Bingle Bingle 空中列車烤肉

營業中

休息中

朋友話好耐冇食燒肉一路都想試呢間，我地點左美國牛小排，如圖所見牛小排半肥瘦，分佈非常平均，厚度啱啱好，兩面各燒大概一至兩分鐘就可以，個人最中意係香蒜燒汁，中意再鹹啲加埋海鹽一流，我地每人揀左個套餐，第一個係美國牛五花拼西班牙豬五花套餐，中意佢有配菜係中華沙律同韓式泡菜，夠曬醒胃，五花系列脂肪比較多，油膩感較香濃，撈埋溫泉蛋紫菜飯一齊食中和返就好惹味，紫菜飯係必定要點真係勁好食，嫩滑蛋黃漿配煙韌飯粒，飲品就推介樂天番石榴汁同埋韓國海太果肉提子汁，仲有梨汁都好特別同好飲，外面放題或者燒肉都好少見，朋友揀左韓牛日韓極上套餐，三種唔同款既和牛，雪花靚到一個點，我個人最中意就韓牛1++最高級別韓牛前腿肉，薄切得黎牛味濃郁，最後甜品必試純乳酪雪糕杯，酸酸甜甜，而樂天Tiramisu雪糕蛋糕個質感同味道都真係好似食緊tiramisu 完美複製成為雪糕好厲害👍

知道呢間一人燒肉開左一段時間，而且有架車仔送過黎又好似幾得意咁。掃code叫餐好方便，而且好快就送到！叫左美國牛五花拼西班牙豬五花套餐（200g），1++韓牛日韓極上套餐（300g），單點美國牛小排（100g），配埋溫泉蛋紫菜飯真係一流！🤤伴菜有韓式泡菜同中華沙律，仲有湯飲。飲品方面叫左韓國嘅海太果肉梨汁，美果韓柚子紅茶，韓國海太果肉提子汁，樂天番石榴汁。不過餐廳都有提供水飲喺自助嘅！店員會預先幫你開好爐預熱，燒嘅時候就可以更加快啲燒熟食👍🏻牛肉set有三種唔同部位，每一款都係紙牌仔上面嘅形容一模一樣，享受食三種肉質口感，特別係入口即融得黎好香之餘又有肉汁，油脂比例均勻超好食😆豬五花同牛五花燒到微焦嘅時候食更加香😍醬汁有燒肉汁，香草蒜蓉汁，韓式辣椒醬同芝麻沙律醬，鹽同香草多種選擇！甜品叫左LAVELEE純乳酪雪糕杯同樂天提拉米蘇雪糕蛋糕，飯後甜品同朋友一人一杯，真係超級滿足呀！

好興奮🥳，每次有𝗕𝗶𝗻𝗴𝗹𝗲 𝗕𝗶𝗻𝗴𝗹𝗲 號列車🚅經過，都估下係咪送緊佢地揀嘅肉肉🥩～ ［Bingle Bingle空中列車烤肉 ］裝修充滿未來感，橙色＆金屬色調🧡，車長喺大電視介紹。點餐後就等列車送餸，食烤肉都好好玩，小朋友仲食得比平時多嘢🤭真係食咗好多嘢呀～🔥1++韓牛日韓極上套餐(300g)：兩兄弟最愛韓國1++級別嘅牛前腿肉🐮，肉質鮮嫩，牛味濃郁。我同爸爸就食比較多油脂嘅宮崎A4和牛三角腩🐮＆宮崎A5和牛肉眼蓋🐮，用黑胡椒＆玫瑰岩鹽調味，和牛入口即融，配埋溫泉蛋紫菜飯💜一流🤤🤤，諗起都想再食！！🔥人氣牛肉三拼套餐(250g)：有齊美國牛五花、肩胛牛柳＆美國牛小排，肉質結實，油脂豐富😋。套餐包前菜＆湯＆白飯，枱上有幾款調味料，可以混出自己鍾意嘅醬汁，令肉類鮮味更突出～除咗肉肉之外，我地點咗墨魚仔🐙、海蝦🦐＆扇貝，都係鮮味十足😋。燒雞脾菇＆翠玉瓜都多汁又爽脆。最後食埋甜品🍨，大滿足🥰～～

黎呢個商場係因為泊車好平17蚊個鐘。行行下就見到呢間燒肉，好似迪士尼飛越太空山間餐廳。我地叫左兩個餐，日韓牛套餐（150同300克）。好正，係架小火車送過黎。見一家大細一齊黎，d小朋友勁開心。150克餐：300克餐：300克肉量係超級多，我地見到呆左，其實夠兩個人食。有前菜、湯、飲品，同埋佢個紫菜飯好好食。.有兩款和牛，宮崎a5肉眼同a4三角腩，油脂感正。韓牛相對輕身，間隔黎食平衡返。我地仲叫左d海鮮。雖然真係好飽，但係我哋都叫咗兩個甜品。因為呢個乳酪我喺雪糕關注組見過好多次，終於第一次食。係幾好食，少少酸味幫助下消化都好。Tiramisu都唔錯，韓國甜品一般都岩口味。

