Burgeroom (Fashion Walk)

大家有冇試牛丸漢堡呢？
牛丸漢堡係咩？

幻想一下，一塊十二成熟既厚漢堡，切落去要用d力，牛丸彈彈既質感。

切成四方，閉上眼，放入口，牛丸同漢堡完美結合。如果以牛丸質素，絕對一流，牛有牛味，仲要彈牙！不過我唔係食緊漢堡咩！

芝士黑松露薯條，芝士味可以蓋過黑松露，只剩下淡淡菇味。薯條方面，十分適合熱氣及健康人士，經低溫油炸，減少爽脆，亦減少高溫引致既反式脂肪。

朋友既魚柳漢堡好正常，對於劣食KOL 既我黎講，有d失望！

最後，可能員工要Work From Home，出餐時間稍長，等左20分鐘，疫情期間，敬請原諒！