반찬앤쿡 Banchan and Cook (太古城中心)

營業中

休息中

lunch time想食啲酸maymay野，就揀左呢間韓國餐廳，見佢除左係韓國野之外仲有蛋包飯，好似好吸引咁😋餐廳入面好靚！好適合打卡影相🤩泡菜燉五花肉蛋包飯$105泡菜包五花肉有兩大舊，用韓式醬燉煮，食法幾特別，兩樣野包住咗所以一啖可以食哂菜同肉，我個人幾鐘意呢個口感，可惜對我黎講啲汁太辣，搞到要瘋狂飲水😖 蛋包飯唔係真係包住，而係擺左一舊蛋係飯上面，蛋煎得ok，入口都算軟棉棉咁，但因為泡菜果啲太濃味又好辣，唔係好食到蛋香呢個lunch黎講都唔算平，冇乜特別都應該唔會再黎🙃

好耐冇去韓國啦，未去到都要同朋友食下韓國菜止下癮，今次就同朋友嚟咗太古城嘅呢間韓國菜食午餐，款式選擇都幾多下，小編都試咗幾款，味道都唔錯😄_🍳泡菜燉五花肉蛋包飯 $105上網見好多人話呢度嘅蛋包飯都幾出名，蛋包飯切開嘅時候蛋汁會漏出嚟口感豐富，泡菜燉五花肉食落香口惹味，辣辣地幾開胃_是日沙律_🍲餃子年糕湯就快到新年就梗係要跟韓國傳統飲年糕湯啦，上枱熱辣辣，內有多款配料包括年糕、大大粒餃子、海蝦、翠玉瓜等等，食落去清清地但好滿足_🍗醬油蒜頭無骨炸雞 (半份) $108今次同朋友都有叫到佢哋嘅炸雞嚟試吓，炸雞好岩一大班人一齊食💜雞肉嫩滑香口，配埋旁邊嘅年糕同薯條夠晒邪惡_🍫烤朱古力棉花糖 $69食到最後梗係要叫返個甜品嚟試吓啦，呢款朱古力棉花糖非常特別，底層使用馬利餅碎，熱熱地食甜入心_🍇提子梳打 $42☕️伯爵茶鮮奶咖啡 $48提子梳打入口清新，不會過甜，伯爵茶鮮奶咖啡嘅伯爵茶味非常濃郁，整體來講值得一試😊

之前在時代廣場吃過Banchan & Cook，印象不錯，知道太古城開了，雖然是半自助形式可是環境更好，坐得更舒服，值得打卡呢！烤牛肉蛋包飯 $88超大份的烤牛肉蛋包飯，雞蛋超級滑嫩，牛肉也好吃，還有蓮藕仔裡面。蛋包飯從中間橫切著，想瀑布般的雞蛋便這樣流出來了！大蝦餃子年糕湯 $88看到新年推介點一下，本來期望不大，哪知道餃子裡面釀的非常惹味，不像是一般的餃子，湯底也挺不錯的！醬油蒜頭無骨炸雞（半份）$108炸雞半份其實兩個人也可以KO，但更多人一起吃就更適合。炸雞非常惹味，無骨更是方便，非常推介啊！烤朱古力棉花糖 $69邪惡的甜品，棉花糖烤過後是最好吃的，下面是朱古力及餅乾，口感豐富又好吃之餘也不會太甜。份量頗大的，建議分享！提子梳打 $42飲品賣相精美，還有分層效果，上面還放了薄薄的提子，心思方面是一百分！伯爵茶鮮奶咖啡 $48賣相也很好看，也做到了分層效果，要喝的時候才攪拌，不會過甜。整體食物質素高，環境打卡一流，服務態度也很好呢！

반찬앤쿡❤️結合咗西餐和韓國輕食文化，主打韓國蛋包飯及現代韓式料理😋 裝修格調十分和諧，使用自然色調，簡約天然，時尚舒適🤩📍松露野菌蛋包飯🍳🍚（$88）蛋包飯雞蛋相當嫩滑，上面佈滿黑松露🍄，旁邊配合松露忌廉醬汁炒野菌，相當香濃🍄📍醬油蒜頭無骨炸雞🐓🍗（半份/$108）炸雞無骨，啖啖肉，外脆內嫩兼juicy，香口而不油膩😋😊，醬油蒜香濃郁，配合薯條和年糕，滋味倍增🤤🤤📍芝士蛋糕🧀🍰（$45）芝士蛋糕相當濃郁軟滑🍰，配合鮮忌廉，層次升級，新鮮莓果減低油膩感🍓🍇📍提子梳打🍇🍹（$42）清涼清爽，上面有新鮮提子果肉，中層冰爽汽水，底層提子果醬🧊🍸📍伯爵茶鮮奶咖啡☕️（$48）熱飲暖笠笠，茶味🍵奶味🥛咖啡味☕️互相平衡🥰

