Burgerman (欽州街) (已結業)

而家疫情又嚴重左啦，無得多人聚餐，要做孤兒仔就自己去搵食。放工特登去深水埗買外賣，店家好nice，超歡迎大家外賣，希望大家身體健康。小店有多款不同嘅漢堡，全部都係即叫即做，所以等待時間會比較長。🍴日式豚肉漢堡豚肉大大塊，係有厚度嘅豬扒，好味，唔靭，美中不足係比較多筋，但係肉質係正嘅。配上菇菌同秘製醬汁，味道好夾，另外仲有芝士同埋日式豆苗，好好食。🍴薯格肥A仲跟餐加左薯格同汽水，超級滿足，薯格微辣。外賣番屋企都仲係微熱，漢堡包都仲可以keep到好味，係薯格稔左。下次一定要試下堂食😋