BTS美食站

營業中

休息中

今日繼續去九龍城搵食，朋友二話不說就話要揀泰國菜，所以今次就搵咗呢間小曼谷餐廳《BTS》。一坐低，見到餐牌有孖寶海鮮，即刻點食，我哋分別揀咗：牛油蒜蓉燒聖子皇聖子大隻入口有好濃郁嘅牛油蒜香味，肉質鮮甜厚實，今晚舖頭最後三隻聖子王都俾我叫到，所以食落零舍滋味。鹽燒鮑魚燒嘅火候啱啱好，帶點焦香，食落爽口鮮甜，配上魚亁，鹹香氣四溢，好有層次感。泰王咖喱法包軟殼蟹軟殼蟹 🦀 都幾大隻，炸得金黃，食落唔粉唔會太油，正好配上甜甜嘅咖喱，好香。咖喱唔會太過稀身，法包配上咖喱汁超級好味。泰式鮮蝦炒金邊粉呢隻金邊粉炒得相當有鑊氣，條條分明，大蝦數目都有五六條，亦夠爽口，滳上青檸汁，酸酸甜甜更加好味。小曼谷原隻芒果糯米飯糯米飯份量唔少，入口熱辣辣，好糯又唔會過軟，面頭淋上椰汁勁香濃，芒果都好甜。椰皇沙冰一杯可以兩份飲，沙冰清涼，飲落絕對唔係假嘅甜味，椰皇果然特別唔同，大讚！

九龍城出晒名食泰國美食，有日下午見到呢一間平平哋，今晚又驚過佢，決定比次機會試一次。海鮮孖寶呢個套餐真係超抵，有A B兩個選項，每樣都可以四揀一，當晚點左一份牛油蒜蓉燒蟶子皇加鹽燒鮑魚。蟶子剛好燒得離殼，口感爽彈，牛油蒜蓉能夠為海鮮提鮮；鹽燒鮑魚上面放咗脆卜卜嘅白飯魚，食落更加香口，而且要讚餐廳清洗鮑魚清得非常乾淨。小曼谷原隻芒果糯米飯黎到泰國餐廳必食嘅一道甜品，雖然唔係芒果季節，但係甜度都好高，糯米飯軟熟黏糯，加上微甜嘅椰醬，為成餐飯做咗一個最後嘅點綴！泰王咖喱法包軟殼蟹份量相當驚人，軟殼蟹炸得鬆脆可口，咖喱唔會好辣，點上外皮脆脆既法包，真係最佳配搭。泰式鮮蝦炒金邊粉又係必點菜式，炒得乾身，配上適當嘅花生、鮮蝦、芽菜、加上酸酸甜甜嘅醬汁，呢碟金邊粉炒得特別香口！椰皇沙冰食咁多油膩野，一定要叫返杯青涼解膩嘅飲品，餐單上可以選擇少甜，飲落去啖啖椰子香。餐單上面真係好多嘢食，心大心細嘅你一定有排揀！

👅 海南雞本身以為海南雞飯係得新加坡先有，原來呢間泰國餐廳嘅海南雞飯都一樣可以做到好好味嘅海南雞飯😍雞肉好多汁，好嫩滑，食落一啲都唔鞋口，最欣賞佢有特色嘅汁，酸酸甜甜咁，超級開胃呀😎．👅豬頸肉油飯呢度嘅豬頸肉同出邊嘅有啲唔同，因為出面嘅餐廳係好肥好油膩😛但係呢度就冇咁油膩之餘仲食到有少少脆皮嘅感覺，加埋特別嘅油飯，食落唔會好油膩，好有泰國嘅風味呀🤤．👅 冬陰功湯豬肉片金邊粉佢個豬肉片煮到好似牛肉咁樣，好新鮮爽口😍好特別😍好鍾意佢個冬陰功湯，呢度個湯好重奶味但係又唔會好辣，好啱食唔到辣但又想試吓冬陰功味道嘅人啊😆．👅 芒果糯米飯芒果糯米飯係去泰國餐廳必食嘅甜品😛呢度芒果糯米飯非常出色啊，食落口嘅糯米飯有淡淡嘅鹹味，面頭嗰劈椰奶又係有少少鹹味，食落好似芝士奶蓋咁🤩好好食呀😚

