Comma (已結業)

無一樣係好食 未試過咁差既餐廳 三個人黎食 叫左一個二人餐同埋散叫一個小食加一個pizza二人餐 值得讚既係個餐包有翻熱小小餐湯叫左忌廉湯 無乜特別 忌廉味唔濃 小食有芝士肉醬焗田螺同埋炸魚柳配黑松露沙律醬都係覺得平時既蒜蓉焗田螺好味啲😂😂😂 而個魚柳都炸得唔錯既 不過個醬就無乜黑松露味 同一般沙律醬差唔多主菜叫左個大蝦青口蕃茄意粉 真係未食過咁唔好食既蕃茄意粉 無味既 又唔酸 又好似無落鹽 隻蝦又無味 食左幾啖就無食！！！ 另一個主菜就唔評論 我無食過散叫左個照燒汁茄子牛柳粒 個味道都可以 但係係牛腩粒囉 我真係未見過牛腩當牛柳 個職員仲話係牛柳 牛柳邊會有層衣係到架？ 我地個樣都唔係好蠢姐😂 啲牛腩又乾又鞋 送都唔想食另外再叫左個雞肉pizza 佢個餐牌寫係bbq醬 但食落口同埋顏色都似千島醬多啲 可能係我睇錯？ 不過味道都ok既 但係啲醬似溝淡左總括黎講 唔會再黎 相都廢事影 唔應該貪佢無人等位就走入去食

工作中去到天水圍，泊好車入商場搵食，我當然試未試嘅餐廳！門面型格，入內地方幾大，不過不規則形狀，放埋桌椅就有啲雜亂，下午茶時間無乜客人，店員比咗張靠牆4人枱，下午茶餐牌選擇多，又可以加配小食或甜品！跟餐叫特飲半價！醬燒烤雞薄餅🍕（$52）9吋薄批，批底有啲硬，材料好多，芝士白汁滑溜，雞肉粒多汁惹味，加上多汁清甜菠蘿，甜紅椒！熱辣辣好味墨西哥粟米片🇲🇽🌮（跟餐$15）吞拿魚沙律醬落太多沙律醬，吞拿魚唔夠多，雖然滑但欠魚味！墨西哥脆片淋咗，唔脆！沙律菜落咗黑醋汁，蔬菜微澀，唔夠脆嫩！唔好味蜜桃果泥茶🍑（跟餐$16）凍飲有柄玻璃樽，好清甜，蜜桃味唔假，夾雜啲士多啤梨果粒，罐頭蜜桃肉，唔太甜，整體清爽開胃！同事食：夏威夷薄餅🍕（$52）同同事交換食，呢個賣相都靚，菠蘿清甜，茄汁芝士絕配，熱辣辣可以拉出芝士絲！好味Mozzarella芝士焗肉醬意粉🍝（$36）熱檸茶：凍檸茶（跟餐加$3）食物即叫即做，熱辣辣我好欣賞，店員姨姨服務較生手，落單睇佢好小心翼翼聽，有覆單，上菜收碟會出聲問一句，斯文有禮幾舒服！我哋未食夠錢攞泊車優惠，店員好好的比張單我哋！好窩心！食得窩心意大利餐🇮🇹

今個星期女兒考試，下午放假可以一起午餐。附近的商場新開了多間餐廳。女兒選定這間裝修簡單雅致的餐廳。雖然是午飯時段，但餐廳都不用等位。午餐的選擇很多，價錢也不算貴，還貼心的設有學生餐。我們點了一客滑蛋吉列豬扒飯、吉利豬扒奄列飯和滑蛋肥牛鍋飯。三客飯很快就送上桌，賣相都不錯。先試一口滑蛋吉列豬扒。豬扒的炸粉不算厚，炸得很鬆脆，而內裡的豬扒很軟，一點有沒有干的感覺。混着香滑的雞蛋一起吃，味道更好。而滑蛋肥牛鍋飯則用了鰻魚燒汁，帶點甜甜的味道。想不到鰻魚燒汁和肥牛格外地合拍，味道很好。肥牛ㄧ點也不韌，口感不錯。最後結賬，三客飯$142，一點也不貴。比起許多連鎖快餐店的價錢還平宜，而味道好太多。外出用餐又多了一個選擇了。

