반찬앤쿡 Banchan and Cook (東薈城名店倉)

營業中

休息中

Banchan & Cook，主打韓式 fusion 菜， 東涌分店佈置以粉色為主調，簡約木系傢俬， 環境十分舒適。芝士和牛漢堡蛋包飯招牌和牛漢堡蛋包飯， 熱燙燙和牛 漢堡扒，肉香十足， 入口柔軟並且充滿肉汁， 柔滑的蛋包， 蛋香誘人， 加上濃郁的芝士，每一口都令人滿足。蜜糖無骨炸雞 / 半份喜歡無骨炸雞， 啖啖肉的口感， 外皮酥脆，內裡肉質鮮嫩，炸雞上淋上蜜糖，增添了蜜甜， 煙煙靭靭的年糕及脆卜卜的薯條， 讓人喜歡。明太子蟹肉紫菜包飯脆脆的紫菜， 中間包滿了、蛋絲、青瓜絲及蘿蔔絲， 口感好清爽 ，加上明太子及一絲絲的蟹肉提鮮， 好 味又豐富， 簡單而滋味。開心果芝士蛋糕香滑鬆軟的芝士蛋糕， 甜而不膩，啖啖濃厚開心果的味道。軟綿綿紅豆 .豆花鮮奶咖啡鮮奶咖啡雖然沒有漂亮的拉花， 漸層的賣相當吸睛 ， 入口醇厚順滑， 滿滿奶香， 甜度適中， 十分提神 ，加上軟綿綿的紅豆 ，令人一試愛上。士多啤梨桑子梳打粉嫩紅莓梳打， 充滿夏日色彩， 吸啜一口， 淡淡草莓甜香， 十分清新 消暑。

好耐無食韓國嘢啦，一於去返我嘅飯堂，食佢哋嘅嚐味套餐！煎雞扒泡菜奶油燉飯泡菜的微酸和奶油的醇厚完美交融。煎雞扒外脆內嫩，與滑順的奶油燉飯相得益彰。泡菜的鮮香為整體增加了層次感！無骨蒜味炸雞半份蒜味不會過於強烈，反而恰到好處，讓雞肉的鮮味得以凸顯。燒醬油黑毛豬白切肉配大醬生菜黑毛豬肉質極為鮮美，搭配新鮮的生菜，既增加了口感的清新度，又讓整體不至於過於油膩。Banchan & Cook 提拉米蘇提拉米蘇以其濃郁的咖啡香味和絲滑的奶酪層層疊加，仲好有創意加埋紅豆，口感更加豐富。

去完機場送機急需轉換心情男朋友喺東薈城搵到主打韓式洋食fusion嘅Banchan & Cook餐廳走韓系簡約風柔和燈光超舒服食物選擇又多正好用美食撫慰我心明太子蟹肉紫菜包飯每件壽司都鋪滿 creamy 明太子蟹肉醬上面仲有啲飛魚籽做點綴啖啖都有鹹香海味幾fresh～芝士和牛漢堡蛋包飯呢個真係視覺味覺雙重享受！外層蛋包滑到不得了輕輕界開滑蛋慢慢鋪滿飯面😍入面原來仲有超厚實嘅和牛漢堡扒真係比飯層更厚！肉汁滿滿唔鞋口加埋芝士白汁濃郁得嚟唔膩口好有層次蒜香無骨炸雞（半份）蒜香炸雞香脆但唔乾包住多汁雞肉重蒜香之餘帶少少甜好邪惡但完全停唔到口～底下仲有脆薯條墊底根本係邪惡 combo！濟州鮮奶綠茶茶香突出唔會太甜奶味香滑飲落順口係食炸雞後嘅最佳解膩拍檔軟綿綿紅豆豆花沙冰天氣熱食呢個簡直係天堂！男朋友揀呢個豆花沙冰滑溜得好似綿羊咁紅豆又煮得綿滑整體超治癒開心果芝士蛋糕最後甜品都要試！入口超creamy開心果味夠突出唔會過甜有驚喜👍食物質素對得住價錢環境舒服下次嚟東涌都會想再encore！

近排成日煲韓劇，所以好想食過炸雞，見响Openrice訂位有折，而且食物賣相又唔錯，不過試過之後就覺得呢間水準OK啦，服務就麻麻，下次嚟東薈城唔會再食。 🥢Banchan & Cook小吃拼盤 $120⭐️⭐️韓式炸餃子好味、牛肉飯卷嘅紫菜腍晒、炸薯條唔熱、芝士豬扒好味但無豬扒，整體嚟講不值一試。🥢醬油黑毛豬白切肉配大醬生菜 $182⭐️⭐️⭐️⭐️厚切黑毛豬幾入味亦唔鞋唔韌唔油，蘸大醬係必然好味，想刺激想標眼水就一定要加辣椒，哈！🥢韓式蜜糖炸雞 (無骨半份) $108⭐️⭐️⭐️⭐️炸雞香脆幾滑幾JUICY，蜜糖好香甜惹味，反而呢個薯條同年糕就熱辣辣，好好味！🥢濟州抺茶鮮奶 $48⭐️淡到唔識形容，最基本嘅抺茶味唔夠，奶味又唔夠，飲水好過。 二人共消費：$412 (Openrice訂座全單8折)

