Beefar's 鹿兒島燒肉

營業中

休息中

之前都有留意外beefar’s既facebook，見佢好推介個4%奇蹟之牛，見放假就同屋企人去試下。我地一行4個人叫左個牛盛合，有哂唔同部位，之前睇電視成日都見到話入口即溶，我心諗：邊有可能呀，肉嚟架wo~ 今次真係完成推翻左我對牛肉既認知，一擺落口，真係溶！左！@0@ 雖然一開始睇落價錢有啲貴，但質素絕對對得住價錢~ 4%之奇蹟真係絕非浪得虛名而家我可以同人講入口即溶既牛，我試過！我真係試過！

琴晚8月6號同女朋友黎食宵夜放題，一開始入到黎感覺唔錯，環境幾好。坐低嗌左野食之後就好快上，出菜速度係放題黎講都唔差。店面唔算好大，得一個經理同一個侍應。上放題牛肉嘅時候要讚下叫Howard嘅侍應哥哥，儘管有其他客人要落單，佢都好有耐性咁同我地講解曬啲牛肉嘅先後次序，全程面帶笑容。但係之後有一件事令我十分唔滿意，食到中途有一班坐房嘅人大聲咁問叫Charlie嘅經理：房入面可唔可以食煙？經理居然話比佢地食！有冇搞錯？2019年仲會有「高級食肆」俾客人食煙？樓上舖控煙辦就唔理？十分過份！我女朋友好唔受得煙味，陣雪茄味大到我去廁所都聞到！我即刻問侍應哥哥乜你地呢度俾食煙架？可唔可以叫嗰枱客唔好再食?佢勁唔好意思咁話係經理安排，要問經理至得。原來坐房嘅先係客人，我地其他坐出面嘅有俾錢嘅就唔係客人，唔洗理我地感受嘅！之後我地頂唔順即刻埋單走人！啲野好食有咩用？連食肆衛生都做唔好！以後唔會再黎！留個評論等其他受唔到煙味嘅客人唔好再中伏！😡😡😡😡😡😡😡😡😡😡😡

4%的牛肉好吃好嫩好溶化，但就只限這款肉，其他平平無奇一般般。客人不多，服務還算不錯，姐姐很有心機教如何烤每一片肉。除了最頂級的肉以外，其他的質素也比不上牛角，最頂級的牛肉也不及yakiniku great，所以...不過咁，兩位共$1400 這個價格也算是這樣了。

公司請客人食飯，我日本人上司就簡左呢間日式燒肉。間鋪頭向金馬倫道一間酒店入面，全橦酒店都算是新開，所以裝修都仲好新淨。我地一行七人，在門口巳經有待應招代，還用日文與我日本人上司溝通，因為是我上司booking的。安排了張大枱坐七個人，坐得都尚算舒適。我地先黎叫左一支清酒凍飲，待應比我地自己選擇清酒杯。食物方面，我地先叫和牛刺身壽司，上面仲有少少海膽刺身，一啖入口，真係入口即溶。我地每人食左兩件到主菜上枱，我地叫左個和牛併盤，雖然併盤份量不多，但都可以每人品嚐到一件，每件都有唔同口感同味道。另一樣全部人都讚不絕口，就係牛舌同燒生蠔。對於鐘意食牛舌既人黎講，呢塊真係算數一數二，我地repeat order兩次都係牛舌。生蠔好新鮮好肥，燒完入口好鮮甜。呢塊和牛西冷算是全場最貴，專登有個盒裝佢出場，果然無令大家失望，我地order了兩塊，燒好剪左分黎食，肉汁滿滿，入口即溶

岩岩去完日本番黎 掛住係日本食牛既日子試下依間 beefar’s 3個女仔 叫左個極上和牛盛合(4人用) $1088 再加蟹殼兩個飯有5隻肉 不詳説了 大家可以自己上去睇睇有諗過要和肉盛合 (應該下次會試試)我地一食到 4%奇怪之牛極上牛肩肉大家望住大家！係！勁！好！食！佢比較薄身！可以吸晒蛋汁！好多肉汁！所以雖然價錢可能貴少少 但絕對值得！極上牛舌又係！係爽既 所以又係好推介！不過佢地服務方面就有少少次次不同因為上次去佢地會幫我地燒 今次又無 見到格離又有人幫手燒 所以有啲我地都燒得不太好haha最後見到佢地有做宵夜時段 $290 應該會去試下不過要等到930 應該有少少難😂😂

