Bella Shine (已結業)

約朋友聚舊食lunch ，行經觀塘APM實在太多人，決定到附近工廈找隱世美食，坐低慢慢傾唔使趕住走、很久沒來 Bella Shine，工廈樓上餐廳之中最近地鐵站。氣氛唔錯也頗受附近上班族歡迎。旁邊還有新增設嘅自助沙律吧😍非常吸引。午市套餐有多款選擇已經包括飲食沙律吧、水果、甜品、咖啡或茶🌟👍🏻西湯有雜菜湯🥣，好多雜菜，味道清甜!水果也不俗，哈密瓜夠爽甜，蜜瓜甜美，西瓜🍉同樣夠甜。沙律菜也有超級食物~羽衣甘藍🥬🥰生菜非常爽脆。當中有一款鳳梨青瓜沙律，酸酸辣辣，充滿泰feel。甜品方面有bite size 的朱古力慕絲，椰子慕絲，忌廉泡芙等等。每款都試了一件味道唔錯！店員亦會不時補充食物，個人覺得午市時段人流係啱啱好唔使好多人逼住攞食物。香煎海鱋魚柳配香檳忌廉汁魚柳煎得好香，不過魚味就略淡，配返自製嘅香檳忌廉汁會比較滑身和美味。配菜有小胡蘿蔔，超大件白蘿蔔又冧又甜。墊底嘅係紫薯蓉，微甜又飽肚的澱粉質。日式叉燒拼海蜇 配胡麻汁冷鳥冬天氣炎熱食冷烏冬感覺較涼快。新穎配搭日式叉燒配海蜇，中日fusion 💕😋烏冬煙煙韌韌，撈勻胡麻醬汁十分滋味，份量也相當之大！凍咖啡先試齋啡，微酸夠甘，非常提神！

食品不失不過，食物太少選擇，但價錢偏貴！食夜晚放題呢個價錢覺的真心唔抵，可能未必會再回頭食！希望有多些進步啦！環境還算Ok嗎，不算逼，坐的還算舒服。加油啦⋯⋯！

觀塘工廈不嬲都美食雲集，lunchtime想食飽啲，就黎Bella shine搵下野食~半自助午餐都幾正，沙律菜任食，除左蔬菜種類唔少，重有啲水果添～開胃又清甜，適合做夏日小菜。餐湯係南瓜湯，健康之餘味道濃郁帶綿感。主菜叫左柏爾馬火腿配帆立貝露筍忌廉汁意大利飯 $102 Risotto 粒粒分明，軟硬度岩岩好，而家掛汁力強，粒粒忌廉香氣。帆立貝夠大粒有驚喜，而家口感頗彈牙，味道鮮甜，同火腿既鹹香好夾。甜品有唔少蛋糕味道同泡芙選擇，都係任食。迷你size 頗creamy又唔膩，幾鐘意柚子香味。

喜歡四處尋覓美食的朋友，說位於官塘的一間食肆，午市提供不錯的半自助餐，邀約一同前往。主菜有八款選擇，價錢由$92至$155。如果只喜歡沙律的，也有「輕食健康沙律吧」，只需$78；均包含一杯咖啡/奶茶/汽水。向店員下單後，便可自行到自助吧枱選取是日餐湯、沙律、水果和甜品。甘筍南瓜湯味道清新自然，新鮮健康。沙律自助吧的蔬菜種類不少，非常清爽，還有我喜愛的蜜桃鴨胸。新鮮清甜的水果，在這炎熱的夏季是不可缺少的。我很喜歡這些小巧精緻的甜品，小巧蛋糕口感綿密鬆軟，巧克力杯脆皮可口，小忌廉泡芙表皮鬆軟而內裏忌廉非常香滑。小巧甜品的味道不會甜膩，可試遍全部。❣️ 蒲燒鰻魚海膽忌廉汁扁意粉蒲燒鰻魚皮香肉嫩。海膽忌廉汁質感滑溜，味道濃郁不膩，均勻的掛在軟硬度剛好的扁意粉上，啖啖滋味。❣️ 經典B.L.T.芝士牛肉漢堡配薯條厚而多肉汁的牛肉漢堡扒，加上半溶芝士和新鮮蔬菜，再配搭外酥內軟的竹炭芝麻包，口感豐富，薯條亦酥脆可口，令人滿足。❣️ 凍咖啡凍咖啡口感順滑，味道不苦澀。可按自己喜好加入糖漿和奶，不錯的安排。❣️ 凍檸茶凍檸茶清香怡人，亦可按自己喜好加入糖漿。店員服務態度非常友善，食物質素好，性價比高的一頓午市半

