Cafe Siam (The Plaza ) (已結業)

Great dinner and the service is fantastic. I would like to recommend everyone to come and experience this restaurant.

蘭桂坊係有名酒吧区, 除了係摸酒杯底好地方外, 原來仲有各種不同類型嘅菜色, **Cafe Siam**看到餐廳名, 就知道係泰菜。Cafe Siam地方寬敞舒適。坐得舒服！蝦餅~ 食泰菜嘅必食之選, 外面非常脆囗, 內裏啖啖蝦肉, 仲好弹牙, 炸得非常到位, 唔會太乾, 最重要係唔太油膩, 送啤酒冇得輸!蒜香椒絲炒菜苗~ 不油不腻, 好有鑊氣, 因為採用菜苗, 所以非常嫩, 冇渣, 蒜蓉香味㓎出來, 值得一讚。泰式炒金邊粉包蛋~ 賣相獨特, 㕑師張做庵列方式, 把海鮮同金边粉作餡料用蛋包住, 旁邊放了些碎花生, 好有金边風味。 用叉弄穿蛋後, 熱辣辣餡料漏出來。金边粉同蝦及尤魚用茄醬炮製, 所以酸酸甜甜, 感覚非常開胃。芒果糯米飯~ 馳名世界嘅泰式甜品, 芒果香甜新鮮, 配以甜絲絲嘅糯米飯, 加上少許椰汁, 白糯米口感較軟滑, 而黑糯米就有咬口, 好食!其實餐廳名单仲收錄在米之連2017精選名册內, 各位識食之人, 不妨一試!

今晚同媽媽黎到蘭桂坊既一間泰國餐廳，環境設計都其泰國風味。晚上餐廳燈光較暗，每枱都有個小蠟燭，好有氣氛！一來到便看到餐牌上的燒鱸魚，賣相非常吸引！平時去泰國餐廳多數會點明爐魚，今次就轉轉款式～泰式燒鱸魚 $224果然沒有點錯！肉質鮮美嫩滑，外皮燒得香脆，但不是吃魚皮喔，外面塗上滿滿的鹽去燒的，單吃皮可是會咸死的。魚肚中間塞滿泰式香料，我不懂裡面的是什麼，但只知道魚肉香滑入味，調味得宜，非常出色！芒果大蝦米紙卷 $98其實這是我第一次吃米紙卷！新鮮的沙律菜裡包著大蝦和芒果肉。芒果肉不是一整塊包著，而是切粒遍佈沙律菜中，讓人不時會吃到一絲甜蜜滋味。大蝦肉質鮮美爽脆，旁邊還有甜甜的芒果醬可以點米紙卷！味道挺匹配的，放最後可以當甜點吃呢！帕能咖哩 $10吃到一半時，發現消費滿$100可以加$10換購每週精選呢！吃泰國菜當然要吃咖哩，還有優惠價，馬上點了一份！可以選擇配雞肉/豬肉/牛肉/蔬菜，而我們選了雞肉。不知道帕能咖哩是什麼做的，但味道真的一級棒！是我吃過最好味的咖哩了！我把咖哩汁吃到一滴也不剩，味道香甜不辣，而且帶濃濃的椰奶香。雞肉去皮，肉質嫩滑！雖然份量不大，可是只需$10就能吃到高質素

餐廳環境不錯，燈光較暗，挺浪漫，適合約會☺️ 星期天晚市餐廳有七成滿，先點了一杯椰汁daiquiri和mojito，兩杯cocktail($72)水準非常高，尤其是coconut daiquiri，用上新鮮椰青，味道清新且解渴，而且價錢超值😋前菜點了招牌Siam沙律($91)，沙律菜和豆腐卜，滿滿沾上酸甜扯微辣的醬汁，非常開胃！咖喱炒蟹($338) 醬汁味道香，可惜不夠辣，肉蟹是實肉有鮮甜的，材料不錯，但整碟餸菜只是微暖。另外點了off menu的泰式roti($65)來拌咖哩。

