Burgeroom (美麗華廣場1期) (已結業)

今日午餐去咗美麗華的Burgeroom，打開個Menu，除牛肉外好似多咗好多選擇，有素食的菇類、鵝肝、大蝦、吉列廣島蠔、帶子等等。最後我還是要了龍蝦漢堡。龍蝦漢堡 : 份量看落彼大, 是原隻龍蝦做一漢堡, 幾有氣勢。龍蝦肉質實帶點彈牙, 其麵包十分鬆軟, 加埋芝士佢調味, 非常好味。回味無窮~布里芝士餅:芝士外層炸得香口，裡面是半流心芝士。熱烘烘的~Iced Cappuccino最後來一杯冰涷咖啡，爽~~

行完街順便搵食，其實裝修過後的美麗華都未曾完全行過，多左好多新店，朋友話相試下burgeroom就黎碰下運氣。店幾大，仲有outside位㗎。好多位都book哂，好彩walkin都唔使等，揀左坐門口位，貪佢夠濶落落完單會有一個號碼牌，放便店員送餐。Guacamole Cheese Burger 牛油果醬芝士牛肉漢堡（＄90）朋友點了牛油果醬漢堡，賣相不錯呀。漢堡肉好厚呀，牛油果醬亦下得很多，味道還不錯。Portobello Cheese Burger大烤菇芝士牛肉漢堡（＄105）自己點了大啡菇漢堡，太厚了，放著都要倒下來多汁的大菇，厚厚重牛味又多肉汁的漢堡肉，下層有新鮮蕃茄同生菜好爽口，半瀜芝士加上千島醬，整體味道豐富又好吃，正。Fish Fingers with Tartar Sauce鱈魚手指配他他醬（＄48）散點了手指魚，是整條魚肉來的，口感十足。Mini Hash Brown with Blueberry Sauce迷你薯餅配藍莓醬（＄50）仲有小薯寶，好香脆，配上甜甜的藍莓醬好好食呀。半自助形式不用加一的雖未稱得上驚為天人，但漢堡確實不錯，位於尖沙咀的商場內，價錢也算是合理吧

係尖沙咀睇完戲便搵間餐廳來祭祀五臟廟，朋友喜歡食漢堡就諗起美麗華裡面的Burgeroom，餐廳裝潢時尚型格，設計帶ROCK的風格。大烤茹芝士牛肉漢堡 $ 105烤茹、芝士和牛肉都好有份量，出名的牛肉果然好厚身, 兼且肉汁夠 juicy口感一流; 芝士份量好多有拉絲，烤菇同樣好入味好有質感, 加有蕃茄及生菜， 大大淡食落口都不覺得油膩。墨西哥辣椒大烤茹漢堡 $ 90麵包暖烘烘的入口外脆內軟，還滿佈香口芝麻。餡料十分豐富，有大啡菇，紅洋蔥，牛油果醬，番茄，生菜及墨西哥辣椒。大啡菇入口juicy菇味香濃，加上墨西哥辣椒帶點辣味慢慢滲透到味蕾非常惹味！芝士旋風薯條 $50香脆可口的旋風薯條滿佈芝士醬，趁熱吃非常滋味，食唔停口。Green Tea Latte $38綠茶味濃郁，不太甜不錯。

今日對肥妹仔我黎真係一日好難過既一天,不過開心要過,唔開心又要過!!唔開心既時候對肥妹仔黎講, 食好西就係一種既therapy.......Burgeroom聽就聽得多, 一直都無機會試,今日終於可以食下, yeah!!!!芝士旋風薯條 $50Melted Cheese, melted cheese, melted cheese!!!!!!試問有melted cheese既炸物又點會難食???佢既cheese應該係cheddar cheese, 淋上熱辣辣脆卜卜既炸薯條,炸薯條本身應該有seasoned過, 好香薯仔味, 再加上扭紋形狀, 食既時候趣味增加咗!!!黑松露芝士薯條 $62講過小小既秘密大家聽, 肥妹仔我其實真係好憎食黑松露, 因為肥妹仔我覺得黑松露有陣漏煤氣既味,好難聞!!!不過呢個truffle cheese一D都無果隻好難聞既味道, 首先佢聞落去係好香cheddar cheese既味, 食落去唔係只係得cheese味, 而係仲有一陣陣輕輕truffles獨有既味, 聞落去肥妹仔我一D都唔反感, 反而因為佢呢陣輕輕既truffles味令肥妹仔我覺得好誘人, 果然less

