Day and Nite by Master Kama (已結業)

朋友話帶我食龍蝦包，其實我最初唔知食邊間，只係話旺角站等。之後過到黎，突然"哦" 左一聲，原來係我以前都幾常幫襯既日式餐廳既原址，估唔到咁就易左手了...內裡既格局仲係同以前一樣，不過我記得以前黑色係主色，而家就藍白色為主。一心黎食龍蝦既我地，揀左個龍蝦匯餐，再叫d 野飲咁。石鍋飯最先黎，有隻大大隻龍蝦插左係度，好吸引呀！個湯因為有龍蝦汁，所以偏橙色，連埋佢dum 重本擺好多海鮮入去整，味道濃郁。因為d 飯吸晒d 湯汁，淨係食呢個都已經飽飽地...但龍蝦包都未食唔好俾佢停！個龍蝦包d 肉多到突晒出黎，粒粒飽滿，同埋最緊要方便唔使剪黎剪去，一啖咬落去好正呀...如果平時早餐d 麵包都有得夾隻龍蝦你話幾好呢...？另外果個蒜蓉烤龍蝦都唔錯既，會多左種烘焙過既鑊氣，加埋d 蒜蓉真係好香。同埋d 薯條都幾好食，最初我以為有兩隻唔同煮法既薯條，覺得深色d 果隻特別好食，然後才被朋友告之其實果d 係番薯...最後點左杯unicorn dream，係drink menu 既推介飲品！見人地檯都有點。賣相好靚呀，飲落原來係提子味沙冰，正好解一解d 熱氣呀！

今日同朋友放工想食爆丼,但係應該要等個幾二個鐘所以最後決定食呢間，點知一問二位，根本不用等便上樓了。甘本身就諗住簡簡單單食個晚餐，所以叫左個龍蝦包配薯條同個小食拼盤加飲品～個龍蝦包好正，啖啖肉而且夾住麵包，牛油味既香，食落鬆鬆軟軟。俾個like另外個拼盤就冇咩特別，不過可以滿足晒你想吃小食既種類。值得一提個小食芝士條同雞翼，係甘多種小食最出色同好味叫左杯呃like 既飲品，不過不失，普通一杯菠蘿西柚味。

香港食蟹既地方唔少, 但有晒成個SET, 價錢我倆負擔到既真係唔多而D間Day and Nite by Master Kama正正可以滿足我地既要求所以我地揾完資料揀左佢後, 收工後就去食!餐廳幾乎都係卡位形式, 私人空間感強D個就係我地想食果個SET, 超級豐富, 價錢係588加一六小缽: 分別有枝豆, 酸辣羅勒海蜆, 柚子醋海藻沙律, 虎蝦配芒果慕斯, 同埋蟹肉玉子燒, 前菜都咁豐富, 正呀! 樣樣菜式都好開胃, 而我覺得最有驚喜係虎蝦配芒果慕斯, 蝦新鮮得黎又彈牙, 芒果慕斯甜而不膩, 兩者配合得幾好, 唔錯芝士蟹肉釀蟹蓋: 我地兩個都好鐘意芝士同埋蟹肉, 所以D個真係岩晒我地既菜式, 芝士既拉絲度十足, 芝士味又唔會搶左蟹肉既味, 蟹肉味道仍然是100分, 可以再混埋伴碟既三文魚籽增加咸香同口感, 我們都幾鐘意紙花鍋湯底: 放左一塊昆布做湯底, 好日式既處理手法, 我地都好LIKE, 但唯一要注要的是, 放海鮮落去要小心, 放海鮮落去要小心, 放海鮮落去要小心 (重要的事情說三次), 因為一唔小心就可能會整穿張紙海鮮拼盤: 有齊晒蟹蓋, 蟹肉, 蜆, 蝦, 好正, 蟹都幾多肉,

