Burgerman (欽州街) (已結業)

晚上禁堂食仍然未解除不過無阻支持小店的決心 尤其係高質黃店MENU 都有好多款可以選外賣就算包裝都好精美C. 丹麥藍芝士漢堡 配薯條平時好少見有blue cheese 當然想試下blue cheese 味道十分香濃 口感咸咸地但係滑(當然知道好多人唔敢食blue cheese)呢個真係唔錯漢堡厚身又不失肉汁一口都食唔哂外賣薯條 就真係淋左D 不過份量都真係唔少D.漁夫之堡 配薯格朋友叫左呢個魚柳包魚柳香脆大件 但唔油膩加上車打芝士同他他醬好開胃 同麥記貨式無得比反而薯格外賣會比較好雖然無左脆 但仍然食得出好有薯仔味道厚厚的口感仍然不錯等疫情好D 一定會來堂食呢到其他burger! 太高質了!

Burgerman既漢堡包簡直係性價比高，一直都係我既最愛至尊漢堡 $90 (+20配薯條、汽水)(美味指數: 😋😋😋😋😋)先講薯條，加20蚊就可以加配啦，可以揀薯條或者薯格，我就比較中意食薯條，因為佢係連皮薯條，粗幼度岩岩好，即叫即炸，就算外賣返到屋企都仲係脆嫁~而漢堡就揀左至尊漢堡，入面有煙肉、雙層芝士、雙層牛肉、炒洋蔥、蘑菇同煎蛋。漢堡包塗上一陣牛油再烤烘過好香，而且外皮香脆內面軟熟，牛肉內味濃郁，而且煎得好嫩好juicy，加上甘多配料，層次非常豐富😋整體食物質素：4 / 5💰性價比：4 / 5👍推薦指數：4 / 5

一打開，即刻變饑餓版小茶包。深水埗有間令人讚嘆既本地特色店，而且水準高過知名🍔Burger店的BXT店——Burgerman🍔茶包點🍔🧀至尊漢堡﹑經典芝士漢堡及一份炸薯格，每款都令人大讚！怪不得住屯門既朋友🐂，都特登買一份翻去食。　=ll至尊漢堡 ll=🧡茶包先生嘴巴都算大，想一啖咬落去都有啲難，而且一咬落去，手工美國牛肉漢堡既肉汁💦就爆晒出黎，難以Carry 啊Burgerman🤤　但一啖咬到烘脆既芝麻包﹑Juicy既牛肉漢堡﹑帶一點辣口既生洋蔥﹑炒到勁香既蘑，你就明點解有新界🐂特登出黎買個漢堡。　因為比較連鎖店個Signature﹑高價位既BLX都要整得好食。　=ll經典芝士漢堡 ll=茶包覺得經典嘅漢堡依然都係好Juicy，而且多小小蔬菜夾住，罪惡感真係少啲。　⠀⠀=ll Burgerman ll=📍 深水埗欽州街65-71號地下

今日去深水埗黃金買少少電腦用品買完之後就打算買兩個外賣返屋企食見到呢一間小店漢堡餐廳 裝修幾靚 感覺相當不錯 呢度漢堡即叫即整 就叫咗個侯斯頓漢堡 $69同經典芝士漢堡 $67兩個都+20變成套餐 要左薯條～薯格～同汽水等咗一陣就拎返屋企啦侯斯頓漢堡係有煙肉同BBQ醬 相當惹味 配上蕃茄 洋蔥 生菜 個包烘得好趣 漢堡肉質夠香 配上薯格食 正另外亦叫了個經典芝士漢堡 漢堡相放上溶咗嘅芝士 漢堡鮮嫩無渣 配上芝士一絕 ～ 薯條亦都是粗身的 好吃！一啖漢堡一啖汽水，在家抗疫都可以好正！