食過一次覺得幾好食，所以第二次再約朋友去食，詁唔到遭員工無禮對待；首先我們order 一個Waffle，員工串嘴答”要俾錢架喎””無餐牌”，我們從沒要求免費🤔，還有幾檯客食緊嘢，員工走嚟悔棄同我哋講”我哋要關門”；如果趕收工，唔想做嘅，可以出聲，唔係只得你一間，觀塘區多間餐廳之中，你哋嘅服務態度係最差嘅一間😤以後唔會再幫襯囉😡😡😡😡如果想去食嘅，真係要諗清楚，俾錢食嘢都要俾人鬧😠😠😠

有時近近地係公司附近搵食，今次試下呢間Bella ShineLunch menu既選擇都幾多出面嘅自助區有餐湯、沙律同埋甜品，仲有新鮮水果我同朋友分別去咗鹽麴燒三文魚同埋露絲瑪莉燒舂雞配脆炸洋蒽圈燒三文魚已經調過味，所以唔需要額外嘅醬汁，煮得啱啱好，口感嫩滑，魚油味香，味道唔錯燒春雞份量都幾足，配埋洋蔥圈，成個擺盤都唔錯，雞肉幾滑最後就係食甜品，有幾款唔同既小蛋糕，細細件食完唔怕會膩，再加埋水果同餐飲，真係一個幾好既午餐

經常係觀塘發掘好嘢食，第一次黎到超近apm嘅工廈西餐廳Bella Shine😗餐廳環境闊落，乾淨企理，裝修有格調店員推介而家做緊六折優惠嘅二人dinner set，有前菜、餐湯、餐包、兩杯飲品、兩個main course同甜品，價錢非常吸引🤣Special set for 2 ($358）🥗蜜桃蟹肉藜麥明太子沙律沙律除左蟹肉、藜麥，仲加入蜜桃，令味道更加清新🧘🏻‍♀️🫕是日餐湯（甘筍湯）餐湯用左甘筍打成，非常濃稠，再加入忌廉，口感creamy~🐂澳洲安格斯肉眼牛扒（12oz)配燒汁牛扒偏大，肉質軟腍☺️ 配菜有翻炒過嘅雨衣甘藍、紫薯蓉、甘筍，令成個main course 更健康、飽肚🧄黑白蒜清酒煮蜆扁意粉Bella Shine食材煮法偏向健康、天然，意粉主要用蜆嘅鮮味同少許香草作調味，味道岩岩好～🍨甜品拼盤甜品有忌廉泡芙、抹茶蛋糕，細細個，唔會太濟太膩特惠No.2 Size時令即開生蠔（$18/pc)$18生蠔黎講size算大，肉質鮮甜，對得住呢個價錢😛

一班同事慶生，叫左幾個餐，野食好普通A冬陰公野菌雞柳意大利飯好咸，懷疑廚師條脷壞左B 帆立貝鮮蝦豬骨湯烏冬個湯底無咩味，係咪即係代表至少唔係味精？C 豬仔髀無咩特別，但比較細舊，無咩肉食舊甘筍仔又係好咸D 日式咖喱牛肋條蛋包飯應該係overall比較好，牛肋條都冧，份量都大不過衛生服務就唔得，野飲先黎兩隻都崩左嘅杯，叫佢換，佢仲問多句，係咪兩杯都換....之後一杯熱檸水的杯外圍竟然有茶漬..所以，永不錄用😅😅

