Deer Kitchen (已搬遷) 新店位置

難得我同我朋友可以唔駛ot，決定食餐好嘅賀一賀佢。第二次食呢間，呢樹環境舒服，枱之間唔會好迫，可以放開啲傾計，唔駛就住就住。我地算早到，之後都開始多人黎到。我地揀左一個set dinner，一個小菜，一個通粉。沙律好fresh，本身明明唔係好肚餓，佢除左平時嘅醋，仲要有啲酸酸地嘅梅味，即刻開胃。小菜係美式蟹肉，蟹肉有驚喜，啖啖肉，本身好夠味，點小小沙律醬就再出啲。通粉係焗海鮮芝士通粉，初初黎到以為細細碟，無乜料到，一食，芝士控表示十分喜歡，入面海鮮齊料，一啖通粉一定有海鮮送，最特別係面頭嘅帶子，佢唔係全熟，芝士襯落唔會搶走鮮味。最後係bb羊架，7成，唔會太血，亦唔羶。廚師整到成碟菜好似一幅畫咁，好靚。佢旁邊有條綠色嘅汁，味道似奇異果，羊架點落去好match！環境好，同朋友有無盡嘅話題，唯一可惜嘅係呢間收10點，未夠喉。平均每人300元，都可以接受。