一路都好想搵機會去Banchan & Cook食韓式蛋包飯，今次終於有機會去太古城店品嚐。我哋order咗烤牛肉蛋包飯、松露野菌蛋包飯、醬油蒜頭無骨炸雞、提子梳打及伯爵茶鮮奶咖啡。 😍蛋包飯絕對值得推介亦係主打，半熟滑蛋非常有口感而且嫰滑，切開蛋包中間d蛋汁會流出嚟包住曬成個飯，好有蛋包飯嘅特色。烤牛肉汁連埋d飯再加埋蛋食，每一啖都有唔同口感，再食埋烤牛肉會更上一層。😋松露野菌嘅味道就好健康，鍾意食菇類或菌類嘅朋友一定要試。😋醬油蒜頭炸雞就好juicy 而且好惹味，依份韓國嘅炸雞真係食到完全停唔到。😋提子梳打好refresh 而伯爵茶鮮奶咖啡就好醒神。😋

大食妹今日去咗太古城行街街，本身諗住去food court食嘢，但係經過呢間韓國餐廳見到大排長龍，一於湊下熱鬧個裝修好靚，好有粉紅少女心嘅味道<泡菜燉五花肉蛋包飯$108>蛋包飯超正，一切開隻蛋，蛋汁即刻流出黎大大塊泡菜包住超香嘅五花肉，撈飯食超級好味<大蝦餃子年糕湯$88>新年限定大蝦餃子年糕湯，湯底清清地有韓式風味<醬油蒜頭炸雞$108>炸雞一定要食醬油蒜頭味，香得來又甜甜地，食多幾舊都唔會覺得好靚<芝士蛋糕$45>平時餐廳嘅甜品都好頹廢，但係呢個芝士蛋糕絕對拍得上甜品舖芝士蛋糕底係柚子味，清清甜甜，可以解到芝士蛋糕嘅飽濟口感有啲似日式芝士蛋糕，食啦Creamy

疫情下放假小朋友都悶到死今日帶咗仔仔去太古呢一間韓式餐廳🌸先講裝修 正符合少女嘅感覺坐得好舒適環境又靚打卡一流職員會首先安排座位食物係由客人自己去cashier揀自己取.✅烤牛肉蛋包飯喺中間切開 中間嘅流心蛋會傾瀉出來嫩牛肉配韓式醬汁mix and match!✅新年餃子年糕湯個湯底好濃沃 飲都有少少芝士味年糕夠煙韌 餃子有五大隻 少少辣味非常飽肚性價比高✅醬油蒜頭無骨炸雞炸雞脆卜卜 加埋外層豉油蒜頭嘅味道破格得嚟又幾好味配菜有炸年糕炸薯條 撈埋個醬汁食好好味年糕煙韌 啱曬一班人食✅烤朱古力棉花糖真心必試超好食👍👍底層係消化餅碎棉花糖放入焗爐焗都做到拉絲效果再用火槍燒到外層脆卜卜加埋朱古力醬 勁好食！小朋友超開心✅提子梳打+香蕉鮮奶咖啡兩杯飲品顏值好高味道唔會太過濃 冇曬邪惡嘅感覺❤️

真係估唔到係商場入面都有間咁簡約文青🌾feel 嘅餐廳。見到咁靚就去試下先！.原來餐廳係新派韓式美食，蛋包飯同炸雞都好有名，一於就叫松露野菌蛋包飯🍳、醬油蒜頭無骨炸雞🐥嚟食，另外加咗醬油蒜頭無骨炸雞🐥、大蝦餃子年糕湯🥟、芝士蛋糕🍰同提子梳打🍹。.醬油蒜頭無骨炸雞🐥初初以為醬油味一定會好咸，點知一啲都唔咸仲好好味👍，炸雞🍗雞肉好嫩滑，味道甜甜哋帶有少少咸。下層仲有年糕同薯條🍟就算係半份炸雞但都份量十足，啱哂一班人一齊食。.松露野菌蛋包飯🍳最好玩就係切開嘅一刻，輕輕一刀🔪慢慢睇到啲滑蛋🥚流出嚟都幾治癒。個汁調教得好好唔膩又唔杰，白飯撈汁加埋滑蛋🥚一啖食落去又香又滑，令人食到唔停得口。.大蝦餃子年糕湯🥟年糕煙煙韌韌，餃子🥟大大隻每隻都脹卜卜微微辣🌶仲有兩隻大蝦🦐🦐添。之後就食甜品～芝士蛋糕🍰再飲埋杯提子梳打🍹，當堂肚腩仔都出哂嚟🤭。.另外值得一提裝修真係好靚，餐枱都花咗唔少心思，玻璃之下擺放唔同裝飾品，就連隔板都精美過人👍。.好味指數：😋😋😋😋4/5推介指數：😋😋😋😋4/5抵食指數：😋😋😋3/5.🍽 반찬앤쿡BanchanandCook (太古)📍太古太古城道18號太古城中心二期2樓222A

