10
3
0
港鐵香港站 C 出口, 步行約5分鐘 繼續閱讀
電話號碼
31858388
營業時間
今日營業
12:00 - 14:30
18:30 - 00:00
星期一至六
12:00 - 14:30
18:30 - 00:00
星期日
全日休息
*最後落單時間: 14:00,21:30
付款方式
Visa Master AE 現金
其他資料
Wi-Fi
酒精飲品
自帶酒水
切餅費
外賣服務
加一服務費
食評 (17)
等級6 2018-10-05
6115 瀏覽
美人姐姐曾多次向肥肥家族推介中環新竉「Arbor」,無奈XO仔訂咗兩次位都食檸檬,一直未有緣一試。適逢十一國慶,美人姐姐居然訂到張五人枱食早午餐喎,所以就叫細佬一定要推掉所有約會去好好品嚐廚師發辦o既海陸大餐。西餐廳位於中環新建成o既畫廊商廈「H Queen's」內,淨聽地址已感十分時尚。乘坐升降機抵達二十五樓,即由兩位溫婉有禮o既妹妹接待。步入用餐大堂必先經過帶有歐陸風味o既酒吧區,甚有格調。餐店佔用面積全層,樓底高高,極具氣派。散座排成近窗及貼牆兩行,空間感足,且毫不嘈雜。部份椅櫈用上弧形梳化,雅致得黎氣氛更為輕鬆。店子全場用上落地玻璃窗,務求貴客可盡情欣賞香港靚景。小肥仲八到店內設有兩間可打通o既十二至十四人及六至八人廂房,均設有最低消費額。厚本酒牌雖然係好多選擇,但單睇香檳o既價格已覺奇高。幸好餐店酒牌正在被審批中,故暫不收取任何開瓶費。嘻嘻,五口子當然係襯機嘆樽大炮香檳啦!主人家非常客氣地為各人點選好廚師發辦之節令四道菜餐單,每位$888。餐桌上已有齊備o既餐具,每道菜上場時亦會換上全身o既配套。安頓好一切,妹妹先弄濕食客面前o既紙巾,好等喺食用麵包前可抹一抹手,衛生非常。每個布袋內有四件自家製紫菜味甜麵包,質感鬆軟,甜甜咸咸都幾得意。伴上兩款明太子味及昆布味牛油,塗上後更覺香潤惹味。接著o既餐前小食看似簡單,但原來白雪雪o既為希臘乳酪,乳酪中央隱藏咗一件煙燻過o既日本鱒魚,而橙亮o既三文魚籽隔離嗰片火紅色o既則為焦糖紅菜頭。四款食材分開黎食,咸的咸,淡的淡,甜的甜,真係估唔到撈埋一齊食會變得如此清香鮮美,脆巧柔滑,甚有驚喜!廚師發辦第一道頭盤主材為冰島淡水小龍蝦,師傅輕輕以火槍燒過,再以小龍蝦頭及蕃茄汁液秘製出透明o既濃縮精華作調味。一、兩成熟o既小龍蝦爽潤彈牙,鮮甜無比,連同酸酸甜甜o既秘汁食用,效果清新醒胃,超!伴碟兩件紅蕃茄以昆布薄片添上咸香,同樣細膩。正當大家仍在回味小龍蝦為國慶帶黎o既味蕾火花時,面前迅即呈現出足料o既秋季松露雜菌意粉。嘩,師傅毫不吝嗇,碟上o既秋季松露份量實在震撼,未動手已先聞到清香撲鼻o既松露香!喺煙煙韌韌o既米型orzo意粉內混入巧薄輕盈o既新鮮松露及芬芳嫩脆o既高質雜菌,組合有層次得黎潤澤而不膩口,且十分芬香,實在美妙!主菜為粉嫩紅潤o既慢煮伊比利亞豬。上枱時,兩件厚切伊比利亞豬只有頂面幾粒鹽作調味。隨後,妹妹先戴上白色手套,得客人同意後才續一斟上以伊比利亞豬o既肉汁及骨髓所餚製而成o既秘汁。伊比利亞豬肉質軟腍帶微微爽口,點少少骨髓秘汁則令菜式更為香濃。碟上鮮艷奪目o既配菜乃茄子蓉及以黑蒜醬點綴o既燈籠椒蓉,塗上慢煮伊比利亞豬一拼黎食,即令豬肉鮮甜不少。套餐第四道甜品由清甜o既福岡水蜜桃、香脆o既蛋白糖霜及清涼o既桃味雪葩所組成,橙美亮麗,微甜輕巧。