Café Kool

營業中

休息中

本人第一次寫食評. 因為真係讚一讚呢度的服務.我同友人想一齊出去拎野食, 又驚d袋就咁擺係度會俾人拎, 咁我就用塊餐巾遮住個紙袋, 但拎完野食返到黎時, 侍應幫我地用椅套套住個紙袋. 另外, 我出去拎碗麵食, 咁個廚師話d魚皮餃要煮耐d, 叫我返埋位食其他野先. 咁我諗住食兩件野. 再走番出去拎番碗麵, 點知個廚師親自拎過黎, 仲提醒小心熱, 真細心. 仲有最後去拎雪糕, 拎完發覺冇匙, 正在想搵之際, 有一個侍應主動走埋黎問係咪冇匙, 佢跟住即刻去拎. 還有, 侍應不停加水. 值得一讚 講完服務就講野食. 生蠔都幾新鮮, 可惜唔夠肥美, 可能因為唔o岩季節關係. 長腳蟹d肉有d霉, 瀨尿蝦都算甜. 三文魚都好新鮮. 值得一食係即煎牛扒同香腸. 仲有即炒意粉類.....正!!

一班朋友聚聚舊, 最後決定來cafe kool食個buffet放縱下.估唔到此酒店食物選擇都好多...第一round個個都取凍海鮮食, 估唔到有東風螺食, 仲有生蠔, 凍蟹, 凍蝦等選擇很多而且樣樣都鮮甜.估唔到佢地既熱食都好多選擇, 當中自己最喜歡就係燒香腸, 有2款一紅一白2款都好得, 仲有蝦餃都好好味,只係可惜當晚沒有羊架食.全晚我最欣賞竟然係心太軟再轉角去加一個雪糕球真係好滿足呀...佢地d甜品都好好味, 樣樣都好得呀.宜家東亞信用卡做緊promotion, 有75折真係十分抵食.

本來是日約定同事去行山，可惜天氣實在太寒冷，大家由消耗脂肪變成增加脂肪。一行五人來一頓新春lunch buffet，全場爆滿，好不熱鬧。雖然地方不大，但勝在款式不少，而且仲係即席為客人主理，試過即席主理嘅茄汁螺絲粉，味道較酸，反而沙律及甜品就取得我嘅歡心，沙律菜新鮮，甜品全部作迷李裝，大家可以試多幾款，但可惜雪糕唔係自助形式，而且味道款式頗少，連普通嘅咖啡或strawberry都冇，失望。總括嚟講，只得甜點較為出色，難怪看上近排此cafe嘅食評都頗差。

女朋友生日, 見 d 人話呢間好似好好咁, 諗住試下啦, 點知唔試好過試d 野食選擇真係小得可以, Overall 黎講係甜品好食, 其他都真係唔多得, 一句講晒, 冇想像中咁好啦Review 野食好靚架, 但係好可惜我用眼係食唔飽既, 以下係我個口既感覺生蠔細細隻, 營養不良咁 (仲要唔係鮮)蝦就有 d 甩頭, 唔係隻隻食得馬來西亞同印度食品就唔夠熱, 但係本人好鍾意食咖哩, 所以 OK 啦 中式食品味道就麻麻 普普通通咁啦, 千萬唔好食點心, 是但去間茶樓都好過佢魚生好大塊, 但係唔鮮......甜品最可取, 咁多種都唔錯, 有好多我會話好食我地已經唔係好挑剔既人, 但係我同我女朋友都唔係食得好開心, 食飽就算啦但係咁既價錢, 諗清楚, 去第二度食, 都有好多選擇都唔知係自己唔好彩, 撞正佢地食物失準, 定係佢地真係咁差番食指數: 2/10推薦指數: 1/10氣氛指數: 2/10低食指數: 2/10真係諗清楚.................唔好俾佢個賣相呃左Btw, 可以一提既係服務真係唔錯, 令我感覺好番 D

男朋友媽咪生日,一家人去食自助餐慶祝,訂位時知道今期做緊海鮮promotion,開心到爆一去到酒店,果然冇令我失望,冷盤刺身位0個度勁多野食,刺身有三文魚,吞拿魚,八爪魚,仲有八爪魚仔小食,樣樣都好味冷盤有凍蝦,蟹腳,青口,翡翠螺,蜆仔,龍蝦仔...ok鮮味,我食左3 round呢~~之後梗係要食我0既至愛--->撈沙律,我夾左d菜,車喱茄,紅腰豆,粟米,烘麵包粒,瓜子,加埋cascar醬,簡直無敵,食完之後,我都飽左7,8成lu~食埋生果同甜品就prefect喇,生果都係0個d,西瓜,菠蘿,蜜瓜,火龍果...至於甜品,都ok有質素,同埋就黎到萬聖節,加左d裝飾,好靚呢~~cheese cake同chocolate mosses,十分好味但有d蘿蔔味甜品有d怪....可能我食唔慣啦,食到差唔多0既時候,個waitess拎左一扎花出黎(我事先準備好的)送俾我男朋友0既媽咪,佢開心到震,好驚喜,好開心,我地仲攞住扎花周圍影相添,成個氣氛好熱鬧,今晚我地一班人都食得好開心,雖然環境有d嘈,但食物質素同服務都好好,好滿意

The worst dinner buffet I have ever had in my life. It is not money's worth. Better try Marriot or Coffee Two which are of much better quality. The variety of seafood offered are extremely restricted and they are not fresh. Better not to have a meal there in the near future.