今晚同一位朋友黎食牛！呢晚我地叫左二人套餐，套餐好多野食，起菜時，會好快一次過上前菜、沙律、刺身、湯鍋、白飯，湯鍋好惹味，少少辣，主要配料係牛展，份量非常多。當刺身吃完、各樣野都食到七七八八的時候，就會開始上牛肉。牛肉有五款，份量不少！起初以為輕輕烤就ok,但原來太生係好難咬得郁，反而烤到有點微燶的話，會更易咬，並更有肉香。餘下的時間，都係一邊燒牛，一邊談天說地，整間餐廳的氣氛都很好，笑聲此起彼落，大家都吃得很輕鬆自在。最後，我地好明智地叫左菠蘿，一碟四片，我地叫左三碟。烤熟了的菠蘿好水潤甜美，而且幫助消化，消脹氣，本來已飽到頂肺的我終能慢慢地恢復正常，全靠菠蘿，菠蘿是要必叫的！特別要讚的是服務質素及態度，每位都訓練有素，待客有禮、服務體貼，大家來到的話一定能體會到的。我絕對會再來！

月底要ot ，可以有閒日一天放假 ,其實都不錯,今日放假又係時間食好嘢啦！今日去到尖沙咀搵左一間在新開的The Otto酒店專食牛的叫鹿兒島燒肉， 坐進去之後發覺這兒專食牛的，雖然我唔食牛嘅但係佢都有一個豬同雞可以畀我揀.他一上來時， 盤子上已經有主菜、前菜、沙律、蒸蛋和湯。我看到他的前菜是好像是牛肉，就問一問服務員他是什麼，他回我說是牛舌。 雖然也只好在好美味但是我不是牛的，所以我把它退回給他，免得浪費。沒想到過一陣子店員給我一碟小泡菜， 讓我感到非常窩心。他的黑豚肉一片片放在飯上面，入面有一隻生雞蛋，其實我都好鍾意食生雞蛋撈飯，另外他的醬汁是放左一邊，可以因應你的喜好而來沾上。黑豚肉肉質不算太嫩滑， 可能這裏是主打牛肉我看隔離枱牛肉鍋非常吸引， 旁邊一家人都讚不絕口。我喜歡他的 蒸蛋一邊有冬菇片，非常嫩滑， 咸道適中。另外他的湯， 十分夠火喉， 食完飯再飲過湯， 再食埋雪糕，慢嘆人生。食完個lunch，打我最喜歡嘅排球，一樂也。滿分為10分(1分最低，10分最高)食物：8環境：8衛生：8服務：8價錢: 8舒適度：8總分：8

Have been this place once before. Saw their birthday promotion that on your exact birthday, 20% off and extra wagu beef cake (it is beef). Got to take this great deal. Order a set for 2 person plus another combo tray of beef, and some appetisers. The beef are great as usual. Good improvement on the soup, not as salty as before. In general, it is my favourite place for BBQ Wagyu beef. Price is decent for the quality of the food.

上星期同女朋友收工之後去咗食一間好高質嘅和牛燒肉餐廳。呢度啲黃牛係薩摩牛，為A4以上的鹿兒島黑毛和牛，薩摩牛的優良品質源於飼養員的悉心栽培及專業技術，更稱為4%の奇蹟。淨係聽呢段資訊都知呢間野非比尋常啦。於是我地叫咗醬燒和牛肋條，極上和牛盛盒2人用同埋一個前菜拼盤仲有一杯啤酒。前菜拼盤gei食物已經好高質，有和牛餃子，炸小池魚，一口芝士和牛生菜包等。一口芝士同炸小池魚最有特色又好食！跟住主菜嘅醬燒和牛肋條同埋牛之藏和牛盛盒都非常之正！極上和牛盛盒內有極上牛舌，薩摩牛特上西冷扒，薩摩牛特上牛肋肉，薩摩牛Yaki Shabu上等牛腰背肉同埋令人最期待gei 4%奇蹟之牛極上牛肩肉！其實。。。真係全部都好好食！係零失望！其中最正ge要數到特上西冷，燒gei時候配埋2舊香滑的脂肪一齊以慢火煎。入口果一下真係只可以講從來未食過咁好食ge牛肉！當然不得不提4%奇蹟之牛極上牛肩肉，食落去果下，真係只可以講我以為自己食到天堂上gei美食！真係不負所望！簡直係好食到難以形容啊！真係要來試吓嗰種牛香嘅味道係從來都未試過覺得咁正！特上牛肋肉點埋蛋醬一齊食又係無敵！想食燒肉嘅你哋真係唔使諗啦！呢間真係一定要來