近排社交平台大肆宣傳，經過旺角滿心歡喜諗住試下。點知女服務員態度超級趕客，長期黑面。都算啦，諗住食物好食就無所謂。點左一個龍蝦海鮮pizza同龍蝦玉子燒，失望到極點....龍蝦海鮮pizza，一上枱就已經係凍既。海鮮只有咬唔開的八爪魚，性價比低！龍蝦玉子燒，只有一舊半隻手指公大的龍蝦肉，其餘全是過甜的蛋，勁呃人因為份量好細，只係食呢兩樣唔會夠飽。但由於服務太差，冷氣誇張的凍，最後決定離開食其他野。

係香港要食間有人氣既餐廳就預左要排隊，至於今晚同朋友去食呢間就由佢開業以黎一直都keep得住咁爆場既就係係旺角山東街既day n nite 啦。佢係正旺角中心地帶，地點超級方便，其實如果唔book位排隊walk in都未必食到tim架。餐廳分左兩層，地方都算係大，裝修別緻，環境舒服。Menu呢度係以龍蝦做主題既，我地之前食過佢既龍蝦包同龍蝦餐係唔錯架，今晚見有新既蟹餐，就一於食蟹夜呢個蟹餐包括左六小缽、芝士蟹肉釀蟹蓋、王樣·雪場蟹海鮮紙火鍋同埋蟹之雜炊。價錢盛惠$588 for 2。呢個六小缽分別有蟹肉玉子燒、蟹子日式凍豆腐、虎蝦配芒果慕斯、柚子醋海藻沙律、酸辣羅勒海蜆、海鹽枝豆。作為前菜個portion做得好好，當中最欣賞既係柚子醋海藻沙律，配搭除左夠新鮮之外，味道仲好夾，食完又覺得好fresh好醒胃tim呢個就係芝士蟹肉釀蟹蓋，食落啖啖蟹肉，仲好「芝」味tim，而最特別既係佢加左塊白飯魚乾片係面，令成個口感都昇華左至於個紙火鍋，真係大開眼界，冇諗過張紙係會燒唔著仲好come用tim。講番個湯底最初只係簡單有片海苔係度，之後店員叫我地先加海鮮後落其他配料，冇諗到之後成個湯底可以咁鮮甜

期待左好而。。想食左成半年，今天終於有時間過黎，點知。。好評咁多都係不外如是。。。個包入面得3舊龍蝦，龍蝦好硬，又無龍蝦味，個包反而仲好食d添加埋一就200了。。因為龍蝦咬吾開既關係，所以只好成舊食，兩啖之後就得番個包。。。其他野都mama地，好食過個龍蝦包。客人吾係好多，3個服務員理應係足夠嘅，都唔知佢哋忙緊乜，個個都係度抹野針水都冇時間，叫左幾次先有啖水飲。。。應該無下次啦。。。好失望啊。。。

人生總有幾個好閏蜜才完美，我和珊珊是科技大學群組認識，亦常常相約大吃大喝，今晚我們選擇了Day and Nite by Master Mama 是旺角人山人海的一間熱門海鮮樓上Cafe !首先我叫了很解喝的Sparkle Apple， 而珊珊一定要喝熱飲，所以她又叫了最愛的熱洋甘菊茶!我去年己來過對於龍蝦包一直很有熱情，好吧，我們叫了一客，龍蝦包真的保接一貫水準，鮮甜味美，而脆薯條熱辣辣又脆卜卜，我們胃口大開!不得不提是我心愛的馬糞海膽茶漬飯，真的很多海膽呀，我馬上相機先食，而且先要放湯和湯及漬物拌攪一下，真的很香濃，我們一下子全吃光了!難怪平日也人山人海，下次要來試其它菜式了!

