A.T.A.S

營業中

休息中

同朋友嚟呢度食飯，見到呢度大排長龍，起初都不以為然，但後來，食過之後，發現呢度係非常正宗嘅新加坡菜。餐廳嘅環境非常寬敞，位於2樓嘅舖頭，經過一條簡單嘅樓梯，就可以去點餐。我比較喜歡嘅係呢度嘅喇沙，$98 ，裏面有非常豐富嘅類近咖喱味嘅醬汁，魚蛋同埋魚片亦都非常彈牙，米線亦都唔太硬，亦都唔太淋，控制得好。味道稍為濃烈，但食南洋菜，這就是特色。餐飲上面，我叫咗呢一杯Milo Explosion，起初我以為只係跟出面嘅美祿恐龍差唔多，但我欣賞嘅係，呢度嘅美祿，除咗好豐富之外，另外亦都加咗Oreo同埋美祿穀物，增加左成杯嘅甜度。再之後就係叫咗呢一個招牌特色：Kaya Overload，平時就好鍾意食咖央多士，但呢度嘅咖央，超級黐線，加咗勁多美祿粉同埋朱古力醬，而且新鮮整，熱辣辣，咬落去嘅時候，勁濃郁嘅朱古力味，仲有勁濃郁嘅咖央糖漿，非常豐富。

講到最近既人氣餐廳當然不得不提A.T.A.S，佢地主打地道新加坡菜，價錢仲要幾抵食，今次同朋友係平日7點去到都已經排緊隊，因為佢地冇訂座服務同鋪面吾算大，所以建議大家早啲黎😫 喇沙 $98黎到食新加坡野當然要食喇沙啦! 湯底好濃郁，米線幾掛湯，好足料有好多豆腐卜，魚蛋同蝦，每大大舊爽口彈牙🤩 炸魚片米線 $98見倒呢個個湯底好似清清地所以就叫左黎試吓! 奶白色既魚湯配米線一流，不過胡椒味就重左少少，配料方面好豐富，包括炸魚片同紫菜，炸魚片份量都幾多，如果可以脆身啲會更香口 爆漿咖椰多士 $68黎到呢度真係枱枱都有叫黎食，100%邪惡致肥物品，多士加入朱古力榛子醬、煉奶、花生醬，仲要每層夾心都有加上一片牛油，多重層次切開後醬汁即刻爆曬出黎，食落味道不會過甜 斑蘭奶茶 $28因為怕會好甜所以叫左少甜，斑蘭味都幾出，之後都會feel倒茶底幾香😂 酸梅青檸水 $28食完重口味既野食當然要揀杯青檸水解膩，酸酸甜甜好開胃

門口大排長龍 人氣不錯唔想咁多人 就要避開peak hour啦～炸魚片米粉湯汁係好香既魚味 鮮甜 仲有好多紫菜同白菜仔～炸魚片浸落湯到 但仍然脆口好厚實既魚肉 仲有成５舊！叻沙叻沙湯底幾香但都幾辣 配料好足，應有既有蝦 魚蛋 豆卜 蛋都有超大碗 樣樣都吸哂叻沙湯既精華！ 咖椰爆漿 每枱都有一碟 所以我都有叫^^烘得脆口既多士片加入一塊塊好厚既牛油介有咖椰 花生醬巧克力榛子醬煉奶再鋪上美祿粉邪惡 但真係好食！美祿爆炸味道超濃　好好飲仲大量朱古力脆脆！玫瑰露恐龍有淡淡既玫瑰味，可以一試～

一個字，伏！第一個負評獻俾呢間餐廳。見上網都幾多人話好食，就過黎試吓。點知就中左伏。我哋叫咗麵粉粿、板面、喇沙同埋咖椰爆漿。野食黎左之後就去攞餐具。d餐具10個有9個污糟嘅，要自己再用濕紙巾抹。張枱勁黐，冇人抹，擺咗張紙上去之後張紙黐住咗拎唔返。衛生情況惡劣。d野食上左之後，喇沙還可以，但係其他2個麵完全係毫無質感、一啲味都冇、一pet嘢咁。完全唔明啲人點樣食得落，完全唔明點解咁多人排隊。極度唔推薦，一世都唔會再嚟。🙂

