Comma (已結業)

其實都不是第1次來到這家餐廳之前已經來過這邊吃滿多次了這一次來是試一下2人套餐餐湯可以選忌廉湯或是龍蝦湯當然亳不猶豫地挑了龍蝦湯味道濃郁小吃是烤芝士雞肉米紙卷事實上是有點像墨西哥卷的那種口感芝士很多 吃下去不會很膩 好吃主菜點了肉眼扒和龍蝦汁大蝦意粉肉眼扒有點薄 但是配上的黑椒汁很惹味很搭 配菜的小紅蘿蔔粒也超級甜!大蝦意粉的龍蝦汁 跟湯的味道比起來更濃郁這個好吃 意粉也不會煮得太軟 硬度適中汁還掛在意粉上除了肉眼扒覺得有點薄以外其他都好吃我會再回來的XD

未試過食一間餐廳差到要第一次寫食評。人已經夠少，唔明點解仲可以漏單。店員之間亦無交流溝通，我追完單，轉頭另一個侍應問我係咪已經上齊菜已經夠肚餓，比佢問完更加激氣。而且枱上既湯匙係污糟既，似係無洗過就放左落個籃到。扒汁話明要蒜茸汁，但上左個黑椒汁比我，有禮貌地問可唔可更換，但侍應直接回應蒜茸汁係有少少黑椒係裡面。我明白顏色係相似，但明顯一深一淺，而且味道明顯唔同，無意幫我跟進。結論：以後就算餓死，都唔會再黎食。

又到了食早餐的時間喇 在我家附近的商場 這個位置有4家餐廳~~~~~~~~~~~~~~~~~~~~·非洲黑豚肉湯米粉餐 HKD$34~~~~~~~~~~~~~~~~~~~~·沙嗲牛肉湯米粉餐HKD$34~~~~~~~~~~~~~~~~~~~~·熱檸檬水 跟餐HKD$0~~~~~~~~~~~~~~~~~~~~·熱即磨咖啡 跟餐HKD$0~~~~~~~~~~~~~~~~~~~~味道不過不失 大眾化的價錢耶~份量也算多的 炒蛋挻滑身 不會太干但米粉有點兒過腍😂 不喜歡這個口感若果硬身一點口感感覺會好好多~~~~~~~~~~~~~~~~~~~~下單時要看清楚有沒有下錯單

今晚經過天水圍，聽朋友講呢間餐廳幾好味，於是入去試下，我地叫左個二人套餐，由於落完單後，侍應好快拎走左個餐牌，所以只可以憑記憶，記得下的菜名，餐湯係蟹肉龍蝦湯，小食係雞肉粉皮，主餐係龍蝦汁伴老虎蝦意粉，個意粉我覺等唔錯，伴著個龍蝦汁好好味，價錢亦唔太貴，值得一試。

每次去親間餐廳我都唔使等位，一去到就坐得，啱晒我呢啲最憎等嘅人。一坐低，侍應即刻俾杯水我，非常周到，呢個基本要求有啲西餐廳其實都做唔到。會試吓嘢食，大概係五分鐘之內佢就會上菜，效率超高！食物質素當然比唔上高級西餐廳，但係呢個價錢就絕對物超所值。員工態度亦親切有禮。賣單仲要唔使收服務附加費，學生仲會有八五折優惠！自從去咗一次，日日都去！😍😍

睇個門面就好似幾高級，左右2隔離鋪都試過，咁就入去試埋尼間。菜式就係普通西餐咁，今次就叫左牛扒同個黑松露牛肋骨（？）意大利飯，2人套餐。牛扒叫左5成都真係5錯，不過好快就會凍，一定要襯熱食！！另外一個意大利飯其實牛就比牛扒淋，真係好好食，但飯就普通啦，5算特別好食。其實服務都算ok, 不過可能5算成日滿座，所以侍應態度就真係有少少懶散既。環境燈光有少少陰暗，再加以黑白主題風格，就5係好引起到食慾。但係如果再想食西餐又5想行太遠都會再去食，因為價錢都算ok, 質素對得起既！

上一次黎食下午茶餐正正常常，又抵食，先會再來食今次的晚餐。 等候時間比左鄰右里係快好多，座位係非常舒適，完全冇擠迫感，乾淨企理，服務亦妥貼，要收加一。芝士夏威夷焗豬扒飯 $78餐湯紅湯係雜菜湯，牛油餐包，芝士唔係好夠，豬扒都係正常茶餐廳果種，真係冇乜特别，不過焗飯黎講真係好少有咁大兜既，份量做到好足。日式燒汁鰻魚粒炒珍珠飯餐湯豬骨湯幾咸，但好好味。鰻魚飯上台賣相唔錯，但未食就聞到一陣燶𤓓味，我好鍾意食鰻魚，但係d鰻魚令我好懷疑自已食緊乜，好腥又有燶𤓓味，真係幾難食吓，真心希望店家改善一下!