四月適逢兩位好朋友生日🎂其中一位姊妹係openrice 搵到呢間新開無耐既餐廳，見好似坐位幾舒適所以就決定揀佢依間餐廳位置個人覺得有啲難搵...不過入到餐廳店內其實坐位都好舒適唔會太迫我地今晚一行六人，最後被安排到一樓閣位，有張長枱，六個人坐都有鬆動我地今晚order龍蝦宴Kama龍蝦匯 / $458龍蝦包係主打，趁熱食會幾好食，龍蝦鉗好有肉，記住可以問店員拎個蟹鉗，咁就容易開喇類似一個熱鍋飯，上枱嘅時候湯汁仲好滾，有半隻龍蝦，龍蝦汁融入係飯中，好好味。芝士肉醬薯條 / $75個芝士肉醬味道幾唔錯吉列牛扒配忌廉咖喱撈烏冬 / $148呢個菜式值得推介，咖喱撈烏冬配上忌廉汁配搭好新穎，兩者味道非常夾，烏冬好用咬口，絕對唔係港式烏冬。吉列牛扒都好入味龍蝦芝士Mac N Cheese / $208呢個係另一個強烈推介，我地幾個六仔覺得最好食，芝士配上長通粉，條條長通粉都入哂味Unicorn dream / $58呢杯飲品好夢幻，淨係打卡已經贏晒六個人食到飽飽平均每人都唔洗$250呢個價錢食到龍蝦，抵到爛

叫做「日與夜」o既餐廳，總係好有聲post o既感覺。下，邊個係林憶蓮呀？其實我未出世，都唔識佢o架，我淨係識林欣彤o架咋，哈哈……一入到去，見佢門口塊黑板寫住today's special 係龍蝦同乳豬，係每天限量供應o架！問o左waitress，話宜家仲有龍蝦set，所以我地趕緊order o左一客龍蝦匯($458 未加一)。果然係食龍蝦o既專門店，d 龍蝦o既質素十分高。烤蒜蓉牛油龍蝦跟餐會有半隻啦，肉質實淨彈牙，啖啖肉大滿足！而且佢個殼都幾軟身，好易用鉸剪o係任意位置剪開，食d 螯呀腳呀呢d 都唔會話要好大功夫。龍蝦包d 肉亦都係超多，個麵包最外層有烘過，外脆內軟，而姐姐都教我地要落埋白色o個隻檸檬牛油醬落去，味道真係即刻昇華一個層次，會多o左菠蘿油o個隻凍o既硬身牛油先有o既鮮味，配埋龍蝦同烘麵包真係絕配！龍蝦什錦海鮮石鍋飯，亦都可叫湯烏冬o既。o岩o岩上檯時冒晒蒸氣，新鮮滾熱辣。湯底好thick，混以蜆肉、魷魚、蟹柳、青口、蝦同八爪魚等等做配料，而呢個飯一樣有舊龍蝦，係款水煮龍蝦，帶點海水o既鹹味。加埋一大約$500 就有龍蝦三食，真係幾唔錯，兩個人食好飽～同埋餐廳o係唔同

琴日同朋友gathering，去食左依個龍蝦做主題嘅餐廳。 其實好耐之前已經食過㗎喇，不過真係幾好食，所以今次朋友話去我哋都再去一次。上次我同另外一班friend去就叫咗lobster roll， 今次我哋就叫咗龍蝦玉子燒、龍蝦pizza 同埋龍蝦嘅risotto。 其實食落去就知道佢用嘅龍蝦好新鮮，亦都係真材實料，因為每一次食到龍蝦肉都覺得好彈牙一啲都唔梅!另外我哋又嗌咗薄荷oreo特飲、unicorn特飲、同埋檸檬梳打。 檸檬梳打就普通咗少少，不過薄荷oreo 真係幾好飲。 比起其他樓上cafe嘅特飲好飲勁多唯一覺得美中不足嘅係佢份量真係好少，我哋食完都唔覺得飽要去食甜品，同埋侍應嘅態度有少少串lol

