Coti the Bistro (五芳街)

營業中

休息中

今時今日嘅Cafe已經唔可以淨係講求味道重要有得打卡 咁先會係加分位！👍🏻新蒲崗呢間文青小屋絕對係我所推介呢度嘅環境闊落好多卡位坐得舒服首先叫咗個沙律 呢個沙律都唔惹少慢煮烤雞配霹靂葡汁雜錦沙律呢度嘅雞用慢火煮 保持肉質鮮嫩食落去口感好腍 唔會乾爭爭 仲有啲沙律喺碟側邊感覺好豐富燉煮牛肋骨飯呢個牛肋骨味道好特別配埋白飯 牛味香濃 感覺好多骨膠原蛋白質加埋其他配菜一齊熬 自己一個食都唔過分重點要講下嗰度飲品 咖啡果皮茶配蜜糖完全唔馬虎 手沖咖啡加咗果皮原來咁特別仲有蜜糖中和返成件事 咖啡豆的甘醇加上果皮的清香 用玻璃樽每啖慢慢感受🧡仲有熊仔頭抹茶鮮奶（熱）呢個拉花加分濃郁嘅牛奶 仲有抹茶質感 日式feel滿分手工巴斯克芝士蛋糕 入口唔太甜 富空氣感 有蛋香軟綿綿 感覺細膩 值得一再品嚐！

呢個隱世咖啡店既入口好唔顯眼如果唔係朋友想試佢既提拉米蘇我諗都唔會留意到呢間咁低調既咖啡店牛油果軟殼蟹漢堡配蜜糖薯條軟殼蟹好大隻又厚身，外脆內軟仲有醬汁、生菜同蕃茄係底層食落唔乾口之餘仲幾清新，唔會好油膩蕃薯條甜甜地好軟身，唔沾茄汁先食到淡淡蕃薯味慢煮烤雞配西班牙甜椒蕃茄烤雞都幾大份，不過略嫌燒得太過雖然無燶到，不過面頭就有啲乾身提拉米蘇窩夫呢度既甜品先係呢間咖啡店既重點因為見到隔黎枱既份量唔大所以各自嗌左一個頂層有層朱古力粉，中間是軟忌廉，窩夫好鬆軟，食落有層次有氣檸檬咖啡飲品試左有氣檸檬咖啡，市面上好少有有氣既咖啡飲第一次將咖啡溝埋有氣鮮檸檬梳打水度飲，味道都幾特別提拉米蘇咖啡好濃郁既咖啡香，餅乾好鬆脆

朋友介紹我到這間新蒲崗工廈的西餐，這間門外裝修簡約，但入到去裝修很有特色風格，坐得很舒服😌食物方面都令到我覺得有驚喜。燉煮牛肋骨飯牛肋骨份量不少，好淋好入味，醬汁甜甜地很有特色，配菜方便有白蘿蔔和冬菇，冬菇很厚肉，咬落多汁美味。蒲燒鰻魚飯鰻魚皮燒得微微香脆，溫泉蛋的流心生熟度適中，搭配埋黃瓜絲一齊食，口感不錯👍是日沙律🥗沙律菜新鮮爽口。泡沫咖啡☕️-咖啡味香濃幼滑，甜度適中。手工巴斯克芝士蛋糕🍰蛋糕上面脆脆地，芝士味濃郁。士多啤梨蛋糕🍰這個賣相不錯，士多啤梨形狀，靚到唔捨得切開，蛋糕食落好鬆軟好香士多啤梨味道，加入啫喱增加口感。

今次同同事搵到間隱蔽的西餐廳，原來工廠區內都有高質西餐廳！蒜蓉牛油多士和蕃茄忌廉濃湯煎慢煮安格斯西冷牛扒配薯菜和沙律牛扒超大扒，有肉汁，煎得幾香！慢煮烤雞配霹靂葡汁雜菜沙律烤雞半隻，雞肉嫩滑，配上酸辣的霹靂葡汁，簡直食過返尋味天然蜂巢咖啡好有特色的飲品，原塊蜂巢上，放落咖啡和牛奶中，蜂蜜的清香溶入咖啡中，少少清甜，另有一番風味。提拉米蘇咖啡提拉米蘇放在咖啡之上，賣相好吸引，飲落更驚喜提拉米蘇窩夫窩夫又大又脆口，沾上啖啖提拉米蘇，和少少暖的熱咖啡，味道不太甜，打破了傳統提拉米蘇的食法！

