Coti the Bistro (五芳街)

營業中

休息中

好少嚟新蒲崗呢頭竟然俾我發現到一間隱世嘅小店外牆係清新嘅藍色入到去感覺好舒服店員好年輕有活力 親切有禮古怪唔得已經坐滿咗好人啦 裝修簡單但係氣氛係一流嘅 第一次呢我好幸運坐到卡位座位舒適 原來weekend都有set lunch嘅亦都唔貴嘅我感覺係一個澳洲風大大碟分量多而且 非常之好味 前菜食咗個棷子蟹肉牛油果他他牛油果夠曬熟好新鮮蟹肉配埋啲西芹感覺好清新另外仲配咗沙律同埋 waffles其實真係 brunch嘅感覺 煮菜我食咗個明太子鰻魚意粉好豐厚好飽肚但係都幾清新嘅我朋友食咗個 香草坪鐵板牛扒牛扒好嫩滑配薯條同埋好有營養嘅沙律感覺好似澳洲咁肉質非常之juicy 令我感覺好似返咗去我第二個家澳洲咁樣 飲品我嗌咗個好似甜品嘅提拉米蘇咖啡上邊係好似甜品咁樣下面係配咖啡嘅出奇之下好架好得意我鍾意呢一種亂咁點餐嘅驚喜覺得呢度啲嘢飲都係有質素有heart亦都唔係跟跟出面潮流嘅所有自創一格朋友點咗個咖啡果皮茶配蜜糖講真我都係第一次聽呀感覺有少少似茶但係咖啡嚟嘅配蜜糖又真係好夾好好飲 第一次用呢種咁嘅玻璃樽裝嘢飲好清新週六嘅下午 呢一個friend真係好surprise好清新好舒服 好似去咗個短短

終於到我全年最中意既月份，12月聖誕月🥳唔好以為新蒲崗呢啲工廠區無好嘢食，今次黎到呢間餐廳，充滿住濃厚既聖誕氣氛，食個晏都覺得慶祝緊聖誕節呀！🍝黃金蟹肉意粉 $86呢個必食呀！本身已經勁中意食咸蛋黃，撈埋有忌廉汁既意粉，好creamy好香！中意呢到意粉既口感，唔會煮到太淋太粗👍🏻🍖法式燉煮羊膝 $128平時西餐食羊架就食得多，羊膝比較少見，大大隻既羊膝煮到好入味，肉質鮮嫩，軟身易咬🥩慢煮牛肋骨 $288大食既我地😂😂兩個人叫咗三個主食，估唔到樣樣都大份。咁大條骨切好晒上菜都幾壯觀😆😆粉嫩既肉色好吸引，咬落唔會有筋，啱晒食肉獸，薯條仲可以任食！以上既主菜全都有得跟餐，可以選擇南瓜湯或沙律，推介選南瓜湯！絕對唔係啲hea既餐湯，香濃既南瓜味，仲有少少忌廉同埋面包粒，好飲！最後餐飲選咗兩杯特別既咖啡☕️玫瑰鮮奶咖啡☕️棉花糖泡泡咖啡兩杯咖啡都勁適合打卡，玫瑰咖啡有層厚厚既奶泡，伴著淡淡玫瑰香，少女心爆發☺️棉花糖咖啡就襯晒冬天飲，除咗有棉花糖同忌廉係面，仲有啲朱古力醬係中間呢間餐廳嘅佈置有心思之外，食物嘅質素同埋擺盤都唔錯，價錢又唔太貴。不枉我哋放假都特登嚟，可以坐低慢慢食傾吓計

