Burgeroom (美麗華廣場1期) (已結業)

菠蘿煙肉牛肉漢堡（$98）：麵包稍為煎過，微暖鬆軟，表面有啲芝麻，增加風味。漢堡肉差唔多2cm 厚，口感豐富又唔乾，煙肉煎得香脆冇油膩感，菠蘿酸甜多汁，增強食慾。食晒個包唔會滯，但十分滿足。蜜糖芥末大烤菇煙肉牛肉漢堡（$120）：漢堡好大個，隻手要張得好開至攞得好。大啡菇烤得啱啱好，多汁唔韌。香脆煙肉2大塊，足料厚漢堡，啖啖肉。蜜糖芥末味道濃郁，配搭牛肉好食。每個包同有番茄生菜，好多材料，層次分明，味道豐富。牛油果醬芝士薯條（$68）：牛油果醬軟滑，配有少少番茄，食落唔會膩。粗薯條外脆內軟，唔會太咸，份量唔少足夠二人share 。奇異果汁（$38）：好足料，感覺好純正鮮果汁，唔係水漾漾。奇異果汁唔會好酸，感覺清爽，食完burger 飲還可以幫助消化，食完唔會滯。尖沙咀食飯，冇食飯時限，冇加一，係個消遣吹水唔錯既地方。

今天放工去了尖沙咀行街，經過美麗華廣場，見到一間裝修挺有特色的漢堡包專門店，於是入去試一試，結果出乎預料的好食啊😋餐廳環境是工業風設計，室內寬敞舒適，而且有各種飲品及酒類，非常適合下型後相約朋友一起食飯飲野而吧枱的啤酒工具也很高級很型！我丈夫是芝士肉食愛好者，他一眼就被黑松露大烤菇芝士牛肉漢堡吸引黑松露大烤菇芝士牛肉漢堡$130整個漢堡非常大個足料!！脆脆的煙肉配上很多汁的牛肉漢堡扒，讓有大烤菇加上黑松露令味道層次提升，再加生菜及厚身蕃茄與芝士大滿足 ! 最值得欣賞係牛油煎香的漢堡麫包，鬆軟且帶點甜味，令整個漢堡包發揮到最好水平~我本來很喜歡食魚，因此我點了菠蘿香脆鱈魚柳漢堡$100鱈魚炸得外面香脆，魚肉鮮味多汁加上輕輕燒過的菠蘿及生菜，配上厚身蕃茄同芝士，非常飽滿還點了牛油果芝士薯條$68牛油果醬很多很軟滑，健康又好食食漢堡薯條當然要飲野，點了意大利血橙果汁🥰玻璃瓶飲品永遠是最好飲！很滿足的一餐，下次與朋友相約再食😍

嚟到呢一度必食佢地嘅牛肉漢堡包🍔上次見到有埋鵝肝呢個配搭！諗都唔諗就即刻嗌咗😍個牛漢堡牛味超濃 口感嫩滑又Juicy 上面嘅鵝肝肥美甘香 再配埋個柚子醋醬汁 食落完全唔會油膩！

呢一間漢堡包店🍔好多人都話好高質 推介！對比起佢哋嘅牛漢堡 個人覺得呢度嘅魚漢堡仲更加好食😋上次食咗個hoki fish burger!!外皮炸到超級脆 魚肉又嫩滑鮮甜🥰

第二次同Friend嚟啦～漢堡一定冇得輸～牛油果醬呢個唔會膩，反而有啲清新感大烤菇直程大滿足鱈魚指雖然係炸，但係入面好嫩，咬落去入面既魚肉仿佛一絲絲咁，保持好多汁～雞塊上既芝士醬又係非常深刻，唔膩，好重芝士味，完全係齒頰留香既lv漢堡肉爆juicy日本啤係新嘗試，的確好滑一班大班朋友食住飲得，兩三個飲住酒吹水亦得，環境好舒服好自由，唔繁忙可以慢慢坐慢慢吹水，有去左Bar既感覺日本啤都係櫃檯職員介紹下嘗試，又係一位非常有耐性解答我對酒既疑難，又好笑容，又好傾～其中一樣傾到疫情下佢哋仲頂得住，真心唔容易又係一間諗唔到吃咩又想坐下摸住酒杯底吹水既好地方

