放就去試下堂食啦！雞蛋捲🫔蛋味濃郁嫩滑，裏面包着一層芝士，一切開啲芝士留心出嚟嗰下真係好治癒！上面有蟹籽，沙律醬，蕃茄醬等等，好開胃！就算就芝士都唔會覺得好滯！炸雞🍗我哋叫咗兩款，分別係原味烤雞同埋蜜糖味烤雞，好欣賞佢個完美烤雞個皮係脆嘅，食落去索索聲，而裏面嘅雞肉就好軟好juicy！蜜糖味烤雞個蜜糖汁甜甜地都好好味！果然蜜糖同烤雞真係好配！呢度位置好闊落，而且仲有一個好大嘅玻璃窗可以望到外面嘅景色，一邊嘆燒雞一邊觀賞外面車水馬龍，別有一番滋味！

呢座觀塘大樓每層有不同種類的食肆，今次帶小朋友來呢間韓式食店，舖頭面積幾闊落，坐得頗舒服：餐牌頗多選擇：《芝士蛋熔岩泡菜炒飯》是芝士迷之選，熱辣辣個鐵板將芝士溶化到可以拉絲，不過就要快，唔係凍咗就硬咗冇效果了，飯本身有泡菜一齊炒幾惹味，加上紫菜撈埋食會到幾香。《Mikesake strawberry》係一杯有香濃嘅士多啤梨同埋奶味，口感幾重，喝幾口都濟口，share飲會好啲。《黑松露薯條》用番薯同薯仔，兩種味道截然不同，一個比較甜，一個比較咸，但食起上嚟冇違和感，不錯。食得開心最重要：

今日係觀塘做野，唔係太熟路就上網睇下有咩食，咁岩見到呢間Dodam Xhicken原來觀塘都有，記得上次同朋友食唔差，一於再encore中午時段人唔算好多，唔洗點排隊，格局用左雲石枱，配埋環境燈光好high class既感覺menu好多野食，但主打都係韓式炸雞。我今次叫左個三重芝士炸雞，份量勁多中間仲要有熔岩芝士，用麵包裝住，好似個火山咁炸雞好脆身，入面仲keep到肉汁，唔會乾身柴皮。不過其實主角係芝士呢個三重芝士勁香口，無盡配包定係炸雞食，一放入口真係有種驚為天人既感覺，係估唔到原來咁好食本身見到咁大份以為一定食唔晒啦，點知食下食下就無晒飲品叫左Heineken Monster，其實係喜力溝益力多加青檸汁，好甜、無左啤酒苦味，但又好清新爽口，仲要都好大杯，又好飲又抵飲

呢間餐廳最出名食韓國烤雞或者炸雞，除咗銅鑼灣之外呢度仲有分店！平日好似就有套餐不過今日假日嚟到，覺得散叫都有啲驚喜，而且性價比都幾高！✨招牌原味焗烤雞烤雞份量都幾大而且值得一讚就係啲雞肉好多汁！果然係專門食雞嘅韓國餐廳！師傅醃得好有水準，啲雞肉入邊都有味而且唔會好鹹！同埋烤雞嘅時間啱啱好，入面剛剛熟透爆juicy !!出面表皮脆卜卜！呢個招牌烤雞配上餐廳特製嘅honey mustard ，蜜糖味幾重而且啱晒我呢啲唔食辣嘅人！另一款醬汁就係辣嘅！適合啲鍾意食辣嘅人，一款招牌烤雞可以照顧到唔同朋友嘅需要！✨手抓飯手抓飯真係呢間餐廳必食！手抓飯充滿麻油香味，配上大量紫菜、蟹柳同蟹籽做配菜真係超級正！同埋碗飯嘅份量都好大，兩個人食都超級飽晒！嘢飲✨士多啤梨奶昔性價比都算合理因為都幾大杯同埋唔算好甜😛😛值得一讚就係餐廳會比手套你！咁樣就唔使怕食到隻手油淋淋要洗手，真係夠晒貼心！

