Bingle Bingle 空中列車烤肉

營業中

休息中

今晚去咗荔枝角碧海藍天bingle bingle食韓式燒肉，好鍾意呢個cyber look嘅design. 最得意嘅係送餐用小火車，遠望啲食物慢慢駛埋嚟，成件事好期待又playful!套餐定食由$48去到$288，豐儉由人。1. 車輪泡菜五花豬肉卷燒到脆邊，醃肉葉得甜甜辣辣，好惹味2. 特級雞爽肉，貌似雞柳，但肉質出奇柔軟3. 韓式牛肋骨，juicy得來有肉味4. 最令人期待嘅韓牛日韓極上套餐（300g)，有三款牛肉部位，宮崎A4和牛三角腩，油花均勻，入口甘香😋；宮崎A5和牛肉眼蓋，1++韓牛前腿肉，屬韓牛最高級別。呢個餐只係$288，但可以食曬日韓牛，份量相當多，我覺得最正嘅三角腩都有成8塊，好抵食。食燒肉配埋生蛋紫菜飯，perfect!

烤肉食得多，1人烤肉而家都開到周圍都有，但呢間主打韓式烤肉仲要有列車運送既1人烤肉店全港可能真係得1間，話說早排網上睇到報道都有介紹呢間空中列車烤肉，老友睇到都有推介話想試試，今日放假就一於出城黎食個烤肉午餐啦。餐廳位置開係荔枝角碧海藍天商場入面，位置黎講都算幾偏，主要都係做返屋苑客多，假日1點半黎到都等大約10分鐘左右就入得了，順帶一題有d位係無列車送餐服務的，如果指定要列車位就可能要等耐d。門口仲有d小禮物哄下小朋友開心，餐牌價目表門口都有，可以用好經濟既價錢食到和牛同韓牛。1++韓牛日韓整上套餐我就揀呢份日韓牛套餐，150g但份量都唔少，有大約8塊既韓牛前腿肉，6塊宮崎和牛同4塊比較肥既和牛三角腩，韓牛腿肉味較濃，口感會實d，和和牛肉眼會鬆軟少少，肥既部分唔洗講一定係入口即溶，200蚊就可享用到3款高質既牛，你話抵唔抵先，套餐仲有湯有飯有前菜，我諗唔到要彈既地方。人氣牛肉三拼套餐老友A揀左呢份250g，份量好多下岩晒佢大胃王，呢3款都係美國牛黎，口感同肉味都係好突出。Bingle套餐老友B既選擇，車輪泡菜五花肉卷造型好靚，半肥瘦五花肉好香口，呢個套餐要留意既係無飯跟既，只有湯。另

家附近新開了一家有意思的店，深受小朋友們的喜愛，特別是愛吃烤肉的小朋友。餐廳位於荔枝角，碧海藍天AEON地下。這間餐廳別具特色，餐食由空中列車送至大家面前，再親自落手燒烤，還沒吃小朋友們已經開心到爆！套餐的價格不算太貴，給孩子點了車輪泡菜五花豬肉卷套餐，五花肉肉質鮮嫩，烤好後用生菜包住吃，還搭配了小菜和湯，真是既好玩又好吃！各種牛肉的品質也很上乘，還有多款醬汁可以搭配選擇，絕對適合一家大細一起，又吃又玩的好地方！下次還要再來！

間店10點30分閂門，兩個人8點40分去食，一入去咁多位，個員工就叫我地企喺門口等，完全忽視我地仲有一個半鐘，啲員工個個好似趕住收工咁，態度勁差。好似好唔情願搵位俾我地咁。叫我地即刻落單 食快少少。9點就開始趕客咁😅啲員工眼神仲要勁唔nice，好似催緊你嗱嗱聲走咁😅呢間仲要唔收現金。總結一句，對呢間真係冇下次😅