呢間Burgeroom嘅位置唔屬於商場嘅當眼位，我睇完水牌都行咗兩個圈先揾到😝門面裝修俾到人一種好Chill嘅感動，行到入去個環境好自然令你個人好放鬆，好想同朋友chit chat下，不過chat還chat都要叫嘢食先嘅芝士旋風薯條呢個一定要大力推介，一送到嚟我真係忍唔住’嘩！’咗一聲！芝士仲係melted狀態架！！！呢個賣點真係好重要！！！而且好香，啲薯條夠幼又熱辣辣，炸得啱啱好，真係好好好味！我一個人搶住食咗大半！睇番張相，又好想食🙈鵝肝牛肉漢堡點嘅時候都有少少怕油架，不過又想試下啲平時比較少點嘅漢堡，所以都下定決心試下。Burgeroom一啲都唔吝嗇芝士，個漢堡又有一層厚厚嘅芝士喺塊牛肉漢堡上面，又加分😝呢個Burger雖然有鵝肝喺入面，但係一啲都唔會令你覺得好油，反而當你咬落去鵝肝嘅油脂溶喺牛肉漢堡啲肉汁入面，成個感覺係好match👍🏼另外想讚嘅係，漢堡嘅擺位令到啲醬汁唔會索晒入個包度，浸到個包淋晒，呢樣真係好抵讚！Rootbeer仲俾我發現有Rootbeer飲，真係不得了！打完個食評，又好想再去放肆食返餐

今日心血來潮想食漢堡包, 收左工就相約咗幾個同事喺公司附近一間美式漢堡包點食好野。 可能我哋收工收得早，六點左右客人不算太多。有卡位，有吧枱任君選擇。坐低咗之後服務員有禮的為我們講解要自己出去點餐。因為有送餐服務，点完餐埋位等便可以。我們一行三人點了兩個漢堡已很足夠， 雙層芝士漢堡包份量超大,大到唔用刀叉食真係食唔到， 塊漢堡牛肉成吋厚非常juicy煙肉烤大蘑菇漢堡, 大蘑菇烤得很香很多汁 漢堡包大滿足牛油果芝士薯條 好味得黎吾太漏， 蜜糖芥末單骨雞翼炸得很香脆，個汁好好味 另外叫了兩個鮮桃茶和snapple桃茶， 鮮桃茶清新，好味好多

年幾兩年冇來食，行完街消耗左能量，係時候食野喇六點半行到來餐廳，冇乜人快d入座先，再過陣應該要等位喇。再次睇個menu都好難揀到食咩，太多款式花多眼亂！面頭綠甘甘一pat既係好有益既牛油果醬黎架。配上邪惡芝士薯條新鮮炸起既薯條熱辣辣，脆脆的，好香薯仔味係林之前快速享受淨係個賣相，已經流哂口水。兩隻厚肉龍蝦蟹拑帶點海鮮腥味漢堡既龍蝦肉有骨架，唔好咁”猴琴”一口咬落去。肉質煮到有d難咬，要慢慢絲開來食。整體來講都好滿意，材料都好新鮮。值得一提既沙律菜汁！柚子醋配沙律菜，好清新開胃想refill d菜去減低食完個burger既罪惡感

相信香港人咁忙咁趕都一定食過快餐，食過漢堡包～簡簡單單的burger係burgeroom黎講經過廚師一雙巧手同創意就變得如此唔簡單，怪唔得吸引到咁多人黎食， 今日我決定要試一試！尖沙咀環境同銅鑼灣唔同，別有一番風味～burger最好嘅朋友一定係薯條，所以點都要叫個薯條！薯條張圖都好吸引，黑松露好正！但牛油果又特別？點選好呢？最好都揀左特別嘅牛油果醬薯條，因為出面真的好少見～BURGEROOM薯條真是無得輸，唔會炸得好乾，又夠薯味，特別喜好粗薯條嘅你真係唔可以錯過～牛油果醬個味恰到好處，完全無令我失望～另外，鵝肝漢堡係burgeroom 數一數二，叫我點可以唔食呢？！佢更加出埋雙鵝肝漢堡，嘩！呢次真係不得之了⋯⋯所以一個雞一個牛咁就perfect了～雞肉嫩滑、牛肉juicy、鵝肝甘香、面包軟林林～食完就知何謂人間美食，食完就知何謂好食嘅burger，食完就知原來burger連塊包都可以咁好食⋯⋯出面一舊鵝肝都成＄100，宜家有雙舊，仲有埋成個漢堡都係200幾蚊！性價比高，又咁鬼死好食，一定會ENCORE！