Arbor以「木」起名,除咗地板及天花都均以木作建材之外,美點雙輝o既擺盤亦巧妙地換上木盤,彷彿正要提一提醒貴客餐店概念源於自然美。甜點馬德琳貝殻蛋糕內含青檸絲,蛋糕仔厚潤彈口得黎滲出陣陣青檸香,清香涼快。而焙茶味馬卡龍則鬆化甘醇,甜而不溜。據悉,西餐廳之糕點全為名店「Dalloyau」所提供,焙茶味馬卡龍更係「Arbor」專有,故食剩打包都會用上「Dalloyau」o既靚盒承載。只外,套餐亦包有餐茶或咖啡一杯,部份仲有拉花睇。好多謝美人姐姐百忙中仍抽空請肥肥家族品嚐「Arbor」帶有不少日本食藝元素o既廚師發辦料理,一同慶祝國慶佳節。潮流熱店環境高雅,格調輕鬆,服務貼身稱心,海陸菜式美觀可口,現階段可免收開瓶費享用自攜佳釀,大家真係不妨襯機一試名店美食。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-08-05
6027 瀏覽
中環新貴H Queen,整棟大廈充滿設計氣質,矗立於人流暢旺的核心區域,因此有多家藝廊及高級法式餐廳進駐,對住饕客來說,當然是好消息。Arbor無論是在裝修及菜式特點上,與同系餐廳épure也十分相似。芬蘭主廚Eric Räty曾是Cafe Gray Deluxe的head chef,菜式中透露法日融合的韻調;裝潢佈置方面則也是由Yabu Pushelberg經手,取意餐廳名字「喬木」一意,打造以溫暖木色為主的用餐環境,採光充足自然,正正適合享受週末午餐。Amuse Bouche侍應首先送上amuse bouche,油甘魚刺身蓋著新薯方粒,綴以青芥末及海苔酸忌廉醬,整體相當溫和,又帶些許鮮味,已見日式元素。Bread籃內盛著兩款完全不同的麵包,葵瓜子酸種麵包厚實,充滿果仁香氣,配上兩款牛油送吃頗為配搭。餐廳送上的牛油精心別緻,鰹魚味牛油(bonito butter)透出木魚香氣,比海苔牛油更佳。另一款麵包為孜然(cumin)薄脆,香料味濃、硬度高,後段還吃得點苦味,只能一塊止步。3-course menu starter: Octopus頭盤的八爪魚經慢煮處理,入口帶點煙韌,沒有常見的濃郁醬汁配搭,反而更為清新。配上淡甜的日本小蕃茄,沖繩黑糖漬昆布及紫蘇花,日式風格顯著,配合得宜。4-course menu starter: Foie Gras四道菜的套餐頭盤有甜酒鵝肝慕斯,質感十分幼滑,加上日本的梅干(umeboshi)及燙大黃粒(rhubarb)混合的酸甜醬汁,油腴和酸度平衡,還有增加口感的蕎麥(buckwheat)脆脆,整體表現出色,但難以一人之力完成。Omakase menu starter: Oyster像迷你盆景的生蠔頭盤也不失鮮美,青瓜冰沙、酪奶(buttermilk)突顯清爽,還有舖在蠔葉上的小水珠,更是由香檳及醋混合而成,別具匠心。4-course menu middle course: Corn Velouté粟米濃湯望著簡單,吃著也簡單。但加入了藍龍蝦肉在湯內陪襯,似乎有點不合,想刻意強調食材運用,著實弄巧反拙。Omakase menu middle course: Asparagus蘆筍當造,怎少得這款甚帶法風的食材。雖不如前些日子在Amber吃的加大碼蘆筍般精緻出色,不過已算合格,由指橙(finger lime)帶出草綠氣息。另外還有法式經典荷蘭醬(Hollandaise Sauce)伴襯,檸檬酸香簡單調搭。