早幾日朋友介紹下到了Day and Nite by Master Kama 和媽媽慶生，美人她食完之後非常滿足，而且頗有特式的~下次還是會再來的 Day and Nite by Master Kama 位於旺角山東街，星期五的晚上，未到7點己座無虛席，門口還出現小小人龍，要來食飯還是先訂桌比較安心 目測大部份的人也是食龍蝦餐，龍蝦都是以焗，炸的薯條為主，老媽怕熱氣又不食芝士，店員推介下我們點了 二人鱈場蟹蟹宴 二人鱈場蟹蟹宴$588再加一，包括了前菜盒子，鱈場蟹火鍋還有蟹粥和甜品，份量十足!但如果連飲料就攻完美了! 不一會，店員就為我們準備，這個紙盒，就是用來涮蟹用的，非常有趣 前菜六小碟~ 看起來好整齊，用來拍照真美麗 海鹽枝豆和酸辣羅勒海蜆 蟹子日式凍豆腐 和虎蝦配芒果汁 虎蝦配芒果汁食起來很爽口，外面的芒果汁酸酸甜甜令虎蝦更具層次 套餐包括了一份小食，芝士蟹蓋!! 未食已聞到陣陣香氣 芝士蟹蓋入面放住大量一絲絲的鮮蟹肉，上放滿大量芝士，稍為燒灸一下，形成微溶的質感，食起來帶點芝士咸香，而且能夠拉出絲來，頗美味的 一會兒後，生料隨隨送上，包括了一大盤新鮮

It was not as good as expected, price, value and portion were not aligned. You couldn't really taste the lobster unfortunately.The crispy pork was too fat, no meat or tendons you could eat.

Weekend約咗friend ,上去OpenRice睇吓有咩餐廳好介紹啦，見到呢間食龍蝦嘅Day and Nite by Master Kama comment都唔錯，就試下啦！雖然book左8:30pm，不過搭三就入得，餐廳裝修設計都幾有style，好似cafe x bar咁，我地叫左個Lobster Signature Set，有最出名嘅龍蝦包、龍蝦海鮮烏冬，仲有半隻龍蝦，話貴又唔算貴，三個friend share就啱啱好，仲叫左個Pizza、雞翼，同埋三個醬嘅薯條，真係300幾蚊，就享受到龍蝦盛宴，仲有杯Signature Drink!!!夠哂Special~

最近朋友一直在聊旺角樓上店的龍蝦，有龍蝦三文治🥪，龍蝦包，龍蝦玉子燒...好似好吸引咁！今日一場去到試左個龍蝦三文治，感覺好一般，並非好特別。賣相都算不錯，配有薯條同沙律。芝士熱辣辣流晒出來，流心效果ok既。土司燒得薄脆，很香口。三文治口感味道都不錯，問題系出在龍蝦份量十分少。另外，我地點左大阪燒，好多沙律醬，餅底多面粉，冇咩餡。仲有三重芝士雞肉烤餅，不夠熱，芝士自然不夠好食。細細塊餅，十分普通。

系Openrice既app到book左6點，book枱方便簡單又順便可以賺下飛行里數。大廈門口有個員工，確認左我地既booking，叫我地可以上1樓，可能員工間既溝通不足，去到1樓，無人知我地book左枱，又要再次確認booking。然後叫我地隨便坐，無人既枱都可以坐。店員卑左1本餐牌，其實1本餐牌2個人睇系有啲難度，而且當時只有2、3枱客，一定夠餐牌用。我地叫左份龍蝦包(配薯條和沙律菜)，店員上菜時話，檸檬醬汁可淋上包面食。我就當然食左原味先再淋醬汁，淋左醬汁會無甘乾，不過我認為淋檸檬醬汁之餘，加埋鮮檸檬汁就最完美。芝士龍蝦risotto(可以揀配通心粉)，望落份量比較少，隻碟既直徑大約女仔既手掌長度，不過食落其實都吾算少，而且都會有啲濟。而我最推介既系龍蝦玉子燒，非常甜非常juicy，雖然龍蝦肉份量比較少，不過味道絕對加返分。至於飲品方面就有啲失望，我叫左melon soda with ice cream, 只系飲到soda但吾知咩味，至於雪糕系雲呢嗱加波子汽水扭紋，波子汽水味非常淡差啲食吾出，而重點系點解啲雪糕唧到甘都可以上枱。員工服務麻麻，又有啲趕客走既feel，明明碟上重有啖