Burgeroom (美麗華廣場1期) (已結業)

果個着便服職員態度極差聽唔到客人講嘢唔緊要，企係度你眼望我眼同佢講每句嘢都剩係識下？！下？！下？？建議貴公司為員工做返個聽力檢查。十句講十句下，下下，都鄧同客人佢辛苦

Burger room 座落喺美麗華商場一期入面，五光十色嘅霓虹燈相當有格調，好配合餐廳嘅中高級西餐路線。顧名思義，店舖主打當然就係漢堡，單單睇menu已經覺得琳琅滿目，因為漢堡有好多款式，而且除左漢堡都有沙律小食之類，令人目不暇給。最後小編千挑萬選揀左以下幾款菜式試一試：1️⃣鵝肝牛肉漢堡⭐️⭐️⭐️⭐️識食漢堡一定係食有鵝肝呢啲高級食材嘅漢堡。鵝肝嘅油甘香味真係冇咩其他食物可以比較，單獨食又得，送住漢堡咁食亦得，得咗。2️⃣菠蘿燒烤醬牛肉漢堡⭐️⭐️⭐️⭐️牛肉漢堡最緊要就係塊牛。牛扒夠晒厚，火候啱啱好，唔會太熟而又可以鎖住肉汁，唔會有種好乾好韌嘅感覺，反而係肉質鮮嫩又彈牙。加上秘製醬汁，絕對要俾個讚！3️⃣黑松露芝士薯條⭐️⭐️⭐️薯條炸得夠香脆，加埋黑松露芝士汁，採用嘅薯仔亦都好香薯味，齒頰留香！值得一提嘅係餐廳咁好服務同埋裝修，而且位處商場入面，竟然唔使加一服務費，係今餐嘅小驚喜！推介大家去尖沙咀又鍾意食漢堡包嘅話絕對要試下😋

收工同同事食嘢吹吓水，附近搵間舒服餐廳坐吓，好肚餓決定去食大大個漢堡！門口裝修已經睇得出係工業風，睇得出落咗一番心機去做呢個裝修，即刻影咗幾張打卡相先漢堡有好多選擇，但我哋都係牛牛獸，就試佢menu有廚師推介嘅款啦😆我揀咗大烤菇芝士牛肉漢堡，個包勁高，牛肉係勁足料勁厚，而且唔會太熟，咬落juicy唔會乾，唔會太生太熟，啱啱好！同事嗌咗特量芝士牛肉漢堡，真係好特量，多到流出嚟，同事芝士控表示好邪惡好正😂嗌咗2款小食share芝士旋風薯條係扭扭薯條嗰隻薯條嚟，撈芝士好夠味好夾，仲提供埋茄汁，任君選擇香辣單骨雞翼配蜜糖芥末醬要讚啲小食全部都係熱辣辣上！個雞翼好脆好乾身，辣辣地，就咁食都好食另外嗌咗嘢飲，菠蘿梳打有驚喜，係有菠蘿茸係底，唔會太甜，下次想試埋其他梳打唔知係咪都係有果茸㗎呢

雖然餐廳喺美麗華入面較偏僻嘅角落，單憑著霓虹Burgeroom招牌，都好容易搵到。可能係因為星期三，餐廳唔算多人，嚟到大概七點幾，餐廳大概7成滿。餐廳裝修走工業風， 一入門口已經畀吧檯吸引。呢度係自助點餐所以冇加一。烤菇芝士牛肉漢堡，另外加煙肉（+$10）煙肉微微煎過、菇爽口、牛肉juicy、麵包有空氣感，但食左半個都飽飽地，係略嫌牛肉調味較鹹。魚柳沙律，本來友人想要個魚柳包，但擔心份量太多，折衷要個魚柳沙律，上碟影完相舊魚柳仲係香脆內軟，沙律又驚喜，亮點係番茄去皮，又甜又爽口芝士旋風雪條，上碟時目測芝士醬唔多，心中有d失望，但食左2塊之後，發現底部充滿芝士醬，既邪惡又滿足荔枝梳打，梳打味正，唔係糖漿死甜，用來balance番上面嘅食物就啱啱好

