Coti the Bistro (五芳街)

營業中

休息中

想食好耐之一嘅Cafe ^o^ 由佢開張到依加都大受好評！ 今次食嘅分店位於新蒲崗(近鑽石山地鐵站)~ 咁啱去咗呢頭就試吓先！ 記得切記唔好比Google Maps呃咗！ 唔需要兜入內街㗎，門口就咁對住馬路架咋~ 門口係iconic 嘅藍色大門都易認架, 一入到去有種可愛restaurant 嘅感覺~ 雖然無咩打卡位，不過成間餐廳都好靚！ 打卡嘅重點係食物到~ Price 💵慢煮64 度溫泉蛋卡邦尼意粉 —— $88意粉好彈牙 ！好creamy , 成個意粉蛋味比較重芝士味冇咁多，本身意粉味道唔重可以自己加鹽調味~ 係滿分嘅意粉！ 法式燉煮羊膝 —— $138 羊肉超入味，入口即溶~ 法式肉醬超夾！ 加埋橄欖油意粉，味道剛剛好唔會太濃！ 重點係羊膝份量好多！ 肉多過意粉！ 提拉米蘇窩夫 —— $88Tiramisu唔會太甜，濃郁啲忌廉加上少少甜嘅窩夫🧇原來好夾！ 幾特別嘅甜品~ 棉花糖泡泡咖啡 ——— $48超靚嘅咖啡~ 上面嘅泡泡唔甜㗎，配合返下面有朱古力味嘅咖啡~ 棉花糖都係燒過架~ 玫瑰鮮奶咖啡 ——— $42 飲過最好飲嘅玫瑰飲品之一！ 超怕玫瑰藥水味，你杯咖啡完美融入玫瑰嘅香

試過九龍灣分店覺得好食👍🏻 今次試吓新蒲崗店～ 地鐵站行過嚟都算近，算方便～ 餐廳都大，坐卡位幾舒服～ lunch set 都係包括餐湯、蒜蓉包👍🏻 今日係蕃茄湯，好味😋慢煮烤雞配霹靂葡汁雜錦沙律 $118半隻烤雞，肉質唔錯，霹靂葡汁原來都幾辣😝 不過都幾惹味～ 沙律新鮮～香煎雞漢堡伴椰菜絲沙律及薯條 $108賣相唔錯，雞漢堡好食🤤 都幾厚身👍🏻 薯條好香脆呀！好味！👍🏻😋焦糖香蕉窩夫 $78 / 提拉米蘇窩夫 $88一人一個甜品😆 兩款都唔錯👍🏻 窩夫夠香脆，焦糖香蕉夠甜美，提拉米蘇則唔會太甜，咖啡味香濃😋 棉花糖朱古力 $42朱古力香滑濃郁，配上棉花糖更甜😆咖啡果皮茶配蜜糖 $52其實冇乜咖啡味，好甘香，少少苦，配合蜜糖比較好～值得一讚係多位侍應的服務態度都非常好👍🏻 推介👍🏻

完全不起眼嘅工廈Cafe! 估唔到藍色外牆嘅一道小門入面，有一間空間感唔錯嘅餐廳。我哋星期日下午十二點去到冇乜人，環境幽暗，食物唔錯，不過喺呢個地段定價偏貴。香煎雞漢堡伴椰菜絲沙律及番薯條$108- 配是日餐湯及蒜蓉包，我幾鍾意蕃茄湯，偏酸，好開胃醒神。蒜蓉包焗得脆薄，我平時都係浸蒜蓉包落湯度食，所以唔覺得硬。本身呢個餐係配薯條，不過侍應話冇薯條得蕃薯條，我仲開心！因為我超級鍾意蕃薯嘅甜味，呢度俾到驚喜我！蕃薯條切得比較粗身，外層炸得香脆，入邊食到番薯軟糯口感同甜味，就好似食緊脆卜卜嘅甜品咁。雞漢堡就不過不失，雞肉口感鬆散，同芝士、椰菜絲味道唔係太配合，俾蕃薯條搶咗風頭。牛油果蟹肉他他伴窩夫雜錦沙律$93- 賣相同我哋想像中嘅牛油果有啲出入，不過味道搭救！之前喺其他食評見到牛油果係切開半個直接放碟，但係今次係牛油果蓉，感覺有少少偷工減料。不過我朋友話味道好好，同窩夫好夾，食度停唔到口，令我下次都想試吓。