黎到東薈城行街，順便食埋晚飯先出番市區，見到間裝潢不錯的韓式餐廳，估唔到有意想不到的驚喜，決意大快朵頤。芝士和牛漢堡蛋包飯：上菜時賣相吸引，蛋包飯雞蛋滑嫩，漢堡非常厚切用上和牛碎肉和洋蔥粒，保持汁水，同時不需要任何調味，牛味特別香濃，非常送飯，加上香濃芝士忌廉汁，一啖接一啖，味道非常夾，而且夠晒醬汁撈飯，蛋包飯飯底係蕃茄炒飯味，仲有蘿蔔粒增加口感。明太子蟹肉紫菜包飯：韓式紫菜包飯果然不出所料那麼好吃，鹹香明太子配上一絲絲蟹肉，紫菜包飯帶有麻油香氣入面有牛蒡蘿蔔絲青瓜黃蘿蔔增加口感，味道豐腴，讓人想追食！開心果芝士蛋糕：開心果口味，絕對時間期大熱，開心果口味濃郁芝士軟棉，芝士配上香濃開心果帶堅果香氣，餅底為牛油消化餅，層次豐富。韓式炸雞蒜香味：新鮮熱辣炸雞，配上煙靭炸過的年糕，無骨炸雞，香脆可口，每一嚿都沾上蒜香醬味，而且每一條薯條和年糕都完美沾上，，雞肉用上雞胸肉十分滑溜。軟綿綿紅豆，豆花鮮奶咖啡：鮮奶入面配上豆花，豆腐花帶有口感夠晒滑，紅豆有咬口，整體唔算甜不錯。焦糖脆脆鮮奶咖啡：焦糖於表面凝固做成香脆可口表面，十分驚喜，咖啡味濃。總結：環境舒服 朋友聚會🎈好地方明太子蟹肉紫菜包飯非

之前系屯門市中心食過一次呢間韓國餐廳「Banchan & Cook」🇰🇷🥢 今次黎到東涌東薈城行街 發現原來呢度都有😆韓式炸雞 (無骨半份) $108酥脆既外皮 嫩滑多汁既雞肉🍗 再用上濃郁甜鹹蒜香醬汁 味道層次豐富且極具衝擊力😆明太子蟹肉紫菜包飯 $92Kimbap既基本食材 再配搭明太子醬既鹹鮮辛辣 加上蟹肉既鮮甜 鮮味大爆發😍芝士和牛漢堡蛋包飯 $148和牛漢堡扒濃郁肉香 口感柔嫩多汁😌 配上融化左既芝士 綿密濃郁的奶味🧀 而半熟蛋皮滑嫩細膩🥚開心果芝士蛋糕 $62開心果香氣鮮明 濃郁堅果香🥜 奶油芝士質地綿密滑順溶化朱古力 $42入口絲滑濃郁 甜度非常明顯🍫伯爵茶鮮奶咖啡 $48既有茶既清香 又有咖啡既醇厚 再加上牛奶既絲滑口感☕

去東涌東薈城行街，lunch 去咗「Banchan & Cook」食飯，呢度嘅韓國fusion美食真係幾吸引👍🏻 餐廳將韓國傳統菜同Cafe文化融為一體，無論外觀定味道都一流，色香味俱全！「芝士和牛漢堡蛋包飯🍔🍳 」味道豐富，流心蛋好正，漢堡扒夠厚好Juicy，炒飯底配埋芝士醬，多重口感，好味「明太子蟹肉紫菜包飯🍙🦀 」韓式紫菜飯卷嘅基礎上，加上明太子醬及蟹籽，口感豐富，明太子嘅鹹香同蟹肉嘅鮮味搭配得剛剛好，創新又好味「蜜糖無骨炸雞🍗🍯 」外脆內嫩，蜜糖的甜味令炸雞多咗一層香氣，加埋韓式年糕 ，十分滿足「開心果芝士蛋糕🍰🥳 」香濃嘅芝士同開心果嘅堅果香，甜而不膩，食完想再encore「濟州抹茶鮮奶🍵🥛 」抹茶味道濃郁，搭配鮮奶飲落去好滑，解渴提神「紅豆豆乳沙冰🍧🫘 」沙冰清新解暑，紅豆嘅天然甜味配合豆乳，真係夏日必試「Banchan & Cook」係一個值得一試嘅地方，無論係味道定環境，都令人滿意🌟

