California Pizza Kitchen (已結業)

又是到搵晚餐食嘅時間，同老公四圍兜，去咗新蒲崗mikiki商場搵食！因為呢度個停車場非常之抵泊，停低架車之後，我哋就喺商場裏面兜咗一圈， 見到呢間餐廳有pizza食，就一於入去食個晚餐先。我哋叫咗個二人餐餐湯分別係：墨西哥粟米湯同埋青豆蓉忌廉湯跟住主菜係：夏威夷薄餅同埋蒜蓉雞肉闊條麵老公嗰個墨西哥粟米湯，飲落嘅味道。。。 😂😂😂有一種外籍人士嘅味道🤪，可能這個就係墨西哥嘅味道啦🤠🤭！ 幸好我個青豆蓉忌廉湯味道是正常的🤭！而主菜個夏威夷薄餅水準一般沒有什麼驚喜，而個蒜蓉雞蓉闊條麵， 蒜蓉味恰到好處，而個闊條麵唔會煮得太過淋，都可算係水準之上。

Mikiki入面同出面都有唔少好食嘅餐廳，有時午餐想食好啲，就會黎呢個California Pizza Kitchen，但呢間午餐時間都幾full下，book咗位就會穩陣啲啦！佢嘅Lunch Menu係成日轉，所以次次黎到都幾有新鮮感，今次就叫咗墨西哥雞肉菠菜闊條麵，同埋一個雞肉pizza, 墨西哥闊條麵好有特色，汁好creamy，非常合我口味，Pizza好食就唔洗講啦！跟餐仲有我最喜歡嘅墨西哥粟米湯，同埋可以無限添飲嘅冰紅茶！埋單只係大約$80，但真係次次都食到捧住個肚

曾經很喜歡California Pizza Kitchen的Carbonara，很久沒光顧，但看到Mikiki分店周末也有優惠午餐，決定去重溫舊夢。午餐其實沒有Carbonara（$108），但太想吃的關係還是單點了一份。可是讓人太失望！不夠熱而且醬汁不夠，和以前的質素差很遠。午餐是抵食的，烤蒜雞肉薄餅餐（$68）還包湯和飲品（汽水、凍檸茶無限添飲）。墨西哥玉米湯質地偏杰，味道帶濃濃的南美feel香料味，口味有點太重。薄餅的味道ok但醬料偏油膩，雞肉很乾。一段時間沒光顧，感覺退步不少，就算午餐抵食也燃不起再吃的衝動。

又到假期，帶啲仔女去食pizza，因為今日小狗生日帶埋佢可以去嘅商場Mikiki,如果多啲這類型商場就好啦！因為有小狗嘅關係呢我哋要坐出邊，今日天氣都不錯涼涼地，有啲風！坐得幾舒服，不過有啲污糟，外面太多廢氣同粒子！搞到成張枱都係黑色一點點 （下次唔去呢間坐出邊，因為對住天橋）帶着小狗唯有繼續坐啦下午茶套餐他們都10分抵食，大約都係$60-＄80！ 有湯或者沙律，主菜加飲品檸檬茶他們仲可以添飲，可以慢慢坐！沙律就普通！我哋就叫咗兩個pizza食，兩大兩小分量剛剛好！辣肉腸薄餅同埋燒雞薄餅！這間Pizza店雖然常常去但係他們的薄餅其實唔係個個都咁好食，今次啲辣肉腸薄餅不錯，夠香辣，不過雞薄餅，未到就唔係好夠好淡！雞胸肉都係略為老了一點

攪緊裝修果陣響呢間分店食過一次晚餐，再之前已係幾年前響旺角果陣。印象中旺角果間既 pizza 底係唔同味🤔裝修果次同阿媽黎食，阿媽就超唔鍾意，發晒脾氣，又話個 pizza 太燶，又話個墨西哥湯味怪。首先個湯我好鍾意飲，係佢唔識欣賞，咁果次個 pizza 係太燶，同 waitress 講佢都再整過個唔燶既出黎，不過阿媽仍然係話燶仲要唔俾我食，我都食左少少係好好食，真係痴線頂佢唔順，所以今次自己黎食lunch。之前都唔知有 lunch, 原來 weekend 都有，真心抵又好食! 今次試左辣肉腸 pizza，墨哥湯，士多啤梨紅茶，唔知果茶有冇得添飲，不過我一杯都夠飲。個湯一如以往咁好飲，pizza 就經典口味，我鍾意個 pizza 好有麵粉香。😚

