230
98
71
港鐵尖沙咀/尖東站 P1 出口
繼續閱讀
電話號碼
27338753
開飯介紹
Café Kool供應各式多樣的國際風味自助餐，呈獻亞洲、西式、印度美食，以及沙律、意粉、甜品和水果等。開放式廚房分為十二個區域，展示各類菜式的高質素原材料，呈獻十四款廚師秘製的招牌菜式，更有十二款Häagen-Dazs雪糕，令賓客享受更上一層樓。
繼續閱讀
特色
適合大夥人
慶祝紀念日
營業時間
今日營業
全日休息
星期一至日
06:30 - 22:00
*Café Kool將暫時關閉至二月底。
暫時關閉 02月07號 - 02月29號
全日休息
有關餐廳
招牌菜
食家推介
相關文章
早早係9月九龍香格里拉大酒店推出Café Kool的自助餐優惠，低至6折優惠預購自助餐券❤️優惠適用9月及10月份的:午市(星期一至五):晚市(星期一至四)計埋加一服務費，都係HKD 250一人，抵到爛😍記得買左之後餐廳聯絡以預訂日子和座位海鮮🦞：每次黎最重點回本位，今次有螺：好大隻，原隻配點點檸檬🍋汁，好新鮮，不過敗筆位係有沙😖大蝦：大大隻， 影相📸️都已經好吸引😍食起黎彈牙🦐，不過有部分味浸夠冷水，難脫殻瀨尿蝦：有部分有膏，細細隻清甜綠青口+藍青口：無咩味道，好彩醬方面提供好幾款，有雞尾汁、泰式辣醬等雪蟹腳：好甜，有海水味，咸咸地，重點係溶夠曬雪吾會有雪氣🦀刺身🥢都有四款，三文魚腩墨魚🦑好鮮甜👍🏽熱葷方面：烤粟米🌽，香腸，牛排🥩、雞翼🐥菠蘿🍍魷魚🦑時菜等，都好多選擇，仲有個天婦羅🍤部分，野菜天婦羅🍤多春魚🐟另外，天婦羅旁邊仲有個碌粉面既位，龍蝦🦞肉魚蛋、貢丸等，配多面底，河粉米粉等。泰式辣雞、泰咖喱🍛仲有一個點心位，可惜太飽食吾到咁多，但望個樣都好正，牛肉球、香菇雞肉餃子🥟、珍珠雞、素菜餃子🥟等甜品🍮方面：哈根達斯雪糕🍦是基本，最少十款口味。甜品推介佢焦糖燉蛋🍮：燉蛋蛋香好重、一陣煉奶味麵包🥯布甸、雙重粉紅蛋糕🎂、曲奇🍪榴連慕絲都大推❤️總結：員工服務好，收碟速度快選擇多但無話邊樣特別出色勝左食物款多種類多今次優惠價真心抵 HKD 250 可以係五星酒店🏨食環境好 安排兩人靠窗邊 近食物台
繼續閱讀
時不時就會相約好朋友一齊食Buffet,九龍香格里拉不嬲口碑都唔差,尤其是呢度晚市buffet有齊麵包蟹,龍蝦,長腳蟹,生蠔,翡翠螺同凍蝦,鍾意食海鮮嘅我哋又點會錯過最近雖然遊客少咗,但係黎呢度食晚市自助餐既年依然好多,全場幾乎full晒。我六點半鐘嚟到排隊入座,我哋坐六人枱,呢度既位比較迫,枱與枱之間空位唔多,如果咁啱隔離係有枱,要出去拎嘢食就比較困難,以酒店嚟計呢度都算幾迫既一間。好多人一開始就圍住 海鮮嘅area,不過啲速度都幾快,同我頭先講嘅一樣有齊曬各項酒店buffet應有嘅海鮮, 呢度refill嘅速度都相當之快,唔會有食物盤吉咗喺度既情況出現。魚生就有八爪魚,油甘魚,吞拿魚,三文魚,甜蝦仲有幾款壽司。三文魚同油甘魚都幾新鮮係吞拿魚就麻麻地啦,不過又唔算好食到我會再拎second round,拎咗一round就算了。麵包蟹我真係覺得好一般,龍蝦就淡茂茂冇乜味,蟹腳就用咗松葉蟹腳,貨色都係一般,至於翡翠螺相當大舊,食起上嚟有少少困難。點心方面有山竹牛肉珍珠雞叉燒包等等,仲有中式湯水,但係由於我個胃嘅容量有限就冇試到啦。同場加映有片皮鴨,拎咗一次,質素都唔錯嘅,咁就當然冇平時出去食中菜嗰啲咁好啦, 但係由於師傅片得都有d慢,所以就無encore la 呢度嘅白汁長通粉非常好食,雖然食buffet食澱粉質有d唔抵,但係真係好好食,一拎再拎。 天婦羅同埋串燒就一般般,層粉漿做得有啲厚,至於印度咖哩我就冇試啦,望落d肉都幾乾。講真呢個場啲嘢食真係好多,不過又冇一樣係令到我哋覺得好好食非食不可。所以好快我哋都走咗去食甜品,呢間酒店嘅甜品唔算好多,最有驚喜係佢嘅雪糕,特別係朱古力味好濃好香好滑,仲有荔枝奶凍同埋梳乎厘都幾好食,連平時麻麻地甜品既我都覺得好味。如果講質素我覺得美麗華酒店buffet會比呢度好好多,格局亦都比較靚,呢度就勝在款式多想食咩都有,不過你問我哋會唔會再嚟,我地就一致認為下次都係試第二間啦。
