BTS美食站

營業中

休息中

🔻 BTS美食站九龍城南角道11號地下/ 🧃雞全翼沙嗲串燒 $22必食雞全翼，大大隻，燒得好香，外脆內嫩。/🧃鹽燒鮑魚 $108有驚喜地好食。上面鋪咗脆卜卜嘅白飯魚，用咗重牛油同埋蒜蓉去燒，啖啖都係牛油香，鮑魚燒得啱啱好，鮮味十足。/🧃冬蔭公湯(S) $105有火滾住，越滾越濃味，唔會太酸又唔會太辣，好容易入口。/🧃菠蘿雞肉炒飯 $83好耐冇食過呢款經典炒飯，食嘅時候真係驚為天人，餐廳做得好好，完全做到菠蘿炒飯嗰種特有嘅果香，大推。/

BTS美食站位處小曼谷隔離，原來是姊妹店，可以用手機落單，互相叫對方餐廳的食物。BTS美食站的餐牌比小曼谷簡單，以船粉及地道小食為主。冬蔭功海鮮湯粉友人獨愛冬蔭功湯粉，湯中加入椰汁，酸辣味比較溫和。海鮮配料豐富，計有鮮蝦、帶子、魷魚、蜆肉、蟹柳等，增添蔥粒令冬蔭功帶有香氣。金邊粉幼身爽滑，掛湯能力不俗。牛丸牛肉船粉船河是泰國地到粉麵，以滷水加入牛或豬血做湯底，赤色湯底浸着牛丸、牛肉、牛柏葉、芽菜、通菜等，可以放上幾塊炸豬皮、加一把金不換，配上粉麵，是平民美食。泰式醃豬頸肉沙律 豬頸肉斜切成厚片，肉質肥瘦適中，烤得爽滑彈牙，拌上酸辣生菜，爽脆得來又有肉香。小曼谷原隻芒果糯米飯此甜品上枱賣相與餐牌一模一樣，微暖糯米飯黏上甜甜的椰槳，配上一整個芒果開邊，味道甜美合意。芒果冬天雖不合時，難得地香甜軟滑。

呢到個位置真係好近宋王臺，幾乎一出黎就係。呢到既裝修都幾有特色，用泰國地鐵做主題。泰式馬拉盞炒通菜幾有趣既係呢到係有可以選擇少咸，通常呢個菜好多餐廳都好重手，但係呢到就算係正常調味都唔會咸，份量仲好 泰式炸蝦餅好大舊! 好足料，咬落去仲好彈牙。炸得好香脆，點埋泰式甜酸醬好好食~ 燒豬頸肉睇圖都見到有幾厚肉，肥瘦岩岩好，而且真係好大塊。可能因為燒過，食落都好香，有少少炭燒既味。 青咖哩海鲜青咖哩可以因應個人口味睇下要唔要少辣，我地叫左正常，不過都唔算好辣，椰漿味比較重，入面有帶子，青口，X魚等既海觧。另外仲叫左蒜蓉包配青咖哩汁，蒜蓉包擺左陣都仲好脆!小曼谷炒飯 (配蛋包飯)入面好多料，有蟹柳，扎肉，豬頸肉，蝦，料既比例都好高，全部切粒去炒，每啖都好滿足!芒果糯米飯芒果甜既已嬴一半! 糯米飯又唔會太硬，就算食飽都要堅持食既甜品!