香港周街都係食肆，可以要我返兜再食，一定要有返咁上下水準，而依間手工漢堡包店就係其中一間。佢就喺黃金商場對面馬路，但唔係咁多人會過嗰條馬路，第一次幫襯就覺得佢係依度未必會做得住。點知原來用心製作係真係會有人知嘅，佢嘅漢堡包唔算好平，喺深水埗呢個平民地區，舊街坊未必會支持，但好彩係多後生仔，但用料唔會偷工減料，收得你錢，一定比足份量。　　　以前有幾個位做堂食，依家就純做外賣。其實每一個包都係即叫即整，所以要耐心等候。　至尊漢堡係餓鬼之選，兩塊多汁口肉漢堡扒，仲有煎蛋蕃茄煙肉，成個有手掌咁高，千祈唔好着白色衫食，一咬落去肉質一定會彈出嚟。丹麥藍芝士漢堡，適合鍾意食重口味嘅人推薦加$20就有飲品同埋配菜，配菜記住叫炸薯格，現炸香口希望佢可以繼續做落去啦。支持小黃店　

由於疫情係香港仍然非常嚴峻，外賣自取慢慢變成左常態。因為呢排外賣叫得多粉麵飯，今次就轉一轉口味，所以就揀左深水埗既呢間漢堡包小店🍔💛 - Burgerman 舖頭裡面唔算大，裡面貼左一D Poster 一D擺設，有時唔需要太複雜簡簡單單都非常好。咁我地就 order 左 : 🍔經典芝士漢堡 - 香煎美國安格斯牛肉配車打芝士 ($67) 再加配左Combo ($20) 連🍟有皮薯條及🥤一罐汽水 (total $87) : 首先講一講佢個漢堡，食得出佢個麵包唔係空氣飽，質感唔錯。佢既牛肉漢堡見住佢係即叫即煎，煎到岩岩好唔會太乾，肉質仲係好 Juicy 😋。另外加配左份有皮薯條同汽水，食得出薯條係有調過味，香口得黎又多薯肉👍🏻，值得一試。🥗日式芝麻汁雞扒沙律 ($73) : 🥗沙律菜都幾新鮮，雞扒有預先調味，味道都唔錯。有個位睇得出小店好細心，佢既沙律菜係揀左D細細塊但係份量仍然好多🥗，會比較方便食客去食。另外就係佢將芝麻醬分開左放，落幾多食幾多由客人自己決定返，對控制飲食既客人黎講呢樣野係好細心👍🏻。個人黎講呢間小店款式好多，款款都非常吸引會令人keep住返黎幫襯，個人都十分推薦大家試下呢

BURGERMAN係深水埗都一段歷史每次食都覺得好好食, 唔會失望! 宜家夜晚無得出街食, 所以放工黎買BURGER番屋企食~今次就要左至尊漢堡,, 因為真係好肚餓, 加20蚊就有埋薯格同埋汽水!轉SET好抵食, 因為就咁叫薯格都係30幾蚊架!我拎到番屋企再氣炸番個薯格, 好脆好好食, 仲要份量超級多!BURGER 好厚, 有2大塊牛肉, 芝士, 同生菜等等, 本身以為會好漏, 點知又唔會, 可能因為唔會太多汁, 所以食到肉味同埋覺得無咁油膩!外賣紙盒都值得一讚, 拆開佢可以當餐盤咁樣好方便!

同事介紹咗呢間漢堡包店畀我，今日終於有時間過嚟食，漢堡包店位於深水埗地鐵站附近， 地理位置十分方便。小店經營主要都係做外賣 ，不過喺疫情嘅時間，佢專做外賣其實食得會更加安心。 基本上佢嘅 主食都係漢堡包餐，當然仲有其他意粉，不過既然嚟到漢堡包店，當然係食漢堡包啦，我叫咗一個至尊漢堡包，因為好想試佢嘅美國安格斯牛扒， 而且佢個配料方面仲有我最鍾意嘅蘑菇。等咗唔算好耐就有得拎， 個人覺得佢嘅包裝都唔錯，幾靚，我加咗20蚊要咗個combo， 可以有一客薯條再加汽水，其實都幾抵。佢個漢堡包超大個，中間個牛扒好厚身，一路食嘅時候啲肉汁多到會滴咗出嚟， 而且個味道好濃牛味， 超好食。至於薯條方面，因為係即叫即炸，外脆內軟，好香薯味，個人覺得真係100分，再配埋個汽水，簡直perfect。絕對支持小店經營， 下次可以再試其他。