兩個人8:40幾分去食,就叫我哋即刻落單,話10點前要走,唔收現金只收電子支付,當時呆咗第一次聽,咁啱冇電子支付,仲要特登行去七仔增值,坐低冇幾耐就好似趕客咁,特登推架車仔係你隔離執嘢,員工態度都串串吓咁,八點幾就諗住收工😅😅😅

[ Bingle Bingle 空中列車烤肉 ]荔枝角最近新開呢間韓式新派烤肉店，主打一人烤肉及全自動化系統操作概念。列車路軌貫穿餐廳，用自己手機點餐後，列車🚆會將食物送到面前。每個座位有獨立迷你燒烤爐🍖，提供7款醬汁蘸料按自己喜好調配，包括自家秘製燒肉醬汁、香草蒜蓉燒肉汁、韓式辣椒醬等。一人烤肉套餐✿ Bingle套餐(車輪泡菜五花豬肉卷) $68五花豬肉卷🐷切成車輪造型，肥瘦雙間，以泡菜汁醃製。放入烤爐🔥每邊燒1分鐘就烤至金黃焦香，味道帶辛辣🌶，油香濃郁。套餐配生菜、泡菜、蒜片及韓式涼菜。將五花肉包入生菜🥬，加上醬汁及配料，肉汁爆滿。✿ 1++韓牛日韓極上套餐(150g) $198套餐配白飯、韓式牛肉雜菜湯及韓式涼菜。有三款牛肉🐮：韓牛前腿肉（韓國🇰🇷最頂級1++級別）、日本🇯🇵宫崎A5和牛肉眼蓋及日本🇯🇵宫崎A4和牛三角腩。韓牛肉味香濃；A5和牛油花均勻；A4和牛油脂感重，入口即溶。單點✿ 薄牛舌(100g) $52✿ 韓式牛肋骨(200g) $58套餐以外可以單點肉類、海鮮、蔬菜等烤物。最後追加呢兩款牛類🐮都係每次燒烤必食。🤤總結🫦 烤肉店套餐款式多，價錢親民，而且全日免收加一

這家店每次都很多人，建議在The Gulu上拿號，這樣不用去現場等位了。我試過一個人，兩個人，四個人去吃！都挺舒坦的。不過套餐分量不大，女士可能剛好，男士應該是吃不飽。宮崎和牛烤肉 $178肉的質量很好，雪花很美麗，每面炙烤20s就可以吃了，蘸芝麻醬很美味肥牛下有蘑菇，可以先放在烤爐上多烤烤。招牌的車輪卷烤到焦脆，放在生菜上，加上大蒜和泡菜，很韓國風味。雞肉要烤久一點，但也很鮮嫩。建議點個鯛魚燒，小小的一口一個，外脆裡糯。

碧海藍天呢個商場 一直以來嘅餐廳都有唔算好特別，通常都係啲連鎖餐廳。所以好少喺嗰個商場食飯。今日竟然見到有間新開嘅燒肉店，而且好多人排隊，於是決定一試。餐廳嘅裝修係用列車做主題，最有趣嘅地方佢係有㗎列車送餐去到你嘅枱前面，好似迴轉壽司咁。小朋友見到開心死。叫咗一個三重和牛套餐，300g, 二百幾蚊，一上到枱，俾佢個份量嚇親。300g非常多，總共都有成三十塊牛肉，一個人絕對食唔晒。建議可以朋友叫一個普通份量嘅餐，然後兩個人share食。和牛牛肉肉味香濃，每個部位嘅脂肪含量適中，所以油香味豐富，但又唔會太過肥膩。另外，朋友叫咗一個普通嘅牛五花，估唔到質素比想像中好，肉味濃郁。但價錢非常之抵，只係需要$88。呢個價錢嚟講，其實幾抵食，不過啱啱開張，所以好多人，需要花啲時間排隊。

