반찬앤쿡 Banchan and Cook (太古城中心)

營業中

休息中

喺太古城行完街肚餓💭想食炸雞諗起Banchen & Cook有韓式野食環境開揚坐得舒服🌸 仲要✖️加一服務費 ～係呀，呢度係自助形式，即棄餐具，提供鮮果水（免費自添）～🍳《 芝士和牛漢堡蛋包飯 💲148 》蛋包好吸引🤩襯熱切開仲會有流心效果，蛋香陣陣～和牛漢堡好厚，肉嫩唔乾，再淋上芝士好正！ 🍗《 韓式炸雞（無骨半份） 💲108 》多款口味中揀咗🧄蒜香炸雞～～皮脆好香口，肉滑有汁～仲有年糕同薯條架！ 🍙《 明太子蟹肉紫菜包飯 💲92》放有蟹肉特別鮮味，加上明太子醬好惹味～🍰《 開心果芝士蛋糕 💲62 》口感香滑，開心果加芝士好夾～ 🍹🫘《 軟綿綜紅豆．豆花鮮奶咖啡（凍） 💲52 》 四層效果靚～入口有紅豆蓉但唔會太甜～ 咖啡味唔濃，合大眾口味～ 🍹🍫《 溶化朱古力(凍) 💲42 》朱古力濃但唔甜膩，拌勻啲cream入口更香滑～ 冷氣風口有啲大，所以要快食否則啲嘢好快凍晒🤫

今次黎到太古城中心依間韓式蛋包飯餐廳👍 內部裝修採用開放式設計，樓底高空間感足✅ 走小清新風設計，部分餐桌更以鮮花作點綴，超夢幻打卡一流❤️ 首先當然要叫餐廳出名嘅蛋包飯😋 㨂咗同場好多人食嘅芝士和牛漢堡蛋包飯🤩 蛋包飽滿美觀，一切開水嫩嘅滑蛋傾瀉而出，超迷人😚 蛋包下藏了一塊勁厚勁足秤嘅漢堡肉❤️ 見到都勁心動🌟 配埋堆滿碟邊嘅芝士汁，真係邪惡又惹味😈 明太子蟹肉紫菜包飯一樣正👍 包飯圓碌碌包住多款清爽醬料，表面堆滿蟹肉同埋明太子醬🤩 真係勁正❤️ 食落口感豐富，滋味一流❣️ 食韓國菜一定要叫返碟炸雞🌟 㨂咗半份蜜糖炸雞✅ 炸雞香口卜卜脆，表面淋滿甜美嘅蜜糖，食落甘香可口，滋味極佳❤️ 甜品㨂咗開心果芝士蛋糕💚 賣相幾靚👍 食落質感軟滑細膩，開心果嘅味道出眾，甜度剛剛好，開心果迷必選✅ 飲品㨂咗一杯熱伯爵茶鮮奶咖啡，一杯青檸梳打❤️ 前者醇香順滑，啡味回甘🤩 後者藍澄澄好迷人，入口清爽酸香，解膩一流👍 

店舖設計簡潔，座位舒適，近落地玻璃位更開揚，類似美食廣場⋯⋯自己揾位、攞餐。。。烤牛肉蛋包飯 有蕃茄味嘅炒飯幾開胃，連同滑蛋一齊食好味，烤牛肉質感滑溜，而洋蔥嘅甜味令牛肉更清甜。有骨炸雞半份炸雞嘅味道好啱我，甜甜辣辣野味到好想食多件，就算炸雞有骨，食落都係啖啖肉，肉質唔會乾，其次仲有煙靭嘅年糕同脆脆薯條，豐富又多元化。燒醬油黑毛豬白切肉配大醬生菜紫蘇葉放上泡菜、蒜片、厚切嘅黑毛豬肉，加入帶微辣嘅調味料，黑毛豬肉更野味。飲品軟綿綿紅豆.豆花鮮奶咖啡望落去好有層次感，將咖啡融合香滑豆花和香甜紅豆，飲住香濃咖啡又感到豆花嘅滑紅豆嘅香甜。軟綿綿紅豆.豆花沙冰入口沙冰凍冰冰，裡面有紅豆粒加滑滑豆花，喜歡飲落唔太甜。