前幾天長週末吃了我個人認爲最好吃的牛肉燒烤- Beefar's, 事隔一週依然回味無窮。Beefar's 坐落於尖沙咀大街一棟商業大廈2樓，雖然是上樓餐廳，但大廈外牆掛有餐廳招牌，也不難找到,電梯一開門便是接待櫃位。當天的booking 似乎挺滿的，幸好我們預先訂位，要不然應該也需要等候好一陣子。坐下後立刻翻開餐牌，當機立斷點了個小食拼盤，醬燒和牛助條$158，和一個二人份量的全牛宴。首先上的事小食拼盤和醬燒和牛助條。我最喜歡生菜包牛肉和炸芝士豆腐。用日式炸粉牢牢包住軟豆腐，外面脆口，隨之而來的是軟軟的豆腐口感，當以為味道已經終結前，再來多一下濃濃芝士香味和軟黏的口感，這個複雜又誘人的口感很讓人著迷。生菜包牛肉也是很有驚喜，爽脆的生菜遇上經過甜醬料調味的牛肉碎，牛肉濃郁的脂肪香但卻不油膩反而感覺清新。吃完小食，接著便是牛肉出場。職員教我們把長長一整條的醬燒和牛助條放在爐的邊邊燒烤，待外面開始變色，便可以拿出來切開小塊後，再把肉中心烤熟便可。醬燒和牛助條味道偏甜，肉質嫩滑，非常不錯。當吃完小食還有牛助條，職員才把主角端出來。第一塊牛肉有點爽口但不夠嫩，但很大原因是我把肉弄熟過頭了。極上牛

行過見到張海報， 嘩，大大塊燒牛肉， 當場口水直流！ 望下個餐牌， 有成十幾款午餐， 食個晏啫唔使諗咁多！一入門口就見到個大雪櫃， 放咗好多款酒, 當然有我最鍾意飲嘅梅酒啦! 原來呢間燒肉店主打鹿兒島和牛， 啲和牛肉直接由鹿兒島送嚟餐廳，咁就肯定新鮮啦！雖然係燒肉店，但係通風做得好好，一啲油煙味都冇。食完要急急腳返公司做嘢， 今日唔夠時間自己燒， 叫咗個牛舌牛肋肉餐， 人哋整埋唔使煩！大大啖牛舌牛肋肉，烤得夠火喉， 加埋檸檬汁更開胃！個餐除咗肉， 仲有湯，沙律，茶碗蛋，前菜同飯。湯: 蘿蔔㷛牛肉，夠清甜！沙律: 雜菜新鮮， 醋汁惹味!茶碗蛋: 有蝦，鮮菇，蟹柳同埋白果， 香嫩滑溜！前菜: 聽講日日唔同，今日就食汁煮牛舌， 炆得淋甜，好味！今日趕時間冇辦法自己燒， 下次一定要自己嚟，有風味啲！月尾個死黨生日， 可以約齊腳上嚟燒兼飲梅酒！

尖沙咀Beefar's 鹿兒島燒肉: 和牛盛盒烤肉午餐（配白飯）（$288）,+10%-之前有聽聞呢度既宵夜和牛燒肉放題抵食💕，但人大（老）了唔敢再挑戰宵夜放題，原來佢既Lunch都好抵食，定食$88起，燒肉都係$138起🤩講緊食和牛喎。呢度位於the Otto酒店內，環境舒適有格調，抽風系統很好沒有油煙味。我揀左好耐最後都係揀咩都有既盛盒烤肉，有齊西冷，上等牛肋肉，上等牛赤肉，上等牛腿肉和牛肋肉。店員介紹，可先用牛脂肪為燒網塗上一層油。和牛的油脂豐腴甘香，有d都幾搶火嫁。薄的和牛燒幾十秒就食得，肉質軟滑，肉汁豐富；西冷就牛味十足；有些油脂豐富點得，更有入口即溶感覺。套餐還附上一隻生蛋，可依從日本的吃法，把烤肉醮上蛋汁吃，更加香滑。套餐仲有前菜、牛肉湯、沙律、茶碗蒸、和餐飲，茶碗蒸很嫩滑！總結覺得呢個係好豐富既午餐，極尚滿足啊。另外仲見到呢到有獨立廂房，好正，好適合公司或家庭聚會！