嚟到新蒲崗發現到一間裝修吸引嘅咖啡店 入面嘅裝修好文青🌿位置好寬敞 坐得好舒服😌前菜有蒜茸包同蕃茄湯😚😋由新鮮蕃茄烹成慢煮烤雞配葡汁雜錦沙律 $118烤雞雖然得半隻 但係都算大隻 雞肉好香🤩烤得啱啱好 雞肉唔會鞋 佢特製嘅葡汁有少少辣味 雜錦沙律啲菜都好新鮮 配埋沙律醋食好開胃😚羊膝意粉 $138羊膝煮得好腍 個種羊既肉味唔會太騷😋仲令到個汁都有啖啖既羊肉味 撈意粉好好食 如果意粉份量多返ＤＤ就好啦🤩🤩焦糖香蕉窩夫 $78呢個窩夫好好食外脆內軟 而且又夠大塊 焦糖香蕉份量都好多 全部配埋甜忌廉一齊食真係好好味🥰Tiramisu 窩夫 $88窩夫外面香脆 裡邊軟腍 加上充滿Cream既Tiramisu真係好邪惡 🤪不過都好好食 因為當個Tiramisu撈埋同窩夫一齊食就好有層次感 既香甜又有咖啡溫和既苦味中和咖啡果皮茶配蜜糖 $52依個係超級特別既飲品 咖啡果皮既有咖啡既味道亦都有微酸既果香 其實唔洗加太多蜜糖都已經好好飲🥰不過佢最好就係蜜糖另上比我地自己酌量加 仲有佢咁既賣相已經令我望到都想飲啦😍抹茶latte $42抹茶味好濃郁 呢杯野應該係冇落糖嘅 所以抹茶嘅甘甜味係呢杯野就好突顯

在新蒲崗這種工業區，竟然有一家ＣＡＦＥ餐廳沒有正式門牌，只有藍色的門面油漆，原來就是這家ＣＯＴＩ ＴＨＥ ＢＩＳＴＲＯ，從外面工廈般的門口走進去，就像去了另一個世界一樣環境：非常ＦＡＮＣＹ，即使以CＡＦＥ來說也是很漂亮，而且冷氣的調溫滿不錯，不會太集中服務：相當不錯的一家ＣＡＦＥ食物：星期六日午市有送餐湯跟包！雜菜湯酸中帶甜，蒜蓉包味道濃郁而且爽脆熱辣，質素不錯慢煮溫泉蛋卡邦尼意粉＄８８半熟溫泉蛋以６４ＯＣ慢煮，切下去剛好凝結，口感軟稔意粉本身奶香味很重，應該是加了芝士吧。配以培根，就是基本卡邦尼的內涵啦！煎慢煮西冷扒＄１８８經慢煮的西冷軟稔，而且外皮香脆，帶有肉汁，很不錯除了大塊肉，還有帶皮薯條跟沙律，非常平衡的一個碟呢！