為支持朋友戲劇表演，入到天水圍咁遠。未開場前，梗係要開餐先~ 天水圍路不熟，唔知食咩好。但有個大商場T town,咪隨便逛下。去到見有呢間，食物價格相宜，環境又寬闊，於是決定食下。叫左朱古力曲奇冰沙，仲有whipped cream，曲奇同朱古力條做裝飾陪襯，好睇又好飲。朱古力味好香濃😋而餐就食丅骨豬扒配意粉。鐵板燒到㷫辣辣，一倒蒜蓉汁，立即吱吱吱吱響，煙霧徐升，香噴噴。 T骨扒煎得脆香軟腍 😋🤤 勁好味，完全無諗過平民價錢嘅靚靚茶餐廳可以食到兩大塊咁好食嘅香草豬扒❣️唔熟天水圍，或住喺天水圍嘅朋友，不妨一試👍🏻侍應哥哥大姐服務態度仲好好添。

今朝又趕住時間去食個快早，差不多11:30先來到T Town, 呢間都少幫襯，就拿拿聲入去落單，好彩仲有早餐🤣我叫左個吉列魚柳早餐，唉，個炸漿太厚勒，破壞了個魚柳，完全唔好食，我要了晒啲炸漿皮先食到🙈

去 comma 食下午茶，就是被這杯叫黑牛🐮既特飲吸引到，可樂裡面有兩球朱古力同雲尼拿雪糕🍦,上面仲放置左曲奇。講番小食,吞拿魚醬墨西哥脆片，醬入面有洋蔥粒，配埋伴菜黑醋沙律菜，口感同味道層次, 😋簡直一流！最後，主菜，墨西哥辣汁雞肉意粉，意粉醬十足，意粉唔會太干，意粉粉質亦易入口，加埋磨菇同青椒洋蔥，十分配搭！總結， 味道唔錯， 價錢都合理。

話説有一日朝早呀爸叫我陪佢去食早餐 一係大家樂一係茶餐廳 本宮唔想食黎食去都係依兩間 所以就帶左爸爸去試新野 去我屋企樓下一間西餐廳試下佢個早餐 食落都唔錯佢地方好大 但朝早冇咩人 本人深信唔係佢啲野唔好食 而係佢個位置太偏遠 個勝在寬敞 寧靜 我就叫左F2 餐 係有啲似all day breakfast 有炒蛋 茄汁豆 薯餅 沙律 仲有多士 同 魚柳 魚柳都幾好食 外脆肉軟熱辣辣 而且有手掌咁大塊 雖然炒蛋個賣相好普通 食落都幾滑 都ok ga 其他野就正正常常 $38算係幾好 我仲叫左杯凍檸茶 好有茶味 酸苦中有甜 不錯不錯👍🏻 食早餐又多左個選擇啦

頌富商場裝修後多了很多餐廳，今晚我兩公婆選了這間餐廳，餐牌選擇也多，價格相宜，但我地最終選了二人晚餐。非常豐富，有湯﹑頭盤﹑主菜﹑甜品﹑特飲半價，質素比想像中好，性價比非常高龍蝦湯頭盤~炸魚薯蓉焗田螺主菜：肉眼牛扒❨薄啲但質素不錯❩薄牛扒帶子意大利飯

未食過呢間西餐廳，其他又食悶左，今晚就試下佢。打開Menu選擇都多，如要轉餐有湯同飲品加$20，計落都$70-$80一個餐。所以叫左2人餐$238加一服務費。二人餐黎講都多選擇，點左龍蝦湯，個湯無龍蝦味。頭盤要左2個都係法式田螺伴薯蓉，食落還可以。主菜點左牛柳配帶子牛肝菌意大利飯，帶子2細粒，有雪藏味，牛柳好鞋，咬極都吞唔到。。。。意大利飯好濕有d唔知咩味。另一個主菜係草飼肉眼扒，牛扒叫左7成，韌到一個點，咬到牙「較」都軟，可以用難食黎形容。。。食到差唔多叫杯餐飲，個侍應話甜品後上，到地食完埋單走左，先記得未食甜品，我覺得侍應唔夠細心，餐廳已經唔多客，都無留意客人進食進度提我地上甜品。。。服務麻麻仲要收加一，難怪無人等位之餘，價錢唔化算！

最近搬左入天水圍，諗住係屋企附近商場試下食，其實有朋友住係天水圍，佢早前有介紹過呢間野，所以今晚就同女朋友黎試。一入門口就覺得唔多妥，門前有位女侍應叫我跟住另一位”光頭”.....其實聽到呢個字之後，個女侍應講既野我無再聽入耳！我真係覺得有啲唔尊重自己既同事。之後點左幾樣野食，真心覺得無樣似樣，我只係影左兩樣我諗凡事都係有原因，如果旦求醫飽個肚既，食大家樂都無咁惱。所以我諗呢間野唔會再去第二次，唔怪之得個朋友話黎親都只係食意粉，我地唔啱無信個朋友，淨係叫意粉！

第一次試但都係最後一次！ 野食水準連大家樂都不如， 所有野上檯時都唔熱仲要無味，好難食！！叫左個意大利飯但竟然生米，牛排完全零質素！埋單要1200蚊 完全係貼錢買難受！