繼續閱讀
唔記得之前有無講過，屋企人好鍾意食自助餐貪佢咩款式都有，所以定期都會去唔同酒店試下，如果我得閒既話一定會跟埋去食🙈呢間本身已經係頻率頗為高既一間，前排仲要見到有六五折優惠，九秒九上網買卷訂檯😂見到有人話特價下質素差左，的確成間野人頭湧湧有點兒擠逼，所有野都超多人排隊，攞食物要等返三五幾分鐘亦係真既，但見師傅都已經做到唔停手不斷refill，我反而覺得味道大致上比以往好🤔▪️ 自助午餐💲價錢根據日子有所變動星期一至五 大$378 小$278星期六至日及公眾假期 大$478 小$318💰限時網購優惠卷：六五折頭盤（7/10）沙律有海鮮沙律、煙三文魚、煙燻火腿、莎樂美腸、自行配搭既沙律菜同沙律醬等等🥗冷盤（7.5/10）呢間既冷盤種類以自助午餐黎講都算係咁，一共有兩款青口、蜆、🌟螺、海蝦、瀨尿蝦、麵包蟹、🌟雪湯蟹腳🦀今次食既蜆完全無沙，螺係超級大隻，海蝦既肉質爽彈，仲記得上次既雪湯蟹腳浸係鹽水定海水入面鹹到食唔落，呢次大有改善，入口係好鮮既海水味而唔係死鹹😍刺身、壽司（7.5/10）🙂三文魚、🌟八爪魚、北寄貝😶魷魚：稍微韌身另外仲有其他雜錦壽司🍣熱食（7/10）中式有燒味包括雞、鵝🦢點心包括糯米卷、蓮蓉包等等，西式有芝士意粉、燒肉眼、燒雞槌同香腸，日式有🌟炸南瓜、茄子、多春魚天婦羅，東南亞既有自選配料既粉麵，係清湯、豬骨湯、喇沙入面尤其鍾意個辣辣地既🌟喇沙湯底，印度有咖喱雞同印度薄脆，泰式有串燒、海鮮炒飯等🍢甜品（7.5/10）🌟呢度有十多款Haagen Dazs雪糕口味8/10，味道有焦糖脆餅、冧酒提子、香檸雪芭、芒果雪芭、芒果、朱古力、雲呢拿、咖啡、抹茶🍨生果有切粒既🌟菠蘿、西瓜、哈密瓜😳另外有朱古力噴泉、蘋果金寶、麵包布甸、杯仔甜品例如焦糖燉蛋、比較少係自助餐會見到既車輪餅，味道不定我嗰日有車厘子同雲呢拿味、排曬長龍等左成十五分鐘既即製梳乎厘，可惜食落有空氣感但係無味，唔食都唔係大損失🤤飲品（7/10）每人一杯餐茶🔎 整體評分（7.5/10）
繼續閱讀
年尾飯局特別多，見網上有自助餐優惠禮券買，平均自助晚餐$500/位，以五星酒店自助晚餐來講，價錢算抵。食物，環境完全無令人失望，選擇多，種類豐富，質素亦好好冷盤-海鮮新鮮🦞🦀🦐🐠生蠔，麵包蟹，龍蝦，長腳蟹，青口，賴尿蝦刺身，壽司🍣有太多熟食，未能一一試過，片皮鴨，羊架，牛扒，燒烤，質素都幾好甜品🍮食物Refill 得幾快缺點:1，有好幾款食物都需要排隊等候生蠔即開，全晚差不多都見排隊人龍天婦羅炸蝦🍤即炸，需排隊及等候甜品pancake 即做，需排隊及等候2，侍應太少，收碟太慢，要張已食完既碟疊起放，一段時間後先有侍應收。
繼續閱讀
前兩日食過Hyatt tea buffet, 今晚就黎左Shangri-La 食buffet dinner ,今次一家大細四大兩小，不過小朋友三歲以下唔駛收費。一開始生蠔好多人排，咁我去食d魚生先。有七款（三文魚、吞拿魚、比目魚、八爪魚、甜蝦、油甘魚同墨魚），試左三文魚甜蝦，正常冇特別，不過擺得核突d。見到有即切北京片皮鴨又拎左 d ，好多人拎，師傅不停切，呢個幾好味，不過部分切得多肉得滯海鮮櫃檯有面包蟹、龍蝦、蟹腳等，面包蟹幾好，多膏，好邪惡。人少d去排即開生蠔，每次拎三隻，好瘦好細，呢個真係減分，我估十幾蚊一隻嘅蠔都好過佢、作為五星酒店俾三星酒店嘅下欄嘢好似孤寒左 d，好失望。其他美食有人喇沙配龍蝦鉗、BBQ、燉湯等等。啱啱小朋友食嘅有長通粉、多款芝士、熟壽司，順帶一提小朋友會有填色紙同顏色筆，呢樣加返少少分。甜晶有即製日式梳乎厘班戟、日式車輪餅及12款Häagen-Dazs雪糕等，雖然蛋糕種類不及Hyatt 豐富不過都係夠食飽十二月節慶價，埋單冇拆扣的話$758+10% per head 都幾貴，今年食過兩次lunch 都係差唔多食物，但價錢平一半有多，lunch 都有龍蝦的，晚餐只係多左超瘦生蠔，個人認為lunch 係非常抵食，晚餐就性價比較低。
繼續閱讀