今次推介 Banchan & Cook 一間好韓風嘅輕食Cafe，位於太古城中心，環境超Chill，啱晒同朋友聚會同打卡！📸一入到餐廳，裝修好有韓式文青feel，木色主調加花花牆同花花枱，仲有大玻璃窗，陽光洒進嚟，影相出嚟IGable到爆！🌸✨ 自助點餐好方便，店員仲好nice，成個氛圍輕鬆又舒服，似足韓劇場景😎講到食物，先試芝士和牛漢堡蛋包飯 ($148)，蛋包滑到不得了，切開蛋汁流出，混和牛漢堡同芝士，Juicy得嚟味道濃郁，份量仲好足！🍳🥚 明太子蟹肉紫菜包飯 ($92)，色彩繽紛，蟹肉鮮甜配明太子，口感層次豐富，食完好滿足！🦀🌊 柑橘炸雞 (半份) ($108)，外脆內嫩，年糕條煙煙韌韌，仲有薯條喺底，唔會太油！🍗😋 甜品推介開心果芝士蛋糕 ($62)，呢個味道有驚喜😍質地軟滑，開心果香好突出，甜度啱啱好！超鍾意✨🍰 軟絲絲紅豆豆花鮮奶咖啡 (凍) 同 軟綿綿紅豆豆花沙冰 (凍)，紅豆咬口一流，咖啡香濃順滑，沙冰清新，再配埋豆花喺底，真係好好味！夏天飲超爽！不過因為佢用紙杯承載，睇唔到佢嘅層次🙈但味道一流🧋❄️

呢個明太子吞拿魚意粉真係令我大開眼界，不過係負面嗰種。首先，罐頭吞拿魚腥味勁重，一打開已經聞到嗰陣味，完全冇新鮮感。明太子本身應該有啲鹹香，但同吞拿魚混埋一齊，味道好怪，完全唔夾。意粉又煮得太淋，冇口感，成碟嘢食落去冇層次，全部味道混埋一齊，完全分唔到邊樣打邊樣。食一啖已經想停，真係有啲頂唔順。😩另外，我仲試咗佢哋嘅甜辣炸雞，點知都係超級鹹，食完成個口都乾晒。最失望係原來成間舖只係food court形式，環境又嘈，坐得唔舒服。啲餐具係即棄。總結嚟講，呢餐真係冇咩值得推介，下次都唔會再幫襯。啲嘢食仲要勁貴。

早排去太古接朋友收工，今次就去左位於太古城中心的韓式Cafe食dinner，環境走韓式風格滿滿打卡位，Menu都有好多選擇，值得一試芝士和牛漢堡蛋包飯必食招牌蛋包飯，一切即流心富蛋香，蛋包飯係炒飯底幾好食，扒厚身，入口肉汁豐富充滿牛味，加上芝士好邪惡明太子蟹肉紫菜包飯紫菜包飯食得多，紫菜包著青瓜.蘿蔔絲等配料，配上鹹鮮十足的蟹肉同明太子，好足料自選無骨炸雞 半份炸雞呢度可以揀有骨/無骨，口味都有好多選擇，今次揀左柑橘，酸味有助中和油膩感，炸雞外皮香脆，入口嫩滑多汁，值得一試，旁邊仲有年糕同新鮮沙律開心果芝士蛋糕芝士蛋糕入口順滑，芝味香濃，作為開心果控表示大滿足，粒粒開心果碎，堅果味香濃軟綿綿紅豆•豆花鮮奶咖啡豆花味香濃，紅豆香甜，配上咖啡有助中和甜膩感士多啤梨紅桑子梳打藍色好吸睛，士多啤梨酸酸甜甜好開胃⑤

呢間主打蛋包飯嘅韓式Cafe，用咗好多花花🌷做裝飾，食物亦都相當精緻，打卡一流ღ 芝士和牛漢堡蛋包飯滑溜溜嘅蛋切開包住香噴噴嘅炒飯同和牛漢堡，漢堡扒勁厚身勁juicy ，加上濃郁嘅芝士醬，邪惡度爆燈～ღ 明太子蟹肉紫菜包飯面頭嘅明太子帶鹹香，加上蟹肉令紫菜包飯更添層次感ღ甜辣無骨炸雞炸雞甜甜辣辣好惹味而且無骨食落啖啖肉好Juicy伴碟仲有煙靭年糕同脆脆薯條ღ 開心果芝士蛋糕蛋糕質地軟滑香濃加上開心果脆脆，口感豐富ღ 荔枝梳打｜白桃甜蜜梳打兩杯梳打賣相吸引，飲落清爽唔會過甜