貴為國際知名嘅蒲點，蘭桂芳最多就係酒吧，但係除左飲野嘅地方多之外，仲芸集左好多地方嘅菜式、餐廳，迎合不同國家人嘅口味。而特別啲嘅有中東菜、土耳其菜等，當然日本菜、泰國菜都必不可少。今晚就黎到蘭桂芳嘅cafe siam食晚飯位於大廈嘅二三樓，每層分兩邊，地方唔細。感覺上同一般泰國菜不同，裝修有格調，如果同朋友黎飲下野食下野都係不錯的地方我地大概六點半鐘入座，都已經有唔少人客，相信如果唔訂位，尤其是假日都最好訂位。呢度有好多傳統嘅泰國食品，蝦餅、小食拼盤、冬蔭公湯啊、炒粉麵、咖喱等。不過我地只有兩個人，未能試到好多款式。冬蔭公湯：我地揀左蝦，入面有兩隻大蝦，連埋蝦頭，可以見到真係幾大隻。料都幾足，仲有香茅、磨菇、香料等。湯嘅味道好香濃，冬蔭公突出，無論酸同辣都調配得宜，唔會好辣，又夠開胃。鐘意飲冬蔭公湯嘅朋友應該都會鐘意，一份大約可以有四碗多少少，份量適中炒椰菜苗：每次食泰國菜我地都會點椰菜苗，因為椰菜苗唔係好多地方食得到，通常都要喺泰國菜先食到，食落爽脆，又唔會太鹹。椰菜苗唔會好老，油份是必須的，炒得惹味咖喱蝦：呢份蝦嘅做法類似炆，用煲仔端上，非常熱辣辣，裡面都好足料，大約有四隻蝦，已經

今日同男朋友喺附近睇完戲，食埋飯先番大西北，選定呢間喺德己立街嘅泰國菜，附近都好多酒吧，不過覺得泰國野比較啱食。而事實上我地都去過佢地堅尼地城嘅分店，新開張冇耐就去過，當時印象十分好，特別係椰漿飯同芒果糯米飯，味道可好呢。今次再訪，雖然係中環店，但都有一定嘅信心，最終亦都冇失望餐廳一共有2、3樓，我地被安排坐3樓，佔地頗廣，位置挺多的。有梳化位、圓枱、高枱高櫈等，人多人少都能夠安排。餐廳裝潢有啲似西餐廳，燈光偏暗，頗有情調，週日晚上幾乎全部坐滿，但可能空間感足，即使人多，都唔會覺得好嘈，適合情侶或者多人聚餐餐牌選擇豐富，供應沙律、小食、串燒、湯、咖喱、海鮮、煲類、肉類、蔬菜、飯麵、甜品等，定價合理。晚市亦有套餐供應，包頭盤、沙律、湯、主菜、甜品，不過我地唔係食到好多野，決定單點。點單後，店員好快就送上蝦片，配辣椒油。蝦片夠哂香脆，而且有好微微辣，既開胃亦可佐酒。精選拼盤 $149/2人份拼盤有炸蝦餅、炸春卷、沙嗲豬肉串、香蘭葉包雞，設2人/4人份，分別定價$149/261。拼盤上枱熱辣辣，都好吸引，即時做起，沙嗲另上。炸蝦餅每人一份，炸粉唔厚亦都唔硬，食落香脆，而且蝦肉嘅味道都幾明顯，

當日同朋友相約蘭桂芳，本以為佢想帶我去邊飲野，點知原來係去一間泰國餐廳！一上到去氣氛超好，光線好柔和偏暗，情侶好岩嚟喎！店員帶我地入座，都幾舒適寬落，枱與枱之間吾會挨得太近，幾岩同朋友吹下水。Pork Neck $115見到menu有推介，我地就點左，份量都吾細，表面燒得焦香，內裡仲juicy同吾會太肥膩。剛好伴以醬汁，味道惹味！Lychee coconut $58點左一杯飲品，但同朋友一齊飲都夠飲，好大杯，沙冰既feel，荔枝味清爽，再帶椰子既奶香。Soft Shell Crab $188睇落就係好脆口既感覺，同其他配料一齊炸，好香口，但略嫌有點咸，幸好我地點既飯可以中和一下。Seafood Fried Rice $123海鮮量都好多，有大大魷魚片同青口等等。飯粒香糯，炒得粒粒分明。南瓜布甸 $67甜品中既推介，有真南瓜圍邊，中間既布甸好得意，食到絲絲南瓜味，加上真南瓜肉就如虎添翼啦，但我地就無蘸椰汁啦，更愛單吃。

🍢精選拼盤$149 荷葉包雞好好食 醃料勁入味 雞肉又嫩蝦餅同串燒都好食 附個沙爹汁又好正要叫😋--🍲冬陰雞湯$90夠酸 好香椰汁味 香茅味亦好岀好想要個米線係配🤣--🥘特辣茄子咖喱$118呢個味道唔太似咖哩 亦唔辣不過撈飯都幾好食 豬肉都好淋😜--🍚椰汁焗飯$123呢個正呀 我諗佢係直頭用椰汁代替水每一粒飯都滿滿既椰汁香 齋食飯都得呀入面既牛肉 配料根本唔重要😂--芒果飛雪$58新鮮椰青$55--呢到環境幾好 幾有氣氛 同朋友係到食飯飲酒都唔錯架😉