8月2日，多雲有雨，天氣悶熱。一整天的工作超級煩惱，倉卒之際，又要處理不少私人事，心情都被搞得郁郁寡歡了。於是，為了跟媽媽好好的放鬆一下，便找到了這間咖啡店。可是，四周都是車行，門口細窄不起眼，亦沒有門牌。如果沒有直立在門外的餐牌，我們都差點兒錯過了它。步入店內，每位店員都彬彬有禮地歡迎我們，並為我們安排了卡位。燈光是暖和的黃色，圍繞著燈罩的是乾草，而每張桌子上，放置了小小的乾花。店舖的旁邊，擺放了麵包及意粉的擺設，歡迎大家觀賞 —— 如有興趣，可以向他們問問那些是什麼。這些都凝造了平易近人的氛圍。菜單都算是多款式，我們分別叫了豬肋骨及燒雞。他們很快便為我們點菜，不需等候得很久便上了前菜及餐湯。蘑菇湯通常我是比較怕膩的，通常不會主動叫餐湯。不過，今次的蘑菇湯另眼相看。因為每口香濃的蘑菇味，沒有味精，不油膩，還嗅到淡淡的香草味，還有橄欖油的香氣。清爽，不失材料的豐富感，這個湯使人食指大動！羅宋湯紅湯本是我比較喜歡的湯。可是，有時候會太淡或太酸。今次的湯很惹味，有片片椰菜﹑番茄，更令我感到驚喜的是：內裏有整整4粒牛肉！既軟又入味！如喜愛有點辛，不妨灑一點黑胡椒吧。蒜蓉包其實都是平平無奇的一

放假就係鐘意周圍食～食～食上次試過九龍灣，食物同咖啡都好好味食過返尋味今次就去到新蒲崗分店，睇下係咪一樣咁好味先不過餐廳門口有少少難搵，路過左幾次都見唔到新蒲崗分店環境同裝修相對簡約一點叫左2個午餐跟餐有兩個湯加餐包羅宋湯+蒜蓉包我鍾意佢嘅羅宋湯，因為佢係西式較濃稠的質感，而且有啲黑胡椒辣辣地味道，好惹味，而且配料都十分豐富蒜蓉包烘過好脆口慢煮64度溏心蛋卡邦尼意粉見到蛋黃醬汁緊緊包裹住整條意粉🍝配料有蘑菇，煙肉，仲有隻生雞蛋放咗喺意粉上面，食嘅時候撈勻佢，醬汁更加厚身，香濃蛋味香煎雞漢堡伴椰菜絲沙律及薯條薯條轉左返薯條，更加香甜，表面加左鹽，識落有少少鹹+甜，好惹味，仲炸得好脆口正 Burger平時係牛肉，食入口會比較肥膩，轉左雞肉再配合埋椰菜絲有一份清新嘅感覺玫瑰鮮奶咖啡其實呢度都一定飲玫瑰鮮奶咖啡，好香嘅咖啡，再加埋一陣陣幽香的玫瑰味，真係令人好relax棉花糖朱古力(凍)朱古力上面有一大pat cream加一粒大棉花糖，小朋友見到就好開心，味道都唔算好甜提拉米蘇窩夫Tiramisu上面有個窩夫，有兩種食法，可以先試食Tiramisu，表面一層咖啡粉+Tiramisu cream

黎到新蒲崗呢邊啲路真係唔太熟，想搵間好坐啲既餐廳食野，咁岩經過呢間餐廳，見入口好神秘咁，門口餐牌啲食物都岩食，就入去試下啦。🍴 燉煮牛肋骨飯雖然賣相冇必特別，但份量搭夠。牛肋骨煮得好稔好入味，啲肉唔會好癡骨，不錯。而醬汁味道有小小較濃，但伴住飯食就岩岩好，味道都好味，唔錯。另外，有小小驚喜既係，啲飯好好食 😂 好香米飯香味同食落好彈牙，就算冇汁都可以輕易清晒 😆整體感覺唔錯，如果我係附近番工，應該會經常黎 👍🏽

收工約左朋友嚟新蒲崗食飯吹水，上次食過覺得呢度幾唔錯，今晚就決定再嚟試下。前菜野菌湯味道濃郁，上面有兩件多士粒。多士細細地一片，點少少湯食都唔錯。法式燉煮羊膝意粉羊膝真係幾大舊，肉質鬆軟有啲似牛腩，食第一啖已感覺到果陣羶味，連個汁同意粉都充斥住濃厚既羶味，鐘意食羊肉可以一試。煎慢煮西冷扒配薯條及沙律西冷揀左七成熟，薄薄地幾大片，食落充滿肉汁。薯條同沙律份量適中，係一碟中規中距既菜式。巴斯克芝士蛋糕賣相好靚，芝士味突出之餘唔會好似美式芝士蛋糕咁實咁heavy，口感相對地輕巧，水分較多所以食落都幾軟綿。抹茶鮮奶抹茶既澀味幾突出，整體唔會太甜。Babyccino (Decaffeinated)泡沫鮮奶都幾大杯，味道都唔錯。