3-course menu main: Iberico Pork主菜相對頭盤稍為失色,伊比利豬澆上精華(pork juice),肉質合格但調味較弱,甜椒蓉(bell pepper purée)亦沒有作出協調。配菜的甜滷大根及醋漬大根薄片單獨來說是做得還可,不過與伊比利豬欠缺互相環扣的和諧。4-course menu main: Cod鱈魚主菜以清新的方式呈現,用上接骨木花作泡沫醬汁,又配以芝士碎、青葡萄和少量辣根醬(horseradish sauce)點綴魚肉,伴及韮蔥(leek),整體是相當輕盈淡雅,但缺乏對魚肉的強調。Omakase menu main: Sea Bream時令的主廚發辦菜單,主菜較其他兩道優勝少許,魚肉表面香脆金黃,內裏柔嫩秀白,和西蘭花蓉(broccoli purée)般為配搭,柚子醬汁平衡協調,還有芝麻增添層次。3-course menu dessert: Organic Chocolate三道菜餐單的甜品以堅果為主題,例如有蕎麥焦糖雪糕,朱古力醬、咖啡慕斯及焦糖脆脆,可是整體過甜,對不嗜甜者或許過膩。4-course menu dessert: Passion Fruit充滿視覺衝擊的一道熱情果甜品,由黑芝麻去擔任中和酸度的角色,並以不同形式呈現。主角熱情果醬配西米,酸度高強,無論是黑芝麻雪糕還是脆片,都未能成功制服酸味。黑芝麻混白朱古力球內有熱情果慕斯,這個反而較平衡。Omakase menu dessert: Calamansi另外一道甜品是以比較少見的四季柑/金桔(calamansi)為主,造成雪糕及甜醬,配以自家製碎曲奇及蛋白餅脆片帶出層次,清新的感覺頗為迎合夏日氣息。最後送上新鮮焗好的貝殼蛋糕,滲出絲絲青檸及清酒微香,以咖啡送吃甚佳。單看午餐幾道,未有想再試晚餐之意,整體成品未達精緻的水準,特別是甜品部分,而味道上又不及姊妹店Épure。環境及服務則沒什麼可以挑剔,舒適悠閒,氣氛輕鬆,經理也照顧得宜。風格很是適合女生,若說想來喝些小酒香檳還是可以的。 繼續閱讀
(以上食評乃用戶個人意見 , 並不代表OpenRice之觀點。)
等級3 2018-10-20
1194 瀏覽
第一次試Arbor既lunch, 一去到就食左佢既麵包先。麵包好香好鬆軟,配埋明太子牛油同紫菜牛油真係食左好多件。Amuse bouche: 呑拿魚他他,呑拿魚細細粒食落幾鮮,蔥味好重,底層有芝士,夾埋一齊食味道好配合又唔會膩。Mackerel: 奇異果配鯖魚,鯖魚燒成半生熟,質感好豐富,奇異果汁酸酸甜甜好開胃,點黎食更加食到魚既鮮香。Sunchoke: 非常濃郁既忌廉湯,仲加左好多芝士,入面既果仁同牛蒡中和翻湯既膩。Duck: 非常好味既一道菜,鴨煎得好香唔使點醬食已經好夠味,質感好特別有咬口,唔同平時食鴨嗰種好實既肉。Small potato: 薯仔雪糕配朱古力醬,雪糕食到薯仔味但味道唔係好濃,連埋朱古力醬同果仁一齊食味道好特別。 繼續閱讀
(以上食評乃用戶個人意見 , 並不代表OpenRice之觀點。)
等級2 2018-10-19
718 瀏覽