朋友搵到新工，所以特登過咗去搵佢食晚餐慶祝一番，由於佢份新工喺新蒲崗，所以我哋都係揀咗附近嘅餐廳入去試,環境都不錯，喺工廠區來講今次我哋叫咗個煎慢煮西冷扒配薯條及沙律，另一個係香辣白酒蜆肉蒜片意粉，啱咗個餐湯同埋蒜蓉包，最後叫左個甜品作總結😙是日餐湯係忌廉雞肉粟米湯，感覺呢個湯都好足料，食到有雞肉粒同粟米，配上一片蒜蓉包，分量剛剛好煎慢煮西冷扒🐮配薯條🍟及沙律🥗，份量都好大，我哋order嗰個牛扒係5成熟，咁佢都冇overcook嘅，另外再配上薯條同沙律，食完之後都唔會有油膩嘅感覺香辣白酒蜆肉蒜片意粉🍝，蜆肉都好多粒，味道都唔錯，意粉嗰個硬度都適中，唔會太硬都唔會太軟食完兩個主菜之後，我哋都有啲飽，之後我哋食埋個甜品，就係巴斯克芝士蛋糕🍰，好彩佢唔係好大件，我哋兩個人都食得晒，味道都不錯最後嗰兩杯嘢飲我哋就叫咗果皮冰糖檸檬冷泡茶同凍蜜桃茶，本身想是咖啡嘅，但由於嗰陣夜晚小編都驚瞓唔着，凍蜜桃茶係正常水平，另一杯果皮冰糖檸檬泡茶，有少少fusion,個味未必個個人都接受到😈，因為會有的中藥嘅味道🤣🤣

今日放工去公司附近lunch,同事同我各叫個lunch set~果皮冰糖檸檬冷泡茶飲得出係舖頭自制既飲品，果皮好香亦冇苦味，加上檸檬酸同埋少少糖漿，加埋一齊飲好fresh!煎慢煮西冷扒配薯條及沙律西冷牛扒好大塊而且都煎得好香口，慢煮既關係所以都保留到少少肉汁，但食落感覺塊扒既肉汁流失得好快，所以要趁熱食啦! 牛肉味都幾突出，慢煮真係可以帶出一個新既味道同口感!豪華週末早餐All day breakfast周圍都有而呢度既除左份量好大之外每樣食材都好新鮮! 特別要講塊雞扒煎到好嫩滑有肉汁，炒蛋仲有黑松露醬而且又有煙三文魚同煙肉，食完一定夠哂飽!餐湯及蒜蓉包湯同蒜蓉包好夾，作為前菜岩岩好唔會太膩。巴斯克芝士蛋糕呢排大熱既巴斯克芝士蛋糕呢度都有得食，芝士味突出而且綿滑有咬口，如果鍾意食平時既芝士蛋糕的話呢個一定唔可以錯過。提拉米蘇窩夫佢地好出名既tiramisu，咖啡味十足又夠香濃，加上一細舊新鮮即制既窩夫，完美既總結!

係新蒲崗附近做嘢，同事帶我去食午餐😋呢間餐廳個門口都幾難見到😆-慢煮60度溫泉蛋卡邦尼意粉意粉上嘅流心溫書蛋用咗慢煮嘅方法去做，再撈埋熱辣辣嘅意粉，即刻溶合埋一齊，意粉硬度適中，配料蘑菇同煙肉都煮得好香，食落口感不錯😋-巴馬火腿蘆筍扁意粉好多青豆蒲係面上面再加埋蘆筍好香口😋又有煙肉嘅配搭👍🏼整體嘅效果唔錯👍🏼意粉硬度適中👍🏼-是日餐湯蘑菇忌廉湯，飲落去暖笠笠而且好香濃👍🏼-青蘋果甜品整得好可愛😄青蘋果外型好可愛而且切開係蛋糕質地仲有果粒係入面-巴斯克芝士蛋糕🍰不錯 ，鍾意食甜品嘅話呢一個係唔錯嘅選擇另外飲品方面不得不提佢哋嘅飲品真係好出色-提拉米蘇凍咖啡一早返工到中午再補番杯咖啡☕️午後再工作都可以加倍努力-棉花糖凍朱古力聽個名好似好甜咁飲落又唔覺！好啱女士飲😆