估唔到喺新蒲崗都有一間咁高質嘅fusion西餐廳🙈呢間餐廳冇華麗嘅門口，但食物嘅高質素確係令我一試難忘☺️我同朋友一人叫咗一個dinner set☺️兩款都好好味😋有埋是日餐湯蒜蓉包，個餐湯係南瓜🎃粟米🌽忌廉湯，勁creamy 好飲，而且每飲一啖都有料，口感好豐富🥰煎慢煮西冷牛扒配薯條及沙律，牛扒叫左7成熟，入面真係pink pink好粉嫩，而且勁有肉汁同大大塊，仲配埋薯條同沙律，CP值好高呢😳燉煮牛肋肉飯，呢款較為中式，但一樣煮得好出色👍🏻牛肋肉炆得好林好入味，同埋勁大件，一啲都冇偷工減料。另外仲有一大塊嘅白蘿蔔同紅蘿蔔，又係好入味，我甚至覺得係我近期食過最好味嘅牛肋肉飯😚飲品方面就叫咗朱古力咖啡同暖泡沫鮮奶，個鮮奶係冇咖啡因㗎，而且打到起晒泡，好滑溜🤩甜品必推巴斯克芝士蛋糕，非常好味，唔會太甜，食完一啖好想接住食下一啖😊力推比大家😎

朋友去新蒲崗整車，順便去食野，邊食邊等。見到OpenRice有咁多介紹，一於去試吓😎🎈煎慢煮西冷扒配薯條及沙律 $158牛扒嘅生熟程度只可以揀5成、7成或者全熟。最後我地揀咗5成，好彩都唔會好un👍🏻👍🏻同埋我幾鍾意佢個燒汁另上，方便唔同人嘅口味😊🎈烤慢煮BBQ豬肋排 $128個BBQ汁味好夠，可能人人喜好唔同，我就比較鍾意豬肋排係慢煮到可以輕易骨肉分離😂😂🎈炸魷魚圈 $58魷魚圈新鮮炸起，又炸得好脆，一定要配埋他他醬食😆🎈凍棉花糖朱古力 $42🎈凍棉花糖泡泡咖啡 $48兩杯味道都幾濃，配埋邪惡既忌廉同埋棉花糖😋😋

好友抽中居屋開心䏲樓，行經永顯工廠大廈地下有間西餐廳選用原色木裝修感覺清新，座位寬敞舒服。我們點左慢煮烤雞配霹靂葡汁雜錦沙律$118，奉送蕃茄湯及蒜蓉包。慢煮烤雞肉質嫩滑，外皮烤過色澤金黃有焦香味並有少許脆，霹靂葡汁辣辣地真惹味，雜錦沙律🥗很新鮮。烤慢煮BBQ豬肋骨配薯條$128，肉質腍滑，味道不錯👍👍水牛城辣雞翼$68，炸得脆脆香香辣辣。提拉米蘇咖啡$48，賣相超靚，味道香濃，真美味。棉花糖朱古力$42，朱古力🍫味香。焦糖香蕉窩夫$78，🧇香脆、香蕉、焦糖、🌹玫瑰花瓣、cream，味道很夾又可口。Coti the Bistro (五芳街) 新蒲崗五芳街31-33號永顯工廠大廈地下C號舖

☆ 𝘾𝙤𝙩𝙞 𝙩𝙝𝙚 𝘽𝙞𝙨𝙩𝙧𝙤新蒲崗五芳街31-33號永顯工廠大廈地下C號舖星期六你好，食左早餐未呢？係呀，我又食ADB啦(๑˃̵ᴗ˂̵)✦ All Day Breakfast with Croissant我想講個牛角包超超超好食，佢夾左芝士同菇係入面，雖然好簡單，但本身個包都外脆內軟，所以好好味！✦ Deluxe Weekend Breakfast 黑松露炒蛋好香好滑，麵包上面個pat牛油果茸又幾好食喎，同埋d紫洋蔥甜甜地好味道。✦ 奶醬啡好得意，其實就係咖啡有奶醬味，我試左啖都幾夾(´▽｀)同埋佢有好多signature coffee都好得意，例如：有汽檸檬咖啡、天然蜂巢咖啡(details可以參考menu)，大家有興趣都可以去試下。無特別講個d野食唔係唔好食，只係無乜特別咁解姐，所有野都好ok嘅(*'▽'*)