🐝 A.T.A.S (銅鑼灣)🐝༶ ༶ ༶ ༶ ༶ ༶ ༶ ༶ ༶ ༶ ༶ ༶ ☾ ༶ ༶ ༶ ༶ ༶ ༶ ༶ ༶ ༶ ༶ ༶ ༶✨肉脞面 $88個麵有肉脞，豬肝，魚蛋，滷冬菇，豬油渣，生菜，仲有2粒炸雲吞🤩🤩，非常豐富，而且個粗麵亦非常掛汁🤤，而且麵質好滑而且彈牙，撈埋啲餸食一流😋✨板麵 $78個麵麵身比較粗，質感有啲似河粉，😋加上豬肉丸，炸江魚仔，滷冬菇，蛋，菜心，炸蒜，蔥，非常豐富，😛每個餸都好夾‼️✨咖椰爆漿 $68呢個小食真係呢到最signature😍有啲似平時嘅西多士，但係入邊嘅餡就係美祿，朱古力榛子醬，牛油同煉奶‼️好多層次，又甜又鹹咁，好正💗💗😋✨美祿爆炸 $58平時鍾意飲美祿嘅人一定要嗌，🌟佢個美祿幾甜，上面有啲朱古力脆脆，一到飲一到食幾好食🫠✨玫瑰露恐龍 $48非常靚嘅桃紅色，適合打卡🥰，而且好有玫瑰味💗，再配上美祿粉💓，好夾好好飲‼️༶ ༶ ༶ ༶ ༶ ༶ ༶ ༶ ༶ ༶ ༶ ༶ ☾ ༶ ༶ ༶ ༶ ༶ ༶ ༶ ༶ ༶ ༶ ༶ ༶整體評分食物：🤍🤍🤍🤍服務：🤍🤍🤍🤍環境：🤍🤍🤍🤍價錢：🤍🤍🤍🤍🤍༶ ༶ ༶ ༶ ༶ ༶ ༶ ༶ ༶ ⌁⌁⌁ ❤︎ ⌁⌁⌁ ༶ ༶ ༶ ༶ ༶

垃圾餐廳1、食物超難食2、員工態度極差3、咖央爆漿多士超甜，甜到想嘔。4、自助區不整潔，d配料似送頭送尾。5、正在進食時，看見店員在呼喝客人。6、而當我們想外賣拿走時，成個盒車埋黎。7、兩個男員工，態度傲慢無禮。8、咖央阿華田多士，超甜，甜到嘔，難以下嚥，而塊多士又乾又柴皮，根本唔值呢個錢，好多人黎食都係睇左佢個廣告，完全被騙，仲要成68元。講真心話，寧願排隊去食蘇媽好過，蘇媽d咖央多至少好食，而價錢都係48元。

📸 @atas_hk 前排碌ig 見到個個都影住呢個多士為食妹就即刻約朋友仔試試佢🤩餐廳位置都幾方便不過就要行樓梯上一層樓下有Bon bon 不過太多人排仲未試到🥲🥲🥲餐廳以白色為主調 感覺都小清新自助式餐廳黎一上樓梯就有自助機可以點餐或者去水吧搵店員落單都得🍴Kaya Overload $68💛5/10巨甜注意⚠️食第一啖都仲未覺得好甜但食唔出有Kaya味 花生醬搶曬fo食多一兩啖之後甜到完全唔想再食又甜又膩 多士又唔係熱 硬多過脆🍴Prata Bomb $38💛 8/10印度薄餅配Kaya同煉奶好食過Kaya好多😍同朋友一致認為呢個薄餅下次黎要再叫🍴麵粉粿乾 $68💛7/10可轉配板麵 亦有辣味可選面頭既粿乾味道較淡但越食越惹味 唔會太咸入面有滷冬菇🥰🥰🍴Teh $18💛6.5/10茶味奶味都偏淡雖然杯身高但冰都比較多成杯野飲落好稀#wwh食勻銅鑼灣#wwh東南亞菜

俾呢個爆漿多士吸引左去食🍞之前勁多人去打卡 今日終於有時間去 lunch12點半去都還好 之後好快到lunch hour就好多人啦 . 咖椰爆漿🍞 . $68超邪惡多士🤭一共有3層 切開左6件 中間夾住咖咉 牛油 花生醬 朱古力榛子醬 煉奶 真係kaya overload!!! 面頭撒滿美祿粉 一定要多啲人share 好漏😂😂同好飽 不過多士可以再脆d同熱d 會好食好多. 叻沙 . $98呢個laksa湯好好食😋 好重花生味 不過都幾辣下 好惹味 不過揀左米粉 所以好快索哂d湯 入面有蛋 蝦 魚蛋 同豆卜 每樣都有好幾舊 . 板麵粿乾 . 68超大碗 好惹味 有豬肉肉碎 炸魚仔 滷冬菇 同菜心 飽肚之選 我覺得要兩三個人先食得哂😂 同埋要撈問d唔係會過鹹. 美祿爆炸 . $58比想像中普通 唔會太甜 不過面頭美祿餅同coco脆脆唔淋. 玫瑰露恐龍 . $48顏色都幾sharp 本身都驚伏 飲落都正常 唔算好甜 有玫瑰味嘅朱古力咁