味道來說呢間餐廳算係美味+高級串燒燒得香得黎又唔會太過燶, 份量都多, 佢既醬汁都唔錯, 係沙爹黎, 基本上呢間餐廳好多醬汁,同用料都會落到椰奶, 如果好抗拒椰奶人士就要小心d呢個係蛋包飯黎, 入面都係調過味, 味道我覺得相當不錯,都係咁多道菜入面我最中意食, 味道係偏甜甜地,入面有d蝦. 旁邊既果仁喜歡可以加小小, 加得太多會痴牙~呢個咖哩牛, 我去個陣咁岩做得優惠, 10蚊可以叫一碗, 每周有唔同既咖哩試, 呢個咖哩就偏淡味, 同埋偏辣小小.sorbet 黎講呢個都好好食, 椰子味,入面有好多椰絲, 食起上黎有d似雪沙,中意椰絲既人應該會幾中意呢道菜..pork都係呢到既主打, 口感黎講比較特別, 幾軟相對其他餐廳既話!醬汁都係幾特別有小小酸我覺得.主要好食個肉質, 唔知係唔係入口得靚.

星期一的蘭桂芳比起星期五，六日寧靜得多。趁著人流少，訂位都比較容易。今晚去了一間泰國菜館，悠和的燈光下，似酒吧餐廳多過泰國菜館，跟傳統那種完全不一樣。氣氛也不錯。柚子沙律簡簡單單的柚子沙律，靈魂在於醬汁，酸酸甜甜勁開胃。粉絲焗蝦煲天氣涼涼地，見到一煲熱辣辣的粉絲煲好開心。打開煲蓋香氣樸鼻而來。粉絲炒得爽口乾身，夾雜著蔥和薑絲，多了一份香口感，煲底原來有幾片豬脛肉，肉質好軟熟，肉的油份增加粉絲的滋潤，惹味。蝦隻份量不少，爽脆有嚼口。雜錦沙爹串燒沙爹醬濃郁帶有花生香，調味恰到好處不過鹹。串燒有豬肉，雞肉和牛肉。最驚喜是豬肉肉質不會死實，燒得軟腍多汁，滋味。整體食物水準不錯，難怪平常日子都爆滿。

蘭佳芳除咗飲嘢外，原來仲有一間佔地兩層嘅泰國菜如果唔係朋友帶路，真係未必留意到門口有架tuk tuk，一見到已家即刻聯想起泰國餐前小食有蝦片同米通！最攪笑係佢個醬，竟然係冬蔭公醬估唔到味道又幾夾！唔好以係佢係個普通椰青，其實呢個係Young Coconut Freeze$58入面有椰青水、椰汁同椰子肉！飲落清甜之餘，仲可以食到椰子肉，口感豐富，唔錯沙律我地叫咗雞絲蕉花沙律$91！咁大個女都係第一次食焦花食落好爽口，配埋個酸酸甜甜嘅汁一齊食，幾開胃之後我地叫咗個冬蔭公炒飯$111，口感比較濕潤！似係將煮好嘅冬蔭公湯同白飯一齊煮，適合啲重口味人士另外已家做緊每週滋味推介，$10就可以食到個是日咖喱，真係抵到爛我呢個係馬沙文咖喱豬，味道唔辣的，送飯或者配薄餅食都好夾！最後又點少得甜品呢我叫咗我最愛嘅芒果糯米飯$81！芒果鮮甜多汁，配埋煙韌嘅糯米同濃郁嘅椰汁，就成為咗我最喜愛嘅泰國甜品啦

一家大細係先施購物完，老婆想食泰菜上網搵到呢間鋪頭係附近，於是來左呢度食晚飯。店裡座位很寬躺，環境很不錯，適合一家大細既我們!點了個咖喱蟹，由於孩子不能吃辣的，找來了侍應幫忙介紹適合孩子吃的菜，侍應很熱情地介紹。咖哩蟹水準非常棒，蟹鮮味和咖喱能好好地混合在一起，有水準! 甜品也很不錯，值得一試。 吃完飯侍應還很友善主動地幫我們拍全家照。下次來中環會再次光雇這間食店。 謝謝你給我們留下美好的回憶!