知道最近新開咗間韓式烤肉店係附近😋呢日同小朋友上完堂就帶佢哋一齊去試吓‼️因為呢間餐廳嘅特色就係「空中列車烤肉」即是利用列車送餐～用QR code落單後列車就會把食物送到你面前，小朋友見到真心超興奮啊～打卡一流👍另外還有多款醬料及水無限任添😆方便又省時！我哋今次點咗兩個套餐及另外單點幾份肉再encore😋1）美國牛小排拼黑毛豬肋條及特級雞爽肉套餐牛小排肉質鮮嫩多汁，黑毛豬肋條又香又惹味，肉質又軟又淋不會太過硬，另外雞爽肉都好值得推薦👍小朋友都話要再單點雞肉🍗2）美國牛五花拼美國牛小排套餐牛五花肉質多汁，油脂分怖豐富～好滿足😋牛小排值得一試，以呢個價錢食到咁高質嘅烤肉，性價比十分高～👏👏餐廳座位寬敞舒適，員工仲好細心照顧小朋友，見我哋有比較小嘅幼童，都會提醒我哋小心爐及建議我哋用一個爐，避免小朋友意外接觸到，我哋一定會再次回訪，真心值得一試再試👍下次試埋其他先‼️

荔枝角新開Bingle Bingle 空中列車烤肉店🚄簡直係荔枝角居民的福音😆終於有啲新嘢食下！🥩🥩餐廳用空中列車做主題，用左一人一爐的設計，食物會由列車送到你面前🚄 睇住佢送餐過黎再打開個下見到啲食物，真係大人細路都好開心🤣我地兩個叫左一個set再加多左好多款唔同的肉類，套餐會跟飯、湯、泡菜。枱上面有幾款醬汁俾大家點下，BBQ汁、燒肉汁、芝麻醬、玫瑰岩鹽、黑椒。🔸宮崎和牛套餐 $178🐮一共有3款，分別係宮崎 A5和牛肉眼蓋、宮崎 A4和牛肩肉、宮崎A4和牛三角腩，油花好靚，啲油真係會滴出黎，燒既時候好搶火🔥食落好軟嫩，有少少入口即溶既感覺😍🔸薄牛舌🔸日本大扇貝🔸特級雞爽肉🔸黑毛豬肋條🔸美國牛五花🔸車輪泡菜五花豬肉卷散叫既肉都唔貴，加返碟我鐘意既牛舌😛強烈推薦特級雞爽肉🐣燒完好好食，肉質好彈牙爽口，雞肉又滑！另外都多人叫車輪泡菜五花豬肉卷，好有韓式的感覺🇰🇷仲可以用生菜包住食🥬海鮮都有幾款，要左大扇貝，充滿鮮味，落左少少黑椒調味🥰📍#BingleBingle空中列車烤肉(#荔枝角美食)#荔枝角 碧海藍天AEON超級巿場地下L002號舖➡️𝗙𝗼𝗹𝗹𝗼𝘄左我未啊😚跟住我去飲飲食食😎吃是真愛

週一中午準備趁人少一個人快快試下呢間，the GULU上面顯示一個人無需排隊拿號。去到現場見到門口其實已經排一大圈人，一人號我係第一個，拿A001。一個人位第一個號，應該好快了吧，於是耐心等候。結果睇完menu左等右等20分鐘都只係不停叫四人號，但無麽人係四人號的，有兩三張四人檯無人坐。咁點解無二人號一人號叫號呢？原來係有一個八人大group坐係一人一爐的單座上慢慢傾計。五六個細路一早食完係度玩，等旁邊幾個阿媽傾計。我唔覺得客人慢慢食有問題，但明明應該坐多人卡座你安排坐單人位，其他二人單人客人等半個鐘無位，兩三個大卡座四人位吉住無人入，呢間店的座位安排合理嗎？終於等到一大班客人走了，咁多單座，應該單人號兩人號都可以安排入了吧。佢又話按到達時間安排啦，四人卡座繼續吉住，兩人號單人號就一齊爭單座的座位。8個吉位最終俾曬兩人號，我呢個單人位第一個號等左35分鐘得個吉。算了吧，似乎唔係咁值得等了。不如直接唔好出單人號啦！四個人以上就可以佔單人座，有位你又唔俾其他客入。得個等字。