第一次幫襯，環境幾好，網上book位有折幾抵。呢個羽衣甘蘭沙律好健康，只係上面幾塊梨唔唔爽甜，有少少粉，破壞左口感。牛油果蛋卷搵唔到牛油果，外皮炸過龍，硬左d。pizza好食，岩岩出爐夠熱夠脆，睇落以為好厚，食落係鬆軟架，肉腸牛味好出，又唔會太咸。豬仔骨軟稔稔，肉同骨一切就分得開，好食，醬汁酸酸地好開胃，薯角都炸得剛剛好，份量好多。甜品叫左蘋果批style薄餅，有d失望，薄餅餅底始終無批底咁鬆脆，蘋果唔夠多亦唔夠酸令味道少左d層次，雪糕係用hagendaz好味。

假日午市套餐同平日一樣價錢，感覺好抵食墨西哥粟米湯，味道濃厚，有酸酸蕃茄味青豆薏米湯，味道偏咸辣肉腸pizza, keep得住水準中式宮保雞丁意粉，味道ok，但太油揀冰紅茶仲可以無限添飲

很少光顧 CPK, 因為覺得它的pizza 唔太合自己口味；為慶祝自己生日，被安排左來呢間，發現食品種類多樣化左，亦行go green 既大勢所趨南瓜合桃藜麥梨沙律：要左大份味道很清新，食材配搭得宜。蜜糖薯條，味道很特別，沒有肥胖感，感覺不很油，也不熱氣雞肉菠菜noodle 配上青檸汁，不過不失，相比其他菜式暗然失色左～牛油果芝士pizza, 牛油果份量夠，但太多火箭菜，有點苦醬燒豬仔骨：醬汁美味，豬仔骨唔多骨，有肉食甜品brownie, 有點甜；就是brownie 呀！

有時兩口子出去食飯，未必有胃口食咁豐富， 有時只係想食些輕便食物及坐得好少少！喺mikiki 我發覺呢間california 都唔錯除咗位置坐得舒適，環境寧靜，輕食選擇十分之多例如簡單地點一下凱撒沙律及隨意吸取變點一兩款意粉，亦很有水準！凱撒沙律分量十分之大， 而且用料新鮮每次食完都仲可以打包明天做早餐！最啱一些 輕食的朋友們！意粉亦有水準，配料豐富，大蝦爽口， 意大利粉柔韌度極高，醬汁亦恰到好處！服務員每次都會細心安排我們坐近窗口位置 這個位置比較寧靜，最適合二人撐枱腳， 慢慢享受這個舒適晚餐

之前係新蒲崗返工時，意外同同事們發現了Mikiki商場內有間California Pizza，有抵食的Dinner Set。今次同男朋友行開個頭，加上天候炎熱好口渴，我就心癢癢好想食呢間餐廳。係門口睇返Menu，個套餐仲係做緊任飲，PERFECT！由於男朋友鍾意食墨西哥脆片，所以我們叫左個$368的套餐。個餐包左一份小食/兩碗湯、兩份主食及兩杯任飲汽水或檸檬茶。由於已經有飲品任飲的關係，加上男朋友想食墨西哥脆片，所以就無要湯了。呢份「烤蕃茄莎莎及牛油果醬配墨西哥粟米脆片」有D dry，似係包裝薯片加兩個醬，不過D牛油果及蕃茄粒無放上脆片上，所以脆片由頭到尾都係Keep住脆卜卜。其中一個Main叫左份「烤美國特級安格斯肉眼排」，牛扒比想像中薄左少少，不過加埋牛排上的牛油汁就出奇地香。另一個Main我地叫左一份「美國蘑菇芝士雲呑」配香炒蒜香芝士汁。味道無論雲呑內定個醬汁都非常香、非常Cheesie！鍾意芝士的一定不能錯過！

