Burgeroom (美麗華廣場1期) (已結業)

今晚係尖沙咀同友人做完運動所以要食餐豐富食物，揀左美麗華商場入面的食漢堡包。Burgeroom裝修設計以車輪以為主題，型格十足，而買法係自助形式，自己去櫃檯排隊俾錢買食物，勘水！我地叫左個雙層牛肉芝士漢堡$135，一人一半，講真我第一次食甘大份量的包，牛肉勁厚勁juicy,肉質軟諗美味！吉列大蝦沙律$80三隻脆仆仆的炸蝦，配上帶有柚子醬的沙律汁，開胃可口鱈魚手指配他他醬$48好耐冇食過炸手指，呢個食起來冇物多餘的炸粉，好脆！蜜味辣雞翼$48（5件）雞翼食上去一點也不油膩，我一次過食左三件甘多！

颱風過後～係屋企食左兩日公仔麵，今日終於可以出去食下好野啦！收工就去左尖沙咀行街～好想食d薯條漢堡果d,朋友話食過銅鑼灣的burgeroom好好食~話TST都有分店,我地就試試先~~~尖沙咀的分店就係美麗華入面，方便到震～順便可以行下商場～又冇乜人～呢度係自助形式要出去counter落單，落完之後會有侍應送餐過黎，其實都輕鬆～order完就等食啦！見呢度有啤酒叫～即叫即黎呀！飲番啖冰涼的1664～真係舒暢！香辣單骨雞翼配蜜糖燒烤醬-好快就上小食～炸到金黃色～睇外表已經覺得好靚，食落都好脆口又辣辣地～加上個醬一流啊～鱈魚手指配他他醬-鱈魚炸得都好脆，但入面的魚肉是軟滑的～個人很喜歡他他醬的味道～瘋狂dim呢個醬啊～軟殼蟹沙律-食burger又點少得沙律呢！好大的一隻軟殼蟹啊！成個蝶甘大只～而且炸得唔會太硬，一切就開，入面的肉係彈牙的～味道岩岩好，撈埋d沙律菜食非常好食～鵝肝牛肉漢堡-本來我都唔太食鵝肝的，但朋友話好想試下，奉獻我第一次啦唯有～上到黎真係非常大份量，好彩我地兩個人叫左一個咋～鵝肝好似牛肉既一半甘大～食落去好juicy好入味，原來鵝肝係好難整得好食架～個飽既麵包位置都好鬆軟，

要說到食漢堡，食西餐，確實有許多選擇，有時選擇太多，不知怎樣選才好。這位於尖沙咀繁忙地段，美麗華商場2樓，好近諾士佛臺，即管食一次。此刻站在店門口，似去咗另外一個地方，裝修好型，疊起了車軚成為店內嘅裝飾。門口霓虹裝飾係好遠處已經見到。今日心情宜飲rose latte，拉花唔係心形，係一種葉。食沙律開胃一下，選了帶子沙律，燒過大大粒帶子，要分開兩次食，滋味更多。沙律本身底夠新鮮，調個汁都剛剛好，唔會太多。叫咗鵝肝牛肉漢堡，牛肉好厚，每啖都滿滿的。鵝肝入口即溶，淡淡的味道充滿哂成個口腔。包有稍為烘過，整個包太大，唔可以用平常食漢堡包嘅方式食。今日太肚餓，無咩點影相，真心推介，兩個人咁食都夠飽。

人大左對 burger 嘅熱愛都無以前咁大，以前基本上一個月都會食幾次，宜家可能一個月都無一次。當然啦，宜家食就一定揀高質嘅食啦，Burgeroom 都係我最愛之一，我通常都去銅鑼灣分店，今日出開尖沙咀，都試一試。尖沙咀分店地方比較寬敞，仲有一幅車軚牆，好型呀！我地兩位女子點了一份 Jalapeño Chicken Burger 墨西哥辣椒芝士雞柳漢堡，好惹味，酸酸辣辣，Jalapeño 份量都適中，雞肉多汁，嫩滑，份量都係大，我地個 Share 都 ok!見唔見到好多 Jalapeño 😂 辣死我個 fd另外，我都係好鍾意食薯條，芝士旋風薯條就最合心意，大量芝士，薯條剛剛炸起，超脆！ 不過真係好飽，好芝好漏。食左咁多高卡食物，真係唔敢再飲可樂啦，就叫左西瓜汁同homemade 嘅菠蘿汁解解渴。Homemade 菠蘿汁正，要試試。