一到冬天就想食泰國菜，最想飲碗熱辣辣冬陰功湯，今次試下位於九龍城BTS美食站！入到店舖牆上裝飾以火車飾物為主，非常特別！泰式鹹魚炒椰菜苗馬拉盞炒法就食得多，今次就點了鹹魚炒椰菜苗，鹹魚細細粒，鹹鹹地香噴噴，菜苗食落爽口又惹味！泰式生蝦生蝦新鮮厚肉，加入蒜片辣椒口感更加豐富！泰式鮮蝦炒金邊粉蝦肉大大隻又爽口，金邊粉炒得好乾爽不會太油膩，再加入青檸汁，甜甜酸酸好開胃，鑊氣十足！冬陰功（小）一鍋大約有四大碗，四隻大蝦🍤及雜菇，材料十足，辣到可以按照個人喜好選擇，調味適中，好好飲！芒果糯米飯這碟是泰國甜品必點的，糯米煙煙韌韌，芒果非常鮮甜，加入嘢那一齊食食唔停口👍

屯馬線真的很興奮，今日終於去咗宋皇臺站欣賞古蹟，搭車一場嚟到當然順便去食泰國野近B出口附近間有幾間泰國菜館，見BTS 美食站門口已經開始等位，食物價錢比較親民，唔怪得7點幾已經全場爆滿，好彩唔洗等太耐我哋就有位泰式豬手乾撈麵 💰6️⃣3️⃣豬手炆得好淋好入味🤤，乾撈麪比較有趙口好有泰式風味泰式鐵板蠔餅 💰1️⃣1️⃣8️⃣潮州蠔餅就食得太，泰式仲要鐵板上得一次試，用咗蛋漿炸得鬆軟，蠔仔都幾大粒泰皇咖哩炒大蜆 💰1️⃣3️⃣8️⃣泰式原味烤薄餅 💰3️⃣2️⃣食咖哩一定要加即烤薄餅點黎食，咖哩味道椰汁味較重，食唔到辣嘅朋友都可以食到P.S. 餐廳營業時間至晚上10點，想食晚飯就要留意一下啦🎈BTS美食站🎈九龍城南角道11號地下

好耐冇去過泰國旅行，今日嚟到九龍城，順便去食個泰國菜當自己去咗旅行。同朋友兩個人叫咗4樣嘢 - 泰式船河、豬頸肉、生菜包同埋脆炸豬手。 👆🏼泰式船河泰式船河同去泰國旅行時食到嘅一樣， 份量就比地道嘅大碗好多！ 👆🏼豬頸肉豬頸肉燒得好香口，有個特色醬汁一齊上檯，配啤酒一流！👆🏼生菜包生菜包辣度可以提升，唔夠辣好似小咗啲風味， 但塊生菜夠新鮮搭夠。 👆🏼脆炸豬手脆炸豬手睇嚟係點心，我見其他食客都有叫， 應該係招牌菜嚟，味道好香口，塊皮脆卜卜，肉又唔鞋口，好正！今日叫嘅食物，配返一支泰式啤酒， 簡直完美🤤！

屯馬線開通方便去九龍城食泰國菜，今日放工心血來潮想食泰國菜，約咗同事去九龍城搵食，宋皇台站B出口，有好多泰國餐館，望見對面有間好搶眼門口有個好大吹氣公仔，原來係一間BTS 泰國餐館。泰脆炸豬手(細 $128)皮脆而不硬，咬落卜卜脆，皮肉之間有薄薄膠質，脂肪不多不油膩，肉質嫩滑，鹹味夠，炸得乾身，香口惹味。泰式鮮蝦柚子沙律($98)柚子甜，彈牙鮮蝦，花生粒，汁酸酸甜甜好開胃，少少辣十分滋味。豬肉丸肉片船粉($63)爽滑豬潤，鮮甜豬肉條，彈牙豬肉丸，濃郁湯底。原個芒果糯米飯($72)煙韌微暖糯米飯，椰漿舖滿糯米飯上香甜，芒果又甜又香。鮮芒果沙冰($36)濃郁芒果味，唔會過甜。