今日同好朋友心有靈犀咁想食泰國菜，所以就去左九龍城搵食。.我地叫左芒果蟹肉炒飯，飯炒得金黃，芒果份量也多，蟹肉同芒果十分搭，值得推介。.我地仲叫左呢度特色既船麵，牛肉，牛丸，牛栢葉充滿住成個碗，個好似面盤咁大，真係好抵食架!我地仲叫左串燒，有雞牛串燒，燒得剛好，唔會好老，仲有雞全翼同埋雞腎，雞全翼十分咁大隻，食完好飽呀！雞腎好彈牙，食完一串都唔夠，要再叫。.仲叫左個飛天通菜，唔會好辣，好快我地兩個人就清晒成碟啦！.最後當然要叫佢既招牌炸豬手，炸得脆卜卜，睇見都流晒口水，唔會好鹹，而且仲有個甜酸醬點，十分惹味。

今天一家人去左新蒲崗行街，行過左去九龍城食左呢間BTS美食站。門口有好大個歡迎公仔，好搞笑。先生叫左泰啤，味道清醇，同平時既啤酒真係有分別。我叫左杯椰汁冰，有得揀少冰同少甜，十分貼心，即刻好似健康左。首先叫左招牌菜，炸豬手，炸得十分認真，表皮炸卜卜，金黃色，而豬手則十分滑嫩，鹹香既豬手配上酸甜醬，特別地夾。之後叫左呢度特色既牛丸牛肉船麵，第一次食船麵，原來咁好食，佢有得自己揀麵底，我就揀左河粉，佢配料超多，牛丸有成三四粒，仲有牛栢葉，牛肉，仲有通菜同埋香料，而且個湯底好香濃，好足料，忍唔住飲左好多啖。

今日來到九龍城，我地去左一間叫BTS的泰國菜度食，原因係佢個名係我地之前去過曼谷坐過的BTS捷運系統。當然，入去都係一間正常的泰國菜館，但D野食係好食的。我地叫左兩個套餐，一個係牛丸牛肉船粉，一個係風味豬頸肉配無骨海南雞油飯。先講個牛丸牛肉船粉，個湯底好飲，一個好湯底係可以改變世界(我覺得)，當然佢D粉同牛肉牛丸都好食啦。另外，風味豬頸肉配無骨海南雞油飯，個豬頸肉燒得夠香，海南雞D肉夠入味，加埋油飯，一流。除此之外，我地仲叫左三串串燒，串串都咁入味，一餐食齊豬、牛、珍寶腸串燒，正呀。當然，食野係唔少得餐飲，叫左一客椰青，解渴之清泉，另一杯飲就叫左夠哂地道的泰式冰奶茶，同港式奶茶真係有分別。最後，我地叫左椰汁西米糕同千層糕，糕糕入口，思鄉感覺出哂來。食完呢餐，我就當左係去左泰國啦。

九龍城真係有好多好正既泰國餐廳，今日去呢間餐廳好正宗。睇睇餐牌，見到都有幾多選擇。呢度可以用qr code 落單，好方便！我地點左食泰菜必食既Pad Thai，Pad Thai落左好多香料一齊去炒，非常惹味，入面左好足料，有好多隻彈牙既大蝦。另外，冬天食返碗熱辣辣既粉絲大蝦煲就perfect啦！粉絲口感超好，夠彈牙，又夠乾身，唔會軟腍腍咁，好好食。呢個蒜茸蒸蟶子都好入味，好好食。黎食泰國菜點少得飲椰青呢，清甜既椰青好夾啲泰菜。食埋芒果糯米飯就perfect!