:huffyIT WAS A SAT., 我相信FOOD QUALITY一定會差D但無理由差到咁呀!!!首先, 冇HD ICE CREAM...竟然係雀巢公司!!!!!!!5 STARS HOTEL俾呢D野人食!!之後, 係冇龍蝦既....基本上每一種FOOD我都試過一啖....諗住蝦蛟應該會好D....點知甩哂皮.....諗住食粥應該正常D...點知無味又稀........D甜品款色得好少又難食....MIXED BERRY JELLY...酸到嘔.....唯一可以放入口係麵包布丁...出面有個好靚既雪櫃, 入面D CAKES個樣靚十萬倍!!! 但係$30/PEICE!!! 仲要只係鮮果TART!!!扒類好硬.....見到韓燒AREA諗住牛仔骨即叫即燒應該OK, 但係成舊肉都只係ICE味......印度FOOD AREA....D野食好凍!! 我見佢有電磁爐.....但係D野食唔知點解又凍又難食!!唔知點解, 果度既廚師都好好好後生, 大部分都好似岩岩出黎做野咁.WAITERS收野十分慢, 你唔舉手佢係唔會黎, 應該個場實在太大太多人, 所以好嘈, 台與台之間DISTANCE好SHO

I was too indulged in study that I nearly refused to go enjoying the relaxing lunch with my sister and friend on a weekday ... here we were:To be frank, I am not a big eater, thus I am not a big fan for buffet. But this buffet is up to standard comparing to some neighboring hotels I have been.A large variety of food it must be. But what I appreciated was nearly all of them are served. Instant cooking incl western pasta/ grilled meat/ congee/ noodles/ sashimi/ salad ... Among all of them, my most

去左朋友推介ge lunch buffet 228+ 10% 本人勁鐘意食甜品...但始終一開始點都唔會好似以前咁瘋狂淨係食dessert.所以您地睇香我影Ge 相就知我食左幾多款野...先講魚生係好一般...但師傳們好有笑容噃....沙律都好一般...最好係佢地個酸辣柚子沙律..好醒胃...添食左兩次...再來夾左個麵包...完全唔fresh, 但butter 好香...串燒不錯但唔講得上好.個lasagna 做得算好..但凍晒...無咩吸引....平時唔鐘意飲酸辣湯..但呢款湯做得好好..您地都要試下喎!個魚塊望落幾吸引食落仲好添,唔係一般Fish fillet...佢係加左少少肉碎剁再混埋一齊...無汁無料都食得出好好味...最後甜品...tiramisu 太heavy ..反而個橙味cake 好少會食得到...必食...唔係一般美心橙味旦糕咁simple..開心果楱子cake又係誠意之作..必食...仲記得openrice fans提過話要食焦糖燉旦真係好滑好滑,,,記住要食...最後仲試埋椰子同朱古力味雪糕添...兩款係好但椰子味較為特別....遲d再帶朋友同埋家人去帝苑試甜

2009年5月18日一行親友共11人,慶祝生日及有生日優惠,這裡食物種類很多,日本魚生,壽司,點心,冷盤,熱盤,咖哩,即煮粉麵及粥,燒烤,扒類,印度薄餅,沙律,甜品,這裡甜品特多,單看甜品櫃內已很滿足,喜歡甜品者請勿錯過.環境一流,座位闊落,服務0k,所有食物都算合格,補充食物都得快,我最欣賞這裡的甜品及沙律,特別是cheese cake食左很多件,皆因好味!咖啡,奶茶唔好飲,不如飲杯熱檸蜜,檸水和一小樽澳洲蜜糖獨立分開上,都 o k 架!