講到食泰國野，一定係九龍城。自從開通咗屯馬線真係勁方便，朋友話：一上地面就見到餐廳門口有隻公仔同你揮手，保証唔會入錯餐廳每次都必食船河 / 湯粉「冬陰功海鮮湯粉」用冬陰功湯底真係好惹味，加入唔同種類嘅海鮮．蝦．蜆．魷魚...勁足料河粉滑嘟嘟，索哂湯底味道，正"海鮮孖寶"自由選兩款海鮮「牛油蒜蓉燒蟶子皇」香濃蒜蓉味．面層加上脆卜卜嘅炸魚仔，令口感更豐富，蟶子大大隻，新鮮又爽口「燒脆皮白鱔」白鱔唔係間間泰式餐廳都有，呢度嘅白鱔真係可以再Encore幾串，勁厚肉，一條幼骨都無，沾上泰式醬辣辣地...推介推介總括食物有質數，夠地道，下次一定再嚟

想係香港食泰國野一定揀九龍城自從地鐵開通左黎九龍城更加方便今次揀左依間好近地鐵站既BTS美食站BTS 即係泰國曼谷既地鐵餐廳裝潢帶少少泰國工業風呢到嘅船粉幾出名嗌左碗牛丸牛肉船粉試下湯底夠哂惹味，牛肉片同牛丸都唔錯沙律叫左泰式醃豬頸肉沙律豬頸肉份量都幾多，配埋沙律菜食好開胃依度有個海鮮孖寶 Set 幾抵食A同B區各自揀一款揀左牛油蒜蓉燒蟶子同脆皮燒白鱔蟶子有三隻，唔算好大隻但食落幾新鮮，牛油蒜蓉調味無得輸而燒白鱔有兩串，皮燒燒得外脆內軟食落好肥美，充滿鱔既油脂香最後叫左泰皇咖哩炒大蜆另外嗌多個蒜蓉包一齊食一定要配埋泰皇咖哩一齊食，好正整體食品唔錯，值得一試！

同舊同事敍舊， 地點又想就返大家， 決定去九龍城食泰國菜。 BTS呢個久違了的名詞， 令我有即刻去旅行嘅衝動！ 可惜！三個人叫咗幾個餸； 泰式拼盤、鹹肉炒椰菜苗、豬肉丸豬肉船麵、脆炸豬手、生菜包、炭燒豬頸肉等等。泰式拼盤有炸蝦餅、魚餅、等等泰式小食。 炸物香口唔覺熱氣油膩。 鹹肉炒椰菜苗味道好好， 菜唔會太老，但舊鹹肉就硬咗少少。 船麵好正宗地道， 泰國食嘅味道， 配埋一小碟炸豬皮， 令到我又去泰國旅行嘅感覺。 其他生菜包、炭燒豬頸肉等等嘅食物，味道亦都唔錯，辣道可以提高少少。 脆炸豬手 - 一個字， 好正！ 皮脆肉嫩！個人認為係必點嘅菜式。餐廳侍應嘅服務有禮， 味道很好， 一定會再幫襯！

💛💛💛 BTS美味站 💛💛💛💛💛💛小曼谷泰國美食站💛💛💛九龍城搵間泰菜唔難，要搵間好食既黃泰菜就選擇唔多啦。今次好好彩，搵到間好食既👍🏻。燒雞髀菇 $17 - 有少少乾身，好彩唔係燒到燶左既味道😂。燒雞軟骨 $17 - 好食，外面燒得乾身（讚），咬落去油香出晒黎😛。燒翠肉瓜 $17 - 同樣都係菜，但比燒雞髀菇好，至少唔會好乾😂。一串三塊，都幾厚身👍🏻。燒豬肉丸 $20 - 燒得好，抵食！食落個感覺好似食緊嗰啲船河🤪，係夜市啲麵既肉丸啊😍。泰皇咖哩炒大蜆 $138我哋揀黃咖喱唔太辣，椰汁味好重。下次我地可能會揀啲辣啲嘅咖喱😛。份量超級大份，兩個人share絕對食唔晒。大蜆數量多，最終我哋每人都食咗成十幾隻😂。啲蜆大唔大隻就因人而異啦，我寧願佢比大隻少少既蜆，但數量少啲🤔。泰式原味烤酥餅 $32好！鬆！化！同咖哩絕對係絕配！就咁睇相都睇到佢係拱形，啲酥皮裡面有好多空氣，整得好☺️。泰式干炒豬肉河 $77每次食泰國嘢都一定要食依個餸，炒得乾身，食落一啲都唔油，好食啵😍。麵質有少少煙韌😆。肉同蛋既份量都唔少，調味唔錯唔太鹹。價錢正常，同其他泰國舖差唔多。芒果沙冰 $36飲到真芒果味，唔太甜，我

