Butlery

營業中

休息中

今日同媽咪係沙田逛街，跟住一齊食lunch。被奪目鮮艷的橙色餐廳門面吸引過去，英倫風的設計和食物種類都十分吸引🤩🔸Black Truffle Cheese Chips $59黑松露芝士薯條 薯條炸得金黃香脆，黑松露芝士醬汁都非常濃郁，香氣十足，食到最後一條仍然佈滿醬汁！下次會想再來試一下其他味道🤩🔸Sea Urchin & Scallop Linguine $178新鮮海膽香煎帶子&蟹肉海膽忌廉汁意粉海膽非常鮮甜且入口即化，帶子厚度十足，煎香兩面後中間的帶子肉依然嫩滑，蟹肉仍鮮味十足❣️意粉是扁身，軟硬適中彈牙。帶子好厚身兩面煎得焦香中間嘅肉好嫩滑，仲有蟹肉鮮味十足，值得推介！😋🔸(Brunch) Steak&Eggs Tea $118牛扒口感略嫌有點柴😓🔸Banoffee Crème Brûlée Pancake $119梳乎厘上層鋪了金黃色脆脆的焦糖，包住好鬆軟的梳乎厘pancake，口感超軟滑，入口即化，好有空氣感，非常好吃！😍📍Butlery (沙田)沙田沙田正街18-19號新城市廣場一期4樓479A號舖

喺IG碌到呢間餐廳，見到海膽意粉好吸引🥺本身都有少少驚中伏，結果試完發現味道超有驚喜🥰♡新鮮海膽·香煎帶子&蟹肉海膽忌廉汁意粉 $178意粉味道食落有驚艷到我！最好食應該係個忌廉汁，好creamy🧈海膽同香煎帶子都好鮮甜😋呢碟意粉基本上每台都有人嗌，強烈推薦要嗌！😗♡澳洲西冷牛扒配薯條$259薯條炸得啱啱好，都幾香脆🍟但牛扒味道令人失望，本身嗌5成熟，但最尾牛扒煎得有啲過熟，味道唔值兩百幾🥹♡伯爵茶醬·無花果·果仁脆餅·白朱古力脆米班戟$125伯爵茶醬甜度啱啱好，有淡淡茶香，減低咗油膩感😙果仁脆餅口感酥脆，同班戟好夾🥞飯後甜品嚟講係一個完美嘅結尾😎總結呢間Cafe嘅忌廉意粉超級好食，一定會為咗呢啲意粉再返嚟，鍾意食忌廉意粉嘅朋友千祈唔好錯過😆

最近到沙田新城市廣場的 Butlery ，感覺非常滿意！點了Burger，Pancake和抹茶拿鐵，Pancake口感濃郁但不膩，入口即化，搭配咖啡很對味！Burger食材新鮮，份量適中。店員態度親切，點餐時會耐心解答問題，上菜速度也很快。店內裝潢簡約時尚，座位安排寬敞，適合拍照打卡。當天是平日，座位不算太擠，氣氛輕鬆。價格屬中上水平，考慮到質素和環境，覺得物有所值。整體來說，Butlery 是沙田甜品店的好選擇，推薦給愛甜食的朋友！

今日有啲早食飯，就趁無乜人嘅時候嚟咗Butlery食晏。平時有機會要等位，同埋因為佢多人嘅時候上菜比較慢，所以有時都要等得幾耐吓。餐廳枱同枱之間比較近，多人起嚟都會有少少嘈。不過今日就無呢啲問題，同埋呢度勝就勝在主食同甜品都好好食！所以要encore~Lunch menu會包一個湯或salad 同埋基本嘢飲，加$25 有朱古力/雲呢嗱/士多啤梨嘅milkshake黃菜頭柚子沙律 （跟餐） (7/10)講真紅菜頭就都仲常見啲，黃菜頭真係唔多見，不過食落去同紅菜頭差唔多味，都係甜甜地。沙律菜正正常常，車厘茄新鮮，柚子沙律醋令成個沙律無咁寡，整體不過不失🫶🏻安格斯牛肉芝士漢堡拌薯條 $148 (8.5/10)牛肉好香，雖然有少少overcooked，如果再生多少少會多啲肉汁同無咁乾，不過瑕不掩瑜，芝士啱啱熔喺面，熱辣辣，配埋醬汁好好味😋 薯條就更加出色，啱啱炸起非常香脆，加埋少少黑椒同鹽提味，係一定要試！🔥朱古力奶昔 +$25 (8/10)好似沙冰咁嘅口感但無咁凍，入面驚喜地有好多朱古力脆脆！味道係好飲嘅，只係個人覺得有少少太甜，無咁甜會再好味啲～🤤Tiramisu Pancake $122