必食雙鵝肝雞堡！！鵝肝萬歲！！Yohooooo burgeroom係burger界數一數二，今日黎朝聖下先呵呵餐廳都係典型西式佈局，寬敞舒服Burgeroom先要自己去點餐，然後waiter會送餐過黎，樽裝飲品係俾完錢之後去雪櫃自己拎食burger點可以唔飲野呢！話說個橙汁都幾fresh嘩！嘩！嘩！一直都好想試雙鵝肝漢堡，宜家放左係我眼前，簡直不得了鵝肝一d都唔孤寒，勁大舊，仲要打孖上，好甘香omg！！包好鬆軟、沙律菜好新鮮、漢堡醬超好食呀雞肉完全無得頂，唔難鮮嫩好好味朋友就叫左雙鵝肝牛堡牛肉好厚，但好juicy，襯埋一齊食簡直絕配，果然係burgeroom，有誰可以抵擋如此美食呢！最後，當然要黎一個牛油果薯條，薯條外脆內軟，熱辣辣，牛油果醬又特別，好好食唔食對唔住自己

今日喺美麗華附近見客，完咗之後同同事就揀咗一間食晏一路都唔覺眼呢度開咗burgeroom 晏晝已經好多人~ 裝修好摩登,燈光好舒服 我哋兩個女仔食,所以叫咗一份牛肉鵝肝漢堡兩份食再叫小食～ 小食叫咗芝士旋風薯條，即係扭扭薯條！ 芝士迷要尖叫了！因為芝士份量勁多浴晒係薯條！食到最最尾都仲有好多芝士醬～估唔到小食都有咁大份量！主菜嚟啦！好彩我哋兩份食一個，因為份量真係都幾大！牛肉有吋半噤厚，勁多汁！勁juicy ！牛肉唔係全熟，咁就可以保持到肉汁，如果你想食全熟記得落單嘅時候就要同佢講！上面塊鵝肝係精粹！！！鵝肝係入口就感覺到份邪惡感！如果單食鵝肝就有點太油，但係夾牛肉同埋麵包食出地夾！ 我哋仲加左牛油果醬，呢度你可以自己配搭自己嘅漢堡包🍔牛油果醬好香同埋感覺好似健康啲.... （雖然呢個係邪惡嘅午餐）好想試吓佢個大啡菇，但係無奈真係太飽啦！嘢飲方面都有好多選擇，有來自澳洲嘅薑啤，咖啡亦都好大杯，好香濃後記：真心認為呢間係全香港最好食嘅漢堡包店，不過食完呢個午餐之後，排到八點都仲未食得落晚餐😅

食過一次就念念不忘，今次決定試埋尖沙咀分店！尖沙咀分店係美麗華商場好方便，店鋪佈置非常型格，6:30pm去到即刻可入座，一坐低就即刻有人同我地講落單位置，食物來得都幾快。鵝肝牛肉漢堡（$158）呢個係今次去食既重點，鵝肝唔係到到有得食，仲要配上好厚既牛肉，肉汁不停流出黎，2樣野真係好夾，真係一食再食都唔會厭！菠蘿鱈魚柳漢堡（$90）呢個漢堡最特別既地方係好厚既魚，炸到好脆口，夾埋塊菠蘿，個味好特別，甜甜酸酸咸咸，夠晒特別，值得推介！牛油果醬芝士薯條（$62）呢個薯條有新鮮既牛油果醬，配上芝士真係幾好食。由於個漢堡好大個，我們2個人眼寬肚窄食完個漢堡已經好飽，所以決定打包個薯條，店員非常幫忙包好，還提供茄汁及紙巾，值得一讚！

