Bella Shine (已結業)

之前有黎過Bella Shine食午餐，見到有晚市既任食套餐，於是今次約左朋友黎。由於平日星期四既關係，仲有特價。牛扒海鮮任食套餐$308 加一，120分鐘放題。任食Menu 有好幾款選擇，包括紐西蘭西冷牛扒、燒美國豬肩扒、印度天多利烤雞扒等等，仲有意粉、飯既選擇，仲包飲品。自助餐區有時令海鮮：皇冠螺、青口、凍海蝦沙律區亦有多款冷盤選擇。餐湯係甘荀湯，味道濃郁鮮甜。主食方面，兩個女仔比較細食，我地只叫了紐西蘭西冷牛扒、燒美國豬肩扒，兩份即叫即整，熱度夠。份量方面足料，有配菜(紫薯蓉同紅羅白，味道好又好健康)。牛扒同豬扒好juicy, 口感十足, 就算任食質素都高。店員表示第一次既主食係會跟配菜，之後再叫既話就只會黎肉，咁既安排好貼心，岩晒大食既朋友。甜品方面，有多款蛋糕，一口size 岩晒想試晒咁多款口味既我地，芝士蛋糕、朱古力蛋糕、泡芙，都好吸引。最正係Movenpick 雪糕可以任食，有三種口味，大滿足。

喜歡捐窿捐罅搵嘢食的同事大胃皇相約放工後去官塘apm的一個出口港貿中心對面馬路的迅達工業大廈樓上Bella Shine 有任食扒類、海鮮、甜品和名牌雪糕半自助餐。餐廳佈置頗有心思，近門口擺放兩個披著鐵甲的士兵。四週傳來陣陣香濃煎扒味😋。Menu有任吃紐西蘭西冷牛扒、燒美國豬肩扒、烤紐西蘭羊西冷配阿根廷青醬、冬陰功雞柳意大利飯、子薑菠蘿青口茄醬扁意粉等等。喜歡吃羊肉的我點了烤紐西蘭羊西冷配阿根廷青醬，粉紅嬌嫩的羊肉，入口唔覺羶，口感腍嫩，伴上紅蘿蔔、紫蕃薯蓉和羽衣甘藍😋。喜歡吃豬扒的大胃王不停encore吃燒美國肩豬扒😋。自助區有時令海鮮，皇冠螺、青口、鮮甜爽口凍海蝦、田園沙律和濃郁蘑菇忌廉湯。也有甜品和幼滑香濃movenpick 雪糕，這晚的半自助餐令我們感覺無比滿足👍！

今晚去咗觀塘一間餐廳「Bella Shine」食晚飯，餐廳有個120分鐘嘅「牛扒海鮮任食套餐 $308/每位」好似幾吸引，一於就食佢啦這個套餐主要分為《自助餐區》，包括：1️⃣ 時令海鮮如皇冠螺、青口、凍海蝦🦐 我哋食咗幾款海鮮，每款海鮮都算新鮮，味道又不錯2️⃣ 沙律及甜品🍮 甜品有MÖVENPICK 雪糕🍦任食，對於喜歡食雪糕嘅人來說，真的好吸引3️⃣ 是日餐湯🥣 今晚餐湯係羅宋湯另外，《任食區》則需要向店員落單，有6款不同種類嘅食物，我哋就食咗其中4軟，包括：4️⃣ 紐西蘭西冷牛扒🐮 今晚主要都係為這個「牛扒任食」而嚟，我哋叫了5成熟，牛扒味道果然不錯，香味濃郁，入口嫩滑多汁，口感又富有嚼勁；我哋足足叫了幾轉來食，哈哈5️⃣ 燒美國猪肩扒🐷 燒豬肩扒 整得剛剛好，肉質軟嫩又入味，不錯不錯6️⃣ 烤紐西蘭羊西冷配阿根廷青醬🐑 羊西冷配青醬，羊味不會太羶，可以一試7️⃣ 子薑菠蘿青口茄醬扁意粉🍝 扁意粉 估唔到整得相當有水準，好食又好味食完 MÖVENPICK 雪糕及 甜品，還有餐飲

