Comma (已結業)

今日熱辣辣同老婆去食個下午茶，搵左幾間餐廳都無開，最尾見到哩間comma既西餐，見佢間鋪面好似乾乾淨淨同企企理理咁，就同老婆入左去啦！由於今日係老婆既第一餐，所以佢就叫左個葡國汁既雞扒飯，因為我已經食左個早餐同埋午餐，仲要留肚食埋今晚個餐晚飯，就小小地，叫左個好似好好味既牛肉漢堡配薯條喇，再加十幾蚊要個老婆話想食既墨西哥脆片啦！之後老婆話有驚喜，個葡國雞飯好食汁又多，雞又大大舊又好嫩口！薯條又熱辣辣辣親個咀，真係即炸即上架！最估唔到既係，個漢堡飽原來咁大份咁重料架！墨西哥脆片配埋吞拿魚醬都好夠味！熱氣都要食多兩塊啊餐飲叫左兩杯凍檸茶消暑解渴！最尾都要讚下員工既服務態度既！

又係吃飯嘅時間，瞓到黃朝百晏又肚餓， 梗係要近近地喺樓下搵食。朋友就揾左呢間餐廳裝修真係好有feel，睇得出落過心機叫咗個Set lunch，包埋杯飲品，我就揀咗凍好立克。其實好立克係好難唔好飲的，因為都只係加水沖，但呢杯啲粉重未得溶哂，下次我都係搵嘢攪佢耐啲先鰻魚汁滑蛋肥牛鍋飯一上嘅時候就已經聞到好香，好熱嘅碗再加鰻魚汁，令到鰻魚汁嘅香氣漂晒出嚟。肥牛唔會話太肥太多脂肪位。總括嚟講係好食的。不錯不錯

因為武肺，有間坐得舒服又唔迫夾既餐廳食野已經唔錯，但呢間簡直不知所謂，入座前又冇同客人講話會搭枱，搭枱仲要冇擋拍，明明有其他空枱又唔俾人坐，服務態度又差，唔會再有下次，blacklisted

又係2個天水圍人係天水圍搵食又係揀左我地既中心位屋邨商場既餐廳 愈黎愈裝修得靚叫左個卡邦尼意粉啲意粉似係一早煮好 啲麵開始發脹同淋個汁感覺好茶記既白汁一上枱 個樣就係咁會見到啲麵係餸既面頭加12蚊 可以配餐湯同包我一直幻想係西餐廳既 set lunch所以都加埋原來係普通甜餐包加好杰既忌廉湯再配埋一杯凍飲 埋單$57蚊朋友就叫左個饅魚汁牛肉鍋飯佢話好食 😋如果以茶記價錢黎講 絕對Ok我只係睇完個門面加裝修 對佢既期望大左少少

新年期間去吃飯很多時候都會加二/加三服務費😭感覺很搶錢了吧 這家平常食是沒有加一服務費的但在新年有也可以接受 總好過其他店的搶錢吧去到的時候仍然有空位😋 所以不用等挻幸運~🙈·咖哩吉列豬扒飯 HKD$48·熱即磨咖啡 HKD$0(跟餐價)·熱阿華田 HKD$0(跟餐價)食物有幾款醬汁可以選擇 我們選擇了日式咖哩汁🤤這個味道甜甜再帶微微辣味 挻惹味的醬汁拌飯不錯但一定要點多多醬汁才行 否則醬汁是會太少的呢食物素質不過不失的 但蛋包飯的蛋是薄了一點吧🤔

T-Town依個商場好多吾同款式餐廳 但最後都選擇咗依間 平民西餐泥講都算幾出色 擺盆都好令岩哂我依啲中意相機食先既人 上餐速度都快!環境都好有情調 我個人好中意大蝦沙津酸酸甜甜真係好開胃