Bugeroom係我一直都好想試下既餐廳！因為成日都聽到朋友食過話覺得好正好抵食～所以今次約埋朋友一齊試下～餐廳就係美麗華商場入面 一啲都唔難搵～食物要去Counter到點然後會有專人送上黎～餐廳鋪面都幾特別 有一排車輪係中間位～有啲指示牌啦～斑馬線咁～今次就叫左個大烤菇芝士牛肉漢堡 同埋 牛油果醬芝士牛肉漢堡🍔🍔🍔另外都叫左份松露芝士薯條❤️❤️❤️一上枱就比個Burger嚇親 因為無諗過咁大份😂😂😂個牛肉非常厚 而且啲芝士多到漏出黎～🍔大烤菇芝士牛肉漢堡 好好味呀～中間既大啡菇好Juicy 中和左牛肉同芝士既咸同埋油脂～🍔牛油果醬芝士牛肉漢堡 都不錯 但有少少食唔出牛油果既味道～另外松露芝士薯條都好正～食漢堡一定唔少得薯條～非常香松露味～總括黎講都好不錯！漢堡牛肉質素好好 好Juicy 份量十足！一定會再番黎食

唔熱愛burger 但由去過burgeroom之後 每次想食burger既時候一定首選burgeroom 由禮頓道到百德新街到美麗華 第一次去美麗華新店 空間大好多 有bar table同戶外area happy hour 感覺都幾chillBurger同小食款式好多 但睇黎睇去其實一早心有所屬 香脆單骨雞翼配蜜糖芥末醬先上既雞翼熱辣辣新鮮炸起粉䊢好薄 香脆既皮下面係嫩滑多汁既雞肉 就咁空口食都夠惹味 蜜糖芥末醬甜甜地食得更開胃大烤菇芝士牛肉漢堡一上枱個大烤菇既香味即刻擁上黎 輕輕左右拉開切半既厚厚漢堡有拉芝 嗅覺視覺上已經滿分 大烤菇同牛肉都好厚身多汁 塊牛肉吸左烤菇既汁更加鮮香 底個塊包吸左肉汁同醬汁 面個層包就冇汁所以食到牛油味好出 各有滋味牛油果醬芝士雞柳漢堡依個上枱都好香好澎湃 塊雞柳大到跌出黎 即刻切塊雞柳食 嫩滑多汁 牛油果醬份量都夠 而且打得夠幼滑 夾埋雞柳一齊食好惹味雖然一個人食晒個burger再加小食真係太飽 但又唔會食完覺得好飽濟 而且六點到客人唔多 但幾個staff都好attentive 好快serve野食 加分加分

今日同朋友揀左依間餐廳食生日飯 因為我地六點半左右入座 唔洗排隊就入得 一入到去整間餐廳雖然唔大 裝修格調係走美國風 十分特別 野食就一人叫左一份漢堡同另外叫左份黑松露芝士薯條同芝士旋風薯條 薯條全部剛炸起 新鮮滾熱辣 夠脆 夠有口感黑松露芝士薯條 食落口充滿黑松露香味 芝士味道又唔會蓋過黑松露味 好過癮我就叫左牛油果醬芝士牛肉漢堡 我朋友就叫左蜜糖芥末大烤菇煙肉牛肉漢堡 個漢堡重量級大份 咬落下啖啖肉 十分Juicy 牛油果醬亦十分creamy 兩個人捧住個肚走 非常滿足 加上這裡是付款 後取餐 完全沒有時間限制 可以同朋友吹到夠

😗一直都好想食burgeroom見到d相好吸引！今日終於有機會黎食啦🍔🍔🍔🍟大概夜晚8點到去到 都唔洗等位🤤入去到見到其他人既食物岩岩到 望住個burger勁大...完全冇信心可以食得哂但見到d小食覺得好吸引所以都再叫左小食！呢個mozzarella cheese sticks 炸得岩岩好 但就冇拉絲既效果 即刻覺得扣左少少分☹️男朋友就叫左個朱古力 真係好濃 仲飲到少少奶味等左大概10分鐘左右 burger出黎啦！見到佢真人我呆左10分鐘 諗緊應該點樣食先好我叫呢個係啡菇鱈魚排漢堡啡菇比我想像冇咁juicy同厚身 呢到有少少失望鱈魚調味岩岩好 炸粉都冇好厚 呢方面加分！麵包皮有d驚喜 甜甜地我好鐘意食！佢就叫左個鵝肝牛肉漢堡 鵝肝比我想像中大舊 食落去都有好香既鵝肝味！牛肉幾juicy 但有d油 切個陣成碟都係油不過有d菜伴碟可以解下油🤤