Diletto (已結業)

尖東站出口不用一分鐘就到，位置很方便。位於漆咸道余仁生中心的一樓。由樓梯底行上去，光暗得宜的燈光打落白雲石階梯，忍唔住內心期待到底餐廳內部環境會如何。餐廳地方夠大，裡面擺放了不少仿真花裝飾，讓人感覺舒服。加上周圍色彩繽紛嘅花草，令環境份外優雅脫俗，氣氛浪漫，帶女生去一定加曬分。餐牌(不連甜品)大約有8頁，若想叫套餐可要求侍應俾套餐餐牌。今次同男朋友兩人去不宜選擇過多食物，但見到餐牌內每一款都好想試，研究左好耐侍應都完全沒有催促或任何眼神壓力。點餐後送上以皇冠托盤盛載的餐前麵包，烘熱過外脆內暖，夾雜著番茄乾和香草，自家製做得不錯。對比起尖沙咀同級數的餐廳來說，這家是最好吃的麵包。USDA  Angus  Rib  Eye Steak  (12oz) $368果然是足12安士，份量十足! 點了Medium rare，切開還有血水滲出來，牛扒熟成度拿捏得不錯。厚度超過1CM的牛扒其實很難拿捏熟度，但它能夠做到內半熟而外不焦，仲有靚靚網紋，又加分! 主菜旁邊都有醬料讓客人自己調味，分別有gravy、English mustard and sea salt，個人喜歡粗鹽配搭，因為最基本的味料最能

喺香港要搵間可以坐低慢慢吹水嘅餐廳唔係咁容易，唔少餐廳都會有指定嘅用膳間，環境又迫，令人無法舒服用餐。最近朋友話呢到環境唔錯，試於是就嚟試吓喇！餐廳係要上一樓嘅，入到去覺得環境雖然唔係話好闊落，但係勝在枱與枱之間嘅空位都算寬敞，同埋成個decoration感覺都好好，第一印象唔錯。首先係Prosciutto Pizza($268)，佢呢個pizza上面有Parma ham，食落口都幾惹味，批身係薄嘅，都幾脆。跟住Carbonate Spaghetti($228)，同平時食開嘅Carbonara差唔多，面頭有半熟的雞蛋，混合醬汁後感覺濃稠，奶味亦尚算夠香，可以一試。食食吓有少少頸渴，就叫咗兩杯Cocktail。一杯Exotic Chocolate($108)  杯嘢飲嘅deco係唔錯嘅，成個水晶球咁，幾得意。不過唔知點解有個小bug，就係佢飲嘅時候佢個底會漏水…不過so far味道係OK嘅。不過杯Exotic Chocolate就略嫌薄荷味太重，朱古力味反而冇乜，鍾意薄荷嘅人可以一試！

朋友介紹呢間餐廳又靚又好味，所以今日我哋放工就一於去試吓。在地下門口見到一條好長嘅樓梯，要行上去才到餐廳，感覺很grand.到了餐廳，見到一邊玻璃窗充滿着花海，很美麗呀！但可惜我被邀到令另一邊坐，只能遠望花海。整部餐廳環境，很優雅，很特別，絕對值得稱讚。看到餐牌，有不同類型的意大利菜選擇。有的菜式也很特別，在平時普通的餐廳很少見。坐後不久，已被奉上籃很精美的意大利麵包，個籃相當別緻，而麵包充滿著意大利風味，加上橄欖油，非常美味。我們就選了兩都比較特別的菜式：1. 阿拉斯加蟹意粉我那麼喜歡吃意粉，但真的未食過用亞拉斯加蟹來整的意粉。賣相相當靚，有兩隻又大又粗的蟹腳伴着佈滿蟹肉的意粉。蟹肉好濃味，意粉質地地適中，意粉連蟹肉真是很正！ 仲有更正的就是那兩隻蟹腳，除了鮮味，還有黑椒味配搭，味道非常出色！真係如果有多幾隻就更perfect😝2. 意大利海鮮薄餅個size好大呀！上面真是超多海鮮料，包括魷魚、阿拉斯加蟹肉、青口、蝦等等，佈滿整個Pizza面。食落去，好感好豐富，都充滿住意大利風味，因為啲醬汁野味，而且我當然非常飽肚啦。在這優雅的環境，吃到這高質的意大利菜，真是很開心。

