Burger Lab

營業中

休息中

其實個飽係幾大個吓，直徑同前面個濕紙巾包裝差唔多，牛肉好多汁，好鮮味，生菜番茄洋蔥都好新鮮。而因爲樣樣材料都咁新鮮咁多汁，食個飽嘅時候喺個飽底不停流啲汁出嚟。好彩！佢地早有準備！有膠手套同濕紙巾供應，夠晒細心！個芝士薯條就跟套餐嘅，有啲煙肉碎好香口，芝士醬喺上菜時仲係溶溶地，唔會乾晒變返芝士。薯條就夠大條！Bliss啲冷壓果汁一向都唔錯，呢隻菠蘿香片茶都幾清新，夠晒健康又好味，食完burger再飲佢即刻清爽晒！

老公突然話好想食 Burger，聽講佐敦有間即叫即做的 Burger 店，就帶佢去食吓~其實這間店地方小小地，中間一個 cashier counter，坐位靠在兩邊牆。中間能企的空間都算闊，唔會感覺好迫。看看牆身，有不同 Burger 的圖片，讓我更加清楚自己想食個點樣的 Burger。仲可以配埋新鮮果汁/飲品同小食，當一個套餐咁叫。我們各點了一個套餐，先來一支飲品解解渴。而我呢支果汁係富士蘋果伯爵茶口味，甜甜地帶點茶的甘味。小龍蝦蛋漢堡呢個漢堡的用料真係好足，煎蛋好厚身，而且多到連小龍蝦肉都沾咗少少芝士，响側邊跳出來。打開面頭塊包，真係有好多小龍蝦肉鋪响頂，疊著芝士和煎蛋，而青瓜就鋪响底。咬落熱呼呼，小龍蝦啖啖肉，連埋煎蛋一齊咬落去增加了肉的口感，伴埋芝士甜甜地帶點滑，更容易入口。特級牛肉漢堡嘩~ 果然係特級，真係特級厚，要用兩支竹枝才可以固定。漢堡扒每塊都好厚身，仲要打孖上，加埋煙肉、蕃茄、生菜、芝士、水煮蛋，老公都諗咗一陣應該由邊度開始食。牛肉係好腍身帶點 JUICY，而煙肉係咸咸脆脆，連他食完都話好飽。 蜜糖烤菠蘿食到咁飽，幸好他那個餐配了個烤菠蘿，外邊燒得微焦，酸酸甜甜仲好多

第2次去Burger Lab，上次今草根姐妹一試傾心嘅小龍蝦漢堡已經成為左小店嘅長期款式，以後嚟都唔怕冇得食啦👏🏻👏🏻（真心超好食🤤）韓式辣雞肉漢堡 ($68)Korean Spicy Chicken今期嘅新款式係‘‘韓式辣雞肉漢堡” 🐓，話明係韓式辣雞，所以緊係會辣辣地啦🌶~如果唔係好食到辣既朋友仔要小心啦~~雞肉有一大塊，肉質都幾腍幾入味，中間仲加左紫椰菜同炸洋蔥蓉。草根覺得加塊芝士🧀應該會更惹味😋論驚喜度就不及上次嘅小龍蝦漢堡，不過草根仍然特別欣賞佢地漢堡包🍔焗到外脆但內裹保持鬆軟，雖然佢只係收$68蚊不過唔好睇少個漢堡嘅份量，其實都好抵食!👍🏻👍🏻👍🏻日燒吞拿漢堡 ($88)(吞拿漢堡扒、本菇、生菜、大蒜、日式照燒醬)呢款日式漢堡有加上本菇，不過主角當然係吞拿漢堡扒啦!吞拿魚漢堡扒好少見🐟，食落同草根想像嘅有所不同🤔，口感較為實實的，味道偏淡，可能係健康一族之選🌿，不過草根中意重口味，所以中意食韓式辣雞肉漢堡多D😂~芝士薯格 ($32)比起薯條🍟，草根其實更愛食薯格😆❤️熱辣辣剛剛新鮮炸好，配埋芝士醬又點會唔好味丫!! 不過芝士醬份量唔夠多，多番少少會更好喔👅跟set+$32就有