burgerman 其實大角咀都有耐唔耐幫襯下…因為佢地d漢堡包真係幾好味…所以今日係深水埗買開野…見到burgerman就走去買外賣返屋企食…(因疫情關系無得係舖頭食)睇下餐牌有乜食原先有諗過叫大菇…好鍾意燒完既菇好juicy…不過今日比較肚餓…想有d肉落下肚…所以我就點左個至尊漢堡…因為貪佢有兩塊漢堡扒…朋友就話試下和牛漢堡…一個加左$20轉餐包薯條同罐裝野飲我個包就份量十足…有兩塊肉…好鬆化同juicy…仲有煎蛋…同最愛既煙肉…朋友既和牛漢堡…佢就摵左1/4我試下…呢個漢堡仲香牛肉味…正😍😍(因為驚返到屋企薯條腍左唔好味…所以上車時食左幾條先…好好味)兩個包都好好味…(我相信堂食即時食會更好味)…希望疫情快d過去…可以再堂食

睇到開飯介紹特登過嚟買burger. 一點幾午飯時間黎到，門面一位服務員，廚房三位負責煮食。店舖雖細小，Burger即叫即做，鮮味香氣撲鼻，不停有外賣人員來交收外賣。門面負責收錢同搬貨，有戴手套的，將地下的紙箱和汽水放好。之後有人來買餐，同一雙手套收錢，手套直取紙幣，一分鐘之後，同一雙手套，直接取蕃茄片放入每個burger上面。當時廚房入面有三個人煮食，流理檯面有六、七個餐盒左右。令人目定口呆，亦唔敢當面指責。雖然明白小店經營困難，但疫情嚴重，亦要注意一下衛生。店員笑容可掬有禮，可是不能忽略衛生。希望店主看到真的會改善。我哋希望再吃這店的美味漢堡。

早兩日吃不成burger一直對此念念不忘今天去深水埗 順道買了個外賣回家吃.- 至尊漢堡 配薯格+汽水一打開 最上層竟是一隻煎蛋...明明看別人的食評照片 蛋上面還有麵包的應該是店員遺漏了😔不過幸好最底層的包還在中間有兩層厚厚的漢堡扒 一大片煙肉再加少量蕃茄洋蔥味道不錯尤其是漢堡扒 煎得剛剛好 能保持濕潤本來不打算加$20跟餐但想起友人說薯格好吃在等漢堡的途中還是加了單哈哈 還好有加配薯格真的很好吃回到家後仍保持微暖 吃起來還很脆口味道帶少許辣 沾大量茄汁吃 真是讓人回味無窮再加一罐冰涼可樂爽😊.漢堡不算便宜 要$90加$20可配薯角/薯格/沙律+汽水外賣要再加$2但份量也夠2人吃抗疫期間只限外賣

好食黃店推薦🤩💛 最多人食嘅係至尊漢堡🍔，有兩塊牛肉、芝士、蕃茄、生菜，相當豐富，我哋之前都有介紹過㗎，有興趣可以睇番👉🏻 #natfoodiary深水埗 🙌🏻 今次就試咗終極邪惡嘅鵝肝和牛漢堡🤤.【鵝肝和牛漢堡🍔】HKD138賣相💯分！鵝肝好厚身，和牛好厚身，牛味香濃，咬落去有好多肉汁湧出嚟，真係好juicy😋 薯角都出奇地好食🍟 熱辣辣好香脆，薯味香濃，食完一塊又一塊，會食上癮🤣.想豐富啲可以另加配料，有燒大菇🍄、牛油果🥑、菠蘿🍍、鵝肝等可選，大胃王有口福啦！另外仲可以加$20轉做餐，配薯條/薯格/沙律🥗同埋飲品。