平時坐車經過，見到有間凍肉店，諗住行下買餸，就發現左轉角呢間同名餐廳。今次特登黎試下, 好彩早左一步，遲兩步入黎嘅人都要拎飛仔等位。餐廳好有聖誕氣氛，除左有聖誕樹之外，所有男女店員都要帶鹿角，真係好正。叫左黃金蟹肉意粉，好似係配粟米湯(？）湯好濃，似係blend爛粟米而唔係開罐頭至於意粉，以為係一般蟹肉意粉，點知真係用左好多咸蛋黃，好有驚喜！仲要係幾夾！不過食兩啖就開始飽飽地。我地叫下叫下，叫到成枱都係，完條鰻魚炒蛋漢堡，同埋牛肋肉，真係好好食! 滿堡足料唔在講，炒蛋加埋其實一定好食而我最鍾意就係牛肋肉，雖然係中間紅bob bob, 但食落無血水，口感啱啱好! 唔知係咪就係隔離間凍肉舖d肉呢! 最後餐飲係陳皮檸檬茶。um... 我都係飲返平時d茶餐廳檸檬喇lol服務都幾好，雖然都多人幾忙，但係店員個個後生仔attentive 又幾好記性咁。如果第時無左禁晚市，可以再黎過！真係幾值得！

今日咁啱尼開新蒲崗做啲嘢，呢度附近工廠大廈，星期六日好多店都冇開，咁啱見到地下有呢間餐廳，入邊又有聖誕嘅佈置，就入去坐低食返個午餐。叫咗一個牛油果蟹肉他他，另外仲有蟹肉意粉同埋鰻魚漢堡包。飲品方面就叫咗個玫瑰冷泡茶同埋一杯咖啡。先講個牛油果蟹肉他他先，個他他都幾好食，唯獨是唔係好食到有太多嘅蟹肉，然後佢跟埋碟上邊仲有兩個窩夫，冇估過咁大碟，所以食唔晒。之後個蟹肉意粉值得一讚，見到佢有一Pat黃色嘅嘢唔係好知咩嚟但係食落之後發現原來係鹹蛋黃嚟嘅，出奇地同蟹肉好夾，撈埋啲意粉食呢一個真係幾好食。跟住就係個鰻魚漢堡包，跟埋一齊有薯條嘅，係啲粗薯條，條鰻魚都幾大條。我叫個杯玫瑰冷泡茶，我原本以為冷泡茶係冇乜甜味嘅，但係佢應該額外再加咗啲糖，所以係甜甜地嘅。至於咖啡呢就正正常常啦。環境方面呢度都做得幾好，每張枱都整咗一啲分隔版，而且入嚟嘅時候亦有探體溫，亦有比一個卡放口罩。

新蒲崗四美街巴士站旁邊，有一家不太起眼的西餐廳，天藍色的門口。今日同朋友仔慶祝大日子，我地在鑽石山找到呢個好地方，COTI BISTRO距離鑽石山地鐵站只需要5分鐘路程，就找到呢家有別緻既西餐廳。非常方便~我地都係第一次來，有D SURPRISE佢既環境原來咁舒服。食物選擇都好多，店員也好有禮貌地介紹，而且服飾好有聖誕氣氛~依家中午都可以食DINNER SET，如果晚市自取仲有7折。今日既然係慶祝重生，當然要食豪佢~西班牙慢煮烤雞$115配送磨姑忌廉湯及蟹肉藜麥沙律，仲有可無張添食既雙重芝士薯條前菜都好精美，好有日式的感覺，味道都新鮮而且湯有磨姑口感。做得好靚既燒春雞，肉質好滑，而且好大盤，狂影相~朋友最愛食雞，猛讚整得好，皮脆肉嫩。法式燉羊膝 $128呢個係我既至愛，哇，原隻上感覺好豪氣~味道好香因為有羊羶味，~大愛~肉一切就開，好滑呢~仲配埋意粉，真係太飽了吧~原條鰻魚漢堡 $82因為見到呢個好奇特既菜式，所以就叫一個來SHARE試下，估唔到又係咁大份~!超值WOR，真係有長長的一條鰻魚。包入面既蛋好香滑，配上厚切蕃茄及生菜~口感一流~ALL DAY MENU 就送飲品/湯或沙律，