剛睇完戲，想起T town 有兩間西餐廳，只試過午餐，記得其中一間 “Comma”晚歺係有牛扒、羊扒、豬鞍、燒雞同蛋汁牛油煎龍利柳、各式飯及意粉等美食。 於是便一鼓作氣走去試試。坐下，餐廳很寬敞，侍應們已遞上餐牌， 哇！數一數有成四五個牌，款式很多，由沙律頭盤至甜品，應有盡有，而且價錢商議合理。點歺時侍應們很有禮貎 ，還介紹我揀選嘅牛扒係可以跟餐，不用嘥咁多錢叫其他配套😍！我點了三成熟紐西蘭肉眼，因為試得太多，發現近年美國牛扒會貴點，但唔知點解，講唔出有一種鯹味同好漏感， 令我每次吃都想嘔🤢🤮，除非價錢貴好多果D！ 反而紐西蘭牛扒無咁肥，肉味濃唔鯹！ 今次呢個牛扒烤很剛剛好，碟邊還有香草鹽，非常野味，個歺$148有湯、有飽，有主菜，有飯麵揀，有歺飲及甜品！正啦！咁凍天氣，吃完簡直大滿足呀！

食早餐來來去去都係個啲選擇，飲茶又起得唔夠人早，行過都已經好多人，所以都係食翻西餐。選擇都唔少，有唔同既湯粉，扒類，麥皮同三文治等等。平時既我會選擇食粉麵，但今日唔想食，所以叫左f2吉列脆魚柳。可能今日人太多既關係，我等左好耐好耐好耐。。。又可能我呢款少人揀，搭枱既其他人都食緊，甚至食完，我都仲等緊。。。不過如圖所見，魚柳頗大塊，蛋同焗豆份量都唔少。第一時間食左薯餅先，脆，但唔熱，邊位硬。蛋同焗豆正正常常。魚柳，又係唔熱，邊位硬，但係魚肉好食，唔會係齋食粉，唔會皮肉分離。麵包鬆軟，不過都係唔熱。奶茶正常味道，不過唔係茶餐廳個種溝茶底既味道。拿，我係諗唔明，啲野又唔係好熱，而且早餐其實都預左佢係整好左執上碟姐，點解都要等咁耐。我唔知到底係成碟野食放耐左，侍應唔得閒出，定係每樣野食都整好左，但佢漏左我呢張單定點。不過可以講既係，佢入既魚柳的確係好食既，不過keep翻野食熱少少會比較好。

又去這家食早餐了 這家素質不錯所以再去食去到的時間有很多人 幸好不用等位挻幸運呢~由點餐到送餐大約十五分鐘時間 還可以接受吧·鮑片蕃茄火腿絲湯通粉配火腿太陽蛋牛油厚多士 HKD$34 ·野菌雜菜奄列配薯餅牛油厚多士 HKD$37·熱檸檬水 HKD$0(跟餐價)·熱即磨咖啡 HKD$0(跟餐價)味道不過不失吧 份量一般 味道簡單但感覺不錯而價錢又不算大貴 食完這個早餐真的很飽啊😂可以飽到下午 挻大份的早餐呢haha🤭🤭🤭

有段時間沒有食這家的早餐了 這天很多人幸好等了一會兒就有位置可以坐 快快下單吧這家的環境不太嘈吵 所以挻好坐及舒服的而且服務員的態度不太差 食也食得開心一點·沙嗲牛肉湯米粉 HKD$34·野菌蕃茄湯通粉 HKD$22·凍檸檬水 HKD$3(跟餐價)·熱檸檬水HKD$0(跟餐價)雖然味道也只是簡單的味道不過不失呢~但是賣相及擺盤是比大型連鎖快餐漂亮一點食物素質及環境也是一個用餐的重要因素食得開心及舒服才是重點 而且價錢也不太貴

食物及環境都幾好，不會感到擠迫。咖啡好飲，係我去的一個原因。冷氣開得比較大風，吹到頭痛之餘，食物都凍晒，多次提出後，答案唔係冇得調較，就係已經調高了溫度。對比起初開的時候，食物質素有點下降。