今日特別想食牛扒，記得之前響網上見倒廣告話有120分鐘牛扒放題，所以今晚就同朋友一齊來試下好唔好食。餐牌上有幾款菜式可以無極任食，分別有： 紐西蘭西冷牛扒、燒美國猪肩扒、印度天多利烤雞扒、烤紐西蘭羊西冷配阿根廷青醬、冬陰公雞柳意大利飯、子薑菠蘿青口茄醬扁意粉。我今日來既本意係要食牛扒，所以我二話不說就點了紐西蘭西冷牛扒（五成熟）- 肉與脂肪的比例平均，油花分佈均勻，肉質軟韌，伴菜有紫薯，紅蘿蔔🥕同羽衣甘藍🥬，分量都好足。我朋友就要咗燒美國猪肩扒 - 肉質細嫩且帶有適當脂肪，口感格外軟嫩，師傅煎得啱啱好，調味也很好。食完第一round 我地就去咗自助沙律吧拿食物，沙律吧有甘筍忌廉湯，沙律菜都好新鮮爽脆，有三款醬汁可選擇。除咗沙律吧，還有任食海鮮，有螺、青口、蝦食完海鮮後，我地又再點咗烤紐西蘭羊西冷配阿根廷青醬同第二round 紐西蘭西冷牛扒（五成熟），烤紐西蘭羊西冷配阿根廷青醬 - 羊西冷口感嫩滑、 肉質細緻，再配上阿根廷青醬一絕，可以再食幾碟。最後，我朋友試埋子薑菠蘿青口茄醬扁意粉 - 扁意粉煮得剛剛好，配上子薑粒、菠蘿粒，味道酸酸地，和茄醬非常夾，不錯我就食咗最後一 round

朋友推介呢間觀塘工廈餐廳，話好味又抵食，今日就黎試試佢😛$308 半自助餐，有自助沙律吧🥗、任食海鮮、甜品，仲要有 MOVENPICK雪糕🤤🔼 本身以為佢主食只可以揀一款，原來✨主食都可以任嗌✨‼️ 而且仲要係一啲都唔馬虎，好好味😋🔼 雖然沙律吧細細，但係高質，食材新鮮🥬，佢個麻醬雞粒配青蘋果一啲都唔馬虎，令我夾完又夾，麻辣黑木耳好香，攪到我都忍唔住食左兩碟沙律🥹🤤🔼 另外亦有螺、蝦、青口任食本人唔太好海鮮，試左佢啲蝦都好新鮮，朋友都食完又食🦐🔼 紐西蘭西冷牛扒🥩牛扒大大件，有牛味多汁，軟硬適中，因為我唔鍾意食太生所以剛好。最驚喜係揭開塊扒，下面仲有配菜紫薯蓉、甘筍仔、羽衣甘藍，全部都好好味，感覺用心💓🔼 烤紐西蘭羊西冷配阿根廷青醬羊肉軟腍，配上青醬感覺清新，同樣有配菜大大份，食到呢度都好滿足💓✨最開心既係估唔到可以任叫既主食可以有咁好既質素可以任食既主菜，當然想試多幾款😝但其實已經食到飽飽地，餐廳好貼心咁安排可以只叫細份，等你可以繼續試🥹🥰🔼 印度天多利烤雞扒香料野味，雞皮脆脆，肉汁嫩滑🔼 冬陰公雞柳意大利飯朋友大讚，冬陰公味好出，又多配料，喺飽既情況下都覺得好味🤤🔼 最後食埋甜品，仲

今日朋友帶我去觀塘食半自助餐，間餐廳係觀塘其中一棟工廠大廈中。去到餐廳大約6:30， 可能比較早，仲未有人。地方十分寬躺，坐位空間寬闊。入到去未坐底就見到張放食物的長枱，放滿左沙律，甜品，涷海鮮（有蝦，青口，螺），湯，雪糕。 有小小似酒店自助餐～ 十分吸引。之後店員帶我地坐底，細心講解餐牌，半自助餐有部份肉係即叫即煮，每人頭一份都有薯蓉作配菜，第二份開始只會提供肉。咁就唔會怕太飽浪費左配菜～ 今次我同朋友分別叫左份紐西蘭西冷牛扒及烤羊西冷。二份肉都份量十足！最欣賞個牛扒 五成煮到剛剛好，肉質嫩口，正！食完二塊扒 ，我地叫左雞扒同冬陰功意大利飯試試！店員好好幫我地同廚房order 左份細size,我地先有機會試到咁多野食！ 個冬陰功意大利飯有個驚喜，十分濃味！必試！最後當然要食甜品啦！係movenpick 雪糕！ 🤣個半自助餐性價比高，仲包飲品，下次會再食！