來了吃最近人氣滿滿的Burger lab，朋友話價錢不貴質素又高，十分抵吃喎。講到咁正，梗係要黎試下啦。是晚八點左右黎到，有幾個人叫緊外賣，朋友同我就搵位坐啦，小店只有數個座位，真係手快有手慢無㗎。點了兩個漢堡，再轉餐（+$32），轉餐後有薯條同飲品。冷榨果汁一直想試試冷榨果汁，自己要了富士蘋果伯爵茶，蘋果同茶香好好味，好飲喎。朋友要了橙汁，橙味濃無添加，味道天然。特級牛肉漢堡（$88）朋友要了份量最大的漢堡，有兩層牛肉，煙肉，蕃茄，生菜，芝士，仲有一隻水波蛋，超級豐富呀！！個包仲大過隻手呀～漢堡肉肉嫩多汁，水波蛋爆蛋汁，加埋半瀜芝士好味道無得彈，正！特式田園漢堡（$48）自己要左素食漢堡，見到餐牌上寫有牛油果同大啡菇已經唔使諗，即刻要呢款，全部都係我嘅至愛食材。牛油果有半個之多，軟腍香滑，大啡菇鮮嫩多汁，醬汁是沙律醬，簡單又好吃。炸薯條朋友揀要薯條，粗條來的，薯味十足。炸蕃薯條自己要了蕃薯薯條，較薯條幼身，炸得很香脆，甜甜地特別又好食。份量大又好味，價錢又不貴，果然好抵食！

男友早排見到呢間有個韓式辣雞肉漢堡已經想試，今日去開佐敦，就決定一戰。可以睇大menu，有各款漢堡既相參考下。每款漢堡都各有特色各有吸引之處，花多眼亂好難揀。有呢個menu可以坐低慢慢睇。呢期既試管漢堡已經轉左款，係芥辣墨魚漢堡。所有食物都即叫即製，確保新鮮熱辣。<經典牛肉漢堡，$58 + 波特菇，$15 + 馬鈴薯條(加芝士，$5)+飲品，$22>係多款漢堡之中，最後我都係揀返最普通既經典牛肉漢堡，再加$15加左塊波特菇！由於加左塊波特菇，個漢堡勁高勁大個，最後塊波特菇係分開食，波特菇好新鮮多汁，超正。經典牛肉漢堡個牛肉好厚都好多汁，生熟度適中。加埋塊半溶芝士好好味。仲有好想讚既係，蕃茄同生菜都係好新鮮，好多汁。<辣雞肉漢堡，$68 + 蕃薯薯條，$32>由於無左個試管漢堡轉左款式，男友就揀左辣雞肉漢堡。呢個配搭得好好，雞肉嫩滑，辣度會慢慢滲出，啫辣者必試！<富士蘋果白爵茶，$10>套餐轉飲加$10，味道淡淡地，岩哂我呢啲唔好太甜冋汽水既人。

點了個經典牛肉漢堡($58)和烤豬頸肉漢堡($58)，店員幫忙將兩個包都切開了一半，好讓大家方便share，我先吃的豬頸肉漢堡，豬頸肉塗滿了醬汁，肉質很嫩滑，包內加了點菠蘿，令口感不會膩。牛肉漢堡則較大路，經典口味，但這裡則在價錢方面取勝。蜜糖蒜香雞翼($35)，烤脆了的雞翼上灑上炸蒜，甜香惹味，初初只打算先吃一隻雞翼, 其後的等待吃完burger後再吃，但原來當吃過第一口之後就會慾擺不能，兩個人一吃便吃光了所有雞翼。蕃薯條是平日較少快餐店能吃到的，將蕃薯切條再炸香，加上點點調味及砂糖，甜甜地又有蕃薯的味道，質感會較薯條結實。Burger加工$32可轉有冷壓果汁的套餐，套餐包冷壓果汁及薯條/ 蕃薯條。冷壓是把蔬果在4至10度中，將果汁壓出來，可保持蔬果的維他命及礦物質。點了個菠蘿苿莉花茶，無添加無人造色素，帶著微甜的菊花味，好fresh。餐廳很貼地，貼地的原因不但是價錢，另外店內所播放的音樂也是，能聽到熟識的衛蘭、Kary的歌，份外有親切感。