上次來Coti the Bistro吃午餐覺得滿意，今晚再約朋友來吃晚餐。晚市套餐算抵食，食物選擇多。朋友生日，食好些。我們選了兩款廚司推介-法式燉煮羊膝意粉和煎慢煮西冷扒配薯條及沙律。忌廉魚湯幾好飲，配蒜蓉包正! 法式燉煮羊膝出色。羊膝燉得夠火喉，肉食落有質感，肉帶筋吸滿香料和蔬菜精華很美味，羊肉無騷味。意粉混醬很夾味，意粉軟硬適中。煎慢煮西冷也不錯。慢煮西冷肉質鮮甜，肉質唔韌，醬汁調味適中。愛吃牛扒的會滿意。薯條香脆，沙律新鮮。凍蜜桃茶有淡淡果香，清新。咖啡果皮茶(Cascara)配蜜糖幾特別。Cascara，西班牙語中是“殼”或“皮”的意思，是咖啡果實的果皮乾燥後形成的果殼。果皮茶帶有水果香，口味甘甜。朋友話咖啡果皮茶是super food。它擁有咖啡的健康元素，富含抗氧化元素，能夠預防二型糖尿病、老年癡呆症、肝癌等，且富含鉀、鐵、鈣、維生素A等，是一種無添加純天然能量飲料，且不含麩質。長知識!美味香濃的巴斯克芝士蛋糕為這餐劃上完美句號。餐廳雖在工廠區，但環境舒適，是飯聚的好地方。服務也不錯。

屯馬線開咗同朋友去鑽石山覓食，呢間係工廠區無招牌經過咗都唔知，認住藍色牆先搵到估唔到假日都多人嚟工廠區呢間餐廳，果然利害！裝修好文青風格蕃茄湯-好有蕃茄嘅酸甜味，飲到好開胃蒜蓉包-蒜蓉味好香，又夠脆豪華週末早餐$118-松露炒蛋超香，大大塊雞扒同煙三文魚，仲有埋牛油果，蜜瓜同沙律菜等豐富又健康烤慢煮BBQ豬肋排$128-豬肋排都幾腍易切，薯條熱辣辣夠脆提拉米蘇窩夫$88-脆脆哋嘅窩夫沾住啲提拉米蘇食感覺新奇，咖啡味好出烤棉花糖朱古力$78-甜品控必食！棉花糖烤得外脆內軟，好甜，個底係曲奇餅，食落更有口感棉花糖朱古力$42-朱古力味濃奶醬啡$48-特別嘢緊係要試！有奶醬嘅咸甜味，杯邊有花生碎，少飲咖啡嘅人都好易入口

屯馬線開線了,鑽石山附近好多餐廳咁今日同朋友約左過黎食飯佢介紹我去呢間西餐cafe係地鐵站行10分鐘就到,唔算好遠,附近仲係新公屋既地盤,晚市無咩人,唔洗排隊叫左一客豪華周末全日早餐,一客慢煮炸雞配沙律餐湯加蒜蓉包,小吃是水牛城辣雞翼甜品係提拉米蘇格仔餅 Tiramisu Waffles飲品是果皮冰糖檸檬冷泡茶,玫瑰冷泡茶各一杯先評全日早餐,製作用心,多士配牛油果,煙肉卷煙三文魚片黑松露炒滑蛋,煎雞扒,沙律,蜜瓜切片,一份全日早餐,有冇誠意睇佢有幾多款食物係點裝飾或有加工過就明白唔會火腿就咁放上去,起碼卷埋一件有做過手作雞扒香脆,有肉汁,調味剛好不會太重味,沙律清爽,牛油果多士幾好食滑蛋夠嫩滑,仍然有蛋汁,價錢上稍貴,但合理水準,起碼無hea到爆既番茄汁豆同粟米粒先慢煮烤雞,半隻春雞,調味偏淡,但雞肉多而嫩滑有肉汁,伴碟係沙律菜另外有特製醬汁,少少辣,好提味唔錯小吃係炸過既雞翼再上水牛城醬汁,酸酸地辣辣地咁,個味超濃郁,幾岩配埋餐湯同麵包做前菜餐湯包一片法包,有烘過同牛油,番茄湯幾濃郁幾滑身少見既特飲,冰糖檸檬茶玫瑰花茶,配埋濃味既食物幾夾Coti the Bistro甜品係將Tira