我是CPK常客，食物係吸引我的天原因。今晚來到有新的2人晚餐，2人餐有兩個不同價錢的選擇，這晚叫了一個貴的，因為有牛扒! 牛扒好似無出現過在套餐(印象中)～所以特地叫了這個有牛扒的品嚐品嚐～套餐分頭盤一款、主食兩款及任添飲品，各有不同的食物可選。頭盤：White Corn Guacamole & Roasted Tomato Salsa + Chips烤蕃茄莎莎及牛油果醬配墨西哥粟米脆片這個粟米脆片令我覺得好似去左睇戲咁，份量多，又脆又香口。原味脆片再加上兩個醬，所以有三個口味，各有特色。一路食一路傾計，如果飲酒就要ORDER啦！小食加酒=人生蕃茄和牛油果醬都帶辣，小心辣親～可以留到最後吹水時再食！主食：The Fire-Grilled Ribeye烤美國特級安格斯肉眼扒秘製香草醬焗薯角、香蒜芝麻菜沙律，配以藍芝士牛油醬的"烤美國特級安格斯肉眼扒"呢個係CPK自己的介紹.牛油醬利害！建議大家不要搽哂，因為好油。牛扒叫了5成熟，可能因為牛扒太薄，所以食到尾變咗全熟。安格斯~當然係好有牛味啦！所以記住咀嚼時間長點，牛油和牛味會先後出現～芝麻菜和薯角都好食，份量都很足。我建議加上少少牛油醬會

難得去mikiki放狗竟然俾我見到California 🍕 ！！好surprise,自從旺角家樂店執左之後我無再見過見到之後二話不說衝左入去餐廳有outdoor seats 可以俾養狗人士坐👍我嗌左個單人set加單點一個pizzaPizza嗌左bbq醬雞肉pizza個set有前菜，主菜同野飲包埋我叫左芝士雞肉菠菜闊條麵，春卷凍檸茶同汽水仲要係無限refill👍👍👍全部食物水準都好好，無令我失望係會令我繼續幫襯既👍👍👍👍👍👍

呢間野開左咁耐，其實印象中係無乜點食過。咁啱經過見幾抵食咁，仲唔使等位，就食個set lunch.Set lunch 價錢都係五十零七十蚊不等，環境夠大坐得舒服，但無奈今日天氣幾熱，我地一行五人安排坐去窗邊角落，冷氣又唔多夠，大家邊食邊呻熱。餐飲如果揀汽水可以任飲😆聽到都開心，要讚佢既係搭左舊檸檬，炎炎夏日倍感fresh!湯揀左墨西哥粟米湯，呢個湯都幾杰下，友人們都覺得可以做個醬都得。不過味道我覺得係唔錯，微辣又帶點酸，裏面勁多粟米粒，加埋d 墨西哥脆片，口感幾豐富同開胃👍🏻Pizza 叫左兩款，辣肉腸同夏威夷。前者味道比較單調，感覺得個咸字。 反而夏威夷果款大家都一此讚好，味道配搭啱啱好，個pizza 其實係薄得黎幾鬆化同做到批邊微微脆，呢個真係好好食😋意粉叫左三款，原來咁啱都係雞，但d 雞全部都係一樣咁：乾，瘦，鞋😵先試蒜香忌廉汁雞肉闊條麵。蒜香味無乜，個麵機本上連汁都無乜勁乾身，好淡。。失望之後係蕃茄醬燴雞肉扁意粉，呢個個醬三款中最濃郁既，味道ok 但個意粉煮得有點硬，料唔算多，只係得d 醬。最後係心素香葉鮮蕃茄雞肉幼意大意粉，其實同之前果個差唔多，但個味淡d, 不過雞既份量多好

今晚4個人去食，見到有個4人套餐，睇落好似幾抵食，飲品又可以無限添飲，於是叫嚟試下，有一個頭盤，一個Salad，兩個Pasta，一個Pizza，4杯無限量加添飲品。並且可以半價叫甜品。叫完先發覺選擇的食物款式一般，因無我最喜歡的紅菜頭Salad選。但份量一定足夠4個人食的。

今日同朋友聚餐有5大1小，我地叫左個四人餐，前菜係選左牛油果蛋捲，有2個醬分別係沙律醬同千島醬，幾fresh,之後點左個燒烤雞肉沙律，沙律上面有好多脆脆，每口咬落去，幾有層次。再點左煙肉芝士忌廉意大利粉，美國蘑菇芝士雲吞，我幾鍾意食，好juice,質感好易咬，好有蘑菇味，鍾意蘑菇一定要點，pizza點左有蘑菇、辣肉腸，皮薄，幾脆，味道幾好，我仲點左檸檬雞意粉，覺得白汁太肥，食呢個都吾差，麵偏酸，開胃，雞係白肉，都ok,吾鞋口。小食追加甜辣雞膇，呢個個汁偏甜，易入口，小朋友都愛吃飲品無限refill，服務員都好nice,想要芝士粉，黑椒，refill汽水都好快手，態度幾好