記得一年多前曾經試過呢間餐廳，係好食嘅！今日就帶同事再黎食飯😁 依家午餐做緊Set lunch加沙律吧（有沙律菜、水果、涼拌小食、甜品同餐湯）開餐前拎咗一小碟～🍽香辣雞扒配蕃茄沙沙乳酪醬漢堡($108)雞扒味道不算太辣，帶有紅椒粉香味，食落有汁唔鞋口！配上蕃茄沙沙味道幾清新，本以為乳酪醬會好heavy，不過佢調得都幾light😚 中間夾咗少少脆片，食落幾有驚喜嘅！🍽巴馬臣芝士焗寶雲酥三文柳($118)份量幾足，好厚身，魚柳位置唔會太多油脂。面層嘅寶雲酥好香牛油味，薄薄一層食落唔算好膩👍🏻 但整體就無咩芝士味😂 三文魚柳下面墊左羽衣甘男和紫薯蓉，有番少少菜同碳水食，可以飽肚D～兩道食物水準都好好，兩人share食份量都好夠👍🏻 加埋有沙律吧、跟餐餐飲，我覺得呢個價錢合理兼抵食！😋😋

黎開觀塘，朋友提議食Bella Shine。原來出左唔少優惠，lunch set 包任食salad bar， 甜品，湯，新鮮生果，價錢抵食，最好先訂位。見到晚餐都有做唔少優惠，下次夜晚再黎食過。任食扒類、雪糕、海鮮非常吸引，價錢都抵；仲有蠔類即叫即開，仲有唔少set dinner做緊優惠tim，下次都要再黎食晚餐。鹽燒鯖魚配香蒜提魚扁意粉$92鯖魚配番茄意粉都好夾，意粉汁非常濃郁入味，係一個出色既crossover。泰式青咖哩燴牛肉定食$98青咖哩少辣中帶甜，味道惹味。牛肉炆得非常入味，啖啖煙韌口感配上濃郁的咖哩汁，帖上蔬菜，健康清新，份量都多。飲品係自選既檸檬茶。生果非常新鮮，款色好多，樣樣都清甜；甜品小食亦有唔同選擇，最推介芝士蛋糕，甜而不腻。由於午餐任食甜品生果關係，留返個胃下次再叫呢到既甜品同飲品了。

放假和舊同事聚舊，去咗APM對面街的工廠大廈午膳，估唔到依度有好野食。食物質素超高且美味，價錢合理，地方闊落環境唔錯。午市多款套餐都好吸引，下單後可自行到自助吧枱，取沙律、是日餐湯、水果和甜品。是日餐湯甘筍南瓜湯味道清清地一點也不油膩，健康美味。沙律沙律菜都好新鮮爽脆，仲有三款醬汁可選擇，仲有好好味的黑木耳一定要食呀！香煎格陵蘭比目魚扒配白酒忌廉汁 $118主角魚扒兩塊，表面香煎魚皮香脆，用鹽和黑胡椒調味。魚肉鮮甜嫩滑，一點都不油膩。醮上白酒忌廉汁，好creamy富有酒香。仲有羽衣甘藍和紫薯作為配菜，食得更健康，好啱女仔食。美國1855黑安格斯肉眼扒250g 配黑松露燒汁 $155好肉者必食，肉眼扒肉質軟腍無筋，牛味濃，非常高質值得一食。配黑松露燒汁更加惹味。配菜同樣是羽衣甘藍和紫薯，美味又健康。水果蜜瓜和哈蜜瓜都好新鮮清甜，而且切得非常工整。甜品賣相非常精緻，有甜美味濃的朱古力慕絲、椰子慕絲、鬆軟的忌廉泡芙，各款都好好味，一點也不馬虎。飲品檸茶咖啡味道正正常常啦~