放工最開心就係同謙謙周圍搵食，難得考完試緊係去遠dd行街加食飯啦！今次就去左東涌行outlet 買衫之後去左Banchan & Cook 食炸雞。❤️ 芝士和牛漢堡蛋包飯 ～ 切開肚雞蛋，滑溜蛋鋪滿喺飯上面，和牛漢堡做得出色， 咬落去滿滿肉汁， 連蛋一齊送入口口感超豐富。❤️ 明太子蟹肉紫菜包飯 ～ 一口一件直送入口，上層的明太子蟹肉好creamy。❤️ 芝士無骨炸雞 半份 ～ 呢到d炸雞堅冇得輸， 每件都沾有芝士粉，咬落去雞肉又嫩又滑，配上幾件年糕 煙煙靭靭夠咬口， 幼薯條好脆口。🥧 開心果芝士蛋糕 ～ 旁邊有豐盈的忌廉，面層就有香脆的開心果碎，整體口感更加豐富，層次感十足。 每一口都散發出濃郁的芝士及堅果香氣。🍹 軟綿綿紅豆•豆花鮮奶咖啡 ～ 一杯口感超豐富的打卡咖啡，味道唔會過甜，紅豆夠軟腍。🍹 溶化朱古力 ～ 謙謙話又靚又甜又滑。

今日與好友到了東涌的 Banchan and Cook品嚐是日午餐。韓式炸雞（無骨半份） - 甜辣炸雞 $108這道炸雞外皮酥脆，肉質鮮嫩，甜辣醬的調味恰到好處，帶有微微的甜味和一點辣味。芝士和牛漢堡蛋包飯 $148和牛漢堡的鮮嫩與濃郁芝士及嫩滑蛋包相互交融，而包裹在外的滑蛋則為整體帶來了豐富的口感。明太子蟹肉紫菜包飯 $92紫菜包飯的外皮包裹著鮮美的明太子和蟹肉，口感層次分明。明太子的鮮香與蟹肉的鮮甜相得益彰。開心果芝士蛋糕 $62這款芝士蛋糕口感柔滑，開心果的香脆增添了獨特的風味，甜度適中。軟綿綿紅豆，豆花鮮奶咖啡 $52紅豆的軟綿與豆花的滑嫩相互輝映，搭配濃郁的鮮奶咖啡。士多啤梨紅桑子梳打 $48這款飲品清爽可口，士多啤梨的酸甜和紅桑子的果香交融。

我表姐好喜歡韓國，但呢排佢要返工，請唔到假去，咁我就自告奮勇带佢來到東涌呢間韓式餐廳食韓國嘢，一解相思之情。“芝士和牛漢堡蛋包飯”是首選，蛋包飯就最鍾意切開時流心蛋液的流動，同埋滑嫩的蛋，和牛漢堡好厚好實，份量足夠，還有芝士點綴，成件事好完满 ；“無骨韓式炸雞”半份，两個人絕對足够有多， 柑橘味比較少見，表姐話非常滿意吖，又唔使𦧲骨，既方便又好味👍"明太子蟹肉紫菜包飯"成份嘢加埋調味亦好令人回味；開心果麵包，蛋糕宜家好hit，叫咗一份“開心果芝士蛋糕”，芝士味濃，正。飲品點咗“青檸梳打”和“朱古力咖啡”，尤其青檸梳打送炸雞都唔輸啤酒😜

餐廳感覺同外面嘅忙碌世界完全分隔開，木質裝潢同綠植點綴，營造咗一種溫暖又舒適嘅氣氛，彷彿一入去就係韓國小店嘅小角落。店面設計簡約，帶點現代感，門口嘅數碼菜單同推薦菜牌清晰易讀，吸引人忍不住想試試。芝士和牛漢堡蛋包飯蛋皮軟滑，包住香濃嘅和牛同芝士，切開時蛋汁流心的狀態好有滿足感，精心煎製的和牛肉餅，入口即有種香氣四溢的感覺，配上下面嘅米飯同醬汁，味道層次豐富，令人食指大動。明太子蟹肉紫菜包飯係另一驚喜，紫菜包住鮮甜嘅蟹肉同微辣嘅明太子，入口即化，配搭得天衣無縫。韓式炸雞（蒜香無骨半份）外脆內嫩，蒜香味濃郁，連同薯條炸年糕一齊食，簡單又美味。甜品方面，開心果芝士蛋糕清新不膩，配上旁邊嘅抹茶忌廉同薄荷葉，口感細膩得來又有驚喜。濟州綠茶鮮奶同軟綿綿紅豆豆花沙冰則係完美收尾，前者綠茶香氣濃郁，後者紅豆軟糯同豆花滑溜，冰涼解暑，啖啖享受。
整體嚟講，餐廳嘅菜式味道正宗又創新，環境舒適，適合同朋友一齊放鬆食飯。服務態度亦都友善，值得一試！