明太子蟹肉紫菜包飯 ($92)內餡豐富，有醃蘿蔔、甘筍、青瓜、玉子等等，面層再加上明太子和蟹肉，爽脆微甜又惹味，讓人一口接一口。甜辣無骨炸雞 半份 ($108)炸雞可選有骨或無骨，無骨是懶人首選，啖啖肉，口感酥脆不油膩感，甜辣交織，惹味開胃。芝士和牛漢堡蛋包飯 ($148)半熟炒蛋放在漢堡和炒飯上，把蛋切開，半熟蛋液徐徐流下，相當吸引。份量十足，和牛漢堡鬆軟，肉味香濃又富油香。開心果芝士蛋糕 ($62)口感軟綿滑順，既有開心果堅果香，亦有濃郁芝士鹹香。凍軟綿綿紅豆•豆花鮮奶咖啡 ($52)賣相吸引，層次分明，將咖啡融合香滑豆腐花和香甜紅豆，散發地道風味。

今次去咗太古城嘅Banchan & Cook，試咗幾款招牌菜，整體來講幾有驚喜！ 🍔芝士和牛漢堡蛋包飯🍛呢個蛋包飯係必點！蛋包飯嘅蛋煎得超滑，切開仲有蛋汁流出來，配上濃郁嘅芝士同juicy嘅和牛漢堡，口感豐富，撈埋一齊食真係超正！ 🦀明太子蟹肉紫菜包飯🍛呢個飯都唔錯，紫菜脆口，入面嘅蟹肉鮮甜，明太子帶少少辣，好開胃。不過如果明太子再多啲就更完美。 🐔蜜糖無骨炸雞（半份）D雞炸得外脆內嫩，蜜糖味香甜得來唔會太膩，而且估唔到薯條同年糕配蜜糖咁match，非常驚喜！ 甜品方面，開心果芝士蛋糕好濃郁，開心果味突出，芝士口感綿密，鍾意nuts嘅朋友一定會like。飲品就叫咗荔枝梳打同紅豆豆花鮮奶咖啡，前者清新解渴，後者就幾特別，紅豆同咖啡出奇地夾，值得一試。 環境舒服，價錢合理，會再encore！

最近同朋友去太古城行街，發現咗間韓式Cafe走簡約風格，可以慢慢食傾吓偈👍🏻🍳 芝士和牛漢堡蛋包飯漢堡扒肉質嫩滑～配上超creamy嘅蛋包飯同芝士醬，好邪惡又好食🤤🍙 明太子蟹肉紫菜包飯有層次既紫菜包飯，明太子帶鹹香😍🍗 甜辣無骨炸雞（半份）食炸雞一定要叫甜辣醬，味道岩岩好，唔會太辣/甜，雞肉外脆肉嫩，必叫👍🏻☕ 軟綿綿紅豆豆花鮮奶咖啡超特別！豆花口感好滑，紅豆甜而不膩，底下係鮮奶咖啡～三層分明又飲得出層次👍🏻🍫 溶化朱古力朱古力味濃郁，同忌廉一齊飲，好滑😋

Banchan & Cook - 韓式Cafe今日嚟到太古城一間韓國Cafe，有好多唔同嘅韓國小食、甜品仲有人氣嘅蛋包飯。芝士和牛漢堡蛋包飯厚身嘅漢堡牛扒配上幼滑嘅日式滑蛋仲有香濃嘅芝士醬。明太子蟹肉紫菜包飯鮮味嘅蟹肉，加上明太子醬仲有經典嘅紫菜包飯。韓式炸雞可以選有骨或者無骨，而且口味眾多，有原味、甜辣、蒜香、柑橘、蜜糖，我哋最後揀咗蜜糖，熱辣辣又香脆甜甜地。開心果芝士蛋糕濃郁嘅開心果碎碎配上口感軟滑入口即溶嘅芝士蛋糕。軟綿綿紅豆，豆花沙冰 $58青檸梳打 $42

