Comma (已結業)

呢間西餐廳真係唔明點解可以屹立不倒，好耐之前曾經喺度食過晚餐，又貴又唔好食，幾年之後，發現都好似好多人喺度食早餐，所以俾多次機會佢，就瀨嘢喇！叫咗個早餐：五香肉丁腸仔炒蛋出前一丁，熱咖啡，熱咖啡好快就送到枱面，但係……碗麵成30分鐘都唔到，叫咗幾次，都未有侍應停低回應我，最後停低喇，同侍應講，咖啡都凍晒，仲未有嘢食，先話再睇吓，嚟到，我唔知講咩好，條腸燶晒，炒蛋好腥，五香肉丁得3粒，啲麵又未熟，加咗味粉，個湯都無乜味，總之兩個字，難食。豪比佢、比錢走人

頌富商場三樓呢個位置有啲隱蔽人流比較少，但勝在等位唔使等太耐comma係喺最尾嗰間，其實之前係有買過外賣，覺得好普通，所以冇咩印象，今晚諗唔到食咩，決定試吓堂食睇吓會唔會唔同，一係唔試，一試就試最貴個餐我哋嗌佐美國頂級安格斯西冷牛扒，七成熟，蒜茸汁，包括湯，餐包，飯/意粉/薯菜，我揀咗配薯菜，朋友㨂佐白飯一個餐承惠$228，果然，一分錢一分貨😎超級好食，紅湯够熱，餐包都暖暖哋，特別要講下個西冷牛扒非常之嫩，好易就切開，唔使用力，每一啖都滿滿肉汁，牛肉味濃，七成熟啱啱好，如果唔係太貴，我諗我會直接order多一塊薯條香脆，成餐飯食得好滿足，完全對得起價錢，有機會會再來多次

今日黎到頌富商場食茶記西餐，叫左一份長期做特價的西冷牛扒餐走汁。牛扒對比出面既茶記較薄，但肉質就比出面茶記好小小。另外附送餐包餐湯，環境亦算唔錯，可以間唔時食下。

今日同屋企人去咗T town 商場食西餐廳，呢一間真係重點推介，因為裏面食物選擇好多，午餐都起碼有20樣揀，所以我覺得呢一間係好適合一家大細嚟食飯，然後呢一度嘅食物都係好經濟實惠，因為佢係有三文治輕食，亦都有面類，或者想飽肚一點的，都會可以選擇焗飯，炒飯等等，然後重點係佢嘅座位好舒服，好適合朋友可以一路聚會一路傾偈，然後侍應的服務都很好，有熱情招待，有笑容，會好細心咁遞上餐單，餐具等等，仲會細心問你食咩食物，然後上菜嘅時間都好快，所以我覺得呢一間係價廉物美嘅餐廳，而且空間好大，坐得好舒服，然後都係一間幾有情調嘅餐廳，屋企人叫咗個豬扒焗飯，有豬扒夠大塊，酸甜度很夠，然後叫咗杯熱咖啡，佢衝得好好飲，所以我依家係非常之推介，嚟到天水圍一定要來食！！！

叫完野食 足足等左40分鐘都未整好 連杯野都未搞掂普通餐廳都咁耐 完全接受唔到叫個焗飯 同扒 邊有可能咁耐 叫杯紅豆杯 等左半粒鐘同我講冇極差 垃圾餐廳 咁大間餐廳都可以做到咁爛

出街食早餐原因都係趕時間先會食、今次係呢間餐廳食午餐，真係令小編超級失望！首先服務態度方面係唔理想！欠缺禮貌！環境都係坐得麻麻哋舒服！同埋都唔算太乾淨！至於嘢食方面！叫咗杯咖啡，難聽啲講，仲衰過屋企即沖即溶咖啡！完全冇咖啡味！之後麵包又係比較硬，又係唔合格！令人更加失望嘅係煙肉同火腿，佢哋係非常之鹹！同埋煙肉都係非常之韌，十分難咬！令小編失望之中嘅失望就係主菜通粉，明明係蕃茄通粉，蕃茄味係唔多覺有，而且入邊牛肉，全部都係好韌！係咬唔到嘅！好肯定冇下次

晏晝去到3pm 唔需要排隊好多餐牌可以選擇下午茶餐午餐嗌咗個雞扒餐 有兩塊都算多 仲有餐飲加麵包同湯好抵食！加埋一都係$70到杯咖啡幾好飲又大杯個包來嘅時候仲係暖粒粒的呢個價錢呢個質素大讚地方都算幾大