係荔枝角AEON見到入面開咗間新嘅燒肉成日都見到排晒長龍仲諗緊究竟有乜特別於是今日趁早放工，五點幾冇乜人就去試吓見佢呢間主打啲一人套餐咁我地兩個人就叫一個平一個貴嘅試吓人氣牛肉三拼套餐 $128 -🌕🌕🌕🌕🌑溫泉蛋紫菜飯 +$15 - 🌕🌕🌕🌗🌑呢個餐一運到過嚟，就覺得份量都幾足每款牛都有三塊 佢嗰set肥嘅同瘦嘅肉都有我鍾意食佢個牛五花 脂肪平均 唔會成到成口油又食到牛脂嘅香味其他肉都係中上水平呢個價位嚟講算係好唔錯我哋仲另外加錢要做個溫泉蛋紫菜飯燒肉送呢啲飯，再加埋隻溫泉蛋真係冇得輸1++韓牛日牛極上套餐 $288 -🌕🌕🌕🌕🌗呢個係成個Menu最貴嘅你見份量係勁多 我哋嗌咗300 gram 送到過嚟我懷疑自己會食唔晒韓牛我喺香港都係第一次食終於試到啲人話韓牛好濃嗰隻牛味，雖然佢嘅部位瘦啲但係佢成個Set嘅balance做得好好因為另外日本嗰兩款和牛油脂十分豐富我自己就鍾意嗰隻宮崎A4三角腩你見到燒完之後 啲油咇晒出嚟外層焦脆但入口即溶 攞嚟送飯勁正 同坊間嗰啲高級燒肉店都有得比呢度仲準備咗四款醬汁可以點一人燒肉食到不同味道 但我都建議試吓一開始淨係落少少鹽先 唔使點醬有時候想食燒

Selling points 1人烤肉➕️送餐列車服務🚅餐廳唔算太近荔枝角地鐵站環境裝修富科技感“送餐列車”係密盒式設計 感覺更衛生枱上整齊放左幾款自家秘製烤肉醬汁店員會拉埋凳比你坐低QR code落單 清晰方便快捷 我地叫左2個餐 再追加左海鮮同肉類001. Bingle套餐 車輪泡菜五花豬肉卷 (125g) $68餐廳推介必食NO.1車輪形既肥瘦雙間五花肉 加埋生菜同蒜片 好似短暫去左韓國咁呢個套餐冇跟飯所以另加左$10碗白飯 011. 西班牙豬五花拼黑毛豬肋條及特級鷄爽肉套餐 (150g) $88連白飯 200g日本大扇貝 2隻 $38由於本人廚藝不精 燒到似乾瑤柱口感海蝦 2隻 $28食左幾款肉類 追加左2款最好食黑毛豬肋條 50g $28車輪泡菜五花豬肉卷 125g $52 日本紅豆味鯛魚燒 $25@4小朋友口味既我地食左各4條mini鯛魚燒燒到外脆內軟 比自己個叻 埋單先知原來有自助水機 係收銀旁邊另外原來收銀旁邊既坐位係冇“空中列車”服務總結 好玩既烤肉體驗 不過燒到有d攰🫠

剛好在荔枝角附近逛街，知道有間空中列車運送烤肉的餐廳，特意到碧海藍天Aeon地下吃大Bingle Bingle空中列車烤肉。烤肉的種類多，有美國牛、韓牛、和牛、西班牙豬等，更有海鮮和蔬菜類。一人一個燒烤爐，網紋爐不易痴底，而且大小剛剛好。旁邊有醬汁，有燒肉汁、蒜蓉燒肉汁、韓式辣醬和芝麻沙律醬，更有七味粉和海鹽。一卡卡列車運送食物到你面前，自己將托盤放在枱面享用。車輪泡菜五花豬肉卷 （125g）$68一人份量烤肉配生菜、泡菜、蒜片及韓式京菜。有6片豬肉卷 ，將豬肉卷煎到金黃色即可，小編比較喜歡沾蒜茸燒肉汁，將菜包肉、泡菜、蒜片夾起來吃，超好吃。1++韓牛日韓極上套餐🌟韓牛前腿肉，口感有少少韌，肉味香濃。🌟宮崎A5和牛肉眼蓋🌟宮崎A4和牛三角腩，超好吃😋牛三角腩油花均匀，入口即溶👍🏻👍🏻配白飯、韓式牛肉雜湯及韓式涼菜。