T Town裝修後多咗好多餐廳，平安夜冇去市區同人逼，決定留喺天水圍食個聖誕大餐我同朋友一行四人去咗Comma食飯，當日有Christmas set，價錢會比平日貴少少，每個set介乎百幾蚊至二百幾蚊，再收加一，喺天水圍嚟講就唔算太平民。Christmas set包含餐包、餐湯、沙律、主菜同飲品，好夠飽！我哋坐咗圓枱，前菜已經多到放唔曬😂但食野唔係幾方便。南瓜湯幾好飲，非罐頭湯味。沙律算係幾出色，料有生果同菜，一食會食唔停飲品叫咗熱朱古力，味道有啲淡，麻麻哋。黑松肉煙肉蟹肉意大利飯 (連set大約$150)主菜嘅size好大份，但味道就一般了。蟹肉得幾條絲，要特登搵先搵到，煙肉硬到咬唔開好彩黑松露味夠濃，個飯都creamy，拎返幾分。整體嚟講，前菜唔錯，唯主菜有進步空間🤔

自頌富廣場翻新後，有不少新餐廳進駐。這次我們來到這間Comma餐廳，滿心歡喜享用午餐。先來餐湯粟米忌廉湯，味道很淡，只有生粉味道，茶餐廳質素，很失望。非洲式燴黑豚肉，茄子鍋燒配白飯原來非洲式就是咖哩，咖哩起源於印度，跟非洲有什麼關係呢? 很令人費解。豚肉是豬扒來的，肉質很硬，與咖哩味道完全不夾，再附加茄子，幾種味道融合起來就是奇怪味道，相信可以排在劣食排行榜首位。卡邦尼煙肉意大利粉意粉預先烹調好，呈上來只是微暖，食慾大減。

是日假期，两公婆去附近商場食下午茶平時食開既餐廳食到悶...今日新野.....見呢間下午茶款式都幾多....我地揀左漢堡包🍔同熱狗🌭️餐漢堡包入面塊牛肉都幾多汁同有肉味😋沙律菜都算新鮮，但就有少少苦味熱狗正正常常啦，條腸既皮有d韌😆两個餐都有薯條跟，都夠熱，算幾脆我飲熱朱苦力，吾會過甜，吾錯😊

第3次嚟呢到dinner.,有次係下午茶唔知道食乜好.又想食d西嘢.選擇屋企附近嘅餐廳.選擇多.坐得舒服.冷氣夠涼爽因為一家人嚟食.可以再點多d出品夏威夷pizza第2次order.pizza邊比較鬆化.不過要趁熱食.凍咗就會韌同硬口虎蝦咩咩意大利飯我諗係因為漏單後來我哋催單之後再整嘅.所以幾乎食飽再上.味道好濃郁.虎蝦食出係冰鮮.但係配飯嘅汁可以cover個冰鮮味拼盤可以話成個沙律醬帶起個味蕾刺激.呢個都係第二次order.值得回味而且拼盤品種比較多樣化.有炸蝦 吞拿魚碎片 沙律 炸雞中翼 魚柳 薯條龍蝦湯唔錯喔..睇落去似奶茶.但係覺得好鮮甜嘅龍蝦肉味道牛扒係因為上次食過唔錯.今次繼續唔好錯過.牛肉味好香.因為有細路同行.所以要求6成熟.但係完全冇失準.肉汁一樣鎖住得好.肉味入口香味四溢錫紙烤雜菇就真係差評lar.!!!烤出嚟聞嘅味道就好香嘅.但係食落去有苦澀味.屋企人試過之後都覺得冇辦法勉強食完.最後向店家提出意見.後來反映去廚房.店員之後就冇再回應過廚房嘅處理方法.有輕微帶過話幫我哋換一份.見服務態度仲可以就冇過分要求之後買單走人.不過依家諗起覺得店家都有d側側膊唔多覺.

哩間店開係翻新商場， 可以話係新商場+新店， 所以今晚約埋家姐一齊去試下， 可能係太夜(9:00pm)所以唔需要等就入坐。坐底望下周圍環境都係一間西餐廳嘅裝修，睇下餐牌都唔係好特別， 都係西餐廳一般有既食物，有扒、意粉、意大利飯、pizza。我就叫左牛扒，家姐叫左意大利飯，另外仲有一客雞翼，每人再叫左杯雜果賓治。食物簡單味道都ok，牛扒叫左五成熟，不過就over cook左小小， 反而意大利飯味道就唔錯啦。總括嚟講冇咩驚喜，不過價錢適中，食物ok， 反而下午茶好抵食， 幾十蚊有個主菜又有杯嘢飲， 值得推介。

見呢間新開，同朋友去試下本來冇乜期望，點知有驚喜入到去，環境都幾唔錯，d位好闊落，坐得好舒服。同埋間野感覺好乾淨，都真係幾岩坐低傾下計食下飯。加上店員服務態度好好，一定再去！食物質素更加係好過哂天水圍呢一類既餐廳，我地叫左個軟殼蟹肉醬意粉，個軟殼蟹有好多肉，口感外脆內軟，好食過唔少日本餐廳既軟殼蟹😂😂配搭個辣味意粉，感覺一流另外叫左2個芝士飯，我本身唔太好芝士都覺得ok，芝士味濃郁得黎又唔會同d配菜、飯唔夾，我地叫個2個飯分別搭三文魚同鴨胸，2個都好好食，真係唔錯既選擇.遲下去試埋個晚餐