餐廳設計開揚舒適，裝潢走小清新風格，以木系為主調，加上大量乾花作裝飾，充滿簡約休閒氣息。主打各款新派韓式輕食，有三文治、蛋包飯、意粉、咖哩飯、炸雞等提供，當中瀑布蛋包飯更是招牌菜。烤牛肉蛋包飯 ($88)蛋包飯即叫即製，外觀非常矚目 ，看起來就流口水！這裡的蛋包飯與一般的不同，雞蛋放在炒飯之上，切開蛋皮，半熟的蛋漿會傾瀉而出，讓人垂涎！雞蛋軟呼呼的，口感滑溜，飯底是泡菜炒飯，飯內有紅蘿蔔粒和翠肉瓜粒，拌著雞蛋和香甜的肉汁同吃，相當美味。甜辣無骨炸雞 ($108)炸雞香脆可口，雞肉嫩滑，配上甜辣醬，味道帶甜又有微微的辣，開胃惹味。伯爵茶鮮奶咖啡 ($48)，每一口都散發著陣陣伯爵茶的幽香，令咖啡的味道變得芳香獨特，味道層次豐富。

好掛住韓國既炸雞同蛋包飯啊😋去左太古城同朋友聚聚順便黎食下韓國蛋包飯專門店Banchan & Cook, 食物真係同其他人推薦一樣咁出色😍我下次會再黎啊🥰小明為食餐單: 泡菜燉五花肉蛋包飯🍛 $105大大塊好厚既泡菜包住兩舊五花肉，泡菜好入味，五花肉又好有口感，另外仲有d醃青瓜，好好味🥰蛋包食個樣就已經好吸引，面頭有d忌廉，係中間一切開，見到滿滿泡菜飯，泡菜飯好濃泡菜味，係正宗既泡菜飯😋新年大蝦餃子年糕湯🥣 $88好仲意依個年糕湯既餃子，一咬有好香濃既蝦味，而且材料好足，隻隻餃子大大隻，有5隻😋兩隻大蝦都好新鮮，年糕好煙韌，個湯我飲曬，好好飲，係好香既蝦湯底😋醬油蒜頭炸雞(無骨)(半份)🍗 $108如果一班fd黎食，叫依個炸雞一齊食絕對正😋舊舊炸雞黏滿醬油，伴有片片蒜頭，食落甜甜香脆又惹味，我叫左無骨，食好方便，啖啖肉😋底下有香脆薯條做襯托，有兩種醬汁附上，一隻係帶有乳酪味既sauce，一隻係帶有香濃芝士味既sauce，薯條沾依兩隻醬料食真係好味😋烤朱古力棉花糖🥧 $69一上枱好吸精，滿滿棉花糖係熱熱煎pan入面，面頭淋上滿滿朱古力醬，底下仲有好多餅碎🥰一拎起一舊棉花糖，微溶既棉花糖拉

本來想去Ciak,點知佢16:50已經last order, 所以走去對面試試呢間餐廳。叫咗燉牛肋骨蛋包飯（升級轉紅菜頭蛋包飯）$127 - 價錢唔算平亦都唔算貴。賣相可以，但飯唔熱、餸亦都唔熱，唔知佢想點。最在意係原來要self service ☹️自已去攞餐具，疫情期間，點知其他人D手乾吾乾淨😰 決定呢間冇下次

閒日的午餐在太古城的下午，找了這間又韓又西的Fusion韓國菜一嘗，餐廳幾半自助式落單，自己搵位，係出面落Order付款，在自助吧拎餐具之後再返埋位等野食黎😉.▪️烤牛肉蛋包飯$88份量有點誇張既蛋包飯🤣 一大包蛋下面仲超多飯，切開蛋包飯既流心蛋漿緩緩流出，再加埋韓式炆牛肉炆得好淋身 味道偏淡得黎唔會太咸。.▪️大蝦餃子年糕湯$88呢個好似係新菜式，清淡既蝦湯底清清地帶點鮮味，配上3大隻餃子同年糕👍🏻份量有點多，一個女仔食可能未必食得晒。.▪️韓式炸雞（半份）$108除左炸薯條仲有年糕伴碟，甜酸炸雞醬好開胃，擇左無骨炸雞🍗份量好大。個人覺得炸雞要成大班人食先岩岩好🤣2個人有點吃不消。.▪️芝士蛋糕$45最後加左個甜品CheeseCake , 估唔到又幾驚喜👍🏻 CreamCheese味好突出得黎唔係死甜，因為焗過既芝士又帶點香濃芝士味🤗.▪️伯爵茶鮮奶咖啡$48 And 提子梳打$42飲品黎講個人幾推薦個伯爵茶鮮奶咖啡，咖啡個杯好靚就不再話下，主要係咖啡豆夠香濃，加上伯爵茶撞落去，成件事係夾既，餐廳好有誠意係咖啡面加左朱古力粉同埋乾檸檬🍋襯托，好打卡Style ❤️.蛋包飯同炸雞都好推薦👍🏻👍🏻餐