出到九龍城想食泰菜，經過BTS美食站，見門口有隻吹氣公仔似層相識，入左去望望餐牌，原來我去過他們的總店食晚飯，第一次見有船粉，即刻點黎試試，另見佢哋嘅泰脆豬手係鎮店必食推介都好吸引，最後我哋叫左：豬肉丸肉片船粉河粉（可選擇轉米粉、金邊粉、蛋面、粉絲）- 湯底味道特別肉丸肉片粉量吾少泰脆豬手 - 外皮超脆，肉質嫩滑，配有都幾好食嘅蝦片泰式乾炒肉片河 - 河粉闊幾特別，肉片嫩滑，味道惹味適中，吾會偏咸或偏淡豬、雞串燒 - 配 有花生粒醬 ，多了口感份外好味

水準一流 每樣嘢都好好食 唯獨係鋪頭裏面比較老嗰個阿姐 ，非常無禮貌 ，已經唔係第一次 ，其他員工都好好 ，兩個老細都好有禮貌 ，但係唔知點解個阿姐 ，而家仲有人咁嘅服務態度， 請著你真係慘

食泰國菜, 依家搭MTR 就隨時隨地去九龍城!! 真係好方便~最近同好友去左南角道既BTS美食站, 地鐵站一出, 行唔洗一分鐘就到, location 好好！呢間泰國菜不設加一，好抵食~我地叫左海南雞飯、泰式乾炒河(牛), 咸肉炒芥蘭, 最後仲點左芒果糯米飯~海南雞飯 - 我地加左$10轉雞脾肉, 雞肉嫩滑，拌著自製辣椒醬食，愈食愈開胃!! 泰式乾炒河(牛) - 好有鍋氣, 份量又多, 熱辣辣咁食係正既, 食得好滋味!咸肉炒芥蘭 - 芥蘭爽口又健康, 咸肉又唔會太咸, 而且有d 微辣, 唔錯~芒果糯米飯 - 食泰國菜必點既甜品,香甜軟熟既糯米,配上帶一點點鹹味既香濃椰漿,仲有甜甜既芒果,必試！價錢非常抵, 地理位置好, 下次會再黎!!

《正宗泰好味😋》———————————————-#BTS美食站 🇹🇭 -屯馬線開通咗之後真的很高興，去九龍城方便咗好多，早排就專登去泰國街食泰菜🤤見到牆上嘅BTS地圖，完全引起左我鋪旅行癮😭-🦀 泰式咖喱法包軟殼蟹即叫即整，熱辣辣咁上枱，非常足料！軟殼蟹夠晒脆卜卜，一啲都唔油膩，炸得酥脆😋 泰式咖喱非常出色，唔洗驚辣，反而帶點椰香甜味，將軟殼蟹同法包點埋一齊食，超夾💖-🍜 冬陰功船麵水上市場船粉完全就係泰式風情必點之選👍🏻 冬陰功湯底濃郁，招牌船麵揀咗幼身嘅金邊粉，吸哂啲精華😚-🥭 芒果糯米飯原隻芒果係泰式芒果嘅清香爽口感，同軟黏嘅糯米飯配搭得恰到好處，淋上香甜嘅椰漿，層次豐富😍 -飲品方面，泰奶非常香濃，煉奶味好出，超級順滑🥰而龍眼冰好清甜，清熱解渴～-⭐ 參考價錢︰泰式咖喱法包軟殼蟹：$168冬陰功船麵：$67芒果糯米飯：$72泰式奶茶：$26龍眼冰：$26🍌 抵deal 指數：7/10💰 人均消費︰$175