其實本身都無諗住寫呢次既食評，但係因為家人要求所以就打啦～今晚家人返來吃飯，天氣又熱，媽媽又唔得閒，所以唔好煮啦，反正樓下有咁多餐廳，出街食好過。因為上次黎過呢度食晚餐既體驗係好既，所以今次都選擇再過黎encore!今晚叫左乜野野食呢？因為懶既關係唔打啦，直接post 張單上黎就算！好慢個豬腩仔就上檯啦～其實食得豬腩仔就預左佢肥，反而著眼點應該係整唔整到肥而不「利」（有無人教我嗰個字點寫？）因為我好怕食肥膏既感覺，成口油咁唔知想點咁。但係呢度既豬腩仔好吃！因為有油份，所以個豬腩仔好有油香，唔乾，豬味濃！呢個餸有三個汁可以選，分別係黑椒汁、牛肝菌汁同埋紅酒燒汁，我就揀左紅酒燒汁佐以燒汁食，更juicy 更惹味。又唔會太咸要送飯既味道，唔錯！仲有個薯泥都好食，落左牛油好香。扁意粉～因為用既係雞柳，所以雞柳有d 乾～蘆筍切段，煎熟左之後無左蘆筍獨有既個陣除，爽脆，都好味，我吃了很多～扁意粉就正呢，唔太硬煮得岩岩好呀，又有茄醬香味得來又唔會太濃太搶，因為我怕吃得咸呀唔知道大家喜不喜歡pizza 加菠蘿呢？我就不喜歡架啦，尤其係thin crust 呢加左菠蘿呢d 咁濕既料呢好易整到淋曬。個cr

星期日瞓醒十點幾，老婆話係銀座食早餐食到好悶，見頌富商場開左新餐廳，話去試下，我地去到地下已見好多人等位，於是上番2樓睇下，好彩2樓有3間餐廳都有早餐食的，即刻入坐👍🏻😂我地睇左餐牌後揀左呢間餐廳裝修都比較西式我地两個都揀左濃蕃茄湯底，但無乜蕃茄味，似羅送湯多d😅 其他食物質素正正常常，老婆話塊火腿幾好食，我食果塊煙肉都吾錯👍🏻餐牌底部有一個加配的項目加$12，就有一碗米粉或通粉，如果一個餐覺太多都可以就咁加😂👍🏻

繼續試新餐廳，職員服務殷勤，室內環境舒適。芝士焗雞柳蘑菇忌廉汁意大利粉熱辣辣上檯，食左第一啖，芝士不足，味道淡都唔緊要，焗意粉唔係應該乾身架咩，點解變左忌廉湯麵既完全唔知食緊d咩呀非洲式燴黑豚肉茄子煱燒配白飯，聞落係好香但食落完全唔知咩味，少少辣，肉夠腍！芝士蛋汁煎龍利柳配薯蓉配黑椒汁算最好，雖然蘸左少少蛋汁煎，但蛋味不夠且無芝士味，魚肉白淨軟熟，味道算係最正常既。以上套餐$65-$78加一，只可以話呢個價錢係食服務及環境既，又貴又難食，絕對無下次！

今晚星期五，爸爸提議出街食飯唔好煮啦，所以我都早左放工返去～睇埋新聞先出去，落到樓下間間餐廳都有唔少人係度等位不過同以前商場裝修時相比，人龍既長度都已經叫短左好多了！既然依家多左咁多餐廳開張，就試間最少人架啦！Comma係一間西餐廳，係門口望一望餐牌，其實只要唔食扒既都唔算貴，況且一家人間唔中出去食飯就唔好望價錢啦～餐廳既裝修幾靚，都係走返西方風格（不過唔係fine dining）但係有樣野我真係好想講，呢間餐廳播既歌同佢走既格調好唔夾！！佢播個d 歌我覺得應該係poolside party呀、bar 呀先應該播，我唔識得點形容，但係d 歌既風格好迷幻呀！！個情況就好似pizza hut 播d yoyo 迷幻既歌一樣好啦唔講呢d 環境先，講返野食今晚叫左一個煙三文魚凱薩沙律（$57）芝士蕃茄茘枝豬扒飯（$74）（呢個我唔sure有無記錯）羊架（$178）跟餐熱奶茶同埋一樣士多啤梨果泥茶（套餐價$12）飲品先上就講先野飲先！ 因為奶茶係爸爸飲，所以我唔comment呢杯果泥茶其實如果十二蚊一杯呢我覺得係符合佢身價既，因為佢果泥茶英文名係fruit paste tea所以顧名思議就係士多啤