一直都想試試美麗華出名嘅burgeroom因為每次經過都俾佢嘅美式裝修吸引到而且平日晚上都排隊滿座 今日叫埋朋友一齊黎試吓裝修風格感覺係主打男士口味蜜糖芥茉大烤菇煙肉牛肉漢堡 漢堡預先分開咗兩份 牛肉同烤菇都份量十足 厚厚一塊咬落有豐富嘅肉汁兩樣都十分juicy 加上芝士同蜜糖芥末醬令到口味層次豐富咸甜配搭 經典之選 推介大家黎到必試！煙肉芝士牛肉漢堡煎得脆香嘅煙肉 油香四散依款比起大烤菇香口啲 邪惡之選如果配搭返多啲蔬菜更好～牛油果芝士薯條牛油果蓉清新清淡 勝在有芝士醬搭救整體食落淡淡薯肉 大愛粗薯條～帶子沙律食完漢堡當然要配搭番啲蔬菜呢度嘅沙律菜款唔多 配簡單蕃茄同洋蔥帶子味道正常 係不過不失嘅沙律飲品選擇非常豐富各類酒水 連咖啡都有可以擇日假期前夕再黎漢堡加啤酒再戰　

近年香港多咗好多Burger 餐廳，有外國嚟嘅幾兄弟，亦有好多本地小店。味道我只可以講各有特色。其實價錢都唔係相差好遠，但份量就有時差天共地，有時去過一啲裝修文青嘅店，個burger成百元但size仲細過快餐店。Burger room我都去過幾次，返頭去當然有原因啦。首先呢度坐得舒服，唔會迫迫夾夾，二來呢度飲品夠多選擇，生啤都有幾款，唔飲酒嘅都有果汁汽水。最重要係呢度嘅Burger非常足料，塊漢堡排同個包嘅size剛剛好配合，唔會包多過料。今日食嘅牛油果醬芝士牛肉漢堡同埋吉列大蝦蛋漢堡都令我好滿意，除咗漢堡排煎得剛好，唔會乾，仲要個面包都烘得好趣，一口咬落去完全滿足到食漢堡大大啖多多汁嘅口感。小食除咗薯條，我介紹各位試吓香辣單骨雞翼，單骨雞翼食嘅時候方便，配埋蜜糖芥末醬就更加一流。最後提提大家，呢度有唔常見嘅日本Orion生啤，記得要試吓。

牛油果醬芝士牛肉漢堡上菜驚訝左，權頭咁大個漢堡包! 完全無諗過係咁大舊架! 牛肉漢堡成熟度剛好，唔會太生或者過熟，而且唔會乾到鞋口，加上牛油果蓉磨得好細膩，配上芝士同牛肉，食落減卻左不少膩感;再有蕃茄生菜呢D配菜，成件事就清爽得多!香脆雪魚柳蛋漢堡魚柳非常之脆，薄薄一層炸粉包裹住軟軟既魚柳，仲要新鮮炸起，再配上半融芝士，幾好! 加埋舊蛋，估唔到炒蛋加上去感覺就好似食緊一個漢堡既早晨全餐咁，加上蕃茄生菜同醬汁，豐富層次，食落幾好味~黑松露芝士薯條不得了，熱辣辣融融地既黑松露芝士醬，配埋熱炸薯條，簡直係食到停唔到口，一定要襯D芝士未融晒個時快D食，真係秒速就食晒薑啤其實食包啊薯條之類，通常都會配返一枝凍飲，會爽好多。雖然呢支飲品無酒精，而且薑味都唔會太濃，所以飲落口都幾爽，係唔會太甜架!