上次食完覺得好好味，今次帶朋友去食下高質素burger 新出左隻芥辣墨魚，好吸引跟餐大部份都$100樓下，好抵有椰青水，正，平時少飲汽水既朋友多個選擇蒜香蜜糖雞翼，即叫即整，脆卜卜，熱辣辣好香蒜味，蜜糖味偏少，但都好好味，有6隻，而家都好多肉點左個大啡菇，除左大啡菇仲有好多磨菇，有芝士同生菜，磨菇汁好香濃，大啡菇好厚，無肉都好有口感朋友點左個龍蝦burger ,龍蝦肉多，溶入左芝士入面，芝士味又濃，流晒口水Burger 中價性比十分高，下次要食新包先

好好味，好新鮮既材料，即製，個包脆過豬仔包，唔想食肉都有菇同田園可以選擇.仲可以配搭特別既蕃薯薯條！大大個漢堡，大滿足！牛油果成熟得岩岩好，好香！材料豐滿，個大菇好多汁，好香菇味！製作認真！服務都十分好！俾100分！

番左5日工，終於捱到星期六放假，訓到飽就起身出去搵食，咁我地坐車過來佐敦，揀左呢間好評甚多嘅漢堡小店。burgerlab嘅漢堡款式不少，除左一般嘅經典牛肉漢堡之外，仲有豬頸肉、辣雞肉、烤大菇、日式吞拿、小龍蝦，仲有個特級牛肉漢堡，陣容非常誇張。而且店內都有個介紹叫試管漢堡，原來不時會更換款式，睇下客人嘅意見，最近做緊嘅係芥辣墨魚漢堡今日試左辣雞肉漢堡，兩款小食，包括特式燒粟米、蜜糖蒜香雞翼，因為朋友唔係好大食，佢已經食飽早餐，所以我地點左一個漢堡，夠哂。亦都可以升級套餐，可以加錢有埋薯條/蕃薯條、飲品，價錢好抵。店員仲會好細心附上手套、濕紙巾同紙巾，以防客人食得狼狽，值得一讚辣雞肉漢堡：漢堡真係幾具份量，雞肉燒到微焦，入口完全唔老，仲要好滑，同有肉汁滲出，辣度溫和得來又惹味開胃，而且唔會好漏。漢堡包厚身，有烘熱過，有d似脆豬仔，好鬆脆，食完唔會好飽滯，好高質啊！裡面仲有紫椰菜、椰菜，辣田園沙律醬，所以特別清新開胃特式燒粟米：原條燒成，切成一小件，方便食用。感覺好似加左啲香草油、類似焦糖，仲灑左少少芝士粉！粟米本身好甜，仲有啲香草油咁嘅味道，冇牛油咁濃烈，未試過呢種味道，好特別粟米烤到完