空中列車唔只可以載人，仲可以載食物，荔枝角碧海藍天嗰邊，有個燒肉列車站，每到食飯時段就好多人等，大胃唯有提前5點食飯先唔使等呢間食燒肉唔使高消費，最平六七十蚊已經有一餐，仲有列車送到檯前，玩味十足大胃之母前嗰餐未落隔，就嗌個車輪泡菜五花豬肉卷餐冇飯但有大碗湯、前菜同好多生菜，用嚟包住五花肉，燒至金黃面，少少脆邊咁，再加上蒜片、泡菜同埋燒爐側邊嘅調味料，呢種韓式食法好正大胃就嗌咗可以試齊韓日牛肉嘅極上套餐，有宮崎A5和牛肉眼蓋、1++韓牛前腿肉同宮崎A4和牛三角腩。宮崎牛油香入口即化，綿中之綿。韓牛則牛香突出，肉質彈口兩地最高級別牛種crossover，呢個價位好相宜跟餐飯量可以揀，大胃就想加錢整碗溫泉蛋紫菜撈飯，聲稱飽肚嘅大胃之母都忍唔到偷兩啖食飲品需要加錢，玄米茶有助解油而米漿飲味道好新奇，唔會太甜，好有米香，一飲愛上見單點價錢都好平，就追加多幾樣嘢燒。牛吞都幾大塊，有啲燒汁調味，彈牙又惹味扇貝有成兩大塊，肉又大嚿，滾起嚟令人興奮最後嘅甜品，都係選擇有得自己燒嘅鯛魚燒，有4粒滴滴骰骰好得意，燒一陣焦焦地就食得，裡面嘅紅豆好綿，仲有麻糬好煙韌

人氣韓式空中列車主題烤肉店 「Bingle Bingle」號列車登陸香港！🚂列車將烤肉套餐送到面前，提供好玩又好食韓式嘅新派烤肉體驗✨私心推薦1++ 韓牛日韓極上套餐(HK$198)，包括A5和牛同1++級韓牛，性價比高🤩一架架列車係眼前穿梭超療癒～重點係套餐份量足料，+$15仲可以升級溫泉蛋紫菜飯👍🏻⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ Bingle Bingle 空中列車烤肉📍荔枝角深盛路8號碧海藍天AEON超級巿場地下L002號舖

星期五想找個無去過的地方食lunch，而早兩日見到有個ig 介紹這新店，擇日不如撞日，便今日去試。（可能是預祝下星期有打風假期小犬小犬come come）Anyway,韓式燒烤做lunch，我都覺得有d過份。不過一次半次，算la～個車仔運輸是有特色的。新店是要去下。有很多不錯的汁可以選，有分加。個籮白湯很有八九十年代韓燒自助餐的味道。韓式辣椒醬很韓式。可惜，估不到的是個泡菜太水了，而個辣椒醬又很辣，泡菜便失色了。今次的彩蛋，便是行Aeon 了。食完行過Aeon看看有沒有新零食

如果唔係今日誤打誤撞入左黎，都唔知而家啲一人燒肉可以做到咁抵食同高質餐廳好寬落、好多位。有一邊仲係半牆望aeon, 設計特別我地今次揀左個宮崎和牛套餐， 唔洗二字頭，但係質素同份量真係超曬雖然肉嘅份量係按重量計出嚟俾我哋，但每一款都有成四五嚿，兩個人分都好足夠。而且佢每款嘅口感味道食落同佢插旗仔嘅形容係一模一樣。牛味重、油脂足、有厚度。食完個口真係充滿油脂香，滿足咗我嚟緊半年對和牛嘅渴求。建議可以配搭一啲清油膩嘅飲品。佢另外有免費嘅自助檸檬水。另外我仲叫咗啲豬肉做配搭，都好抵玩。飯嗰度如果白飯有兩個重量可以揀，但係紫菜飯嘅份量都真係幾多，女仔可以兩個一齊share一碗～餐廳係可以機器送餐，上菜速度好快米漿好好飲，唔會太甜 推介推介😆

上個月已經想食，可惜等左半個鐘都無位决定放棄，今日再來等左三個字終於食到啦。職員一路引領我地埋位一路講解不收現金同埋嗌餐既安排，埋位仲幫你拉埋椅等你坐低，服務好細心好周到，呢點值得讚。👍👍👍每個位置前面都有個q r code電子落單，而且會講解烤肉煮法，我諗識睇中文既一定會明白。😆😆😆我揀左009餐，雖然佢唔係餐廳推介，但係超級想推薦俾大家。薄薄既肉，半肥瘦好平均，加上特製醬料，令到肉味更出，拌埋飯一齊食，汁既精髓滲入飯粒內，令人勁有衝動扒哂啲飯佢。小菜頭盤有湯，中華沙律同埋泡菜，泡菜好夠辣好開冑。另外都單點左牛舌，同樣出色。餐飲全部要加錢，如果想無甘口乾又唔想加錢可以考慮自助既檸檬水。