店鋪環境：工業風裝修，加埋車呔，鐵桶，同埋牆身生鐵架真系相當有型，有feel！鋪面相當大，坐得都好舒適。環境衛生，整潔。埋位睇好menu就可以去cashier俾錢落單，都相對方便。食物質素：平時真系覺得電視上面漢堡都好吸引，但系攞到手就真系成個扁曬。但系今次真系所見即所得啦！廚師推介-軟殼蟹漢堡，真系個大大大漢堡，個人感覺真系炸左成隻蟹落去，一啖落去勁滿足，蟹肉系新鮮嘎，仲有少少鮮甜，漢堡配菜都十分爽脆。煙肉芝士牛肉漢堡，真系好大塊漢堡扒，煙肉煎得夠香，加埋芝士新鮮番茄同埋生菜，口感非常有層次，味道都好唔錯。芝士旋風薯條，確定唔系扭扭薯條啲Friend？但系都香脆好味，加埋芝士味道更加唔錯。橙汁飲落好新鮮，唔知系未鮮榨。服務態度：安排位置相當爽手，服務有禮，唔錯。

一入餐廳已經俾佢個牆身吸引住，設計非常型格，餐廳佈滿美式的設計，是一間非常有特色的漢堡包餐廳。Burgeroom 🍔🍔🍔🍔🍔2007 開始創辦非常老字號👍👍👍👍👍之前食過好幾次，今次終於記得食之前影相📸️，因為太好食，次次都食完先記得冇影相📸️大烤菇鱈魚柳漢堡 $115加 $30 有薯條同蜜桃🍑冰紅茶 我再加$38 配黑松露芝士醬同新鮮炸起的薯條一齊食非常好味😋魚柳炸得啱啱好，外皮香可又脆，肉質嫩滑，咬落去有魚汁，唔會硬繃繃甘，配生菜蕃茄同又大又厚又多汁的portobello ，一啖咬落口非常滿足🤤🤤🤤🤤🤤鱈魚手指配他他醬（5 條） $60非常邪惡的小食，但鱈魚製成的脆炸魚柳，含有豐富的omega 3 ，邪惡又好味的小食👍👍👍👍👍口感輕型又香噴噴。香辣單骨雞翼配蜜糖芥末醬 （ 8隻）$60單骨雞翼尤其適合一眾懶人，容易食用，一口一隻，淡淡滋味，肉味鮮嫩，肉汁豐富配蜜糖芥末醬，增加層次感🤤🤤🤤🤤最後食漢堡包一定要嚟食burgeroom 🍔🍔🍔🍔🍔

星期一晚上來到尖沙咀，可能因為疫情仲係比較嚴重，都唔係好多人～我哋帶咗一個牛油果醬牛肉漢堡，牛肉漢堡好厚身，但食落去有小小硬；牛油果醬算太多，但都好味，全個包食落口都好Juicy另外一個包係軟殼蟹包, 軟殼蟹炸得肥美, 真材實料跟住再嗌咗薯條, 冇乜特別再買咗杯啤酒, 完美結束blue Monday

我地去嘅時間已經過咗lunch time店舖入面唔算多人，坐得幾舒服👍🏻餐廳裝修係工業風嘅風格，幾啱打卡📸Menu有好多選擇👍🏻連素肉burger都有Lunch combo +$30 就有薯條同嘢飲，抵食Burger真係好大個，塊牛肉patty好夠厚👍🏻👍🏻🍴鵝肝牛肉漢堡🍔 $168鵝肝油份充足，煎到有微微焦香👍🏻漢堡扒加埋半溶嘅芝士，成個burger味道好豐富估唔到配菜沙律🥗都幾好食，夠爽脆👍🏻酸酸地嘅沙律汁，仲可以減低burger油膩感🍴牛油果醬🥑芝士🧀牛肉漢堡🍔 $100牛油果醬好creamy配埋厚厚嘅漢堡扒同外脆內軟嘅麵包，口感非常豐富👍🏻🥤Iced peach fruit soda初初飲覺得有啲甜，啲冰溶咗後味道啱啱好