網上買左野出黎交收, 對方話要遲少少, 唯有響附近食住野等.行到呢間Burger店,  鋪頭唔算好大, 可以坐低食或者外賣, 環境好乾淨.價錢相對其他Burger店算平D, 平既48-58蚊已經有交易, 另外最好係可以加配料, 有時想食呢樣又想食果樣, 真係啱晒我.Burger通常都食牛肉多, 見呢度有烤豬頸肉漢堡, 比較少見. 對一D唔食牛既人都多樣野揀.烤豬頸肉漢堡本身有豬頸肉, 烤菠蘿, 生菜等, 我仲加多15蚊要波特菇, 我鍾意食既野都有齊晒.加晒所有配料, 個burger非常厚身, 菠蘿同波特菇都係一整舊大大舊, 用料十足.豬頸肉好軟腍, 煎香左好香口, 而且肉汁豐富. 波特菇吸收埋D肉汁, 多多一份香味, 個菇都係好軟熟.另外仲有勁多汁既菠蘿, 唔太酸帶少少甜, 好juicy, 幾樣夾埋黎食一D都唔漏, 好開胃.個包亦好欣賞, 焗過係熱同外表脆脆地, 但入面好軟熟, 唔係隔夜包.薯條即炸夠香脆, 唔油膩, 薯味濃郁, 食埋夠晒飽肚.食過咁多間burger, 呢間真係份量十足, 而且用心即整, 下次經過要黎食其他款式.

之前已經去過這店，感覺很好。這天碰巧又在附近上班，順理成章，晚餐就在這裡解決了。店面跟之前差不多：裡面跟上次差不多，更乾淨企理了：台下有勾可放袋：非常方便，真是非常貼心。Menu:更新了，新加入三文治系列。套餐加Bless cold-press juice比之前貴了$2。很多果汁可供選擇：新推出的韓式辣雞肉漢堡：這漢堡就是小店試管漢堡，看來是會定期轉的。走去counter 點餐，不一會就有了。韓式辣雞肉漢堡 $68加$32可upgrade做套餐，點了馬鈴薯條。雖說是辣雞肉，但完全可以接受，有點點辣的感覺又不會太過分。薯條炸得金黃香脆，有薯香，加上茄汁非常滋味。烤豬頸肉漢堡＄58豬頸肉每一片都不算太厚，所以燒完後非常香口，有點點脆的口感。番薯薯條夠甜，其實不加茄汁也可以，只是加了後會更有味道。紙巾和濕紙巾任拎唔嬲：另外每人還有一隻即棄手套，可以在吃漢堡時使用。（左）菠蘿茉莉花茶、（右）梨汁高質素的果汁，值得加錢去飲。價錢算是合理：

老師住吳淞街為食的在下一味要周圍搵野食女生外向見到個漢堡那麼大那麼肉感已經有些失控有時候我怕我是個失禮的人物只要好吃抵我很少不受引誘高層次特級牛肉漢堡88$加22$一刀兩斷⋯⋯後可見內容兩層厚厚美國牛肉厚芝士烟肉薄片溫泉蛋一流名貴的吞拿魚日燒漢堡一起厚實魚肉配shimeji mushrooms 🍄 大蒜日本人照燒醬teriyaki sauce 提升香濃味道其中之最佳化是提供甜蕃薯條不只有薯仔條這一點討好我因為我不不吃薯仔

與朋友行完尖沙咀，再坐在九龍公園裡，談天說地。 突然咕嚕的一聲， 劃破了公園寧靜的氣息，換來我們的大笑。原來，朋友的肚餓了，我們便決定走出公園，找點好東西吃。過了一條小徑，看見這間吃 burger的餐廳，價錢不貴，我們便決定進內開餐。我點了 烤豬頸肉漢堡 $58，另外加了一塊特選牛肉漢堡扒 $30。 burger來到的時候，份量很大，分享來吃也很夠。當中的豬頸肉烤得十香脆， 蜜糖燒汁超級入味。而口感彈牙，很 juicy. 我們都覺得很好吃。裡面的菠蘿並不只是普通的罐頭菠蘿， 而是燒菠蘿，令漢堡的口感更加多層次。這裡叫一個 burger, 可以配上套餐，只需加 $32，當中就有bless 果汁和薯條。當然我們是芝士控，所以再加了 $5 去加做芝士薯條。薯條新鮮，不會過多油。而芝士味味道偏清淡，若果芝士味更濃郁就很完美了。蜜糖蒜香雞翼 $35 雞翼不會煎得太過乾，火喉控制得不錯。味道上， 蜜糖味很足夠，配上爆過的蒜香，十分惹味。甜中帶點蒜辣，很好吃。若果不加套餐，單支的 bless cold pressed juices 售$28。Bless cold pressed juices 是用了