Coti星期日放假可以晏少少起身， 然後食番個brunch。今日就黎左喺工廠區嘅COTI. COTI 嘅環境佈置得好有心思， 周圍都有乾花佩飾或者擺設。野食方面，我地兩個人叫左原條鰻魚漢堡，同埋黃金蟹肉意粉🍝。鰻魚漢堡同薯條一齊上， 薯條上枱仲係好熱嘅， 有別於平時跟住嘅茄汁或者芥末醬， 今次係跟左一小杯蜜糖， 都幾特別！漢堡好大個，不過鰻魚仲大條🤤！黃金蟹肉意粉食落每一啖都有咸蛋黃同埋滿滿蟹肉，食完真係好滿足！ 飲品方面叫左店員推介嘅天然蜂巢咖啡同埋提拉米蘇咖啡。 蜂巢咖啡分3 小杯上枱， 一杯係蜂巢加蜂蜜，一杯係綿滑嘅奶泡， 一杯係expresso 。蜂蜜清甜，客人可以自己自由加落咖啡入面， 好喝又好玩！拉米蘇咖啡只提供凍飲，下層係咖啡上面係creamy 嘅tiramisu 😋，飲完之後就好似食左個甜品咁！ 假日悠悠閒咁飲杯咖啡，真係唔錯！

準備返屋企，一陣冷風吹埋黎，🥶嗚。。好凍。。好想食野暖暖肚。工業區成條街黑麻麻，行前少少見倒有光，望入去環境好似幾舒服幾唔錯wor ，再望埋menu，嘩，有好多好特別既野食，我忍唔住要入黎啦🥰🍲自制餐湯 (跟餐)今日係磨菇湯，好香好滑，飲完暖笠笠呀。🥗自制沙律 (跟餐)D蔬菜好fresh，食完開開個胃就可以準備食正餐啦。🍗法式燉煮羊膝 ($128)鍾意食羊既朋友呢味菜就岩你啦。個羊膝炆到好冧好入味，個意粉沾埋個汁都好有羊味。🦀黃金蟹肉意粉 ($86)呢個簡直係賣飛佛呀。咸蛋黃，蟹肉，忌廉撈埋一齊真係好香好惹味。🍋有汽檸檬咖啡 ($42)最後梗係要試埋呢度既特色咖啡啦。有汽檸檬咖啡個味好特別，用少少檸檬吊起咖啡個味都幾醒神架。☕️奶醬啡 ($48)奶醬多就係食得多，奶醬啡就第一次試。個味都幾得意，咖啡香得黎又唔係好甜，又有花生粒增加口感。環境係幾舒服嘅，估唔到工業區都有咁寫意嘅環境食完仲想買埋返去自己煮嘅話，隔離就有得賣

友人介紹了這間位於新蒲崗的餐廳，店內滿是聖誕裝飾，不禁感嘆一年容易又聖誕，環境及氣氛確實舒服～雖然大家生活仍受疫情影響，也希望有個平安愉快的聖誕節！🎄🎄🎄——————————今次與朋友各點一個套餐，送餐湯/沙律及餐飲一杯！🔸黃金蟹肉意粉 $86賣相相當吸引，意粉的硬度剛剛好，吃起來略帶煙韌，入口即嚐到濃郁蛋香，配合絲絲鮮甜蟹肉，滿足感十足！🔹法式燉煮羊膝 $128不少人推薦的main course，羊膝燉煮得非常稔滑，而且比較平常羊肉的煮法，例如串燒、火鍋等，燉煮後羊膝的羊膻味不會太重，更適合大眾口味！🔸朱古力咖啡/鮮奶咖啡兩杯人手拉花的咖啡，面上是樹葉及可愛豬仔，打卡用最適合！為美好的一餐畫上句號。

