Burgeroom (Fashion Walk)

營業中

休息中

一路都覺得依家條街好多好嘢食，所以今日就約咗朋友就係一齊去試吓❤️❤️見到一間餐廳都好多人食，所以一齊入去襯下熱鬧😂😂😂😂😂依間餐廳可以坐戶外或者室內都可以，不過嗰日有啲大風，所以我就揀咗坐室內嘅枱🤩🤩🤩🤩🤩我哋叫咗兩個漢堡包，雙鵝肝牛肉漢堡🥰🥰大烤菇鱈魚柳漢堡🤩🤩🤩🤩鵝肝煮得啱啱好，雖然我平時都唔會成日食，但係呢一個真係入口即溶🤣🤣🤣🤣配埋大大塊嘅牛肉漢堡，真係超級正👍🏼👍🏼👍🏼👍🏼👍🏼另外嘅鱈魚柳漢堡，夠大啡菇真係好勁，一啖真係食唔晒🤩🤩🤩🤩夠魚都大大嚿，炸粉亦都非常適中👍🏼👍🏼👍🏼👍🏼👍🏼我哋叫咗孫悟空琥珀啤同蜜桃茶，想講一講啤酒，真係一定要試！係手工啤，配埋漢堡包真係冇得頂！好易入口！👍🏼👍🏼👍🏼👍🏼👍🏼👍🏼另外，本身我想叫黑松露薯蓉寶，不過冇咗，下次一定要再試吓呢🥰🥰🥰🥰🥰🥰佢其他小食都唔錯啊，我哋叫咗雞肉條配蜜糖燒烤醬，牛油果醬芝士薯條👍🏼👍🏼👍🏼👍🏼👍🏼全部都係即叫即炸，特別想講吓佢啲醬料，真係幾好食喎👍🏼👍🏼👍🏼👍🏼👍🏼

開業至今幫襯過三至四次 早幾年慕名而來 食完覺得係香港Burger之中質素算唔錯 所以都有間唔中食下但最近再幫襯 呢次叫左個 Classic Burger 同直薯條 上菜果陣已經發覺個Burger唔夠熱 好似擺左一段時間先拎出來咁 去到切開裏頭 見到塊漢堡完全沒肉汁滲出來 好似一舊擦子膠咁既質地 已經覺得唔對路擺入口果陣 食落去覺得似一塊漢堡扒形狀既牛丸咁 不過牛丸仲好食啲 因為塊肉連牛味都冇 淨係食到麵粉同牛筋 不知所謂 成餐飯唯一覺得合乎期望就係得番啲薯條 令我整體相當失望我認為當一間主打賣Burger既鋪頭 可以接受到將自己既招牌菜以咁既水準去招呼客人 係好過份既一件事 我去將呢個價錢去麥記買四個漢堡包都覺得好食過佢一百倍 一個Burger連整好一塊漢堡扒既誠意同心思都冇 不如唔好開門晒自己時間啦😡😡

食晚飯，同朋友嚟咗呢一間期待已久嘅漢堡包店呢間漢堡包店喺百德新街，環境好chill , 可以坐室內或者室外，坐得都幾舒服呢間餐廳主打係食漢堡包, 有各式各樣嘅漢堡包，淨係漢堡包都有30幾個款，有牛肉，魚海鮮類，同雞，仲可以加各種配料我哋叫咗一個burger share，仲叫咗個沙律同埋雞翼大烤菇沙律：原來呢個沙律份量超大，有一大半嘅沙律菜，可以減低我嘅罪惡，大烤菇上面仲有番茄蓉香辣單骨雞翼配蜜糖芥末醬：呢啲單骨雞翼係炸既，外面好脆，入面啲肉都幾嫩滑鵝肝牛肉漢堡：呢個超吸引，加左鵝肝，成個包高級左個包既外皮你煎過既，材料有鵝肝，牛肉，蕃茄同菜，鵝肝煎得好香，入口即溶，牛肉既肉質都幾juicy, 加埋佢個醬，配合得好好呢間餐廳既漢堡包真係好好味，一定要再encore