/ /今日經過呢一間cafe，見到吊住咗好多唔同嘅乾草裝飾，成個感覺好韓😍深深比佢吸引著！呢度大部份都係半自助式，需要自己取餐，所以唔需要加一服務費烤牛肉蛋包飯🐮牛肉超足料，起碼有十幾片牛肉牛肉有燒汁，食落甜甜地仲有蛋鋪喺飯嘅上面，好濃蛋香味飯本來都有調味，仲配埋唔同嘅切粒蔬菜🥬蒜香無骨炸雞🍗我哋只係叫咗半份，啱啱好夠兩個人食炸雞係即叫即炸，熱辣辣💗好好食配有薯條同埋幾舊年糕啱晒我呢啲薯條控仲配有芝士醬同埋蜂蜜牛油醬我個人比較鍾意蜂蜜牛油，食落開胃啲烤朱古力棉花糖🍫呢個真係好似我喺韓國食嗰款咁！完全係#棉花糖控 必食！呢個上枱嘅時候熱辣辣，仲可以拉絲底層仲有牛油餅底，好邪惡啊！同棉花糖夾埋一齊食好有口感😍伯爵茶鮮奶咖啡☕️飲落唔會好甜，咖啡偏苦好濃提子梳打🍸好香濃嘅提子味🍇配埋梳打好開胃！

資料蒐集一下原來由自己屋企去到目的地需時多1小時,其實真是有點而卻步、等了又等終於作出了一個最大的決定，就是今天起行。。。曾經記得早前他們開的第一間本店我已經很想去，但是總的不起心肝，今次趁着疫情輕輕有點兒減退，一如以往我便吃着（晨早午餐）即係話十一時左右到剛剛做午市便入去，感覺上除下口罩都比較安心些少~整間餐室裝修得很舒服自然，枱與枱之間分隔亦有適當的距離，先購票後取物這些比較自助形式的餐廳在太古廣場應該甚為少見，重點係完全無加一服務，這一點應該比多一個讚~由於沒有服務員帶位的情形下，自由揀選心水座位理所當然坐在窗邊位感覺也舒服一點～今日午餐我揀了牛肋骨蛋包飯HK$112.再加多一杯伯爵茶鮮奶咖啡HK$48.話題重回正軌，蛋包飯再落單之後大約十分鐘就可以出櫃面自取，論心賣相真是很漂亮，講回食物質素牛肋骨做得很出色烹煮得很稔，肉質肥瘦恰好，雞蛋時間亦拿捏剛好，一刀切下半熟狀態亦都非常合格，底下的炒飯輕輕加上紅蘿蔔粒粒與及碎牛肉粒炒上，味道亦都恰好不會過於鹹，個人對整體評價亦都相當高，(還要多加一句重點就是整碟飯相當於飽，以自己一個消化力甚高的人士，連下午茶亦可以慳回)>•

搵食貼士：週末下午茶時段無咁多人排隊。今日一個人食個late lunch。諗咗好耐食乜好，諗起呢間BANCHAN AND COOK成日都好多人排隊，見末下午茶時段，碰碰運氣，好彩又俾我碰到，等咗5分鐘就順利入坐。叫咗伯爵茶咖啡，再加個牛肉蛋包飯。先講蛋包飯，叫得蛋包飯，最初都以為係奄列咁嘅，點知只係飯上放一片好厚嘅蛋，望到嘅時候，我呆咗，咁「包」呢個字代表緊乜，我唔太明，我諗我要重新認識呢個字的含義。唔包都算啦，老實，蛋同飯都係唔錯嘅，但係我肉就出事。啲牛肉又粗又韌，如果你聯想唔到個質感，你可以諗諗任飲任飲打邊爐嗰啲肥牛嘅質素。飲品嘅質素係唔錯嘅，茶同咖嘅味道平均，飲到茶味。最後講服務，佢由下單到取食物都係自助，係呢個時勢，連餐具都係自助攞，真心驚，依家唔少自助餐都轉成放題，為免大家自己攞食物或餐具而出事，佢呢間就一於少理，照係自己攞水，餐具，紙巾，附近亦無職員監察，我試完都心驚驚。