上年係銅鑼灣嘅burgeroom食過，已經滋味無窮，勁驚喜。今日陪家人出尖沙咀睇醫生，就食尖沙咀分店呢間。好容易去到，係美麗華2樓，starbucks個邊樓上。都唔少人食㗎，外國人都多點完餐，我杯蜜桃冰茶無幾耐就到，好好飲，佢唔算係死甜，有渣嘅。鱈魚手指，本身係配他他醬，但我心繫burgeroom嘅藍莓醬，加咗12元。真係好好食，本身呢個topping係配薯餅。佢地係好match，又有解油膩嘅效果，之後我食burger都有點。今次食大烤菇芝士牛肉，仍然係包烘過，成個burger繼續係大大份，超級好味，大菇完全飛哂水，又夠林身，掂呀！夜晚亦可以飲酒一番，個氣氛應該都唔錯。

有一排無去過美麗華商場，原來二樓有一系列嘅隱藏餐廳，BURGEROOM裝修好搶眼～呢度係要自己睇完MENU去櫃臺嗌野食的一黎就係炸洋蔥圈，比起用麵包糠炸，更加鍾意呢種薄脆嘅口感，洋蔥好JUICY跟住係melted cheese twist fries，好癲呀，好多芝士係上面，熱辣辣最好食我地三個女仔戰鬥力果然強勁，一人嗌左一個BURGER呢個foie gras beef burger雖然要$165，但性價比相當高，上檯時高到要將個包面分開，鵝肝油潤肥美，牛好多肉汁，水準都幾高另一個係有牛油果醬嘅cheese burger，清新味道可以平衡油膩感 另外嘅大啡菇都好正，好厚身，如果口味無咁重人士嘅必然之選。食到咁上下有D滯，叫埋杯fruit tea就剛剛好，仲可以要無糖

今日同朋友去尖沙咀行街，之後就搵地方食晚餐啦。朋友食過銅鑼灣個間burgeroom推薦牛肉burger好食，咁就試下尖沙咀質素係咪都咁高啦🤤我地去個日平日黎，去到7點左右啦。侍應問我地有冇booking。我地無然後佢比左近門口個張比我地坐😞明明隔黎都冇咩人，安排坐位呢方面有少少失望咁啦。點餐方面呢度係行self-service, 自己去counter買野食佢再送到。我試左個牛油果醬芝士牛肉漢堡（$92）。一上送黎，哇個burger好厚🤤見到都好興奮。但由於真係太高太大份完全唔可以一啖食到😂最後只好拆開黎食。牛油果醬幾香，牛肉非常juicy厚肉，兩樣配搭起黎都幾夾👍🏻覺得可以一試朋友叫左個菠蘿煙肉牛肉漢堡（$92），佢話菠蘿加埋牛肉幾清新，食落冇咁易濟同厭，覺得佢都幾有道理👍🏻下次我都會想試下呢個！薯條新鮮唔係翻炸！好厚肉！係我好鍾意食既粗薯條🤤 （$28）一個都算幾大份，兩個人share就岩岩好啦！比大家睇埋menu呀☺️覺得可以試一試，但！記得book枱呀！