朋友話食過一間漢堡包店就食過返尋味，好想帶我再去食一次😂😂所以促成今餐餐廳有户外坐，見到好多人坐滿左，以為要等位，結果餐廳入面仲有位，原來啲人揀晒坐出面🙈入正題，朋友話一定要試佢哋嘅鵝肝漢堡包，所以我哋兩個就豪食，叫左一個鵝肝牛肉漢堡，再叫一個鵝肝軟殼蟹漢堡。真係好amazing!!!!鵝肝煎得非常之嫩滑，有入口即溶嘅感覺。牛肉味香濃，但調味適中，唔會太咸。而軟殼蟹係原隻，蟹膏非常飽悶，而且係大大隻食得非常之爽😆兩個漢堡包都配上生菜蕃茄等配菜，入口層次豐富而且side dish配有沙律菜，感覺食得健康。另外我哋都叫咗個香脆單骨雞翼配蜜糖芥辣醬，好味道！飲品我就叫左個薑啤，薑味唔太濃，令我一試愛上，立刻影低但下次去超級市場可以入返幾枝🤩呢間漢堡包店唔怪得知咁多正評，我食完都忍唔住要幫佢寫返篇

銅鑼灣「Burgeroom」環境勁chill，有outdoor位，入夜後環境幾浪漫清幽☺️營造出有格調嘅西餐氛圍💯。鵝肝牛肉漢堡($168)••••••必食！焦黃色香煎鵝肝外脆內軟🤤處理到位，色澤粉嫩，肥美鵝肝入口好柔嫩，唔會overcooked，油脂香味整個大爆發😍 鵝肝有一定厚度！入口即化令人好滿足💓。包體屬於鬆軟嗰類，廚師將麵包烘烤過，表層脆脆的，但唔會話脆硬到𠝹口嗰隻☺️。牛肉漢堡肥唔算多，肉感好強，咬落好juicy🍔配料有芝士、千島醬、新鮮生菜、鮮甜蕃茄，全部加埋一齊好搭好配合，食材平衡唔會膩。大烤菇芝士牛肉漢堡($110)••••••大啡菇出名多汁又菇味濃，比起蘑菇片食起上嚟仲無咁論盡🤣夾落漢堡一齊食多種層次口感😆。芝士旋風薯條($55)••••••即係扭扭薯條啊🍟！😘加埋芝士醬做topping堅jeng😬Burgeroom用嘅醬係真係醬嚟，絕對唔會好似普通芝士咁凍左就變硬一舊。唯一係鹹左些少🥵要飲多杯水先得。

burgeroom可以話係香港漢堡始祖, 食左咁多年, 宜家愈黎愈多新burger店, 咁岩去開銅鑼灣donki, 就係對面fashion walk搵食!fashion walk呢個地方既餐廳都幾有feel, 可以坐outdoor/ indoor, 星期5黎會更加chill!我同朋友1人叫左1個漢堡, 仲有必叫既芝士薯條, 都係2百幾蚊, 抵食!芝士薯條熱辣辣, 勁多芝士醬, 食到底都係滿滿芝士,佢其實好似哈迪斯薯條, 所以係超級好食!!!!burger已經切左半, 我地每人試1半, 波羅牛肉漢堡好juicy, 一路食一路滴汁, 牛肉漢堡排肉質唔會好散, 有口感有肉既香味, 醬汁唔會太多所以唔覺得好漏, 高質!另外叫左個honey mustard 大啡菇雞柳漢堡, 大啡菇1d都唔會乾, 好juicy, 雞柳唔鞋口, 加埋煙肉好夾好好食!!