有一段時間沒有去BELLA SHINE食西餐，今天朋友心情好，我就提議去下。原來BELLA SHINE已經轉了半自助午餐，餐湯、沙律及生果是任食的。包括有各款沙律菜、栗米、紅腰豆、西瓜、哈蜜瓜及蜜瓜，甜品都有！而今天的餐湯是南瓜薑湯。主食方面由$78-$155不等， 我就選了鹽燒三文魚伴紫薯蓉，朋友叫了紅酒燴牛肋條配日本珍珠白飯。鹽燒三文魚伴紫薯蓉$118沒想過三文魚都幾大件肉厚，放在紫薯蓉上面非常吸精。三文魚煮到剛好８成熟，油脂含量適中，味道香甜，外層煎得香脆而且灑上了藜麥，提升了口感。其魚肉呈粉紅色，肉質嫩滑，配上原味道紫薯蓉、沙律菜及甘荀非常飽肚。紅酒燴牛肋條配日本珍珠白飯$108先談食材：去骨後的牛肋骨，便是牛肋條，是牛腹附近的肋骨位置；肌肉較鬆軟，瘦肉多脂肪少，最適合燜煮。再談味道：配合紅酒燜煮，味道香濃，口感鬆軟。最後，加上日本珍珠白飯，相互配合，如果喜歡食牛，是一個不錯的選擇。

觀塘工廈林立，有不少不錯的選擇，往往會意想不到。與朋友想食西餐，open rice 搜尋了一下，找到BELLA SHINE，看似不錯。到達餐廳，原來是半自助午餐，有餐湯、Salad、生果及自家製甜品。店員特別提醒注意衛生，攞食物時必須戴口罩；另外提醒，雪糕為收費款目，確保客人了解安排。疫情下，衛生細節也重要。柏馬火腿配凡立貝露筍意大利飯$102意大利飯味道不錯，十分creamy，特別喜歡意大利飯配上露筍及蘑菇，令整道菜不會太膩。美中不足是parma ham 與整道菜有少少格格不入，但整體都算不錯。露絲瑪莉燒春雞配脆炸洋蔥圈 $128燒春雞沒有想像中大，但入口嫩滑，露絲瑪利燒汁非常香，與燒春雞是絕佩。炸洋蔥圈熱辣辣口感香脆，配上沙律菜非常清新。

好耐無黎觀塘覓食 今日揀左係工廈既Bella Shine 7點45分左右上到黎 已經8成坐滿 好多人都係食呢度既半自助餐由於我地唔太鐘情生蠔既關係 我地都係叫set 想試埋甜品 所以一個set都夠前菜-鰻魚鍋巴 麻辣沙律 孜然西瓜擺盤好精緻 鰻魚好淋 麻辣沙律有木耳 好開胃 孜然西瓜真係第一次試餐湯-香橙蟹肉甘荀薑湯望落似南瓜湯 但入面有橙 又有少少薑味 配埋蒜茸包食都唔錯主菜-意式香草煎加拿大豬鞍 配芒果甜酸醬豬鞍好大塊 食落好juicy 煎得剛好 好淋身 配埋甜酸醬 唔會太油膩 平時跟薯仔 呢度跟紫薯 清清地跟餐有甜品 但我地都叫左 抹茶窩芙 賣相好吸引 份量都好多 擺盤好有心思 每塊窩芙都有一粒水果 熱辣辣既窩芙配上抺茶雪糕 味覺既享受