本身以為呢間餐廳主要食韓國菜,冇諗到蛋包飯同甜品都好出色❤️‍🔥❤️‍🔥 特別推薦紫菜包飯、蜂蜜炸雞、開心果芝士蛋糕(((o(*ﾟ▽ﾟ*)o)))😋😋更設有室外位置！芝士和牛漢堡蛋包飯 $148超大舊漢堡扒！！！肉多過飯🤣🤣蛋包飯軟綿綿🤤🤤明太子蟹肉紫菜包飯 $92呢個配搭有啲日韓 fusion! 好食！蜂蜜無骨炸雞 半份 $108特別鍾意佢係幼薯條同埋有年糕😍滿滿嘅蜂蜜🍯開心果芝士蛋糕 $62超重開心果味🥹MVP!!!!! 軟綿綿紅豆．豆花沙冰 $58呢個配搭好特別，好飲！溶化朱古力 $42好飲的凍朱古力🍫

🐮🥚芝士和牛漢堡蛋包飯 ($148)蛋包飯係招牌菜 上檯時侍應會輕輕界開雞蛋嫩滑嘅蛋漿鋪滿飯面 望落真係好治癒和牛漢堡好實在 啲肉啖啖肉香🦀🍙明太子蟹肉紫菜蛋包飯 ($92)佢地嘅紫菜包飯非常多配料 上面再加埋明太子醬同蟹肉 滋味double🐥韓式炸雞 無骨半份 ($108)炸粉薄食落酥脆 無骨雞肉啖啖肉 蜜糖味鹹鹹甜甜好過癮年糕同薯條同樣好味 而且份量唔少 夠哂兩個人分享🍑白桃甜蜜梳打 ($45)呢杯加入咗香草 配埋青檸 消暑解渴🧊軟綿綿紅豆豆花沙冰 ($58)呢樣就好似飲得嘅甜品咁樣 會食倒粒粒紅豆同豆腐花 非常滿足

喺東薈城行街，順便搵吓啲好嘢食，咁啱俾我見到呢間食韓國嘢嘅餐廳，見環境唔錯就試吓佢啦，估唔到都有啲驚喜，我哋叫咗幾款嘢食試吓，呢款🐔韓式炸雞(無骨半份) $108 喺必嗌之選👍🏻，我哋就揀咗無骨嘅柑橘味，果然有驚喜😋，炸雞炸到均勻，無骨有無骨嘅好，啖啖肉，肉質夠嫩👍🏻，幾乎每一件雞都滲透住柑橘味，超濃郁，另外仲跟咗年糕同薯條，薯條都唔係hea 炸嫁👏🏻，外脆內軟又夠香口，值得一試🙌🏻🍛芝士和牛漢堡蛋包飯 $148 :其次就係呢款蛋包飯，賣相唔錯，雖然唔係流心蛋嘅效果，不過炒蛋都幾滑，漢堡足料睇落去都幾厚😍，食落味道幾夾又唔覺膩👏🏻🍙明太子蟹肉紫菜包飯 $92 :韓式壽司都係名物之一，每一件都有蟹肉，裏面餡料都相當豐富😆🍰開心果芝士蛋糕 $62 :最後呢款開心果蛋糕都有驚喜，佢嘅開心果味超濃郁😍，足足包圍着整個芝士蛋糕，幾乎唔係好食到芝士嘅味道😌，不過入口即溶，食落幾軟滑😋🍹軟綿綿紅豆豆花鮮奶咖啡 $52 :嘢飲方面，呢杯熱嘅鮮奶咖啡裏面配有豆花，唔算好甜，整體味道均勻😍，其次就係軟綿綿紅豆，豆花沙冰 $52 :飲落都幾飽，事關配料都相當豐富，唔會死甜😆

主食點了芝士和牛漢堡蛋包飯，滑溜溜嘅蛋包飯，包裹住香噴噴嘅炒飯，上面再放上一塊juicy嘅和牛漢堡扒，淋上濃郁嘅芝士醬，好邪惡😋 明太子蟹肉紫菜包飯，明太子沙律醬配蟹肉，加上紫菜，口感豐富。韓式炸雞蒜香味，炸雞外皮香脆可口，雞肉鮮嫩，無骨炸雞食得更爽！加上濃郁嘅蒜香味，真係令人食到停唔到口！甜品開心果芝士蛋糕，芝士濃郁，甜而不膩。飲品方面，熱朱古力咖啡香濃嘅朱古力味同咖啡嘅甘苦味互相平衡，而且咖啡仲有拉花。青檸梳打就酸酸甜甜，夠曬清爽，可以解膩。