是咁的，👦🏻👧🏻去咗新蒲崗一間類似cafe嘅餐廳食嘢，叫左幾多野食咁楓糖炸雞pancake個配搭聽落好似幾得意咁，不過炸雞味道偏辣同帶甜味既pancake唔算好夾，兩樣分開黎食會好味啲嘅；而原條鰻魚漢堡除左原條鰻魚之外仲有芝士同炒滑蛋，加埋鰻魚汁成個burger都幾惹味，不過原條鰻魚食起上黎勁麻煩，搞到好褦襶；手撕蟹肉牛油果他他個調味有少少微辣，蟹肉既鹹香味好突出，牛油果都幾夾，幾fresh；焦糖布甸咖啡好香咖啡味，味道帶甜好易入口，啱晒怕咖啡太苦既朋友仔；而果皮冰糖檸檬冷泡茶就普通咗少少，欠缺左啲果皮味亦無咩冰糖檸檬味，似微糖茶咁。

難得去新蒲崗，呢間藍色大門嘅餐廳好有歐洲風呀，入去睇下有咩好嘢食先！見佢有個All Day Menu就揀咗法式慢煮羊膝，另外仲叫咗西班牙燒雞，有餐湯或沙律，蟹肉沙律🥗幾開胃，蕃茄湯都好濃郁，食得出裡面加左小法飽，慢煮羊膝嘅肉質好夠軟，份量十足呀，佢嘅醬汁都好夾，拌意粉一齊食，可以不知不覺食晒，就連配菜嘅紅蘿蔔都好夠味！西班牙燒雞肉質夠嫩滑，外皮有香烤嘅香脆味道😋，最後點左杯Tiramisu咖啡，似dessert 多啲呀，真係好似食緊Tiramisu 咁，身為咖啡控，好Like呀😉而呢度嘅店員好有禮貌，環境亦好舒適好夠空間感，聖誕🎄將至，呢度好有歐式節日氣氛，打下卡都幾啱feel呀！

捉住晚市限聚令的尾巴食餐好!餐廳環境寬敞，坐得舒適，見到聖誕的佈置和特飲，更顯餐廳的用心。原條鰻魚漢堡 (配薯菜) ($82) 好有特色，原條鰻魚配壽司或者飯就有見過，配漢堡真係第一次見。鰻魚好厚肉，個汁料味唔好太濃，同其他配料嘅味道都夾，而且唔會搶配料的味。個包烘過，脆脆的，好細心，疫症期間有刀提供，唔怕手污糟要直接掂個漢堡。法式燉煮羊膝 ($128) 方面，一望到就覺得份量好大，夠1.5人食。羊膝煮得夠淋, 有羊味但唔算膻，平時唔係食慣羊嘅人都岩食。咖啡有好多新奇有趣嘅味道可以試，造型都吸引，打卡一流。我哋試咗焦糖布甸咖啡同埋伯爵茶咖啡，伯爵茶咖啡係聖誕期間限定哦！焦糖布甸咖啡面頭有一層烤過脆脆的焦糖，伯爵茶咖啡嘅茶味好突出，而且唔會太甜，奶味相對少啲啲，食完個咁豐富嘅晚餐再飲佢，都唔會滯，所以呢餐我同朋友都食得好開心。食完之後，隔離就係賣海外直送新鮮肉的門市，食完之後覺得鐘意，都可以買嚟試下自己煮嚟食，當係係屋企整個聖誕大餐~

好鍾意同男朋友四出搵好嘢食，今次就係新蒲崗遇上Coti the Bistro，餐廳裏面環境會令我有放鬆嘅感覺。餓餓地我地兩個人一人叫咗一個意粉試吓是日自家餐湯/沙律～青蘋果沙律我私心鍾意沙律多啲，用料好新鮮食完會想再食明太子鰻魚意粉極力推介！當我以為個鰻魚會蓋過明太子忌廉嘅味，其實又唔會仲要味道好夾，配合埋魚子食又唔會太重口味，個汁調配得好好！黃金蟹肉意粉必食！意粉煮到啱啱好，忌廉汁蟹肉意粉配鹹蛋黃醬，加咗紅蘿蔔絲落去令人食完都唔會覺得好膩最後我叫咗蜜桃茶，男朋友就飲焦糖布甸咖啡咖啡佢話幾好飲！我覺得呢度係一個休閒小天地，工廠區入面有餐廳坐得舒服又令人放鬆，食物質素好，經開附近真係可以試吓！