基本上每一次嚟深水埗都會經過 @burgermanhk ，但係每一次都係食飽先經過，所以一直都冇機會試呢一間好多人都推介嘅𝚋𝚞𝚛𝚐𝚎𝚛小店～雖然其實今次都係食飽經過，但我哋真係忍唔住喇👅小店堅持人手打牛，而且漢堡包全部都即叫即做，聽到都覺得會好正啊😻另外見到𝚖𝚎𝚗𝚞上有好多特色嘅𝚋𝚞𝚛𝚐𝚎𝚛選擇；除咗有牛肉之外仲有魚、雞、鵝肝等等⋯包有一款啱你心水😇.💫整體體驗 𝐎𝐯𝐞𝐫𝐚𝐥𝐥 𝐄𝐱𝐩𝐞𝐫𝐢𝐞𝐧𝐜𝐞✨食物 𝐟𝐨𝐨𝐝 8.2/10環境 𝐞𝐧𝐯𝐢𝐫𝐨𝐧𝐦𝐞𝐧𝐭 7.5/10服務 𝐬𝐞𝐫𝐯𝐢𝐜𝐞 8/10性價比 𝐚𝐟𝐟𝐨𝐫𝐝𝐚𝐛𝐢𝐥𝐢𝐭𝐲 8/10回頭率 𝐫𝐞𝐯𝐢𝐬𝐢𝐭 7.8/10🌟性價比超高 • 值得支持 • 疫情期間只供外賣✨.《至尊漢堡》$90🌟8.2/10🌟𝚃𝚞𝚌𝚔𝚎𝚛 𝙱𝚞𝚛𝚐𝚎𝚛呢一個完全係食肉獸嘅天堂😻實物比相片更加驚人，真係唔係平時快餐店食嘅嗰一種，男朋友想挑戰一啖食到底都有啲困難🤣好彩有手套，如果唔係會食得超級論盡！有兩塊超級厚嘅美國安格斯𝚙𝚊𝚝𝚝𝚢，除咗淡淡都超級𝚓𝚞𝚒𝚌𝚢之外，牛肉味亦都非常之濃郁！麵包嘅部份亦都烘得啱啱好，吸到牛肉嘅肉汁嘅同時又會保留到香脆嘅口感💯再

而家疫情又嚴重左啦，無得多人聚餐，要做孤兒仔就自己去搵食。放工特登去深水埗買外賣，店家好nice，超歡迎大家外賣，希望大家身體健康。小店有多款不同嘅漢堡，全部都係即叫即做，所以等待時間會比較長。🍴日式豚肉漢堡豚肉大大塊，係有厚度嘅豬扒，好味，唔靭，美中不足係比較多筋，但係肉質係正嘅。配上菇菌同秘製醬汁，味道好夾，另外仲有芝士同埋日式豆苗，好好食。🍴薯格肥A仲跟餐加左薯格同汽水，超級滿足，薯格微辣。外賣番屋企都仲係微熱，漢堡包都仲可以keep到好味，係薯格稔左。下次一定要試下堂食😋

今日收工好肚餓 同事就介紹我食burgerman 既burger🍔 咁我就特登落深水埗食 鋪頭同地鐵站唔算好遠既距離 大約3-5mins 左右就到 但天氣實在太熱 行2步路都出晒汗🙈🙈 間burger 位置係大街都好易搵到👍🏻 鋪面唔算大但因為疫情既關係 收起晒d椅 改以外賣形式為主 餐牌上都有好多款burger可以選擇唔食肉 大啡菇burger都有🤩 仲有意粉🍝沙律🥗小食🍟可以選擇 仲可以+$20配薯條/薯格/田園沙律同汽水🤩🤩我今次就試左個侯斯頓漢堡+$20配田園沙律同汽水🥤落完order 大約等5-10分鐘左右 因為全部都係即叫即做架🤤 因為疫情關係用外賣兜兜比較衞生🥰 再留意下佢仲提供埋搓手液 紙巾 手套🧤真係好貼心呀💕💕 隻手乾淨晒就可以開餐啦🤣 先食個沙律 d蔬菜有好多種類又有幾款沙律菜、青瓜、洋蔥、車厘茄再配埋撈左既油醋汁酸酸甜甜好岩夏天食又fresh 感覺好健康👍🏻 主角出場 美國安格斯牛肉🥩配上煙肉、炸洋蔥、紅洋蔥、番茄同芝士仲有個BBQ sauce 賣相一流 非常豐富🥰 仲有個包係烤過 所以好香 脆脆地咁🤤 未食都流晒口水🤤🤤 咁多款配料放埋一齊 要一齊咬真係有d難