食住近期燒肉條水而開嘅燒肉店。擺幾罐韓國汽水，韓國泡菜就用韓國做賣點，再整條路軌話列車🚄送餐，花臣多多但請做好食店最重要嘅重點先，就係食物嘅質量。所謂列車送餐，只係搵個有轆行軌嘅面包盒將食物送上檯。但其實開店時有無做過測試？厚木底盤鬼咁重，仲要有湯，加上檯面同路軌都爭半尺。我作為一個大人，要擰測身伸手從架列車先拉個盤出嚟，再擰起成個木盤放落檯。呢個動作實有少少難度，好易倒瀉晒。唔知係咪因為驚倒瀉，所以飯同湯都係路熱嘅再講d肉，實在好耐無見過呢啲完全無油花嘅肉，上碟時已乾炆炆，好似擺咗好耐咁。燒完d咁薄切嘅肉都係硬崩崩嘅，仲要零肉味Conclusion, 午餐都要人均過百， gimmicks 嘢比人搵過一次笨就算

在碧海藍天AEON G/F 最近開了一間燒肉店，主題燒肉快車送餐，今天去了這間餐廳一試。一開始在晚上六時取票，要等到六時四十五分才可進入餐廳，門外好多人在排隊等候。看過餐牌，有好多款燒肉套餐，主打日本宮崎和牛，1++韓牛及美國牛仔肉，最後點了一份1++韓牛套餐及一份日本宮崎和牛。點餐後，空中列車幾分鐘後送餐，用雙手取餐，有一份期待感。以這個定價，我覺得燒肉質量不錯，而且燒烤爐旁邊有多款醬汁及調味料供應，值得一試！！！

今日同男朋友行開荔枝角, 聽朋友講有間新開既烤肉好好食, 位於長沙灣深盛路8號號碧海藍天AEON超級巿場地下既空中列車烤肉 一去到間餐廳門口! 已經見到大排長龍! 好在我地一早已經係網上攞左飛! 所以等左唔夠20分鐘就入到去餐廳採用qr code 自助落單, 至於點解叫空中列車, 因為送餐既時候會有列車自動送去你個位到! 非常有趣!! 枱上面仲有簡單烤肉教學! 唔同肉類大概要烤幾耐! 非常貼心! 仲有唔同既醬汁比你去選擇, 應有盡有我地叫左一份 韓牛日韓極上套餐($198), 共有3個不同部位, 男朋友話牛舌超級好食, 好有口感!一份美國牛五花拼美國小排套餐($138) , 大大塊肉, 份量非常多 和一份宮崎A4和牛肩肉50g($78) , 鍾意食和牛既朋友絕對唔可以錯過, 入口即融既和牛, 新鮮口感一流, 回味無窮!全程自助落單, 取餐, 自助烤肉, 送餐速度亦非常快捷, 確實非常特別, 極力推介朋友去試試呢間空中列車烤肉! 記得網上攞定飛!!

今日同朋友專程去荔枝角，食左呢間新開嘅韓國燒肉餐廳—Bingle Bingle 空中列車烤肉。餐廳入面光猛又闊落，坐得幾舒服。燒烤爐有個盤裝住醬汁調料，可以任添好方便。嘢食用QR code落單。餐廳上菜速度好快，有㗎車車運送D嘢食過嚟，好得意，好啱打卡。我地叫左宮崎和牛套餐(150g) 配溫泉蛋紫菜飯同1++韓牛日龍極上套餐（300g），再加左個薄牛舌(100g）試下，兩個套餐都送前菜同湯開下胃。嚟到肉類，全部都好新鮮，燒完食好惹味。我最鍾意係食佢個A4和牛肩肉同埋韓牛前腿肉，兩個牛味都好重好香。我朋友鍾意食脂肪，所以就最鍾意和牛三角腩，入口即化。如果你鍾意食燒肉放題，呢間韓國餐廳絕對值得—試！