又開始WFH的日子了! 約了朋友在屋企附近食飯,實在找不到合適的餐廳~在openrice搜索到一間很特別的西餐廳~地方雖然不近地鐵站,鑽石山地鐵走過去約5-10分鐘~但我住附近搭巴士10分鐘就到了!!因為是平日的原因,餐廳人不多,而且很安靜很舒適.裝修別樹一格~有點復古風~餐牌的設計很有聖誕風,是綠色的~令人聯想起聖誕了!🎄Dinner Set很多選擇~ 我們就叫了Set~餐廳還每人附送了一個硬卡紙製作的口罩夾,不用浪費紙巾包著口罩~很貼心,設計也很精美~Dinner set 跟餐湯/沙律,是日餐湯-蘑菇濃湯,加入少量忌廉及麵包粒,味道很香濃,一點也不馬虎.我們分別叫了抹茶鮮奶(凍)-$42及果皮冰糖檸檬冷泡茶-$36, 賣相當然很不錯~抹茶鮮奶的味道濃烈,而且我叫了少糖,不會太甜~朋友叫的冷泡茶味道清新,加了果皮有種淡淡的香味.來到Main course 了,黄金蟹肉意粉-$86,蟹肉份量非常足,鋪著有個大大的蟹蓋,義粉口感煙韌又彈牙,這個醬汁很濃有蛋黃+卡邦尼的味道~奶滑香濃的感覺~另外一個Main course是法式燉煮羊膝-$128, 雖然偏少少貴,但份量很超值!大大的羊膝舖滿

今日同大少去到新蒲崗試新野，餐廳一直播住聖誕歌好有聖誕氣氛，我哋叫咗個黃金蟹肉意粉同原條鰻魚漢堡餐，包杯drink +湯/沙律。價錢都好合理。沙律：用芝麻醬撈蔬菜湯：羅宋湯黃金蟹肉意粉：有蟹黃同蟹肉係面，味道好味，可能我太大食覺得份量細左少少🤣原條鰻魚漢堡：呢個超好味，一大條鰻魚，入邊仲有滑蛋，芝士，蕃茄，好多料，食都有啲狼狽😂😂Signature drink 推介：Tiramisu coffee呢杯賣相好靚不特止，仲好好飲，好似食緊Tiramisu,有得飲有得食既感覺👍🏻天然蜂巢咖啡：呢個賣相好特別，不過我個人都係鐘意Tiramisu 多d😍😍

一向都知道新蒲崗有好多好野食，仲有好多值得支持既小店今時今日嘅疫情同政策影響下，每次出街食飯都要好小心，難得早早約咗老公出去食下嘢，就一定要揀高質餐廳支持下Coti the Bistro係環境方便確實可以令我感到好放心枱同枱之間有足夠空間，又有隔板！一入到去，就覺得餐廳好有聖誕氣氛，又好warm！環境真係好舒服可能第四波影響下，夜晚既人流唔算好多，希望餐廳同香港人都係寒冬撐住啦💪Coti the bistro 既正門係彩虹路，近鑽石山地鐵站o個邊，又有好多巴士途經，都幾方便門口細細，但係一入到去就有驚喜門外有dinner set menu，價錢都幾大眾化後來發現有廚師帽圖案既set仲可以任加薯條，又幾抵食喎！店員都有同我推介all day menu，仲有好多好吸引既特色咖啡最後我揀咗all day menu既鰻魚漢堡，同埋法式羊膝，再加兩杯特色咖啡先介紹蘑菇湯因為曾經飲過唔太好飲既蘑菇湯，所以有少少陰影不過今次完全無令我失望菇味濃之餘又唔會覺得奇怪，仲有d卜卜脆同埋一片片菇係入面，有咬口之後介紹我揀既原條鰻魚漢堡作為一個漢堡控，真係表示好高興大大條鰻魚，好吸晴，未食就先興奮重點係鰻魚肥