麵包🥖餐前麵包，感覺不錯，有震震香草味散發出來。餐廳麵包，能夠反映出一間餐廳的品質，因此印象已經唔錯。Ferrarelle 意大利🇮🇹氣泡礦泉水 （$75）餐廳叫氣泡礦泉水，對我來說，作用是用來平衡每一道菜色口味，配搭美食佐餐飲。如果唔打算飲酒，Ferrarelle都係一個優雅嘅選擇，頗有名氣的品牌，用嚟代替其他飲料。而且同女朋友食意大利菜，都唔可以失禮叫水喉水、汽水。Edible Flower Salad 🌸🥗 （$138）材料其實主要係用咗法國空運過來，可以食用的花作為沙律配料。味道及香氣特別，是一個唔錯嘅選擇。Linguine Arrabbiata 🍝（$168）鮮茄蘑菇意大利扁麵條🍝，而且香香嘅蒜頭、橄欖油味道、白酒香味，少少紅椒、芝士作為配搭。麵條層次分明，整體水準不錯。Angus Rib Eye 🥩 （$368）主菜叫咗安格斯肉眼扒。五成熟肉眼牛扒。牛扒質地都好淋，用鹽及黑椒調味，而且肉汁豐富，鍾意牛肉嘅朋友可以試吓。餐廳另外會提供芥茉醬、濃湯肉汁、海鹽，客人可以自行調配味道。

【推薦菜式】Prosciutto Pizza, Carbonate Spaghetti【推薦理由】這一家隱藏在繁華區的餐廳真的像是一個秘密花園，如果不是我的朋友帶我去，我可能至今都還沒有發現這家店（我讀書的學校就在旁邊）。在擁擠的樓房之間，有一個安靜的樓梯，上去後就進入其中了。第一感覺就是寬敞、小資。可能餐廳的梁高比較高，有很多綠植，桌子和餐具也都非常精緻地擺放著。Menu是英文的，推薦上述兩款食物，一份pizza一份意面，我們其實還點了一份凱撒沙拉，蔬菜很好，但有幾條魚（因為我本人不吃海鮮，所以不好做多評價，但我的朋友一個人吃完了這份，覺得不腥）。下面就主要來介紹推薦的菜。Prosciutto Pizza：Parma Ham, Orange and Yuzu Jam, Mozzarella, Oliver強烈推薦這一款火腿披薩，挺大一份，很薄很薄，脆，上面有極薄，口感非常細膩，鹹淡恰到好處的火腿片，如果光吃這個火腿，吃多了可能會覺得有一點小鹹，也會有一點膩，為了中和這個味道和避免這個膩味的出現，這份披薩加了柚子醬，柚子蜜的酸甜剛好和火腿的咸融合在一起，非常完美！（必點）Carbona

喺香港呢個人多地少既都市，想搵間餐廳舒舒服服坐低食下野談下心都唔係一件易事。呢日收工約左朋友食飯，朋友懶神秘咁話要帶我去個秘密花園享受下咁話呢個餐廳位於漆咸道南盡頭既余仁生中心一樓全層，空間寬敞，氣氛寧謐。時間尚早，已經有幾對情侶正喺度燭光晚餐。坐低無耐侍應就送上一盤Focaccia，上枱時麵包微溫，早已切成幾個小立方體方便食用。麵包口感鬆軟，同時伴著淡淡既麥香，桌上亦有提供橄欖油自行調味。USAD Berkshire Kurobuta Pork Rack 豬架肉身肥厚，生熟程度剛好，保留到肉質鮮嫩多汁。旁邊伴上燒汁、芥末同海鹽三種調味料，但豬架以鹽醃過，唔加額外調味反而能品嚐到豬肉濃郁既鮮味。如能配上蘋果醬就更好，可以一解肉類既油膩Margarita 薄餅厚薄剛好，批邊香脆，餅底略帶點煙韌，乾爽不油膩。番茄新鮮，味道清新，同水牛芝士份量配合得剛好，整體味道均衡，唔會過鹹。美中不足既係有兩塊九層塔無剪莖。要注意既係餐廳並無提供食水，如果想飲就要俾$75買枝裝水。