見到openrice有咁多好評，抱住好大期望咁去食呢間餐廳。點知極度失望🥹忍唔住要俾返個差評。Sea Urchin & Scallop Linguine HKD178意粉偏硬身感覺似係未煮得夠時間。海膽食落唔係新鮮嗰隻，唔腥但系聞落怪怪的。食咗一細啖我已經放低咗。帶子正正常常。醬汁係好Creamy既，不過食到都系會膩。Black Truffle Cheese Chips HKD59薯條唔係好熱，更加唔脆，可能因為佢系倒啲芝士汁上去所以令到佢淋左。份量唔多。芝士味有嘅，但係黑松露味就唔太食到。Special Menu 牛既risotto 啲飯都係偏硬身，牛既調味都比較淡。份量少。Chocolate Milkshake HKD55幾乎每啖都飲到朱古力碎，有咬口。不過隻朱古力味唔係特別好飲，飲晒成杯都覺得幾膩。Overall不值排隊，沙田有好多更加好嘅選擇。無下次我自己嘅體驗服務OK嘅，枱比較細同逼，完全聽到晒隔離講啲咩。自己都要好大聲講嘢對方先聽到。

難得今日早收工去試吓一間book mark咗好耐嘅餐廳🤩上網睇啲人話要排隊好好彩今日Walk in唔使等就有位🤣就係比食評嘅相吸引咗覺得環境好靚啲嘢食present得好靚勁吸引～～2個人食 叫咗1份小食 1個沙律 1個主食另外叫咗1杯飲品share~~餐廳嘅裝修燈光都好靚影出嚟嘅食物相都好靚😳 菜式選擇都多～如果張枱大少少就更加好啦🤣烤雞沙律🥗份量超級多超級多😍😍烤雞嘅味道好香食落唔會乾身/鞋口 除咗有牛油沙律菜車厘茄麵包粒煙肉粒之外仲有我好鍾意食嘅牛油果🥑👅連唔係好鍾意食沙律菜嘅男朋友都覺得呢款沙律好味👀👀蝦意粉意粉嘅質感適中 唔會太軟身幾好咬口配埋嘅蝦肉都彈牙好食男朋友話呢個意粉嘅芝士好好味由於我自己唔係鍾意食呢款橙色芝士所以我覺得還好😅值得讚嘅係呢個意粉嘅份量都好多!!雲呢拿奶昔🥰🥰🥰非常推介‼️好好味好好味~ 雲呢拿味好香唔會太甜飲落唔會覺得好膩 同男朋友share一杯爭住飲🤣On top配咗cream超好食呀啲 青口配麵包🥖好似大概有6/7隻 口感好鮮嫩青口配嘅汁好Creamy好味 ～由於好後先送上嚟 配嘅麵包只係咬咗一兩啖因為太飽啦😆☺️整體嚟講都好滿意呢餐嘅 因為埋單只係$4

去完東壩「淨山」，同朋友出返去沙田食個early dinner。朋友問有啲咩好食，突然間醒起呢間舖頭之前食過晚餐係唔錯，就決定帶佢哋嚟試試。兩位新識嘅朋友原來係食素嘅，餐牌都有素食嘅選擇。素食、葷菜各叫了一個漢堡包同埋意粉，另外再加咗個薯條share。因為新朋友食素所以個薯條就嗌咗牛油果配蕃茄，食落去都幾清新同埋薯條都幾香口。個素菜burger望落去同我地牛肉呢個差唔多，同行素食朋友都讚好。我哋呢邊食過牛肉burger都好Juicy牛味都好重。最鍾意個burger裏便有啲辣椒仔，再加埋個菠蘿燒過酸酸甜甜，超刺激味蕾。之前已經試過佢哋個黑松露意粉，所以今次就留返俾佢哋食。本身嗌個千層麵，但係缺貨有少少失望，咁就轉咗嗌咗個魷魚墨汁麵。個魷魚縮到煮得啱啱好唔會韌，另外個汁㗎忌廉底奶油好香，揸咗啲檸檬汁落去平衡返個油膩感，亦有種清新嘅感覺。可惜今次無食甜品，仲未試到佢個疏乎厘，希望有機會再試。事次用餐為自費。