前排俾我知道咗荔枝角開咗一間超得意嘅自助一人燒肉店🤣用空中列車🚄為主題，QR code落單後食物就會擺上列車，透過輸送帶送到客人嘅位置，好似壽司郎咁🤣套餐價錢超級抵，最平$48就食到一人燒肉餐😍難怪平日夜晚都好多人排隊！🥰🌟1++韓牛日韓極上套餐(150g) $198呢個套餐有韓牛前腿肉、宮崎A5和牛肉眼蓋同宮崎A4和牛三角腩🥰我哋兩個人share都覺得份量啱啱好👍🏻韓牛前腿肉每片薄薄地，紋理好細膩，脂肪含量較低，牛肉味就好香濃😌宮崎A5和牛肉眼蓋厚度適中，油脂豐富，肉質柔軟🥰最鍾意係宮崎A4和牛三角腩！😍油脂分布非常平均，有雪花嘅感覺😚一燒熟嘅時候啲油係狂滴💦食落去肉質超嫩，有入口即化嘅感覺😍另外跟餐配有白飯、韓式牛肉雜菜湯同韓式涼菜，牛肉雜菜湯牛肉味好香濃！😆即刻解膩呀😚🌟宮崎A4和牛肩肉50g $78呢個A4和牛肩肉都係驚艷之選🥹💛必叫！每舊都厚切，油脂分布又係好平均同好靚😚咬落去係超級軟腍😍🥰係成口油嘅感覺同時又好重牛味😍真係好高質😍🌟美國牛五花(100g) $42100g都只係$42真係好抵！😆牛五花好薄，燒完之後半肥瘦咁食真係好正🫶🏻配燒汁食特別夾呢！🌟薄牛舌(50g) $

🔥荔枝角烤肉列車號 - Bingle Bingle 空中列車烤肉🔥一向鍾意試新嘢嘅我，得知荔枝角碧海藍天開咗間新嘅🔥燒肉店，即刻要嚟試吓先😋「Bingle Bingle」餐廳走Cyber風格設計，將橙色與金屬色調融合，加入各項宇宙科幻元素，充滿未來感，客人用手機點餐後，就可以欣賞列車承載着烤肉送到客人面前，大家都好期待車門打開嘅一刻，又好玩又打卡📸🔥韓牛日韓極上套餐 （300g) $288三款唔同品種嘅牛肉拼盤，每款有8片肉，份量多到嚇親，一個人都食唔晒😍，選用韓國優質1++級別嘅牛前腿肉（牛肉味好重好香）、宮崎A4和牛三角腩（油脂分布平均）、宮崎A5和牛肉眼蓋（油脂最重入口即溶），套餐還配有飯、湯、2款前菜添😋！好抵食呀！🔥特級雞爽肉雞肉又爽又滑，又稱雞柳、雞里肌，位置在雞胸內側、雞軟骨兩側竹葉形的內臟胸肌部位，中央帶白色筋膜，每隻雞有2塊，因有運動到，脂肪少、口感細嫩帶Q🔥車輪泡菜豬肉卷把豬肉卷燒得香脆，肉既外圈焦香鬆脆，味道非常惹味，用生菜包住五花肉一齊吃，可以除油膩感🔥韓式牛肋骨牛肋骨經過燒烤後，牛味香濃，店員細心為客人遞上膠剪，客人可仔細享用🔥溫泉蛋紫菜飯100%好配搭 -

試新店，最平$48就食到一人燒肉套餐仲要唔收加一呢間新開韓式新派烤肉店，就好似成個列車站咁中間有一大條路軌，不停來來回回咁送餐用手機掃code點餐後，列車就會將食物送到面前每次列車到站，小朋友就最開心最鍾意自己對住個迷你燒烤爐慢慢燒檯面仲有7款唔同醬料，總有一款啱口味我就大推自家秘製燒肉醬汁、韓式辣椒醬包埋生菜、泡菜、蒜片，大大啖放入口😋 想食靚啲，食好啲? 仲有好多款肉類選擇就好似 1++韓牛日韓極上套餐只係$198就有三款牛肉：（韓國最頂級1++級別）韓牛前腿肉、日本宫崎A5和牛肉眼蓋及日本宫崎A4和牛三角腩我地仲叫左車輪泡菜五花豬肉卷，西班牙豬五花，特級雞爽肉，黑毛豬助條......用app一早拎定飛，喺aeon行住等，如果現場walk in應該有排等