以下食評我係喺屋企個馬桶上面打⋯⋯前一晚18:00同fd 食All you can eat 任食。因為朋友唔食海鮮，我就自己食海鮮。啲海鮮睇落正常又好多冰雪住咁但我親身體驗覺得凍盤海鮮嘅衛生程度可以再提升(麻煩睇返第一句，腸胃”舒暢”)我朋友完全冇事，佢冇食海鮮。今日仲可以去食任食燒肉。個西冷牛扒配紫薯蓉幾好食嘅都係第一碟main dish 會完完整整上其餘再叫就淨係得塊扒個汁冇咩味我朋友要問server 拎黑椒汁

𝒲𝑒𝓈𝓉𝑒𝓇𝓃 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒦𝓌𝓊𝓃 𝒯𝑜𝓃𝑔之前食過呢間一次，果時係既𝘭𝘶𝘯𝘤𝘩 係𝘭𝘶𝘯𝘤𝘩 𝘴𝘦𝘵，每個餐跟一個湯、主食同飲品，今次再黎變左𝘴𝘦𝘮𝘪 𝘣𝘶𝘧𝘧𝘦𝘵 既形式。前菜、餐湯同甜品可以無限拎，主食就揀一款😍個人覺得沙律吧幾正，有羅馬生菜、紅菜頭、鷹嘴豆，仲竟然有羽衣甘藍🥬鐘意食菜既可以慢慢食🤭今日既湯係紫薯湯，其實有少少似紫米湯，佢既質地唔算滑身，仲食到少少紫薯蓉，味道只係少少甜，飲落比較單調，如果個texture再濃厚少少就更好😁🌟柏爾馬火腿配帆立貝露筍忌廉汁意大利飯𝗣𝗿𝗼𝘀𝗰𝗶𝘂𝘁𝘁𝗼 𝗱𝗶 𝗣𝗮𝗿𝗺𝗮 𝘄𝗶𝘁𝗵 𝗦𝗰𝗮𝗹𝗹𝗼𝗽 & 𝗔𝘀𝗽𝗮𝗿𝗮𝗴𝘂𝘀 𝗖𝗿𝗲𝗮𝗺𝘆 𝗥𝗶𝘀𝗼𝘁𝘁𝗼 （$𝟭𝟬𝟮）呢個𝘳𝘪𝘴𝘰𝘵𝘵𝘰 落足料，飯裹加左露荀片、帆立貝、𝘱𝘢𝘳𝘮𝘢 𝘩𝘢𝘮同比較少見既本菇，飯粒仍然保留到米粒既既口感，唔會全部煮淋。此外，飯既乾濕度都啱啱好，呢個𝘤𝘳𝘦𝘢𝘮 𝘴𝘢𝘶𝘤𝘦冇加芝士，食落唔會太濟。🌟 澳洲黑安格斯肉眼牛扒 𝟴𝗼𝘇配黑松露燒汁𝗚𝗿𝗶𝗹𝗹𝗲𝗱 𝗔𝘂𝘀 𝗕𝗹𝗮𝗰𝗸 𝗔𝗻𝗴𝘂𝘀 𝗥𝗶𝗯 𝗘𝘆𝗲 𝘄𝗶𝘁𝗵 𝗕𝗹𝗮𝗰𝗸 𝗧𝗿𝘂𝗳𝗳𝗹𝗲 𝗚𝗿𝗮𝘃𝘆

唔明點解有落場時間唔寫明 去左又話我缺席 一早打黎叫我早去 我早到左姐 唔係缺席 野食過得去喇 咁做生意無下次雞扒唔嫩口 沙律都多既 假日無set lunch 呢個價錢只可話正常 唔算抵食

今日一家人去咗觀塘隱世扒房度食飯，我同我老公+3個細路都係食肉獸，呢間扒房就啱晒我哋啦，佢嘅主菜有牛扒羊扒雞扒豬扒，我哋款款都覺要咗一個，試吓邊樣好食先，除咗食呢個佢喺出邊仲可以攞沙律湯同埋前菜，有蝦青口同埋翡翠螺，甜品當然唔少得啦，店員推介左我哋食咗個冬陰功炒飯，又真係另一番口味