今天到尖沙咀開會，同事相約會後同往金馬倫道的Beefar's(鹿兒島燒肉)午膳。一進門就見到日式的直幡高書〈薩摩牛〉， 喔! 鹿兒島就是日本古代的薩摩藩呵!Beefar's的午餐定食共12款選擇，雖然牛是主打菜，不過也可選擇吃雞或豬。我一向喜歡吃牛舌，自然選擇有牛舌的〈烤牛舌和牛肋肉定食〉，這餐除了主菜和飯，還附送前菜，牛肉湯和日式沙律。鹿兒島燒肉的裝修很日式，置身其中，若非知道在本港，一定以為身處於日本的燒牛肉店呢！典型的日式燒肉店設施，每桌都設有明火烤肉爐面，二人甚或四至五人一同享用烤肉也沒問題。 主菜燒牛舌和牛肋肉很快便登場了！這定食午餐附送前菜(角煮牛舌)，带醋香的日式雜菜沙律和我更喜歡的韓風大䓤蘿蔔牛肉湯。我雖然喜歡吃肉，但覺得附送的蔬菜沙律和主菜的燒牛舌牛肋肉很配合，也令膳食更健康。店主特別介紹可用檸檬汁灑在燒牛舌上，以作提鮮。 主食的米飯可能用新米，入口有黏性，很彈牙! 茶碗蒸蛋做得很精緻，蒸蛋內有小蝦，蟹柳，雞肉，菰類，非常美味! 用來拌米飯吃，應是絕配！我們因為下午還要工作， 午飯時段不宜喝酒。 不過大家已約定了下週放工後過來，邊吃燒肉邊喝酒， 看來酒的選擇也不小！

喺香港食燒肉，大多是一群朋友熱熱鬧鬧的聚會，但其實吃燒肉都可以好浪漫好有情調！今次同另一半行住街走到尖沙咀一間酒店內的Beefar 鹿兒島燒肉，就最啱拍拖慢慢食！因為想試多啲款，決定散叫唔叫餐！呢度最出名係薩摩牛，先嚟一個牛之藏和牛盛合，6種唔同和牛，每樣細細份，一次過試晒！先食咗個瘦身少少嘅牛後腿肉，牛味好夠又有咬口，開開胃先！但最有感覺嘅一定係呢度嘅牛肋肉，佢有分上等牛肋同特上等牛肋，一睇就知係日本人最愛嘅部位，因為牛脂夠晒多，外型已經似十足拖羅，侍應姐姐仲特登提提我哋呢兩種牛牛可以落埋芥辣一齊食，減少啲油膩感。果然一入口就感覺到個牛牛嘅脂香軟滑，直情食緊牛版吞拿魚一樣！同場加映醬燒和牛筋條，size大啲但好玩啲，燒到咁上下用較剪剪細先食，別有風味！但淨係食牛牛唔得嘅，我哋都叫咗野菜籃同埋清酒，野菜籃有冬菇、粟米、波蘿同茄子，可以調和返啲油膩味道！清酒叫咗妙高山本釀造，都幾得意，會用個量米嘅正方型木盒上，入面有隻玻璃杯，連木盒入面都裝滿清酒。入口都甘甜又唔太哽，幾啱女士們叫！

今日想食下燒肉，就搵到呢間試一試，主打鹿兒島和牛既燒肉店。打開餐牌，有多種既SET，兩個人都可以一次過試唔同部位、唔同種類既牛肉。今晚點左極上烤肉二人套餐，裡面包左五種牛肉。和牛肉沙律，和牛肉花紋靚，凍食加埋柚子醋清爽。刺生拼盤~有牡丹蝦、三文魚、北奇貝、帶子、油甘魚刺生。極上牛肉湯~牛肉味濃郁，裏面蘿蔔香甜，配上白飯。牛肉盛合賣相相當吸引~4%奇跡之牛極上牛肩肉(中間)薩摩牛上等牛赤肉(右下)極上牛舌(右上)是日精選牛扒(左上)薩摩生上等牛肋肉(左下)每款都好有牛肉味，牛油香氣十足，4%奇跡之牛極上牛肩肉當然入口即溶。凍奶茶～甜品有紅豆雪糕，檸檬雪巴。餐廳環境座位夠闊、夠寧靜，坐得幾舒服。