田園沙律💚💚💚💚有啲好似柚子醋咁嘅醬汁幾清新份量多蜜糖芥末大啡姑煙肉牛肉漢堡💚💚舊牛肉有少少乾不過好多料大啡菇好食😋牛油果大啡菇素肉漢堡💚💚 💚💚呢個竟然有驚喜係最好食嗰樣😽😽 素肉好Juicy好似真嘅肉咁黑松露芝士薯條💚💚💚

第一次到訪尖沙咀分店的burgeroom，比銅鑼灣的大多好，坐得比較舒服。Menu好多選擇，平日的下午可以加$30配套餐，有薯條同飲品。午餐時間人好少，三成滿都冇。望落覺得好大個，當然一啖係唔會咬到咁多層，但佢的包充滿空氣感，好輕身，而且比較乾，裡面的牛肉都好乾。值得一提的係跟餐的薯條量少得可憐，加$30唔expect得咁少。全靠有塊juicy的菠蘿，成個漢堡先冇咁乾。啡菇burger的汁係千島醬，好惹味，但汁唔多，成個包都比較乾，單食的話塊菇係煎得好香，但始終塊牛好乾係大問題。

今日咁岩去開尖沙咀做嘢嚟到美麗華商場裏面嘅漢堡包餐廳 餐廳以工業風格為佈置主調一入門口已經感受到型格嘅路線🤓 地下放了好多車呔 鐵桶 齒輪 牆身更有鐵絲網架及用霓虹燈砌成的招牌😎-同同事食呢個午市漢堡套餐😝 加$30 就包直薯條🍟 &無酒精飲品🥤🤤 呢度嘅漢堡真係好巨大🤩 一上枱已經心心眼😍 -🍔鵝肝牛肉漢堡 $168 啲芝士多到流晒出嚟🤤🤤 賣相吸引✨上面嘅鵝肝係整個漢堡包嘅重點鵝肝口感較軟腍 食落好香🤤 連同其他配料食 口感好豐富❤️😍 ☺️廚師細心地將漢堡一分為二方便食用-🥓🍔蜜糖芥末大烤菇煙肉牛肉漢堡 $120好大份漢堡 材料非常豐富🤩🤩 牛肉漢堡扒十分厚身而且仍能保持肉汁😋 大啡茄輕輕烤焗過好香菇菌味🤤🤤 煙肉都有2塊 稍為煎炒過 充滿鹹香😝 番茄🍅&生菜🥬新鮮 食落清脆鮮甜連同蜜糖芥末醬一齊食 味道一鹹一甜 層次豐富🤤🤤🍵荔枝紅茶 （跟餐）茶味偏甘溼 飲落慢慢散出荔枝香味🤤 解膩之選✨✨ 🍑白桃梳打 （跟餐）飲品調配比例合宜 飲落甜甜地😋 岩晒我😀 -🍽🍴總結 🍽🍴餐廳佈置風格型格 環境寬敞舒適 而且不設加一服務費 簡直抵食 性價比高🤩🤩💰

對芝士瀑布呢樣食物真係難以抗拒🥰最近見到呢間漢堡店既芝士瀑布決定要去征服既條芝士瀑布🧀位於美麗華2/F既Burgeroom 餐廳裝修走美式風格除左可以食漢堡之外仲有酒吧角落位 · 比大家happy下♡ 特量芝士牛肉漢堡（$115）嘩嘩嘩～～一手難以掌握既厚度🤪仲要超浮誇既芝士瀑布 ·岩哂我呢啲顏值控🧏🏻‍♀️漢堡勁貼心咁分開左一半漢堡包有輕輕烘烤過 · 包體超級鬆軟🌬超級厚身既漢堡扒 · 食落仲有少少juicy海量既芝士寫住邪惡兩個字😈不過邪惡呢樣野真係要happy sharing因為一個人食哂會有啲膩👻♡ 墨西哥辣椒芝士牛肉漢堡（$98）食完個超浮誇既芝士漢堡🍔配番個辣辣地墨西哥辣椒漢堡岩岩好辣辣地幾惹味開胃🌶而漢堡扒一樣咁厚身食一個漢堡好似食左塊扒咁🥩♡ 黑松露芝士薯條（$68）薯條新鮮熱辣 · 配黑松露芝士真係令人犯禁🙈♡ 蜜味辣雞翼（$60）蜜味同辣味存在感唔高但佢絕對係一隻好食既炸雞翼🫶🏻༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞(๑•́‧̫•̀๑)ఌ小小總結：餐廳無加一收費 · 店員服務亦到位💖最欣賞佢地漢堡一分為二方便食用之餘 · 仲可以同朋友happy sha

