Burgeroom (美麗華廣場1期) (已結業)

Bugeroom用霓虹燈、車呔等裝修已經好有歐美餐廳風味，枱與枱之間嘅空間感好足，唔會有逼硤嘅感覺，坐落十分舒服。漢堡黎到會切開兩份，方便同朋友開心share，另外會用竹簽拮住，食嘅時候就必咁容易散開，認真細心。煙肉芝士牛肉漢堡 $95麵包皮咬落相當鬆軟，仲有陣陣麵包香，煙肉好大塊同好香，咬落好juicy，蕃咖汁噴哂出黎。材料好新鮮。特量芝士牛肉漢堡 $110鐘意食芝士一定要食特量芝士，芝士量係有80g嘅車打芝士，食落係好香好香芝士味，再加上蕃茄、生菜新鮮同秘製醬汁，好好食。鱈魚手指配他他醬 $55鱈魚炸得好脆，肉質好厚實，入口又唔會好油，配埋他他醬，一啖一啖，好快食完。直薯條 $30薯條又係好脆，上枱仲要熱辣辣，新鮮炸起，份量好足。