今日下晝打算去佐敦買染髮劑，途經此地見到出面個易拉架上面d burger 圖片都幾吸引，就同個friend走左入去食啦。入面環境唔算太大，但麻雀雖小，五臟俱全，都有好多櫈俾客人坐，枱下面仲裝咗個掛鈎方便客人掛袋添👍🏻👍🏻同埋侍應服務態度都好好，仲好細心添，當我地點完餐之後，就即刻拎左手套 &乾濕紙巾俾我地 。等一陣食個Buger嗰時唔洗整污糟隻手，值得1⃣讚👍🏻我地兩個人1⃣人叫左1個Buger再+多32或22跟餐 ，跟餐就係有多1份薯條，同埋1杯飲料 ，都幾抵食 。薯條仲有兩款選擇 ，1⃣種就係我地本身食開嗰隻，另一種就係出面比較少有ge蕃薯薯條 ，我地點左兩款各一，咁就兩款都食到啦。🤗因為呢到係即叫即制的 ，所以雖要稍後片刻 ，等左1⃣陣主角終於出埸啦 ！首先新鮮滾熱辣黎到既係小龍蝦蛋漢堡，估唔到個Buger係咁大個的嚇左我1跳 ，咁既價位 ，仲要咁足料， 真係抵食到爆呀🙊🙊入面小龍蝦數量都有幾多下 ，咬落去隻半生熟既蛋即刻流曬出黎 ，超有口感🙂薯條炸到好脆卜卜 ，本人較為喜歡蕃薯薯條多d ，咬落去啖啖蕃薯味 正👍🏻之後再黎就係經典牛肉漢堡 ，都係份量十足 ，牛肉肉質鬆軟，超多肉汁，朋友食

男人很喜歡吃漢堡，所以即使我一般也會間中陪他去吃。這次是位於佐敦的Burger Lab，小小的店面，但眼見人流不錯。這是餐廳的餐牌。餐廳有準備到手套、濕紙巾，有夠貼心。烤大菇漢堡加炒蛋 $48+$10（轉套餐跟薯條及Bless 蘋果汁 +$32）原來漢堡也算大個的，薯條份量也不少。必須說，薯條很好吃，上桌熱騰騰，外脆內軟，薯味十足。因為不喜歡吃太多肉，所以點了這個烤大菇漢堡，而因為看見有黑松露芝士醬，硬是覺得該加炒蛋。另加的炒蛋很大份，一如我所想，和黑松露芝士醬超搭的，入口啖啖芝士香、黑松露香和蛋香混在一起，還有大大隻又超級juicy 鮮味的主角大啡菇，以及新鮮爽脆的生菜，口感味道豐富，絕對不會比肉類漢堡遜色。特級牛肉漢堡 $88內有特選美國牛肉雙層漢堡扒、煙肉、蕃茄、生菜、美式芝士及水煮蛋，再配上自家製燒烤醬。煙肉有兩大塊，但意外地不會過於油膩，也沒有煎得太乾硬；芝士呈半溶狀黏在煙肉上一起吃很夾。美國牛肉雙層漢堡扒夾著吃有點厚度，口感夠軟嫩很不錯，牛肉味濃，美中不足漢堡扒是不夠熱；水煮蛋呈很完美的流心狀，蛋汁夾著漢堡扒吃行美味。蜜糖烤菠蘿 $32蜜糖面甜蜜滋味，菠蘿清甜中帶微酸，夠新