香港米芝蓮2020!新上榜餐廳逐間睇
2019-12-17

香港米芝蓮2020 啱啱新鮮出爐,今年多咗好多一星餐廳,總共11間餐廳新上榜奪得一星。二星同三星分別有1間同2間新升級,即刻同大家逐間介紹下先!


新上榜一星餐廳!


大館內的泰菜 Aaharn

大廚David Thompason 曾於倫敦開設餐廳並獲得米芝蓮一星,今次嚟到香港知名文化古蹟大館開設Aaharn 餐廳,亦成功奪下一星榮譽。餐廳設於歷史大樓內,共分為酒吧、餐廳兩層,並以歐陸典雅擺盤展現地道泰菜風味。

 圖:天天食好野


經歷三代的粵菜 福臨門

由1948 年開業至今,福臨門已成為城中經典嘅粵菜酒家。嚟到家族第三代,依然秉承父輩煮製粵菜宗旨,堅持用傳統烹調手法處理優質食材。而且海鮮每日入貨,確保食客食到真正鮮味。招牌菜仲有釀焗鮮蟹蓋、炸子雞等。

 圖:Dr Leo Wong


經典法國菜 吉地士

位於香港半島酒店內嘅吉地士,早於1953 年就喺香港開業,係香港首間主理精緻法國菜嘅餐廳。店內有富麗堂皇水晶吊燈,仲有現場樂隊伴奏,讓食客可以喺典雅放鬆環境享受美食佳釀。

 


開放式廚房法菜 L'Envol

於香港瑞吉酒店內嘅L'Envol,由總廚Olivier Elzer 掌舵。設有開放式廚房,大廚設計一系列創新法式美食,令食客喺雅緻環境下品嚐精緻法國菜,午餐、晚餐菜單都有。

 圖:vvny


老上海味道 留園雅敘

留園雅敘主打經典上海菜,開業多年一直有不少忠心顧客,侍應仲會以流利上海造為客人點菜,真正感受到老上海氣氛。菜單上有各式正宗滬菜,清炒蝦仁、松子桂魚或紅燒元蹄等都係店家經典小菜,推薦需要提前預訂嘅鮑魚紅燒肉、小米刺參雞湯。

 圖:littlefoodie00


祖傳懷舊法國料理 Louise

大廚Julien Royer 曾於新加坡為餐廳摘米芝蓮二星,今次喺香港PMQ 開設兩層嘅Louise 餐廳,主打擅長嘅法式料理,並融入自身家族食譜嘅懷舊味道。祖傳番茄批伴布袋芝士、香烤法國小牛胸腺伴小薯團等都係招牌菜。

 圖:sissyfoodie


每季設計新菜單 珀翠餐廳

位於香格里拉酒店內嘅珀翠餐廳,以藝術家般嘅手藝煮出高品質佳餚,餐牌每季更新,力求食客品嚐到最時令新鮮食材。店內藏有超過12,000 款美酒佳釀,包括來自聞名酒莊嘅秘制貯藏經典葡萄酒。

 圖:eat_eat_everyday


精緻英國菜 Roganic

由米芝蓮二星英國名廚主理嘅英國菜餐廳,裝潢摩登,環境舒適雅緻。主打精緻英國菜,食材多由英國直送。推薦梳打麵包配英國軟牛油,以麥片點綴,口感與別不同。

 圖:P.J.


高貴粵菜

由屢獲殊榮的洪志光師傅主理,具多年中菜烹調心得,擅長以獨特手藝結合現代烹調手法,煮出獨特粵菜佳餚。菜式擺盤精緻得體,店內環境高貴坐得舒服。

 圖:catherine.b.duan


料理藝術 Ryota Kappou Modern

餐廳創辦人係香港知名室內設計師沈沛然 (Louie Shum),所以店內環境甚至一杯一碟都非常講究。為表對日本文化、美食嘅熱愛,每碟菜式嘅細節都好著重,並用日本高質當造食材煮出原始味道,令料理變成藝術。

 圖:clarasy


滿足視覺與味覺 ZEST by Konishi

以大廚個人經歷為藍本,度身訂做出嘅ZEST by Konishi。日藉大廚Mitsuru Konishi 擁有法國廚藝背景,於是糅合新派法國廚藝、日本細緻文化,創作出一系列料理。每道菜式上桌都仿如藝術品般精緻,可同時滿足視覺、味覺。

 圖:cfucgwai


新升級二星餐廳!


大自然元素 Arbor

中環藝術地標H Queen's內嘅Arbor,樓底設計高,空間感十足。設計主題圍繞森林,可以喺自然輕鬆環境內用餐。主打新派法國菜糅合日式元素,菜式設計亦加入大自然概念元素,感覺清新。

 圖:JayLowe


新星級三星餐廳!


招牌鮑魚 富臨飯店

由阿一鮑魚楊貫一主理,佢經營嘅富臨飯店係公認富豪飯堂,吸引唔少世界知名人士慕名而來。主打鮑魚係用日本乾鮑燘煮數天,極花工夫。其他菜式仲有脆皮雞、瑤柱焗釀蟹蓋等。

 圖:terence.ying.1、車媽媽


高質日本菜 志魂

「志魂」係東京米芝蓮三星壽司店「吉武壽司」嘅海外唯一分店。餐廳採用來自日本築地嘅食材,米飯亦特別由新潟引入,再加上釀製4年嘅醇醋,先可以完成招牌嘅頂級壽司料理,客人要喺壽司揑好30秒內食完,先食到最好嘅江戶前壽司。圖:bryanwuwu


文: Kate


關鍵字
米芝蓮
香港
2020
奪星餐廳
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
更多
收起
本月熱門
情人節去K11 MUSEA 一文睇晒浪漫餐廳
2020-02-06
【隨時更新】零食速報 每周新款零食、酒品點評
3天前
美國人氣肉桂卷抵港!煙韌原味/朱古力/焦糖胡桃卷(有片)
2020-02-06
全城抗炎 與醫護同行!提供醫護餐飲免費優惠餐廳一覽
2020-01-31
有平有貴 情人節餐各級價格攻略
2020-02-04