Burgerman (欽州街) (已結業)

同事介紹咗呢間漢堡包店畀我，今日終於有時間過嚟食，漢堡包店位於深水埗地鐵站附近， 地理位置十分方便。小店經營主要都係做外賣 ，不過喺疫情嘅時間，佢專做外賣其實食得會更加安心。 基本上佢嘅 主食都係漢堡包餐，當然仲有其他意粉，不過既然嚟到漢堡包店，當然係食漢堡包啦，我叫咗一個至尊漢堡包，因為好想試佢嘅美國安格斯牛扒， 而且佢個配料方面仲有我最鍾意嘅蘑菇。等咗唔算好耐就有得拎， 個人覺得佢嘅包裝都唔錯，幾靚，我加咗20蚊要咗個combo， 可以有一客薯條再加汽水，其實都幾抵。佢個漢堡包超大個，中間個牛扒好厚身，一路食嘅時候啲肉汁多到會滴咗出嚟， 而且個味道好濃牛味， 超好食。至於薯條方面，因為係即叫即炸，外脆內軟，好香薯味，個人覺得真係100分，再配埋個汽水，簡直perfect。絕對支持小店經營， 下次可以再試其他。