菠蘿燒烤醬雞柳漢堡，雞柳好juicy，配上燒烤醬，夾住一大片甜甜既菠蘿，生洋蔥，兩片蕃茄，生菜，層次非常豐富黑松露芝士薯條，分量非常多，熱辣辣既薯條，淋上非常多既芝士醬，黑松露分量剛剛好，每條薯條都有蜜味辣雞翼，有5隻，炸得香脆肉嫩，帶有蜜糖微辣，好惹味布里芝士餅賣哂轉左另一款芝士，都係即叫即炸，熱辣辣上台，一口咬落芝味非常重，可以拉絲，全口都係芝士香味。有5條，我女食左3條，原來我女同我一樣係芝士控，爭食🤨

移到尖咀食漢堡@Burgeroom尖沙咀彌敦道132號美麗華廣場一期2 樓 207 號舖 Bee 我對飲食素有要求，快餐也要吃有條件的。漢堡包看似普通，但牛肉漢堡，麵包同醬料講究上來,並不再是一般快餐Green salad $50 牛食草，我都要多吃綠色蔬菜。哈哈，外食多纖維不夠，盡力吃菜！$88 bacon chicken burger雞漢堡最基本版本，有燒雞扒，蕃茄片，生菜，煙肉等，個包幾鬆軟同大架，個汁到位同肉類很夾。雞又肉厚，就算如我不吃牛，也有素及海鮮味。$70 portobello on green,分別是多了個厚肉微熱的大啡菇。另外朋友點了份$92 肉汁四射牛油果醬芝士牛肉漢堡。一件大大個男仔食都無問題，唯獨是牛油果及芝士醬可以加多醬更好，會juicy 

打完風終於可以出街街啦～同男友嚟到Burgeroom試下呢度既burger～今次係我第一次食呢間，所以都有啲期待～今日係平日又岩岩打完風，見到鋪頭都坐滿晒，以為要等好耐，但原來入面都好大，係有位既～yeah好快入得去啦!鱈魚手指配他他醬-鱈魚炸得好脆～但唔會太硬～dim左他他醬好好食～呢個他他醬都係第一次食～又okwo～軟殼蟹沙律真係估唔到甘大蝶，放到成張台都係呀。店員很主動問我地要唔要碟share, 瞬速遞上兩隻碟給我。沙津有一隻好大隻的軟殼蟹，而且有好多生菜，紫洋蔥以及蕃茄同埋配少少沙津醋～生菜夠新鮮，紫洋蔥我都幾中意食～多係爽口的。沙津醋就比較少，用黎調味～可以自己放d沙律醬撈一撈都得～牛油果芝士薯條-本來我都好鍾意食牛油果，見到呢個真係忍唔住叫！好正啊！上面好大噠牛油果醬，而且加上芝士，個味道又唔會撞，出奇地夾～薯條炸的剛剛好～鵝肝牛肉漢堡-黎到今晚的重點了～好大份啊！而且餐廳已經預先切好～鵝肝既份量真係好誇張，好少食到甘大分既鵝肝～牛肉都好大～又多汁又夠味，而且佢個包都好鬆軟好好食～成個感覺一流啊！隔離仲配埋沙律菜～好豐富～

今日有時間慢慢食個午餐，突然諗起好掛住burgeroom嘅軟殼蟹漢堡包就走咗入去喇~餐廳有情調，闊落好坐。餐廳員工有禮貌，做嘢快手。我叫咗一杯蜜桃冰茶($38)。我鍾意佢唔會太甜，杯底仲有粒粒蜜桃肉碎。主菜就係鵝肝軟殼蟹漢堡($188)。超大個包，仲有原隻多膏軟殼蟹。鵝肝煎得啱啱好，好香。加埋生菜、蕃茄同沙律醬，好足料。旁邊伴菜加咗醋，酸味味可以解油膩。食漢堡包點可以無薯條？我叫咗個牛油果醬芝士薯條($62)。芝士醬好濃郁，加埋牛油果醬真係冇得輸。份量大到我食唔曬要打包拎走。總結係，有更好選擇就唔好再食M記喇~