在OpenRice看見Bella Shine 做優惠$288 牛扒海鮮甜品放題，食肉獸即訂位位於觀塘工廈區，想不到放工後的時間來到餐廳也多人🔸首先吃一轉前菜自助沙律吧，有甘筍忌廉湯 / 螺/青口/蝦/甜品 … 一定要先多吃沙律，幫助消化，那樣才會更有胃口可以吃扒；🐮然後到主菜，先來個紐西蘭西冷牛扒，牛扒點了七成熟，真的剛好七成熟沒有太多血水只有微微粉紅，意想不到地連西冷也可以肉質鬆軟，連平常邊的大筋也沒有，牛扒質素，所以我們最後加$40升級至Black Angus 果然冇令人失望，肉質更軟腍，燒味香濃，除了鹽及胡椒粉調味外，還有牛扒汁精華所在；配菜伴碟就有超甜紫薯蓉，比一般薯蓉特別，也有羽衣甘藍等配菜；其實真的超值，平常的西餐一個扒的主菜也要幾百蚊，仲要是可以任食的🐷另外點了一個豬肩扒，沒有肥膩，肉質不粗糙而鬆軟，豬扒的兩塊尺寸不細，燒味香濃🟡櫻花水信玄餅$38這個很晶凝通透，吃下去的感覺有一點像啫喱，配合黑糖+甜酒

同男朋友經開觀塘區，諗住去食鋸扒🤭Search下OP有咩抵食先，就俾佢搵到呢一間啦😌呢間餐廳交通都好方便，響APM後邊嘅Entropot Centre後一條街✌🏻雖然觀塘啲工廈係比較殘舊，但好在餐廳門面夠光猛，上咗去一出𨋢就見到餐廳啦😀上到去老闆就招呼我哋，話經OP訂枱有折，跟住俾咗兩個餐牌我哋睇，一個係二人餐，另外一個就係任食🥲因為我同我男朋友都唔係好肚餓，所以就好快決定咗要二人餐了😅點餐到上菜大約係15至20分鐘左右☺️🦀蟹肉沙律🥗個沙律真係好大碟，佢拎上嚟我都嚇咗一下😓佢啲蟹肉係好足料，食完都飽咗一半😅🥑牛油果奶昔🥛睇上去冇乜特別，但係飲落去就覺得好清香嘅牛油果味😋呢個真係好味，佢唔甜，無遮到牛油果味😋😋😋我推薦牛油果愛好者飲呢個🤣🥩牛扒16安士🥩跟住就到主角😍個牛扒我哋叫咗七成熟，但係一啲都唔韌，仲要俾咗我最鍾意食嘅紫薯蓉😍個紫薯蓉真係好好味呀🍠🍠🍠好快已經比我食晒😋😋😋隔籬嗰個燒羽衣甘藍🥬都好好食😋有啲去燒嘢食嘅感覺🌸連平時唔食菜嘅男朋友都食咗幾舊😅🧀Carbonara意大利粉🍝最後就係呢個意大利粉，好香好濃嘅芝士同牛油味😍我覺得佢同出面啲Carbonara有少少唔同，佢個味係

好友知我係食肉獸，見到牛扒放題即刻帶我去試吓！！呢度2小時任食牛扒+凍海鮮+Movenpick雪糕。我地食勻晒牛扒x2、羊架x2、豬鞍、雞扒，食埋生蠔、凍海鮮，再食返啲沙律菜，最後每人食三四杯Movenpick雪糕，好飽飽呀！！幾乎movenpick雪糕有嘅種類我都食左，試勻晒，就係咁多了（有個蔬菜湯好似冇影到）🤣🤣每位$288，其實食物質素好普通，食物種類亦唔多，純粹貪得意去試吓🤣🤣最後埋單$320/位 ($288+10%)食完扒再食多幾杯雪糕都翻到本嘅，哈哈哈~

