Bingle Bingle 空中列車烤肉

營業中

休息中

週一中午準備趁人少一個人快快試下呢間，the GULU上面顯示一個人無需排隊拿號。去到現場見到門口其實已經排一大圈人，一人號我係第一個，拿A001。一個人位第一個號，應該好快了吧，於是耐心等候。結果睇完menu左等右等20分鐘都只係不停叫四人號，但無麽人係四人號的，有兩三張四人檯無人坐。咁點解無二人號一人號叫號呢？原來係有一個八人大group坐係一人一爐的單座上慢慢傾計。五六個細路一早食完係度玩，等旁邊幾個阿媽傾計。我唔覺得客人慢慢食有問題，但明明應該坐多人卡座你安排坐單人位，其他二人單人客人等半個鐘無位，兩三個大卡座四人位吉住無人入，呢間店的座位安排合理嗎？終於等到一大班客人走了，咁多單座，應該單人號兩人號都可以安排入了吧。佢又話按到達時間安排啦，四人卡座繼續吉住，兩人號單人號就一齊爭單座的座位。8個吉位最終俾曬兩人號，我呢個單人位第一個號等左35分鐘得個吉。算了吧，似乎唔係咁值得等了。不如直接唔好出單人號啦！四個人以上就可以佔單人座，有位你又唔俾其他客入。得個等字。