街坊系列 – Burgeroom 💚夏天,除左為大地帶來雨水☔仲有帶來汗水終於完左一連好多日既雨🌞太陽出返黎了但一出黎就係30幾度🥵仲要日日都係咁熱大家出外記得要飲多啲水呀🧊小心中暑------------------------------環境:幾重工業風既裝修🛠️加上一啲車既元素燈光較陰暗💡加上播放住流行歌曲,感覺Relax座位都幾多,枱面都夠闊落😎叫多幾款都唔怕衛生非常良好👍🏻一啲油漬都無,都有用消毒劑------------------------------食物: 大烤菇芝士牛肉漢堡 ($115) 🍔份量非常之大😍絕對係對得住呢個價錢,CP值好高麵包皮乾爽🍞加左牛油微微烘過,非常之香手打牛肉做成既漢堡扒🥩嫰滑又多汁,仲要好香牛味最大既亮點係烤大菇😍係Juicy到可以有爆汁既效果滋潤哂成個漢堡😋口感豐盈,會令人一啖接一啖咁食哂牛油果醬芝士薯條 ($68) 🍟芝士醬10級邪惡😈但又會令到人食唔停口牛油果醬味道帶甜酸🥑呢個配搭帶左點小清新薯條先炸後焗🥔脆度下降左,但食落就無咁熱氣香脆雞塊配芝士醬 ($70) 🍗海量既芝士醬🧀保證每件雞都可以沾上大量既芝士味道係極度既邪惡🤤配啤酒或者可

♡♡♡📍 Burgeroom (美麗華廣場一期) (尖沙咀)尖沙咀彌敦道132號美麗華廣場一期2 樓 207 號舖之前已經聽過呢一間餐廳，今次終於有機會去食下。Menu上面有勁多款嘅burger，睇落樣樣都幾出色咁😆😆。而我哋最後都係揀咗一啲比較signature嘅burger，而且Menu上面仲會有圖片，咁樣可以令到我哋 減少落差！覺得咁樣嘅Menu都幾好🥰，而且覺得係定單上面都幾平民化，覺得大眾黎嘅話都唔會覺得有負擔😚！ 另外覺得餐廳嘅裝修都幾特別，都可以打下卡😋！🍽特級芝士牛肉漢堡真係超級多芝士，芝士仲要係會拉絲嗰種！影出嚟同埋食落去嗰陣啲芝士多到爆曬出嚟，成個感覺都超正😆😆！而牛肉都幾鬆軟可口， 唔怪得咁多人推介啦😂～🍽軟殼蟹漢堡成個軟殼蟹漢堡既份量都幾大份🥰，覺得軟殼蟹都幾大隻同埋味道都幾好😆。軟殼蟹金黃酥脆，香脆可口😜， 真係可以令到人一啖一啖接着食勁快食晒😂！🍽黑松露芝士薯條黑松露芝士真係幾香，咪睇佢好似細細份，其實食落既時候都幾多😂😂～薯條全部都好香脆，幾正🤣🤣。🍽香辣單骨雞翼配蜜糖芥末醬眾多小食當中最最最最中意😍😍，雞翼勁香脆😆，真係啱啱炸出嚟嗰種～ 雞翼嘅肉質都幾滑

Burgeroom 嘅裝修好有格調,以輪胎、鐵桶及 大量人像油畫堆砌出工業風格,枱吧嘅設置好 適合放工去飲返杯一睇餐單,只係漢堡都有幾十款,仲提供素食 漢堡,素食者都可以齊齊食,今次點左煙肉芝 士牛肉漢堡&軟殼蟹漢堡,午市仲提供套餐優 惠,加$30可配直薯條及飲品飲品就揀左荔枝梳打&蜜桃梳打,好難得嘅係梳 打唔會太甜,明顯唔係加大量糖水,呢個值得 一讚,果肉係打碎左再融入梳打水,配漢堡就岩 哂個軟殼蟹漢堡一出,OMG,勁大隻軟殼蟹,仲 要食落真係啖啖蟹肉,唔係一堆粉,煙肉芝士 牛肉漢堡就層層分明,清楚見到煙肉、芝士、 生菜、牛肉,芝士呈流心狀,蕃茄蔬菜好多汁 同新鮮,令到唔會食落太膩漢堡已切好左一半,同朋友嚟可以一次過試哂 2款口味薯條係粗薯條,可以自己拎芥末醬或茄醬搭配