認識我的朋友都清楚我對意大利的熱愛，最近也勾起了重回舊地的念頭。不過，安排旅遊需時，也不是三兩天可以解開這思念之情。剛巧聽朋友提到原來尖沙嘴有一家網上頗多人提及的意大利餐廳，便急不及待的打電話去預約，看看是否可以暫解心癮吧。Diletto位置不難找，從K11走過去大概十分鐘左右。餐廳主打高級意菜路線，從餐廳門面可以感受到。走上梯級之後，是一家裝飾別緻的西餐廳。以昏暗燈飾配合花為主題的佈置，甚有浪漫氣氛。這個餐廳真的非常適合情侶們兩口子談心，共進晚餐。餐牌上的菜式以意菜風味為主，也加入了很多fusion意念。我們倆由於晚餐食量不多，雖然看到頭盤和湯也很吸引，最終也只選擇了我們最愛的Risotto和Pizza。也先試試她的實力吧。我們點的是北海道帶子意大利飯，上桌時已散發濃濃香氣。是什麼香氣呢？這就是野菌和芝士配搭出來的誘人香氣。意大利飯做得剛好半熟，口感適中，是剛剛好最佳的狀態。每一口都有濃濃的野菌和芝士，只是吃飯也已經感覺很滿足，而帶子就做了畫龍點睛的提鮮作用。這個味道很難忘。這道pizza有點fusion意味。傳統巴馬火腿配Mozzarella芝士的pizza，廚師特別加上橙和柚子醬

幾個男仕不一定要去食火煱，都可以約去食西餐，今晚放工就跟了幾個同事去左尖東（Diletto）食西式意大利菜， 餐廳位於鬧市十分方便。餐廳設計好高格調，環境好舒服，地方又寬敞。食西餐之前先試下呢款小麵包，好軟熟。安格斯肉眼扒12安士$368，非常夠份量，7成熟，牛扒夠新鮮，牛味仲好濃，肉汁夠豐富，仲有3種醬料給客人調味海鮮pizza $278海鮮有蟹肉、蝦、青口、魷魚、蕃茄等，餡料非常豐富，加上芝士一起焗非常香脆。卡邦尼意粉，芝士和白汁再加半熟蛋將煙韌意粉撈埋更加滋味。甜品叫左心太軟，不過硬左DD。

最近想食餐好啲，係朋友嘅意見之下，就嚟到呢間以fine dining既餐廳，佢就係♥Diletto♥啦。去到門口就見到一條好光鮮好華麗嘅樓梯，未入去已經覺得有好高級嘅感覺。佢係一間好靚同埋比較高級嘅餐廳，所以衣著方面唔好太casual。入到去嘅環境有少少暗，但係又幾有氣氛，而且個感覺好舒服，周圍嘅環境好似有好多花好多植物咁樣，可以話係女士們既秘密花園咁～🌸呢度嘅餐牌冇任何套餐，全部都係單點嘅。大概分別有沙律、薄餅、意粉、飯、牛扒、仲有甜品。係咁靚既環境之下，當然唔少得有酒啦🍷點完菜之後，嘢食仲未嚟到嘅時候，餐廳會預備餐包比客人去享用。裝住餐包嘅器皿都零舍特別過人。餐包比較硬身，但係食落口香脆之餘味道都唔錯。Caesar Salad with Smoked Salmon $118 + 35呢個凱撒沙律只要加＄35就可以幫你加煙三文魚。佢嘅份量兩個人食啱啱好，賣相亦都好靚。沙律菜好甜好爽口，每一啖都係索索聲，配埋佢嘅沙律汁同埋芝士碎一齊食，成個感覺都好清新好開胃。當然唔少得佢嘅煙三文魚啦，捲住成朵花咁，佢唔止賣相睇得，味道亦都好得。對比喺出邊食嘅煙三文魚都係好薄身，但係呢度就啱啱相反佢係比