今日同朋友去尖沙咀睇戲,睇完戲去附近搵啲嘢食下,記得喺美麗華廣場有間好好味嘅burger,即刻同朋友去食。Burgeroom 美麗華廣場一期 餐廳環境非常舒適,而且裝修非常有格調,加上少少音樂,喺度食嘢人都輕鬆啲 👍啱啱午餐時間有個午市漢堡套餐，加$30有薯條同埋飲品。漢堡包種類非常多，牛肉類，牛肉漢堡包都有14種選擇。雙層牛肉芝士漢堡 145 元漢堡包size非常誇張，賣相極之吸引，一個人一定食唔晒，雙層牛肉肉汁非常豐富，入口牛肉味香濃，而且非常嫩滑，加上新鮮嘅蕃茄，生菜，千島醬，味道非常有層次，外層麵包焗到好鬆軟，而且仲係熱辣辣，味道真係好好，💯👍👍薯條炸到金黃色，又香又惹味，可惜份量少咗啲，食到停唔到口。🤤沙律方面都有好多選擇，而且價錢非常公道，有幾種沙律都好吸引，帶子沙律，鵝肝沙律，最後我同朋友選擇咗軟殼蟹沙律 125 元嘩，份量好多，軟殼蟹size好大隻，炸到金黃色，非常香口，而且仲要係脆卜卜，入口味道好新鮮，配上洋蔥，沙律菜，味道真係冇得頂。呢度嘅環境好適合坐低飲兩杯，傾吓計，無論食物同埋環境都係非常出色，好值得推介俾各位試吓。

今晚收工同朋友去左尖沙咀美麗華商場行街，行完後我們見到這間餐廳門口裝修得幾特別，所以就入左去吃晚餐。首先點了的是大烤菇芝士牛肉漢堡（$115）, 芝士係好香濃，入口即溶，中間有番茄同生菜，又好fresh唔會溜，然後牛肉都好重肉味，好香口，幾好食然後另一個漢堡是大烤菇雞柳漢堡（$115）：雞柳煎得好香完全不會溜，配埋芝士更加香濃，然後中間又有生菜🥬，中間個醬汁又好夾，都幾fresh幾好食。而且呢2個漢堡既份量都非常大，好夠飽同真係抵食，一個人就咁叫一個漢堡都絕對夠飽。另外我們還點了多一個小食：雞肉條配蜜糖燒烤醬 （6pcs),雞肉條冇骨真的非常方便，點了那些很惹味的燒烤醬後更加好食。朋友再另外點了一杯 Ice Americano ($42), 埋單共$332，性價比都唔錯。

做完嘢揀咗呢到食late lunch，估唔到平日三點都多人幫襯，好多都係飲住啤酒傾計，氣氛幾悠閑🌟Foie Gras Beef Burger 漢堡選擇好多，有牛肉、素類、素肉、魚、海鮮類、雞同鴨，真係要嚟多幾次先試得哂所有口味揀咗最傳統又引人嘅鵝肝牛肉漢堡，鵝肝煎到金黃微焦，火喉控制得好好👍🏻 配上有吋零厚嘅牛肉，芝士、蕃茄、生菜，賣相好靚🤩一拎上手，輕輕一壓，牛肉肉汁爆出🌟Twister Fries + Truffle Cheese Sauce 一向鐘情呢種旋風薯條，好開心呢到有得揀另外加購醬汁，甘我就可以蘸嚟食，我唔鐘意直接將醬汁倒上去整淋哂d薯條芝士味濃郁過松露味，醬汁超級掛薯條🌟Iced Cafe Mocha 咖啡味濃，朱古力味相對淡，如果朝早飲應該超級提神總結🌸 如果想食得性價比高啲，其實有午市漢堡套餐揀，+$30就有直薯條同指定飲品