這裹的漢堡包件牛肉較為傳統感覺，牛肉較為實些，如果喜歡吃鬆口感就未必合啦！今次叫了的是特量芝士牛肉漢堡，可能因此乾了些，因中問只有一塊蕃茄。之前我曾吃過鮮磨姑牛肉漢堡及菠蘿煙肉牛肉漢堡，就沒乾的感覺，反而是剛剛好。還有鱈魚魚手指，外酥脆內肉軟，不防一試。還有健康的田園沙律。

Burgeroom 今次係坐室內 位置唔大 但好在有冷氣 整體環境唔錯牛油果醬芝士牛肉漢堡 （$98）Lunch +$30 with fries and drink 漢堡扒就幾厚 而且唔係全熟 係微微嘅粉紅色好有牛肉味 不過牛肉漢堡扒嘅質地唔係我想像中咁 佢嘅漢堡扒係比較爛 你唔會食到有肉粒嘅質地 牛油果醬既份量好足而且好香 成個burger都好juicy 😋 但就有少少膩而且會令到成個包好濕薯條就冇咩特別 不過係即炸嘅 所以嚟到仲係熱同脆卜卜

Typically brusque HK service. That’s ok.Ordered a plain cheese burger as I came here for the first time, together with fries.Fries - definitely from frozen, not made on-site. Nevertheless tasty as fries normally are...Burger came about 5mins later.It looked sizeable but rubbish. I didn’t judge without biting however.So, I bit in and chewed. Immediate disappointment. Utterly underwhelming. Zero flavour. To break it down:- bread not fresh, average quality. Uninspiring in every way. - cheap flavour

大家有冇試牛丸漢堡呢？牛丸漢堡係咩？幻想一下，一塊十二成熟既厚漢堡，切落去要用d力，牛丸彈彈既質感。切成四方，閉上眼，放入口，牛丸同漢堡完美結合。如果以牛丸質素，絕對一流，牛有牛味，仲要彈牙！不過我唔係食緊漢堡咩！芝士黑松露薯條，芝士味可以蓋過黑松露，只剩下淡淡菇味。薯條方面，十分適合熱氣及健康人士，經低溫油炸，減少爽脆，亦減少高溫引致既反式脂肪。朋友既魚柳漢堡好正常，對於劣食KOL 既我黎講，有d失望！最後，可能員工要Work From Home，出餐時間稍長，等左20分鐘，疫情期間，敬請原諒！

位於名店坊既 BurgerRoom, 由門口開始已經係美國既感覺，漢堡款式有好多選擇，唔食牛都仲有好多選擇，有魚，鵝肝，軟殼蟹。。。Soft Shell Crab Burger with Guacamole($120) , 個 burger黎到係幾似隻蟹咁樣隻蟹夠大隻，食落啖啖都有蟹，不過成個包味道偏淡，要另外加 d辣醬。呢度 d辣醬幾特別，只辣喺條利，落到喉嚨唔辣。Guacamole Cheese Burger with Pinapple(+$110) ,好澎湃既Guacamole牛肉超好食，咁大個包都唔溜

食勻全世界第十站-美國！講到美國就會諗到burger 今次就嚟到呢間尋找美國嘅味道～兩個人食叫咗一個啤酒、一份薯條同一份漢堡，完美組合鍾意啲薯條夠大條有得咬下，牛油果醬酸辣嘅味道中和左芝士嘅膩，而且份量十足，啱晒一班人share鵝肝同牛扒味道濃郁又多汁，份量以百幾蚊嚟講都算幾抵，一個人食可能會覺得有啲「漏」，但兩個人share就啱啱好啤酒就無咩特別，不過都要支持下呢隻本地生產嘅飲品！整體上食物質素唔錯而且性價比幾高，適合同朋友一齊嚟飲酒吹水增肥