第一次去天水圍覓食，原來T-town 都有幾多美食，眼花撩亂。最後揀咗間環境唔錯，又多位，適合毒L毒自食嘅西餐廳Comma。Comma有學生餐，即使係大學生嘅我都可以回味上中學時嘅午餐優惠。學生餐選擇都好多，全部都$40以下，仲有紅豆冰！我叫咗芝士菠蘿黑豚肉焗飯，味道不過不失。值得一讚係芝士分量比想像中多，唔會因爲係學生餐而hea做。飯都係炒飯底。根據非正式測量黑豚肉有1-2cm 厚度。豚肉唔嚡口，有黑椒味。改善之處係蕃茄汁太多。紅豆冰有椰奶，好過大x活水一般嘅紅豆冰多多聲。以學生餐黎講，的確係好選擇。但如果係平時晚市/冇優惠，會更想試T-town 其他餐廳。

同老公第一次嚟試新嘢，叫咗雞排同西冷。雞排比較薄身，味道都可以; 反而塊西冷，太失敗喇 侍應生問要幾成熟(3，5，7成) ，我要3成熟，老公話我居然夠膽要3成！? 我解釋塊西冷煮好都未必第一時間攞出嚟，攤下，擺埋上枱，都已經變咗5成。點知一刀切落去就知出事，3成變咗7-8成，太離譜 甜品送嘅可以唔要，芒果布丁入面嘅芒果肉係爽嘅 而奶凍冇奶味… 唔會再嚟

早幾日夜晚同屋企人唔想去得太遠食飯，所以就黎左T Town搵食。Comma呢間餐廳一直都未試過，係門口見到menu價錢都幾吸引，所以就入黎試下我地叫左1個二人套餐，香草蜜糖燒春雞同埋美式醫燒豬仔骨-蟹肉龍蝦湯跟二人餐既湯，味道偏咸，要配餐包中和一下-烤墨西哥芝士雞肉粉皮卷跟二人餐既頭盤，粉皮卷烤到幾香脆，沙律菜配黑醋非常開胃-香草蜜糖燒春雞配意粉燒春雞足足有半隻，雞肉都算滑-美式醫燒豬仔骨配薯條沙律菜豬仔骨燒得非常入味，而薯條係即炸，非常脆口，食到停唔到口👍🏻-澳洲草飼肉眼扒配飯/薯菜二人餐2個主菜都係簡左牛扒，牛扒厚身，肉質結實，肉味幾濃4個人晚餐total岩岩好$400，咁既價錢鋸到扒，而且味道唔差，真係好ok！

今晚唔知食咩好，就入左天水圍t town 間comma cafe試下。入面環境唔錯，服務員安排坐卡位。我地叫左個二人餐，有湯、包、前菜、兩個main course和飲品。餐湯係龍蝦湯，有番茄味同少許牛肉味，飲得出有辣椒、黑辣碎，仲好似落左酸忌廉，但味道比龍蝦味重。不過，好味過m記，都好濃下。前菜我地叫左個餐牌上嘅粉皮，個粉皮似烤卷，卷內嘅肉似叉燒，汁似茄汁，亦有芝士味，唔錯！主菜我地叫左帶子意大利飯，個樣好似冇咩汁，因為冇落芝士，但意大利飯不一定落芝士。口感有咬口，飯也入味，帶子好鮮味，連飯一齊食好鮮。雞湯、菇、帶子和飯組合很好，沒有過咸。另一個主菜係肉眼扒拌薯菜（香草汁）。汁好味，較得剛剛好，旁邊有啲黑椒鹽，但塊扒好薄，但應該係超市50蚊貨仔。我地叫左5成熟，比較多肉汁，所有其實唔點汁仲好味。薯菜甘筍好甜，甘筍應該係特別品種，比較少見。最後要提個朱古力特飲，賣相唔錯同埋好好味，夠甜朱古力唔苦。