Banchan有新menu，睇menu嘅時候已經俾佢嗰明太子蟹肉紫菜包飯 $92 吸引，嚟到嘅時候賣相好難忘🫶🏻 色彩鮮艷，口感好，味道好有層次添🫶🏻芝士無骨炸雞 (半份)$108 一如既往都係咁好食😍 年糕係100分🥰 有得加年糕就好，唔會覺得油膩，但又好脆口🩷芝士和牛漢堡蛋包飯 $148 - 估唔到和牛漢堡會咁大嚿，突然之間覺得好抵食😱 漢堡好Juicy，側邊啲汁加飯加蛋一啖食好正🙌 開心果芝士蛋糕 $62 - 得到我朋友開心果控嘅認證✅ 佢啲甜品好食咗好多🫶🏻焦糖脆脆鮮奶咖啡 & 朱古力咖啡 - 嗰人覺得朱古力咖啡好飲啲，唔會太甜，又唔會覺得淡，不錯😍 我朋友超級鍾意焦糖脆脆，你到嘅時候層次好分明，好打卡🤣整體嚟講一定要叫紫菜包飯同炸雞🥰

估唔到太古城都有分店～不過係自助式服務～落完單自己搵位，跟住等拎嘢食。唔收+1服務費，其實都幾好.-芝士和牛漢堡蛋包飯漢堡蠻大一塊的！醬汁都濃芝士味。飯本身有蕃茄味～ 份量都多～ 感覺可以share 食-明太子蟹肉紫菜包飯韓式的紫菜包飯餡料蠻多的。 都係個d🤣配上明太子醬～ 夏天不想吃熱的來說挺好的！-韓式炸雞（無骨半份） 點左柑橘炸雞！呢隻味真係無得頂！酸酸甜甜的柑橘味道🍊 d雞又juicy～ 炸雞真的是必點的！-荔枝梳打兩顆荔枝都吃了～ 🤭味道不錯～-溶化朱古力奶油味比較重～ 還好～有d台入面係花花，好睇🤭

今次慶祝家人生日，於是買家人想吃，平時又好少會買的食物。以前在Banchan and cook堂食吃過豬扒蛋包，大大份又好食，覺得很不錯所以喜歡這間餐廳，不過對食開快餐店的我來說價格都高。我見到蛋包飯常常以為是日本餐廳，原來是韓國餐廳😂。今次吃了3個不同食物：1. 蜜糖炸雞（無骨）：必食之選，有薯條又有3條年糕條，雞有錫紙熱辣辣超好食❤️ 份量都多，如果一個人食曬應該比食一盒意粉飽肚。蜜糖炸雞是沒有辣的。之前食過另一間「李家」的韓式炸雞就原味和所有味都辣，是同一份雞只是換過另一盒醬。兩間比較，李家比較脆比較接近KFC那種，banchan and cook 軟好多有多些肉的感覺。2. 烤牛肉蛋包飯：有肉有沙拉，肉也很多，較咸但好食👏 蛋很滑，比大家樂大快活滑蛋好食好多。3. 三重芝士炸千層豬扒蕃茄意粉：肉和麪份量少，炸皮入面是免治肉碎和加上一層芝士，想揾一塊的豬扒都無，實在是失望。不過味道不錯。

🤫因為公司office 系附近，所以山長水遠嚟到太古中心，於是揀咗呢間餐廳試吓。 環境好舒服，中午時間以為會好多人，大約12:30左右，差不多1點幾先開始人多🤭🤩餐牌有好多選擇都好吸引，最後揀咗明太子炸豬扒忌廉意粉Creamy Mentaiko Pasta with Fried Pork Cutlet。 首先，可能揀咗個位置對正冷氣風口位，所以意粉好快硬咗一舊☹️🥺😩而豬扒就覺得冇咩味道😕比較淡而肉身都偏硬咗d，不過豬扒嘅份量都多。 另外一個三重芝士炸豬扒番茄意粉，就份量偏少🧐有番茄醬汁都算開胃。👍🏻加咗飲品，所以都包埋個焦糖布甸🍮我覺得甜度剛好，都入味好彈牙，朱古力就可以重味多d d 因為都偏淡。