外母生日，老婆外家話去食，但就食左個畢生難忘既自助餐 -- 勁難食。難食到點？我要半途閃左出街，去對面漆咸道「味王」茶餐廳拿拿臨食個飯，再閃返去扮無野繼續，泰山大人問我去左邊，我話食飽左，所以落街行下咁話…。先講環境，5 星酒店又點會話好差丫？不過我覺得太逼狹喇，地小人多，無大酒店應有既鬆容感。服務都係 ok 既，大酒店既罐頭式服務囉！但大家商業交易者，佢地都做好左本份喇。衛生亦都一樣，大酒店既管理，最少我眼睇就好 ok 啦！但最重要既食物質素，就真係令人難以接受，最好食係巴馬火腿、 甜品、同生果，火腿其實都唔係靚，鹹係死鹹，無鹹香火腿香，但都仲可以既…，甜品係正常美心普通質素，但已經係最好味。果 d 煙三文魚又實又無味，唔係淡口咁解，係無煙魚既香同味！仲有其它果 d 冷盤同沙律，選擇又少又差勁，蝦蟹無厘聞味，去凍肉鋪買返屋企解凍食咪得囉，使咩去佢度？我自己去酒店食自助餐，最鍾意就係食冷盤同甜品，但佢真係 9 流。牛扒、羊架，仲老過我，「鞋」到阿媽都唔認得，都唔知搞咩；中式食品，d 點心咪就係我地日常係一般酒樓咁上下囉，不過不失啦！生滾粥係自助餐中算 ok，但唔好有任何期望，同粥鋪無得

我uncle生日嘅原故, 所以早一個月前訂左間房...我地一行九個人我全日都無食野, 就為了品嚐這餐, 不過就好失望......首先生蠔, 翡翠螺, 大蝦, 東風螺, 瀨尿蝦都唔太新鮮, 蟹都還可以~幾多羔...剌身亦無味; 沙侓同火腿都算好食, 仲有印度薄餅都好好食, 由於我唔食牛, 所以選了羊柳, 味道好一般; 不過蝦餃就好好食~裡面好大隻蝦...至於甜品就值得一讚~cheese cake, tiramisu, chocolate brownie, 都十分好味, 我不斷添食, 每款都食左4-5件...總算有驚喜不過大酒店來說, 甘嘅食物質數, 真係要檢討下... (所以就算出名...都未必好食)我一定唔會再黎......

對我來說,自助餐之精髓在於新鮮及款式多,這家完全達到我的要求了!光顧當天是星期二,既不是假期也不是晚市,座率卻高達9成可想而知水準也不會太差!海鮮類是我最欣賞的:翡翠螺/花蟹箝/蝦/青口/東風螺/魚生都新鮮,只有生蠔欠佳提不起興趣印度食品中沙嗲串燒最有驚喜,非常欣賞豬/牛/雞3種肉類也用上不同香料味道來處理,特別是豬肉沙嗲配上一個微酸的醬汁,簡直是絕配!咖哩芝士不過不失,印度炸魚~雖然就是炸,但卻沒有炸得死死,內中還是嫩嫩的!生滾粥~我選了皮蛋+牛肉,粥底是白粥個人應為味道偏淡...甜品也是我最愛之一,因為其在是太多選擇了!!芒果大菜糕很有兒時食的味道,蜜桃碎啫喱(像還未雪好的啫喱水~), 燉蛋白非常滑,芝士蛋糕不知為何處於半溶狀態(失敗)!只需二百元就有如此多選擇下次還是會再來!!

阿哥生日黎左香格里拉食buffet慶祝，但其實我係唔太知幾多錢，望下樓下先知原來大概$400位，我覺得呢個價錢普通啦，勉強都可以話係值得一試既。佢食物種類都算選擇多，有刺身壽司，好多唔同既海鮮如蝦，蟹，瀨尿蝦，螺等等，另外仲有沙律bar，中式既點心咁，跟住仲有西式，印度咖喱同埋馬來西亞既沙嗲等等，都算係好多唔同既選擇，但我就唔係樣樣都有食，因為唔係樣樣都吸引。我食過覺得D海鮮幾好，大部份都算新鮮同埋都唔係D劣貨，蝦都有D蝦膏架，瀨尿蝦都幾好味。沙律BAR都好多配料選擇，但D西式野就麻麻地，我食左舊羊肉勁難食，超肥。而且有隻鐵板腸D味道麻麻地，怪怪的。 馬來沙嗲都OK，係串牛肉UN左D，但哥哥話豬肉幾好味，反而佢有個馬來薄餅就唔係幾好食，因為好淡口，無咩味。甜品反而幾好WOR，都算多選擇同refill得快，媽咪話椰子雪糕好正，我食左芝麻都覺得ok。另外佢個tiramisu同chocolate brownie都唔差，反而泡芙就唔係太好食。總括我覺得$400抵唔抵真係好難講，但如果係我既話食過一次就未必會再黎，因為d野食質素真係唔係特別好。

We went to the Shangri-la last weekend. The first thing to try is the Parma ham (or Serano ham), it’s the worst quality of ham I have ever tasted! The lady serving it had a bad attitude too. The smoked salmon tasted like some cheap stuff made in China. The curry corner did not smell a bit of any spices. All the curry looked watery and unappealing, so I totally passed. The cold seafood look just as bad, you can tell by the appearance that it is not fresh, so I walked away from that too. Th