閒日晚上嚟到Cafe Siam坐滿人好熱鬧, 餐廳環境簡約得嚟又不失格調, 最啱放工上嚟食飯傾下計. 食到9點鐘, 食客開始散去先留意到餐廳望出去嘅環境都幾好feel.冬蔭蝦湯 ($98), 每次食泰國菜一定會點冬蔭功湯, 呢度嘅冬蔭功辣度適中又唔會太油膩, 仲蘊含陣陣椰香~ 而配料方面就有得揀蝦或雞, 我就揀咗蝦啦, 一碗大約有3隻大蝦. 由於呢度嘅冬蔭功湯唔會嗰種刺辣到飲唔到落去, 所以一飲就兩碗啦!燒豬頸肉伴酸子醬 ($115),  豬頸肉由大至細一字排開, 而我嘅焦點已落喺酸子醬旁邊最長嗰塊!!豬頸肉外層嘅炭燒味道好香口, 加埋濃郁酸子醬就更開胃, 忍唔住一食再食.  雞絲蕉花沙律 ($91), 喺10款沙律當中見雞絲同香蕉花嘅配搭未試過, 又見係餐廳推介就不妨一試.呢道菜式單係擺盤已夠花心思, 味道仲幾驚喜. 如果係想一份清淡嘅沙律就會失望啦! 呢碟沙律以蕉花同雞絲配上好濃郁嘅酸酸辣辣醬, 再加埋花生粒同椰絲, 味道層次豐富, 完全唔覺得自己係食緊沙律.紅咖喱燴燒鴨 ($125), 咖喱配雞、牛、豬就食得多啦, 見到呢度有燒鴨揀咁特別就叫嚟一試.雖然燒鴨係浸喺紅咖喱入面, 但

Happy friday 去clubing之前當然是先醫左肚先！加上最近入秋經常想食辣，但我其實不是很食得到辣(>﹏<)所以比起辣得瘋狂的川菜，我還是比較喜歡食泰國菜~ 就位於老蘭旁the plaza樓上已經有間不錯的泰國餐廳，clubing之前來食或者clubing揾到食想揾靜靜地又有點情調傾下計的都係一個不錯的選擇(≧∇≦) 我都幾鍾意呢度啲 decoration ，小小泰feel,暗暗地有小小mood都幾ok~ 有別於一般泰國餐廳，呢度還會好像法國餐廳般提供餐前小食！好有招呼呢！但又不是隨便給兩塊包，而是一籃子的蝦片和米通餅呢！切合泰國風情之餘還幾好食添！蝦餅和米通都好脆的，帶辣味的蝦餅好惹味，而厚米通則要點那火紅色的醬料，火紅色的醬料有點像xo醬般帶小小辣卻十分惹味，配雪白的米通格外誘人。餐廳內的碎蝦片聲此起彼落，好攪笑(≧∇≦) 說到食泰food,當然要嘆小食拼盤啦！可以一次過食到豬肉沙嗲，荷葉包雞，蝦餅和春卷等4款小食！小拼盤份量都唔細，二至4人食都夠呢！ 雖然我不食豬串燒，不過都試左沙嗲醬，雖然個沙嗲冰左啲，不過難掩其香濃花生香味，而且椰香十足，點荷葉

蘭桂芳並不是只有夜店和酒吧，其實還有一間米芝蓮的泰國餐廳。我和寶寶在星期日的晩上來到，餐廳已滿座，幸好貼心的寶寶早已預訂了位子～我們一坐下店員便送上免費小食，是香脆可口的米通和蝦片，伴上它們的秘製辣椒醬。味道不算很辣，有點像 xo 醬，但更惹味，而且越吃越上癮呢！Young coconut freeze ($58) 是必點呀！餐廳先把椰子起肉再攪拌，味道像椰汁奶昔，椰子味非常香濃，而且清甜又冰凍。每口也能嚐到打碎了的椰肉，口感一流，絕對真材實料！泰式茄子煲 ($123) 份量也不小，茄子煮得腍而入味，加上濃郁的汁，真是伴飯一流。泰式蝦醬炒飯 ($107) 炒得乾爽，上面鋪上香滑蛋絲，每人也分到兩碗飯。但最驚喜的是有臘腸，我也是第一次吃泰式炒飯吃到臘腸。我每次也會吃明爐香草蒸烏頭魚 ($247)，這裡的烏頭很大條，而且魚肉鮮甜啖啖肉，必叫！除了有菇和葱等配料外，還竟有粉絲！粉絲吸受了湯底精華非常好味。避免湯汁被蒸發，店員還提供了一碗湯讓我們加進爐裡。湯十分清甜，最後我把湯一滴不漏喝光了。餐廳還在做優惠推廣，咖喱雞只是 $10！寶寶不吃辣，幸好咖喱雞不算太辣。咖哩味道十分香濃，雞肉也很嫩滑