話說和朋友約了去沙田相聚一返。比較早到，先取票，看食評說平常都很多人，以為要等好耐，點知一轉身走兩步就被叫號。又轉身向服務員說，朋友未齊人，轉頭回來，因為紙仔說了過三位就要重補及只有90分鐘，對方說無問題。然後很快朋友到了，點了意粉和三文魚繪飯，很抱歉的是三文魚沒有拍照，比餐單圖片少，及有點柴口，沒有油香，算是可以入口的程度。反而那繪飯有點硬身，比想像中好食，配菜的菇類比較處理好，煎得菇類的水分和油分都出來，很香，有點爽口。意粉都是現做，所以去的人要有些耐性，可惜晚上時間，沒有吃到甜品，看旁邊兩桌客人也是有點到，看上去不錯。意粉是朋友，沒有機會吃到，在色和氣味上感覺香料和不錯的腸類，切得有點厚身。店名：Butlery。地址：沙田附近。費用：收加一，只是基本上有足服務比如給你水，和看到水有一半左右都主動添加，中貴。如想看更多食評，在個人主頁點擊選，希望有金主課金支持，連優惠券也沒有QQ

我在約11:50入坐，點了慢煮豬手千層麵，煙肉芝士漢堡，海膽意粉，燒法國春雞，過咗一陣侍應生同我講千層麵賣晒，問題就係咁，一轉Menu就賣晒千層麵? 星期日應該好多人都會選擇叫千層麵為何唔準備好，呢個係不能接受，星期日飯巿可以唔預野架咩？，定係千層麵冇意粉咁賺錢，所以收起佢，我忍住唔投訴，之後我點了墨魚汁意粉，冇幾耐漢堡包先來，因為漢堡包是小朋友食，所以我分開了給親層方便他進食，一打開發現所用的蕃茄是用最接近底部，未免太過分嗎？你收我咁嘅價錢，漢堡肉非常硬，包本身醬唔多年，蕃茄都冇水份，我真係唔明白邊個會食乾淨淨嘅漢堡包，之後海膽意粉來了，一嚟到發現碟意粉唔係一煮好就比我喺廚房放咗好耐，意粉面上的汁顏色已經啞晒，碟意粉係凍啊隻碟都係凍，最過分隻碟係凍，呢啲咁嘅餐廳，你自己諗吓去唔去，意粉都唔係話熱只係涼，隻碟依然都係凍，仲有一樣嘢我覺得非常冇品味，唔好以為放舊海膽喺帶子上面，就收貴我幾十蚊，注意下自己攞盤吧，真係有料嘅唔使咁多花款㗎。重有一個問題，碟野係凍，凍我都覺得唔夠味，咁我想像到佢熱食係冇味。請留意仲有碟春雞未黎，春雞等咗好耐先到，大約20分鐘以上，唔緊要，我好明白製作需要時間，

最近工作好忙，點都要約朋友出去聚聚，傾下偈散下心。朋友係沙田住所以建議在沙田市中心城市廣場食晚飯。我哋約的是七點半，餐廳店外排滿人，我哋慕名而來，等了15分鐘左右，就可以安排入座。餐廳採取大膽用色，招牌是用上鮮豔的橙色，今日我身穿墨綠色外套，dress code好配合餐廳的環境，餐廳內部以墨綠色、奶白色和木色為主調，牆壁掛著幾面似窗框的墨綠色框鏡子，放的高度剛剛好，只會讓我看到餐廳環境的倒影，而看不到其他食客的面容，增加空間感，餐廳頂部也用了似木槺來鋪襯的天花，點綴餐廳的特色。餐牌主要是英文，就算不會英文也沒有所謂，因為餐牌的圖片很大，而且食物跟圖片一樣。由於同事四點才食完下午茶，我就因為工作時太過用腦，要靠食零食來補充能量，所以晚餐時份也是沒太多肚餓感，所以今日點的也是清淡一點的菜式。最近因為要為老豆控糖，所以每餐一定要食菜先，所以今晚我都習慣食飯前食沙律。Sesame Salmon & Kale Salad，三文魚切片鋪滿在滿滿的沙律菜上面，賣相好吸引。Chicken Mexicana這道雞肉墨西哥菜色帶有濃郁的香料風味，雞肉嫩滑多汁，搭配清新蔬菜和墨西哥香料，讓人一口接一口。辣味