Arbor的名字其實聽過幾次,也知道他的裝修尤其特別 (其實本人非常喜歡他們的bar area,非常有class)但因為本人本身不太喜愛fine dinning. 也許真的食太多,每次都3-4個鐘頭會很累 而且其實冇乜未食過因為本身旅遊比較多也試過很多世界頂尖的fine dine所以會對fine dinning的標準比較嚴苛所以各位閱讀的朋友唔好太認真,我本身對fine dine的要求真的很坎坷首先講講服務,服務到位,服務人員各方面的都很細心仔細.味道配搭較為特別,用料新鮮 也食得出是每天新鮮來港新鮮準備. 我相信餐廳老闆對飲食應該很有心得. 做fine dinning 餐廳是一件很難的事因為利潤低,價錢高同不是普羅大眾每天都會考慮的餐廳 所以在此要說明一下希望大家明白.餐廳海鮮材料挑選很好,看得出主廚的採購人員很到位,味道調味也不錯 不會出現一種味道尷尬(難理解)的情況.融入了法式的煮食方法看到主廚想展現的獨特風格以及想帶出來的味道. 餐廳上菜時間不算慢終結:在於一間fine dinning餐廳該有的都有但簡單來說特色不夠,欠缺了一種wow factor所以很難說很特別或者很有驚喜,因為菜單上的食物我相信好多香港人都應該嘗試過(就算不算同等素質 也試過同樣食材)可惜的是留不了很大的印象但你問我好唔好食 他覺得是有要求有水準的高級餐廳6/10 繼續閱讀
(以上食評乃用戶個人意見 , 並不代表OpenRice之觀點。)
等級3 2018-09-26
715 瀏覽
今次我地黎試下呢間近期大熱既arbor,先食下lunch試一試水溫!環境尚算高級,高級得黎比較自在,唔會有拘謹嘅感覺,而且自然光夠充足,食得好舒服!岩岩加左價,之前見人地Omakase 4 courses係$698,今次已經係$888😨我就睇下你有幾高級!先有餐前小食,面頭有海膽,大根,椰菜花大根係醃漬過,酸酸地。小龍蝦係底度睇唔到,小龍蝦係用龍蝦湯煮過,成杯野好好食!好有日式既感覺。之後係餐前麵包,係紫菜昆布味增homemade麵包,配上紫菜同明太子牛油。麵包好好好軟熟,好得好有驚喜!明太子牛油比紫菜牛油出色,因為紫菜牛油比較鹹。第一道菜:冰島小龍蝦。係生既龍蝦不過表面炙燒過,淋上日本蕃茄啫喱,或者可以話似係比較濃稠嘅蕃茄凍湯。蕃茄上面有用糖煮過既昆布薄脆。好清新!第二道菜係舞茸菌黑松露rice pasta,有好多黑松露薄片,一啲都唔吝嗇,下面係用出面比較少見既rice pasta,用seaweed butter煮過,可惜有少少油膩,舞茸菌又煮得咸左少少。不過整體還可以。第三道菜係豬,佢係豬頸下面嘅位置,肉質比較淋,廚師話呢舊肉煮至5成熟最好食,所以個樣比較生。小茄子上面加上甜味噌醬炙燒過,好好食!橙色嘅係甜椒醬,上面一點黑色嘅係黑蒜汁,點黎食可以提升豬肉嘅味道。另外花下面果堆綠色野係茄子蓉混有mix herb,其實唔多美觀,不過好食嘅。第四道菜係甜品:福岡白桃,homemade桃味雪葩,蛋白霜脆餅,同panna Cotta。白桃似係煮過,上面砌左啲小花,花巧野。桃味雪葩有紫蘇味,Panna Cotta味道酸酸的似係乳酪味,唔係平時既牛奶雲呢拿味,咁其實就唔應該係Panna Cotta...本來好期待,但食落成件事唔係咁驚喜咋。最後有小蛋糕馬德蓮,佢話材料有sake同青檸皮,叫我地襯熱食,暖暖地,蛋糕邊仲係脆,真係好好食喎!明明好飽都食得落。仲有日本青檸馬卡龍,酸酸地唔錯呀。呢個餐包咖啡或茶,大大杯的。$888 4個Courses係名貴既,不過話哂法日fusion菜,同出面比較確實有佢既過人之處,偶然(非常偶然,一年一次咁啦)食一次都係值得的! 繼續閱讀
(以上食評乃用戶個人意見 , 並不代表OpenRice之觀點。)