🌹11 December 2021之前都好中意去呢度食tea同晚餐佢早一兩個月 有個抗疫套餐 $138+10%因為食過都同價格成正比所以有排都成日去食但係今次食完我真係忍唔住要比差評員工態度麻麻 大多都黑口黑面😹 問佢野 會好似覺得你煩🥲同食物質素同價錢唔太成正比今次個二人餐係$218+10%1）蟹肉龍蝦湯首先 佢既夥記唔知點做野其實之前去食幾次佢碗湯都係漏左部分出黎講真 作為一間西餐廳你想做得更高級 收費更貴係賣相方面好重要連出碗湯都漏到周圍都係其實想問 係想點先😹你咁樣會令到客人覺得你地好馬虎！講番個湯無見倒有蟹肉 可能煲到溶左？個湯就咸到不得了 飲落 佢地應該係將蝦頭既膏擺埋落去煲🥴我地飲左一半就無飲了驚腎虧😹不過要搵野讚都有就係個包係熱的2）吉列蝦雜果沙律叫做不過不失蝦炸得幾令賣相都有番少少水準啦3）加拿大帶子鮮蜆露笋意大利飯呢個真係無計咩角度影都係唔令😹賣相出現左好大問題落單時 我幻想既帶子係大大粒 會放係飯既面頭點知黎到原來係炒埋一碟無賣相可言之外而且帶子係超細粒果隻黎到超失望點解同想像差咁遠開始覺得唔係太抵食😹因為同西餐質素差太遠😹仲有個意大利飯飯係偏粉口感好奇怪飯既料唔

間餐廳已經無咩人，靜英英，諗住靜靜地同朋友食個Tea。5點入到去，叫完野食侍應係咁摧埋單都算，本身餐廳無限時，食左個半鐘，係咁趕人走，態度差劣，無禮貌，其實出面無人排隊。野食淡，份量很少，檸檬茶淡而無味，紅豆冰更加係淡到一個點 ，紅豆溝水。又貴又難食！唔怪得次次假期都拍烏蠅🪰！ 真係唔係搵唔到位， 都唔會去食。職員無Training , 無禮貌。大家樂都好食過佢！T town 咁多選擇，唔怪之得長期都拍烏蠅！

叫咗個早餐外賣K15,要煙肉佢就打咗餐肉。跟住同佢講轉佢又話會幫我轉。轉頭就特登要行出嚟商場問我睇單同係咪要轉煙肉，我就不以為而答咗佢係.咁又比佢陰度添！真係叻到呢！

今日大老遠入黎天水圍 不過我完全唔識路嘅咁我地今日嘅目的地係去天頌個邊嘅但我地個個都好少入天水圍 咁我地都未食早餐嘅所以我地求其想搵間嘢食最後比個friend帶咗我地去呢間叫comma嘅茶餐廳餐牌都係啲茶餐廳菜式黎選擇都算幾多嘅咁我比較鐘意食焗飯嘅所以我揀咗個芝士葡汁焗雞扒飯嘅賣相就係咁喇賣相一般船啦食落去都有芝士嘅芝士味唔算重雞扒質素一般個飯唔似即焗咁凍朱古力冇味好淡味我覺得唔好飲嘅好微弱嘅朱古力味

今朝去左附近商場食早餐，呢間comma比較少去，平時都要排隊，今日唔洗排就直接入去食。叫左一個set，佢既蕃茄米粉有少少失望，因為係直接用羅餸湯湯底，個人覺得無咩誠意。但佢有餐包，配埋煎雙蛋，加一條腸仔，40蚊都算食得幾飽，可以接受。

叫咗三杯唔同野飲，送嚟全部凍奶茶。凍奶茶成半杯都係糖水，啲湯又咸到飲唔到，叫咗個意粉好似滾水淥完撈兩下汁咁，垃圾，完全係難食又無味，唔知食緊啲乜咁。唔會再幫襯，掰掰

週六立冬晚餐一人去鋸牛扒特惠西冷牛扒價格八十七元有紅湯或白湯有餐包配牛油有熱飲品一杯凍飲要加三蚊特飲半價優惠週六晚坐滿人先來湯包熱飲廿五分鐘上扒餐湯要羅宋湯西冷要五成熟黑椒汁甜甜的伴薯菜好味道整體而言都是茶餐廳的質素屬高質茶餐廳服務員好態度不夠二佰字數不能選擇好評

其實comma開左係頌富好耐我一直都無食過 今日就屎忽痕走去試吓隨便買野其實佢既裝修都幾好幾舒服既 燈光柔和 空間闊落我選左佢既特惠西冷牛扒餐湯 蘑菇忌廉湯好濃好杰 其實都係罐頭🥫湯黎所以無咩特別之後餐包 最中意介開一半搽曬成舊牛油落去肥仔食法主菜黎啦西冷牛扒因為係碟上既 所以我揀5成熟 又唔生又唔會太熟牛扒既肉都濃 亦有西冷個條筋 不過呢 都係有d硬 都唔算霖味道係ok既 加埋黑椒汁我幾欣賞佢既薯條因為我食完塊扒再食薯條 個薯條都無霖重好好食 脆脆地佢d個飯 我覺得有d失望既 因為佢整得太港式 俾我既感覺就係將一個餸有牛柳有青椒菠蘿甘炒埋一齊之後加埋個黑椒醬甘 成件事係食緊個中菜變西式焗飯加埋拉絲芝士comma真係有少少失望既西餐廳有值有唔值價錢方面佢ok既 但食既係茶記既野我就覺得唔值啦