前傳!上回講到，上星期同一位紫微斗數小師妹係銅鑼灣 The Grill Room 食飯，話題未完，所以再約下星期見面食晚飯.原本打算去觀塘興業街 The Stadium Bar & Restaurant 食晚飯，打咗三次電話去訂枱，兩次無人接聽最後仲 cut 線! 算..... 轉場!小師妹話想食完飯行吓觀塘海濱，於是首選地點係觀塘，記憶中去過 Bella Shine 環境氣氛唔錯，於是再度幫襯.今次小師妹話請客，因為佢話同我食過噤多次飯，次次都由我請唔好意思，所以今餐食咩由佢發板.點咗個 2 sets，美國頂級黑安格斯肉眼扒，明太子煙肉忌廉汁扁意粉，餐湯係南瓜湯.見到有生蠔，只有最平嘅時令品種，點咗半打.南瓜湯一向唔係自己杯茶，而眼前嘅南瓜濃如果再濃郁就更夾自己口味.半打生蠔小師妹中意落檸檬汁，我經常被人請食檸檬，所以轉落茄汁，雖然係細品種但超鮮嫩同嫩滑，滿意.明太子煙肉忌廉汁扁意粉份量少咗D，忌廉汁味道香濃，扁意粉彈牙，沾上忌廉汁令意粉極惹味.美國頂級黑安格斯肉眼扒點咗5成熟，但感覺似七成熟，肉眼唔係黑色又唔知點解叫黑肉眼，餐廳提供燒汁同黑椒汁，兩款醬汁同樣惹味，而我自己較中意燒汁

工業區食肆眾多，但不是太多有半自助餐。朋友介紹這間在觀塘地鐵站不遠的樓上餐廳，可以自選主菜，並有西湯、沙律和甜品自助區。午餐款式多，有牛扒、意粉，燒雞、🐷頸肉等等，1:00 前和2:00 後離座都有八五折。我叫了日式照燒汁三文魚柳，不但擺盤精緻，而且味道甚佳，三文魚的外皮非常香脆，但魚柳又不會過熟，而且燒汁很好味，令到三文魚的味道錦上添花，我會比💯👍🏻👍🏻我也很欣賞它的配菜，平時配菜很少見到羽衣甘藍，這間餐廳卻用了，加上用紫薯做底，紫薯冧冧的又健康，好吃到不得了，從揀選的配菜已見餐廳誠意十足🥰朋友叫了烤焗啤酒味春雞配脆炸洋蔥圈，從來未聽過用啤酒烤焗，真是有特色。春雞炸得非常香脆，外皮脆雞件非常Juicy。洋蔥圈熱辣辣，卜卜脆，食完真的想再食👏沙律區也甚豐富，單是沙律菜🥗便有三種，全部都很新鮮，而且還有紅菜頭、粟米、小蕃茄等，醬汁也有多款，like 社交平台，還免費movenpick雪糕，超正🎉見到原來晚上有自助晚餐和生蠔，海鮮拼盤，二人套餐和四人套餐有6 折和8 折，都幾吸引🥰下次等我試試！

午市套餐semi buffet ，選擇亦不錯，有湯，有沙律🥗，有甜點🍮，加上飯後生果，非常完美😂。紫薯湯，就咁睇落去就真係似糖水，飲落真係重紫薯味，非常特別👍。黑蒜清酒蟶子炒扁意粉 $92香味濃，色彩繽紛，扁意粉軟硬適中。起初食落未知黑色嘅係咩，但非常之甜，原來係黑蒜，同甜椒🫑味道非常夾👍。蟶子份量十足，鮮味可口，真係意想不到🤣。午餐都可以食到咁鮮嘅蟶子，更估唔到嘅係唔係一隻起兩隻止😋，性價比高👍。烤焗啤酒味春雞配脆炸洋蔥圈 $118半隻春雞，雖然份量唔算好大，但足夠一人。香味十足，雞肉非常嫩滑，雞味濃郁。另外再配上極之香脆可口嘅洋蔥🧅圈，令成個餐份量啱啱好😋👍。食lunch 可以食到依個性價比真係有啲喜出望外👍😂。