位於九龍城的一家連鎖的泰國菜館，旁邊也有分店，這家店走工業風，餐廳裡面的一幅牆上貼了一張大大的泰國地鐵站線圖的，上面有介紹每個站的特色、名勝景點等，聯想起泰國。上菜相當迅速，下單後等了一會已經陸續到達。餸菜香氣四溢、新鮮炒起，上枱還冒著煙。炒菜：泰式鹹魚炒椰菜苗椰菜仔爽口，色澤油光鮮綠，炒得香口，不帶澀味。炒河：香葉辣椒雞肉炒河 河粉佐以蔬菜、香葉、雞肉片炒，調味可以挑選辣度。河粉闊條，口感嫩滑且帶有鑊氣，惟河粉稍有點油膩。甜品類：椰汁西米糕拼泰式千層糕雙拼的甜品，兩款泰式著名的甜品皆有，甜度適中，椰香味濃。飲品類：番茄仔沙冰沙冰多款，這個番茄作材料的製成沙冰，那股番茄獨有的味道特別清新，配上沙冰一起攪拌，更加配合。飲品類：芒果沙冰泰國菜總是離不開跟芒果有關的食材，這款沙冰的質感厚厚的，而且濃稠，味道也不算酸。

又去九龍城食泰國菜啦，呢間餐廳好近宋王臺地鐵站，一岀站就見到，好方便。~~牛丸牛肉船粉河粉呢間餐廳嘅船粉都幾岀名，所以叫咗一碗試下。果然名不虛傳。湯底好濃郁，d河粉吸曬d湯，好惹味。牛丸好彈牙。~~風味燒豬頸肉份量好大，肥瘦啱啱好，唔會燒到好乾。肉質爽口，加埋個汁，少少酸少少辣，好開胃。~~招牌海南雞(半隻)半隻份量都幾多。海南雞肉質嫩滑，就算係雞胸位置都好滑，好好味，啖啖肉。配埋個醬，好惹味。~~泰式蒜蓉包好香蒜蓉味，好脆。好好味。餐廳用qr code點餐，好方便。員工服務態度都好好，會再去。

一向都知道九龍城有好多泰國菜食，今次就去咗一間一出地鐵站行幾步就見到嘅——BTS美食站📍餐牌選擇好多💕店員服務都唔錯👍🏻._.🐷｜泰脆炸豬手｜🐖大大隻脆炸豬手，呢種脆炸食法好少食到，好特別，表皮炸到香脆可口，咬落去真係有脆卜卜嘅聲音😋加埋粉紅嘅豬手肉，肉質比較淋身，好食到成隻豬手都可以食晒😆旁邊仲有好多脆炸蝦片🦐鹹鹹地味道好夾👍🏻·🐮｜牛丸牛肉船粉｜🐂面頭有牛柏葉同牛肉，牛肉份量好足料，面底有幾款可以揀，大大碗好抵食😋味道亦都唔錯㗎💓·🧀｜泰式炸芝士蝦球｜🦐呢個一上菜都俾佢嚇到，三粒芝士蝦球超級大粒🤩裏面啲芝士餡多度滿瀉，作為芝士控見到流心嘅芝士🧀非常興奮💕仲要係濃味嘅黃色車打芝士💛熱辣辣加埋蝦肉，好好食💓._.📍BTS美食站 (九龍城)📍九龍城南角道11號地下

<<生在美食天堂，點可以唔識食>> <<I born in Paradise of Food，why not explore deeper?>> 九龍城一向多快餐不過今次時間唔多，食完仲有節目怱怱入左間顏色鮮艷既餐廳入到去發現以泰國地鐵站(BTS)為主題但係好可惜好耐無機會去泰國一次對泰國地鐵唔算好熟悉不過見到餐牌都係一D比較簡單快捷既泰菜不過愈快愈見真章今日黎到食晚餐人流都唔少牛肉牛丸牛柏葉船麵牛肉似鮮牛肉，雖然唔係話肉味好濃牛丸就唔係平時貨色，唔知會唔會係自己打咁有誠意呢牛柏葉就係牛柏葉，平時打邊爐見到果隻湯底麵底都出色，濃色濃味總結坐位距離適中光猛衛生情況尚可太多選擇一次試唔曬有緣再黎