伴侶生日。特意穩一間高級d既西餐廳興祝下係openrice穩到間餐廳環境ok，特別係有dress code request. 男生係不能穿拖鞋同短褲8點中準時到達上到去環境好靚，好有氣氛燈光暗暗的，好浪漫點好餐後waiter就送上餐包籃西柚汁 & 蘋果汁 - $38/pc今日無叫餐酒同mocktail，好健康地叫左水果汁🍹Lobster tail risotto $318全條龍蝦尾，蝦肉超生鮮，非常容易起肉有小小蘆筍同南瓜做配菜個飯好多汁，好濃郁既龍蝦汁，飯粒好淋，每一啖都好有滿足感！食到一粒飯都清晒USDA Angus rib eye steak （12oz) $368餐廳都有好幾種扒選擇我都係比較中意食美國安格斯肉眼扒12oz 厚切，又夠大塊！擺盤上放左三款醬料, 點左五成熟！肉汁鮮嫩，加埋小小血汁，只係點salt已經好夠味！

未食飯, 先受氣, 定位咁高檔的餐廳, 想不到有如此無禮的服務員。見到Diletto 各方好評推薦, 咪用open rice網上booking system reserve呢間餐廳試下。29/6, 當天上午, 收到呢間餐廳上午來電,  要confirm booking, 當餐廳來電時, 因正在工作中, 故不能立刻回覆, 於是, 在會議完後立刻回電餐廳, 想落實返當晚的booking, 呢D電話, 應該confirm 返客戶姓名同booking時間, 咪完成工作收線囉，點知, 接線的服務員不問因由, 問左我係咩名之後，第一句就好無禮話: 「打咗電話幾次比你都唔覆, 有無搞錯。」我當時亦即刻回應佢: 「我而家咪打返電話覆你, 你咪同我講緊電話囉。」之後, 當時電話內的侍應也是很無禮, 十分"悔氣", 大佬, 餐廳打比客confirm booking , 唔即刻覆唔係罪黎架, 點解要發個客脾氣, 咁趕客? 未光顧, 已經受左佢一野氣, 何必呢?於是, 我喺open-rice 個booking system取消返, 呢下, 反而欣賞open-rice booking system的方便。

餐廳位於鬧市區，餐廳響寬敞舒適，環境好適合少女聚會，成為打卡熱點之一。USAD Berkshire Kurobuta Pork Rack個人唔喜歡食羊，又唔你好想食牛，唯有order 豬。 份量其實算厚大，味道算不錯，豬肉唔會燒太老，另外，餐廳提供燒汁/芥末醬/鹽，我都係點左兩下，因為肉身已經好夠未。 肉底部有火箭菜，切肉個時慘肉汁響底，廚師都幾醒，省醋汁成本。總體服務係滿意，沒openrice評價中咁惡劣，事實餐廳沒水提供，但入座時已經有提示。 只係價錢頗高。