話說前幾日同老公係銅鑼灣行行下街突然之間好想食burger 係openrice搵到附近有呢間餐廳d評分都幾高下 於是我地就決定黎試試喇！佢地既burger種類都幾多下 除左牛肉漢堡之外 仲有魚漢堡呀海鮮漢堡呀雞漢堡呀鴨漢堡等等選擇 而且仲有素食漢堡添 迎合到唔同人既需要！黎到當然要試試佢既招牌菜鵝肝牛肉漢堡 果然冇令我地失望 咬落去第一下感覺到個麵包皮好鬆軟 口感好好 而牛肉好juicy 咬落去會感覺到d肉汁係裡面流出黎 而鵝肝既出現亦令整個漢堡生色不少 雖然價錢有少少貴 但味道同賣相絕對對得起呢個價錢 不愧為佢地既招牌漢堡 下次黎食一定要再食多次！

呢間漢堡店都聞名以久，之前見過fd打卡，漢堡入面舊鵝肝真係邪惡到極，7月頭嗰陣好彩仲未禁夜市堂食，有機會去到食佢勁邪惡嘅漢堡呢度雖然係食街，不過由於係巷子入面，要搵路的確有dd難度，兜咗陣先搵到漢堡肉類分3種，分別係牛、雞鴨、魚海鮮，我個人好傳統，覺得食漢堡一定要係食牛，加上我一心黎試試鵝肝，所以雙鵝肝牛肉漢堡係我必點小食就點咗魚手指魚手指啱啱炸起超熱，點他他醬好開胃，入面真係啖啖魚肉，魚肉味道好出，絕對唔係靠粉佢整大佢。外面有茄汁、芥末可以攞，我就攞埋芥末去點，都係好夾！當然主角係我嘅鵝肝牛肉漢堡啦，雙鵝肝真係邪惡到爆，平時食西餐一餐都係得一舊鵝肝，一次食2舊真係未試過。原本以為鵝肝嘅出現會顯得突兀，要同漢堡扒分開食，但原黎唔係，因為鵝肝超級嫩滑夠油香，一啖咬落去嗰陣，鵝肝已經爆開變成油，令到成個漢堡濕潤而且勁香，所以係超級夾，所以強烈建議畀d力壓實個包，張大個口一啖食曬全部料，唔好用刀叉慢慢分開食啊。原本以為個分量會太多而且怕膩，但因為鵝肝同漢堡本身好夾，食完都冇油膩感，呢個分量對於一個正常食量嘅男人真係啱啱好，配埋可樂，超舒服。味道方面好滿意架喇，如果可以多d芝士，咁就更邪惡了！

近期多間漢堡包店興起，優質嘅漢堡包熊貓真係食過唔少，而近期食過一間最好食嘅就係位於銅鑼灣的burger room 👍🏽👍🏽呢一間漢堡包店位於百德新街，係一個我覺得好Cozy嘅巷仔入面，充滿着外國的風味。有一刻也覺得自己在外地旅遊，忘記了香港一樣。而呢一間漢堡包店也是充滿外國風味，雖然近期沒有外地遊客，但是店內也有不少去在港居住的外國人。看來他們也很喜歡來這裏吃漢堡包。作為大胃王嘅熊貓，當然要推介 cheeseburger😍😍肉質豐滿，配料充足，一食落去淡淡肉汁，好食而不肥膩。食漢堡包最緊要配啲咩？就梗係薯條啦！呢度最特別嘅地方有好多唔同嘅味道嘅薯條，而我就揀咗芝士黑松露，厚厚嘅芝士汁，配上新鮮炸好嘅薯條，簡直係完美組合。本熊貓近期為咗健康關係，經常食好多菜，所以點了一份龍蝦沙律😍😍非常有驚喜，原隻嘅龍蝦，啖啖肉，配上新鮮嘅蔬菜整成的沙律，非常推薦大家吃。另外我哋亦都叫咗一份雞翼，都係非常好食。值得一提嘅係呢度嘅環境真係坐得好舒服，好適合三五知己放工後來談天說地👍🏽