今晚跟一位住在新蒲崗的朋友見面，為了就我方便坐車，所以約在巴士站附近。位置：在四美街巴士站附近，雖然地址是五芳街，但入口卻不是，而是彩虹道，一不小心就會錯過了門口。環境：門口四周油上藍色，但是沒有招牌在門上，應該是新開張不久，還未有時間掛上招牌！走入室內就如一間真正的咖啡店，空間寬敞舒適，白色桌椅配木紋，簡單大方，清幽閒靜。服務：下單後上菜都快。晚市：晚餐的餐廳顯示包有是日餐湯及蒜蓉包。是日餐湯是羅宋湯，有很多蔬菜的湯料，味道清甜。燉煮牛肋骨$108😋😋😋😋份量很多，有四大塊牛肋骨、一碗飯、白蘿蔔和紅蘿蔔、東菇等，是吃不完。牛肉連骨帶筋，易除骨，但難切筋，味道較甜而濃味，挺好吃！慢煮烤雞配霹靂葡汁雜錦沙律$108😋😋😋😋表皮微帶焦香，雞肉煮得剛好，仍保持肉汁和細嫩，最好吃是醬料，很惹味，霹靂葡汁是微酸的的醋，撈沙律吃是開胃。暖泡沫鮮奶$30這是朋友點叫，應該是一杯熱牛奶。果皮冰糖檸檬冷泡茶$36我是因好奇而點叫，果皮味很重，帶有甘苦味，即使有冰糖都去不了其甘苦味，不太適合我。巴斯克芝士蛋糕$90😋😋😋😋這個蛋糕賣相一流，長方形芝士蛋糕旁是忌廉，插有檸檬乾，再在整個碟上畫有朱古力線，可以

今晚同老公出街撐枱腳，特登去新蒲崗間coti 食晚餐~次次黎餐牌會有點轉換，可以試下新口味今次呢左個煎慢煮安格斯西冷配薯菜, 西冷肉質本身好，request 5成熟，煎完仲好嫩口，咬落口又有少少油脂，好正本身想叫煎雞漢堡，可惜一早賣晒，唯有叫我致愛-deluxe breakfast，有煎雞排、煙三文魚、煙肉、松露炒蛋，仲有好健康酵母麵包配牛油果醬+哈密瓜，成個晚餐都好fresh!難得出嚟食好西，叫左份甜品開心下：提拉米蘇窩夫-tiramisu 好重咖啡味，配埋waffle食，味道變得balance。是日精選蛋糕-青蘋果蛋糕配蘋果肉，無論外貌同味道都好蘋果味🍏果皮冰糖檸檬冷泡茶Iced motcha latte

Coti the Bistro呢間西餐廳位於新蒲崗，係工廠大廈地下，但服務態度同食物質素都幾好👍🏻👍🏻-焦糖香蕉窩夫🍌🧇 裝飾嘅玫瑰花瓣令到食物嚟到嘅時候好香好吸引，窩夫唔會太甜，連埋則邊嘅忌廉食岩岩好😚 -雜莓西多士🍞 同出面嘅西多士有啲唔同，佢哋嘅麵包都係比較薄，而且中間冇夾餡，如果唔想食得太heavy既，叫呢個tea set就岩曬啦😝-凍棉花糖朱古力🥤🍫 呢杯朱古力普普通通，朱古力味偏重，會帶少少苦，不過如果配合上面嘅棉花糖食，味道就會中和返，如果鍾意飲甜朱古力既你地就記得留意下啦😉😉

