5
4
5
等級4
136
0
2017-07-21 397 瀏覽
今晚星期五,爸爸提議出街食飯唔好煮啦,所以我都早左放工返去~睇埋新聞先出去,落到樓下間間餐廳都有唔少人係度等位不過同以前商場裝修時相比,人龍既長度都已經叫短左好多了!既然依家多左咁多餐廳開張,就試間最少人架啦!Comma係一間西餐廳,係門口望一望餐牌,其實只要唔食扒既都唔算貴,況且一家人間唔中出去食飯就唔好望價錢啦~餐廳既裝修幾靚,都係走返西方風格(不過唔係fine dining)但係有樣野我真係好想講,呢間餐廳播既歌同佢走既格調好唔夾!!佢播個d 歌我覺得應該係poolside party呀、bar 呀先應該播,我唔識得點形容,但係d 歌既風格好迷幻呀!!個情況就好似pizza hut 播d yoyo 迷幻既歌一樣好啦唔講呢d 環境先,講返野食今晚叫左一個煙三文魚凱薩沙律($57)芝士蕃茄茘枝豬扒飯($74)(呢個我唔sure有無記錯)羊架($178)跟餐熱奶茶同埋一樣士多啤梨果泥茶(套餐價$12)飲品先上就講先野飲先! 因為奶茶係爸爸飲,所以我唔comment呢杯果泥茶其實如果十二蚊一杯呢我覺得係符合佢身價既,因為佢果泥茶英文名係fruit paste tea所以顧名思議就係士多啤
更多
今晚星期五,爸爸提議出街食飯唔好煮啦,所以我都早左放工返去~

睇埋新聞先出去,落到樓下間間餐廳都有唔少人係度等位


不過同以前商場裝修時相比,人龍既長度都已經叫短左好多了!

既然依家多左咁多餐廳開張,就試間最少人架啦!

Comma係一間西餐廳,係門口望一望餐牌,其實只要唔食扒既都唔算貴,況且一家人間唔中出去食飯就唔好望價錢啦~

餐廳既裝修幾靚,都係走返西方風格(不過唔係fine dining)

但係有樣野我真係好想講,呢間餐廳播既歌同佢走既格調好唔夾!!

佢播個d 歌我覺得應該係poolside party呀、bar 呀先應該播,我唔識得點形容,但係d 歌既風格好迷幻呀!!

個情況就好似pizza hut 播d yoyo 迷幻既歌一樣


好啦唔講呢d 環境先,講返野食

今晚叫左一個煙三文魚凱薩沙律($57)

芝士蕃茄茘枝豬扒飯($74)(呢個我唔sure有無記錯)

羊架($178)

跟餐熱奶茶同埋一樣士多啤梨果泥茶(套餐價$12)
士多啤梨果茶
$24
37 瀏覽
0 讚好
0 留言

飲品先上就講先野飲先! 因為奶茶係爸爸飲,所以我唔comment

呢杯果泥茶其實如果十二蚊一杯呢我覺得係符合佢身價既,因為佢果泥茶英文名係fruit paste tea

所以顧名思議就係士多啤梨醬沖水!清清地係幾好味既,雖然略嫌佢溝得有d 稀
煙三文魚凱薩沙律
$57
35 瀏覽
0 讚好
0 留言

沙律上左啦!!但係點解會有多士而唔係麵包粒既??

塊麵包就俾媽媽食左,我同爸爸就share 左個沙律黎食

其實份量就略嫌少左d 既,煙三文魚都係得個兩塊,仲以為佢$57咁抵tim,原來係將貨就價

不過我地都係三個人食啫,唔緊要毎人都分到少少黎食


跟住上菜既就係豬扒飯!
芝士蕃茄茘枝豬扒焗飯
$74
35 瀏覽
0 讚好
0 留言

其實我對呢個豬扒飯都好期待,爸爸都因為佢有茘枝而叫

入面係真係有茘枝既,但係除左個粒茘枝之外我又唔認為佢對成個飯既味道有乜提升bor

都係一個普通既炒底焗豬扒飯,我覺得大家樂個d 會正過佢

但係呢七十四蚊包埋食環境,有時間慢慢坐低食個飯既話呢就ok 既~
羊架
$178
30 瀏覽
0 讚好
0 留言

我同媽媽同爸爸一齊開心分享呢個羊扒,其實佢係有三枝骨架,但係我都未影相爸爸就拎走了一枝骨

好食!


有羊味,但係唔算so ,d 肉好林但係又juicy,仲有英式芥末俾你自己搽

個汁我叫左牛肝菌忌廉汁,我覺得羊架點呢個汁唔太啱既,但係如果d 配菜點呢個汁就好味!


d 配菜都好好味,我食左d 蘿蔔粒同埋翠玉瓜,juicy、有調味而不失瓜菜本身既香味

爸爸媽咪就話個薯仔好好味,佢地二人瓜分左


今晚呢餐食左$367,其實我覺得係有dd 貴既。因為呢度無set dinner,即係無餐湯無餐包無野飲再計加一

而且份量其實都有dd 細,如果係正常食量既人可能都有機會食唔飽,或者係岩岩好飽咁啦

不過呢度食物既味道都好既,羊架我覺得正,值得推介。

呢度仲有其他較西式既野食eg 意粉 pizza個d,下次都會黎試下
題外話/補充資料: 上菜好快
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2017-07-21
用餐途徑
堂食
人均消費
$110 (晚餐)
推介美食
羊架
$ 178