觀塘不嬲都唔少野食，但好似無咩好食既韓國菜，然後一search見到近apm附近有韓國炸雞，去到見連位都唔洗等就即刻沖左入去啦! 香辣脆雞=甜辣炸雞其實即係甜辣醬整既炸雞，雞外皮炸得好酥脆，雞肉方面除左正常雞胸較「鞋」，其他部分既雞肉都好嫩滑，味道食落係同韓國食既係一樣架!!! 呢下就都幾驚喜! 再加上少少甜甜辣辣既味道，刺激得黎又幾開胃。有炸雞就唔少得啤酒，要扮下韓劇D主角haha ，雖然只係apple cider，但用冰杯送上，都好有feel。一啖啤酒、一啖炸雞，超爽啊!黑松露芝士年糕淡淡黑松露加上多重芝士，中意芝士既人一定要試下!不但係加左芝士做年糕醬，面頭仲要灑上超多芝士粉，多重芝味~ 而且年糕煮得好軟糯，配埋芝士狗卷、椰菜及魚糕等配料，令食起來無咁單調。

今日行行吓街突然好大雨，唯有就近搵嘢食啦，咁啱見到依家韓國炸雞好似好正🤤裝修靚之餘，啲食物相都好吸引🧡三重芝士炸雞 $205  🤩8.5/10喺Menu見到呢個，作為芝士怪梗係即刻嗌啦👻一嚟到已經聞到好濃芝士香，啲炸雞皮好脆，沾滿個芝士醬🧀再加上燒到焦脆的水牛芝士，簡直係一流啊😋三樣嘢加埋一齊食耐咗會有啲太heavy，而伴碟嘅酸蘿蔔就可以幫手轉換下口味😙當然如果個麵包係法包就更加好啦🧡手抓飯 $78 🤩7/10手抓飯一嚟到以為好細碗，但原來份量好大🙈仲要材料豐富，有大量嘅紫菜、蟹柳絲同蟹籽，而蟹籽令到成個飯嘅口感好特別🙈建議一定要撈勻呀，而家唔係就會好似小編咁食到最尾有一堆鹽係碗底好鹹㗎啦🤧______________________________味道😋: 8/10環境👀: 8/10服務👨🏻‍🍳: 6/10抵食💰: 7/10 Dodam Chicken- 觀塘

我同朋友去食lunch😆叫左韓式炸醬年糕、蜂蜜黑蒜麻辣無骨脆雞、一杯凍柚子茶以及一杯熱Americano😆炸醬幾開胃 都好足料🤔有超入味既年糕、猪肉、椰菜、菇，等等 都好豐富🤤而蜂蜜黑蒜麻辣無骨脆雞就真係幾特別 黏黏既蜂蜜 加上頗辣既麻辣醬 都算perfect match😄可以一試👍🏼再加上柚子茶可以消滯🤣🤣而杯熱既Americano就好香咖啡味 好提神🤩整體來說，呢次飲食體驗唔差🥰會再去幫襯㗎

天氣熱好想食冷面，就近觀塘見到呢間食評都唔錯，下午三點後又有7折！所以就book定位✅見到𝐎𝐩𝐞𝐧𝐫𝐜𝐞推薦都話海鮮煎餅同炸雞唔錯，一坐低就order咗海鮮煎餅、水冷面、脆辣炸雞，（本來想食牛油焗個款，但係唔可以點半份😩兩個人驚食唔曬所以就揀咗無辦法之下點左脆辣炸雞）海鮮煎餅唔夠熱🥹好軟身又好重油味，真係有d失望咗。跟住脆辣炸雞，外皮脆內裡軟滑，但係口感偏甜嘅甜辣口味，食落有啲膩。水冷麵真係完全失望😩😩😩真係我暫時試過最難食嘅韓國冷面！首先湯唔夠凍，d面軟爛冇口感仲要有啲係硬晒未浸軟或者癡埋一齊煮唔熟嘅感覺，真係希望佢地睇到會改變下😮‍💨。不過確實真係性價比都高既，都偏大份。