每次嚟到新城市🌆我都會諗究竟有啲咩餐廳係其他地區未必有嘅選擇🤡今次我就去咗呢一間同朋友食飯😊都其實唔係第一次嚟㗎啦😆但係佢啲甜品實在真係幾出色😍另一樣嘢係環境都比較安靜😌上菜速度都算快💁🏻‍♀️過左個熱潮黎食岩岩好👌試咗佢嘅青口😈醬汁係非常濃郁🥰配麵包起十分一流😙主食我地食左個冬蔭公大蝦意粉😋冬陰功味我覺得係整體算係唔錯☺️屬於中上最後去到甜品嗰部份係我最期待嘅🤓因為佢個疏乎厘嗰個蛋味都算濃郁😚但係空氣咁就未必去到好重😂但係個抹茶醬仲有士多啤梨同埋蕨餅配上去就啱啱好🥰係非常滿足呀😍

📍Butlery , 沙田新城市廣場4樓497A號舖💰人均$100-200🍝海膽扇貝扁意粉麵條唔會話好硬或者好腍，口感同質地十分好，好creamy，意粉source好足夠多汁，不會太過dry🤤🥩牛扒色香味俱全，十分juicy，推薦5成熟👍🏻如果食唔到太生7成也ok 🍰甜品不用我多說，本身就好出名🤤真係超級好味，唔會太甜，剛剛好🤩唔中意食太甜嘅真心推薦依間甜品🥰-#香港美食 #打邊爐 #沙田美食 #沙田

🥢酸忌廉牛油果醬薯條$55 ⭐️⭐️⭐️✨/5香脆薯條食落少油，感覺健康🥰🐷肉醬千層麵 $142 ⭐️⭐️⭐️⭐️/5佢係手撕慢煮豬肉，唔乾而且味道香濃配埋芝士肉醬出色👍🏻Earl Grey Pancake $125 ⭐️⭐️⭐️✨/5空氣感疏乎厘Pancake，香濃Earl Grey味有少少遮蓋蛋味~🍔安格斯burger $99⭐️⭐️⭐️⭐️/5嗰牛係好juicy 唔肥膩，麵包鬆軟😋裡面仲有炒過嘅洋蔥、蕃茄、蘑菇、生菜&芝士😎

好友由紐西蘭回港探親，趁著她回去前爭取多一次時間見面。在文化博物館看了金庸和黃霑的展覽，心裡滿有感動，走到新城市後又差不多是時候吃個下午茶，好友提議吃梳乎厘Pancake，樂意奉陪。Truffle fries $59薯條新鮮熱辣，松露芝士醬香濃，不人工不膩口，小小一碗但美味。Tiramisu Pancake $122Pancake製作需時，確保吃到的是最新鮮的出品；Pancake軟綿綿又有蛋香，面頭Mascapone芝士忌廉香滑，是久違了的幸福感。談著談著一轉眼已四時多，下次見面不知是何時，願彼此一切安好順利。

雖然價錢定位比較高，但我覺得真係值得！一入到去，環境好靚，燈光柔和，令人有種放鬆嘅感覺。服務員都好專業，對菜單嘅介紹都好詳細，令我更加期待。我試咗佢哋嘅牛扒，真係非常好味！牛扒煮得剛好，外面焦香，內裡嫩滑，肉質好Juicy，搭配上啲醬汁，味道真係一流！另外，西海膽意粉都係我今次嘅驚喜，意粉煮得剛好，海膽嘅味道濃郁，配上奶油醬，食落去真係好Creamy，完全唔會膩。但係不得不提嘅係佢哋嘅甜品——soufflé，真係好好食！外面金黃鬆脆，內裡卻非常鬆軟，咬落去有一種幸福感，甜味適中，完全唔會過甜，真係完美嘅收尾。雖然呢間西餐廳嘅價錢唔算平，但我覺得以呢個質素嘅食物同埋服務，實在值得一試。如果你想享受一個特別嘅晚餐，或者慶祝某個特別嘅日子，呢間西餐廳絕對唔會令你失望！下次我一定會再返嚟，試吓其他菜式！