好耐無食泰國嘢，今日約咗之前一齊去泰國嘅兩個friend懷念下泰國美食牛油蒜蓉燒大蜆（$118）超級多蒜蓉，蒜香加埋牛油去除左海鮮嘅腥味之餘仲提升咗佢嘅鮮線😝，同埋大蜆燒完之後仲係好juicy泰式鮮蝦炒金邊粉（$84）每次食泰國嘢我都要點金邊粉，呢個金邊粉會跟一個酸酸辣辣嘅泰式醬汁，鍾意辣嘅人一定要加，因為會令個金邊粉更加惹味！有三隻大蝦，蝦肉夠爽滑🥳泰式粉絲焗大頭蝦（$188）超大既粉絲煲，入面有4隻大過手掌既大頭蝦，底下仲有多芹菜、八角同豬頸肉做調味，粉絲唔會過乾，口感啱啱好，煙煙銀銀唔會太淋，最重要係超入味，充滿蝦香，好好食小曼谷原隻芒果糯米飯（$72）芒果同椰汁都好甜，做甜品岩岩好

今次同朋友就黎到九龍城搵泰國野食，一入到去就見到泰國鐵路bts既地圖，令我諗返起以前係泰國搭地鐵搭錯線既日子😂店員態度好好，叫左個椰青，大個又多肉，好清甜。入面仲有珍多冰，其他餐廳少有既啫喱同大樹菠蘿。主食方面，首先叫左炸蝦餅，黎到係熱辣辣 岩岩炸好，厚肉又彈牙。再叫左豬頸肉，豬頸肉份量好多，又多汁唔會乾。 馬拉盞炒通菜好大碟，菜都幾嫩，唔會有渣。青咖哩入面有好多海鮮，有青口、帶子、魷魚等等，而咖哩個汁好濃好好味，配埋蒜蓉包好夾。小曼谷炒飯係一個蛋包飯，蛋皮唔會好老好乾，係有厚度既，而炒飯既料都唔少，有蟹柳、札肉、蝦同豬頸肉。最後就係甜品，黎到泰國餐廳點可以唔食芒果糯米飯！呢個芒果好甜，糯米飯熱辣辣，好軟糯，再配埋上面既椰漿，好好味。

媽媽最喜歡食泰菜，九龍城的泰菜最出名，這間BTS都幾多好評，今晚一於同媽媽、老公一齊食泰菜🤤🤤黃咖喱雞肉配烤餅黃咖喱和烤餅是好朋友，烤餅吃得多，今次真的有「叮」一聲的感覺，烤餅好似薯片一樣，又是另一種口感！個人就幾喜歡，卜卜脆😮‍💨😮‍💨黃咖喱雞肉有兩隻小雞髀、雞翼等等，都幾足料，夠入味。泰式鹹魚炒芥蘭泰式鹹魚有鹹香，芥蘭夠鑊氣👍🏼明爐桂花魚桂花魚新鮮煮起，香噴噴♥️魚肉滑嫩，有鮮味。配料都好足，有芫荽、酸梅、菇、辣椒🌶絲、甘筍絲🥕，超豐富♥️ 泰式海鮮濕炒河粉海鮮的種類多元化，有魷魚、蝦、蜆肉等等，配上泰式河粉，一大片一大片，煙煙韌韌💓而且很有鑊氣，好味。

BTS美食站九龍城南角道11號地下/🥂泰式臘腸沙嗲串燒 $20未試過泰式臘腸，所以叫咗嚟試，感覺係介乎香港臘腸同埋台灣香腸之間，油香、肉香得宜，好好食。/🥂泰式燒原隻鮮魷 $118燒到超靚仔，魷魚上面帶有焦香，外皮脆脆地，加上魷魚嘅煙韌口感，真係世一小食。/🥂豬肉碎生菜包 $90豬肉碎同埋生菜嘅份量都好充足，豬肉碎炒得夠香，夠乾身，生菜洗得乾淨、新鮮，冇得輸。/🥂椰青 $37唔使講，必飲，非常清甜。//#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hkig