好耐無見靚女卡文，周日特意相約她去嘆高茶☕️。雙子座♊️的她，鬼主意🤔最多，「Diletto 」- 亦是由她挑選的。好姊妹果然心靈相通，齊齊穿搭白色蕾絲上衣，以貴婦優雅姿態...慢活。靚人襯靚景，餐廳佈置簡約時尚，浪漫感十足，成個view 好靚呀！係咁優美而又寧靜嘅環境底下嘆茶傾計，心情特別舒爽，胃口都特別好呢。Luxury tea set for two $388~一個蠻別緻的長方形盒子，內𥚃擠滿碎朱古力泥沙，沙上放置咗一座樹塔、迷你鐵桶、摌子、士多啤梨等，組合起來唯妙唯肖的，活像一座迷你小花園！看著這小玩意兒，味蕾早已打開，就先嘗一下摌子上的小八爪吧！Cold Savoury ~Mini Octopus with Spicy Peach Jam (迷你章魚配辣桃果醬）帶點甜，小小辣，多多脆，爽口非常。Salmon Rillette and Caviar Pinwheel Sandwiches （三文魚配魚子醬三文治卷）添加了魚子醬嘅三文魚卷，口感上多咗一份鹹鮮味。Baby Yellow Beetroot and Citron Honey Cured Scallop (黃菜頭配柚子蜂蜜扇

因爲要外出工作關係，最近經常係尖沙咀放工，所以晚餐都係尖沙咀食算。奈何尖沙咀實在係太多人喇，所以想人少d靜靜地就行去尖東。最後行街見到有間餐廳人少少又幾好環境咁就入左去喇。入到去個環境比人感覺好舒服，地方都幾寬敞，唔會話同隔離枱距離好近。而且餐廳樓底高，所以就算多人傾計都唔會好嘈。如果情侶或者一班女仔係度聚會傾計都幾適合。麵包係暖既，而且都好軟熟。Prawn Mousse and Truffle Cannelloni - 賣相精致，聞落去有淡淡既黑松露味道。切落去又唔會話好易散，都幾好。咬落去有好香濃既蝦味，再帶有少少黑松露同cheese，味道豐富得黎又幾夾。Hokkaido Shellfish Scallop, Cordyceps, Flower, Maitake Mushroom Risotto - Risotto整得幾好，軟硬適中，有黏稠滑順既口感；帶子都幾大粒同鮮甜；仲有我最愛既蘑菇，口感香滑。整體黎講，環境真係好好。食物都唔太差既，不過分量應該比較適合女仔，男仔可能要叫多少少食物。

前排工作壓力大，所以星期五週末決定食番餐好，以示獎勵呢一個星期過後嘅辛勞。由於是日要去尖沙咀交收，於是就事前Research咗一番，最終朋友推薦下決定去呢間西餐廳，佢重點介紹除咗呢到環境好之外，意粉都係一定要試咁話，因此一向喜歡食意粉嘅我又點可以錯過！是日天氣有啲差，所以放工到埗後，天色好快變得昏昏暗暗，為餐廳增添咗幾番情調。睇過Menu後我地分別柯打咗湯、意粉同披薩。等待其間餐廳端上麵包籃，內裡有二人份嘅意式麵包，稍為烘熱過外脆內熱，可以用枱上預先準備好嘅陳醋同橄欖油點蘸享用，對飢腸轆轆嘅我而言真係來得及時。正當覺得口乾時，餐湯亦隨後送到，我地柯打咗蘑菇忌廉湯，帶少許嘅松露同香草味道，稀杰度剛好，每口湯能嚐到蘑菇打碎的口感，味道不俗。飲過湯等了片刻，我最期待嘅卡邦尼蜆肉意粉都到了。由賣相可見，意粉同汁嘅比例均衡。將雞蛋發開平均地沾係意粉開始享用。最先要大讚是意粉煮得十分出色，麵身煮至外軟、但圓心中央有啲啲半生熟，食落彈牙，係傳說中Al dente嘅口感。至於意粉汁亦都調味適中，既Creamy且帶香濃芝士味，味道幼滑香口。就連平時我會忽視嘅蜆肉都有獨特嘅鮮味，而且蜆內沒有沙可見烹煮前準