Cooley Oysters - Retail Showroom HK (太古城中心) (已結業)

有日經過見到$10生蠔又見啲客食嘅好大隻，係有想過咁平又大又多人叫，應該唔錯，就心想一定要試。再次嚟到其實只得2對客，我企咗陣見好似好忙都等咗陣先問係唔係任坐，就同我講係。坐低咗要自己攞隔離檯menu。都算。睇完好耐都無人問我要叫咩，我又等咗陣先問下去counter定先俾錢。雖然無日本蠔，食咗韓國嘅都唔錯，好creamy 。今次只係叫咗杯house wine 同4隻蠔因為都係諗住試下，但有感因為唔係叫好多野所以好似唔係咁理我。feeling 比較差 。

📍 Cooley Oysters - Retail Showroom HK🇭🇰 太古太古城道18號太古城中心1樓誠品生活L109號舖本身係想買杯天仁茗茶😂但經過見到$10一隻生蠔🦪?!?!!!!然後問咗staff話冇低消個啲 即刻坐低試試佢😋 日本生蠔 $10圖中近酒杯個三隻就係$10蠔會見到佢同其他款個樣係有明顯分別 細隻啲但都飽滿食落去唔腥!都甜!!我本身唔太食都接受到😋 津室真蠔 $65佢半打七折 一打半價食落去明顯鮮甜好多好食!!!總結 其實係好抵!!! 質素都唔錯如果有埋誠品會員就仲抵 折上折

今日我同我朋友諗住去太古溜冰 佢8點去到10點可以溜 咁我哋7點幾見有時間又好想食蠔就去咗呢間啦 開頭佢話要等耐少少 之後呢我同我個朋友淨係order咗半打生蠔 同埋兩個oysterwishes 我哋等咗45分鐘先有個半打生蠔 點知佢仲要落漏咗兩個oysterwishes 最後成餐飯等咗我哋個半鐘 連冰都無得溜 我個friend仲要聽到隔籬枱 個客話由6:30等到8點幾淨係上咗兩點前菜 講真咁樣嘅上菜進度真係唔得囉 我哋有催過佢 我同我個friend都打算話唔要 唔知係咪佢聽到 然後佢話3分鐘 但最後都要15分鐘 真係好無奈 雖然係真係好食但唔係咁囉

早前去駱駝漆大廈某小店食完成隻手咁大嘅蠔之後都覺得唔係好夠喉最近行過呢間店舖見到新開張又走入嚟試下如果講係淨係食蠔嘅話佢就只有得一款但就有好多隻size。咁當然唔同size嘅蠔識落嘅味都會有啲變化一位女同事好好禮貌同埋服務都好好咁介紹畀我哋聽唔同size嘅蠔味道同質感上分別喺邊度聽落佢嘅介紹算唔想係專業級但起碼係有做功課嘅食蠔嘅話要食雞食最大啦叫做少少地試下叫半打感覺上職員好似有少少新手又或者係啲蠔太堅強佢都開咗十幾分鐘我哋先有得食期間女同事好好咁想推出一啲新嘢畀我哋試下咁就試咗佢個南瓜湯同埋咖哩飯老實講感覺上唔係好夾，但可能佢行日式fusion路線掛佢畀我哋試嘅小菜色就唔評論住始終佢都仲係試行階段不過老實講佢咁樣畀我哋試一試我飲咗兩杯水都唔係好清到條脷再試啲蠔。坦白地講開出嚟嘅好係有啲失望，已經食到最大嘅款但係似乎開出嚟都唔及平時食開兩個窿，公平啲講就品種唔同所以會有咁嘅情況掛。今次都只係行過食半打其他海鮮同埋菜色都未試過。所以都覺得值得比多幾次機會佢，試下佢哋唔同菜式嘅手勢都好。