唔好諗住食漢堡就會好似普通連鎖快餐店咁 呢度嘅裝修有點高級又帶點工業風 幾有特色㗎雖然佢裝修唔錯地方亦都好大 食物價錢就相對冇其他專賣漢堡嘅舖頭咁貴喎 最平80蚊有交易 當然如果想食啲矜貴啲嘅例如鵝肝就會貴啲啦 但價錢亦都好親民我哋就叫左一個牛油果醬芝士牛肉漢堡 大廚好貼心 一早將大大個漢堡切開一半 咁就唔會食到好混亂 兩個人去食嘅亦都可以share一邊 超級抵讚嘅係佢牛肉patty係好有肉汁 雖然係免治造成嘅肉餅 但超級有牛嘅香味 同食緊一塊完整嘅牛扒冇分別😍😍另外叫個好多料嘅 蜜糖芥末煙肉烤菇雞柳漢堡 聽到都知個漢堡會好高大 最犀利係入面咁多種配料每一種同大家都好夾 而個蜜糖芥末醬更加係成個包嘅靈魂 另外值得一讚嘅係個烤菇食落一啲都唔會好齋 因為佢好香 有烤嘅味道而本身個菇嘅香味亦都出到嚟💕另外小食叫咗雞翼 好欣賞佢係單骨 所以食嘅時候都好方便 而且個係新鮮炸出嚟嘅所以係非常熱辣辣同脆口😜

今日喺尖沙咀做完Facial就約咗我個朋友喺美麗華商場行吓街行吓行吓就見到呢一間非常之搶眼嘅餐廳叫burgeroom!裝修係幾紅色同埋係做主題 嗰種工業風格非常之搶眼座位都非常之寬躺而且嗰個空間感得非常之充足因為我哋好早就嚟到餐廳餐廳都已經坐咗少部份嘅人去到差唔多走嘅時候就已經差唔多坐滿呢度都有提供一啲酒類嘅飲品喺6:00之前你個價錢仲非常之相宜！我同朋友就叫咗一人一個漢堡分別係特重芝士漢堡同埋軟殼蟹漢堡嘅時候就見到啲芝士開始慢慢咁樣用緊但係中間仲做到拉絲嘅效果！睇見個賣相都覺得好吸引牛肉好Juice而且好香！加埋蕃茄生菜🥬食落去口感好豐富！而且個麵包用牛油去烘所以有外脆內軟嘅感覺另一個軟殼蟹就令我大有驚喜！新鮮炸起嘅軟殼蟹配上麵包🥯果然係出奇地夾！可能配埋啲生菜同蕃茄一齊食冇咁油膩小食我哋就叫咗三款包括黑松露芝士薯條🍟黑松露味非常之香而且薯條啱啱新鮮炸起所以配上熱辣辣溶溶地嘅芝士醬令人哋食不停！另一款就係香辣脆單骨雞翼，咁佢有少少似麥當勞嗰隻脆脆雞翼，又係超級好味😋最後就係鱈魚指！咬落去魚肉就好似一絲絲咁樣保持好多嘅肉汁食咗咁多肉同埋炸嘢梗係要食個沙律中和下啦相當唔錯份量非常之多而且

有少少失望🫠老實講餐廳入面大部份包都要過百蚊，所以對佢嘅要求會高一啲。包體冇乜特別，烘到有少少脆，而且包嘅汁唔算多，所以偏乾。但係最失望嘅係中間嗰塊牛，真係好乾，而且冇咩肉味🫠 如果同樣嘅價錢會推介食嘉寶！

這一次晚餐我們在openrice訂了位， 入去好少人叫左牛油果醬芝士牛肉漢堡一上枱好大個漢堡包份量夠兩個人🫣個包烘得好脆，咬落去外脆內軟牛肉應該是手打，夠多肉汁，唔會好乾但牛油果醬唔算多另外叫了黑松露薯條係粗薯條黎黑松露芝士醬比得都唔多但薯條真的要快快食，唔係芝士就會凝固