講下員工態度先..不過不失啦唔算好好但係又唔算差..不過可唔可以認真聽清楚客人要求1. 落單遮遮問cheesecake係咪同慢煮烤雞一齊上，我搖頭話後上，結果落完單3分鐘，阿四眼哥哥隊（留意返，係隊）左碟cheesecake 上我張枱，我即刻叫住佢話我講左甜品後上，四眼哥哥呆一呆，收返碟cheesecake。2. 埋單時叫遮遮俾返張單我，遮遮話OK，佢收左我錢，連張單拎返去收銀機，我以為佢陣間會俾返我，我玩住電話等，等左一陣，抬起頭望向收銀機方向，阿遮遮唔見左，原來已經冇左件事，繼續幫緊其他客人落單。好講重點 - 食物慢煮烤雞，睇落幾靚仔滿心歡喜咁切開兼咬左啖，點呀鞋過阿婆塊面，slow cook可以煮到呢個質地都有啲難度，冇計啦都叫咗，我份人就唔浪費食物嘅。好啦，即管睇埋件cheesecake係點，應該都係同岩岩一落單就上嗰碟係同一碟㗎啦，算啦..諗住甜品甜品會好啲啦掛..俾張相大家睇下～嗯，芝士蛋糕🍰個皮出左啲咩問題，蛋糕小姐你岩岩仆親?皮都鏟起埋真係陰公豬🐷個擺盤真係要講講，人生見過最醜最hea嘅擺盤，沒有之一。件蛋糕意料之內地難食，雖然我唔鍾意浪費食物，但係食左半件，我都係放低

💫 舊區較為少見嘅寧靜Cafe 💫 地鋪 • 店內整潔 • 坐位舒適💫 晚餐set包主菜、湯、蒜蓉包💫 特色咖啡有驚喜--📌 慢煮烤雞配霹靂葡汁雜錦沙律 (HK$108晚餐)半隻烤雞, 切開後肉汁流出, 配上Peri Peri Sauce微辣又惹味！📌 燉煮牛肋骨飯 (HK$108晚餐)望落有點中式, 食落有點韓式！牛肋骨炆到超級軟淋, 醬汁濃郁微甜, 送飯一流！📌 焦糖布甸咖啡 (HK$42)Cappuccino底層加上脆脆焦糖面層！📌 奶醬啡 (HK$48)超濃花生醬！連杯邊都沾上花生碎粒及朱古力醬！好似食緊份甜品咁！📌 巴斯克芝士蛋糕 (HK$45) 有水準, 芝士味幾出又唔過甜～

再次黎到隱世餐廳，客量明顯增加，食物質素有提升，值得一讚。烤慢煮BBQ豬肋排（$128）賣相精緻，嫩滑細膩， 香噴噴，切開五小條，好滋味， 超軟滑，非常美味。經典炸魚薯條（$98）炸手指魚條， 熱度十足。配餐搭有餐湯加蒜蓉包：餐湯足料， 餐包香脆。水牛城辣雞翼（$68）單邊雞中翼，有點醋味， 辣味持久，香脆可口。焦糖香蕉窩夫（$78）香蕉切成薄片， 配上忌廉，糖漿，格仔窩夫，一口一格，大滿足。冷壓蘋果汁（$28）色澤偏深， 口感綿密， 冷壓技術保持蘋果最豐富的營養水溶性纖維。見到隔離枱的忌廉朱古力奶， 好邪惡，好想要。

今時今日嘅Cafe已經唔可以淨係講求味道重要有得打卡 咁先會係加分位！👍🏻新蒲崗呢間文青小屋絕對係我所推介呢度嘅環境闊落好多卡位坐得舒服首先叫咗個沙律 呢個沙律都唔惹少慢煮烤雞配霹靂葡汁雜錦沙律呢度嘅雞用慢火煮 保持肉質鮮嫩食落去口感好腍 唔會乾爭爭 仲有啲沙律喺碟側邊感覺好豐富燉煮牛肋骨飯呢個牛肋骨味道好特別配埋白飯 牛味香濃 感覺好多骨膠原蛋白質加埋其他配菜一齊熬 自己一個食都唔過分重點要講下嗰度飲品 咖啡果皮茶配蜜糖完全唔馬虎 手沖咖啡加咗果皮原來咁特別仲有蜜糖中和返成件事 咖啡豆的甘醇加上果皮的清香 用玻璃樽每啖慢慢感受🧡仲有熊仔頭抹茶鮮奶（熱）呢個拉花加分濃郁嘅牛奶 仲有抹茶質感 日式feel滿分手工巴斯克芝士蛋糕 入口唔太甜 富空氣感 有蛋香軟綿綿 感覺細膩 值得一再品嚐！