同男朋友去K11玩晚餐就食左位於尖沙咀嘅Burgeroom🍔同男朋友一人嗌左一個burger再叫多份薯角一齊share🍟諗住應該可以食得晒🍴但當個burger上枱嗰時我哋後悔啦🙈個Burger仲大過我哋塊面😱😱最後飽到就嚟嘔都係食淨左少少😂😂😂.大烤菇芝士牛肉漢堡🍔牛肉份量十足😂咬落唔算好實，但有豐富肉汁👍🏻大烤菇有濃郁嘅菇菌味道🍄肉厚多汁💚💛💙💜❤️芝士🧀入口即溶，配埋番茄生菜同自製醬汁🍅🥦整體都唔錯嘅👍🏻不過第一次黎唔知份量係咁多，建議女仔可以同朋友share下👭減低罪疚感😆😆😆推介程度：👍🏻👍🏻👍🏻👍🏻（5個👍🏻為最推介）.脆薯角薯角上枱嗰陣熱辣辣🔥連喉嚨痛嘅我都忍唔住食咗好多😆薯角入口香脆，加埋茄汁酸酸甜甜，好吸引！！！推介程度：👍🏻👍🏻👍🏻👍🏻👍🏻（5個👍🏻為最推介）

漢堡包就食得多啦 ……一般漢堡包鋪都不外乎係牛肉，豬柳，魚柳等等！ 但今日呢間，真係加重咗我嘅選擇困難症🤣因為款式真係好多好多，就算牛肉都有成十三款， 另外仲有海鮮， 魚， 雞，鴨，仲有素菜添！ 仲有小食同沙律………… 如果揀完漢堡包，仲可以加30蚊有薯條同埋餐飲添， 唔好以為加30蚊嘅餐飲好求其，竟然有好多選擇俾你揀，仲有啤酒潻（但要加錢） 真係勁滿足！😎😎第一次食，當然要揀震撼之選 “龍蝦漢堡” 出場之際我不期然大嗌咗一聲，因見到原隻蝦真係好震撼, 二隻蟹鉗亦好细心， 一早已經幫你剝咗殼，啖啖肉煙肉芝士牛肉漢堡，牛肉絕不欺場， 非常厚實！ 配埋煙肉，提升左味蕾！而薯條係即叫即炸， 熱辣辣，好好味！難得之處係, 竟然唔洗加一之餘，所有食物餐飲, 都唔使自己拎,侍應會拎埋畀你， 咁嘅餐廳喺邊度搵呀！真係真心推介

昨天帶同幾個孫兒到尖沙咀買中秋節禮物，買完禮物後，帶同他們到附近的burgeroom食漢堡包，之前有朋友介紹過這餐廳是小朋友的至愛，到達餐廳後大家都爭住點餐……餐廳的菜單很多款式，估唔到漢堡包也可以烹調這樣多款不同的味道，終於點了三款漢堡包，還有很多小食，飲品等等當職員將食物送到時，嘩！漢堡包的份量十分足夠，賣相非常好，令你唾涎欲滴，小朋友們吃得非常滿足，很快已將所有食物全送進肚内，後來還要再加多幾款小吃，我看見他們食得咁開心，我同樣歡喜！總括來說這餐廳的環境，食物會令大家感覺很温馨！

尖沙咀Burgeroom位於美麗華2樓，地點非常就腳！店舖以紅色設計為主，亦有唔少型格嘅擺設！舖面仲好大、好舒服餐牌以漢堡為主，另有小食、沙律同多款飲品，選擇眾多！今次小食叫左芝士旋風薯條，熱辣辣，好大份！配埋半溶嘅濃厚芝士，更加惹味芝士控必食！跟住係鵝肝牛肉漢堡，賣相100分！鵝肝同牛肉出乎意料地夾，配埋酸酸地嘅醬汁，非常加分伴碟嘅羅馬菜仲可以解膩添！仲有大烤菇鱈魚柳漢堡雖然無沙律伴碟，但係超級好味！大烤菇非常鮮嫩，鱈魚炸得好香口，但一啲都唔油超推介！嗌埋蜜桃味嘅有汽果汁，凍冰冰，非常舒暢！配埋漢堡一流