之前見朋友send嚟，見到好吸引好想試，有人要出嚟銅鑼灣做嘢，死跟出嚟就為咗試下個咖椰爆漿嚟到先發現原來係自助形式，落單取餐同搵位，好彩嚟得早，等咗一陣就搵到位由於諗住晏啲再食嘢，所以淨係叫咗2杯嘢飲同最想食嘅咖椰爆漿，但等咗差唔多半個鐘先到😭凍奶茶 $20有人好期待，因為屋企附近有間新加坡野嘅奶茶好好飲，點知嚟到好失望，好似奶水咁，不過唔記得咗影相美綠爆炸$58滿滿嘅美綠味道，加上早餐美祿波波仲有Oreo，好飲嘅，但佢同咖椰爆漿只可以2個揀1個，唔係糖份一定超標🙈咖椰爆漿 $68雙重牛油、煉奶、朱古力榛子醬、咖椰、花生醬，個面仲大量嘅美祿粉，超甜超邪惡，2個人share食已經夠晒飽，好彩無叫其他嘢，唔係就食唔晒

🔸辣椒板麵 ᴄʜɪʟʟɪ ʙᴀɴ ᴍɪᴀɴ $88寬扁條狀嘅板麵有少少似刀削麵，食落有少少咬口口感幾好，配料有流心蛋、滷冬菇、炸江魚仔、豬肉碎炸蒜、蔥，參巴醬辣椒等等，撈埋一齊食鹹香惹味，而且都幾辣吓，重口味嘅朋友必試！🔸板麵 (乾) ᴏʀɪɢɪɴᴀʟ ʙᴀɴ ᴍɪᴀɴ (ᴅʀʏ) $68呢款同樣都係口感煙韌嘅板麵，同樣惹味不過就唔辣嘅，多啲菜心咁～都好好食！🔸咖椰爆漿 ᴋᴀʏᴀ ᴏᴠᴇʀʟᴏᴀᴅ $68咖央多士就食得多，呢款比平時嘅咖央多士更邪惡！香脆嘅多士夾住咖椰醬、牛油、花生醬、煉奶同朱古力榛子醬，表面仲灑咗滿滿嘅美祿粉，啖啖都甜到入心！🔸咖椰多士 ᴋᴀʏᴀ ᴛᴏᴀsᴛ $38呢款係輕量版，表面冇咩特別，其實香脆嘅多士入面夾住嘅係厚厚嘅牛油，入口即化啖啖牛油香，都咪話唔邪惡！🔸美祿爆炸 ᴍɪʟᴏ ᴇxᴘʟᴏsɪᴏɴ $50鍾意美祿嘅朋友一定會超級愛呢杯飲品！香濃嘅美祿朱古力，表面仲撒上一層厚厚嘅美祿粉，舖滿脆卜卜嘅美祿脆脆同一塊美祿餅乾，好滿足！餐廳裝修簡約，座位舒服，有自助點餐機方便客人點餐，不過假日嚟就比較多人，可能要等位呀～

行開銅鑼灣，攰攰地，見到有間Cafe裝璜雪白簡約，感覺闊落又舒服，就入左去，原來呢間係主打星加坡粉麵和小吃嘅餐廳。今次揀咗炸魚片米粉以及麵粉粿乾作主食，炸魚片煙靭米粉柔軟, 麵粉粿乾未試過，入邊用很多不同的配料，包括豬肉、炸江魚仔、冬菇、菜心、還有十分香口的炸蒜和葱，配搭起嚟一口接着一口，很多味道在口腔爆發。仲有一個非常邪惡嘅咖椰爆漿，入面有咖椰、牛油、花生醬、朱古力栗子醬、煉奶，仲舖上10分10分邪惡嘅美祿粉，一咬落去，原來甜都有不同層次，記住要趁熱食，才能感覺到呢種甜得來渾然天成的感覺。

假日食一餐邪惡的~(≧▽≦)/~諗起都覺得係罪過🫢一直都鍾意食咖央多之類香口又甜既野食呢一間鋪成日搭車行過樓下都有望一望咩黎同朋友決定一試因為唔係好餓 叫左兩款食物兩款特飲超期待既咖椰爆槳😍愈邪惡愈喜歡不過實係食一舊起兩舊止係盡晒超！級！甜！好似幾十粒金莎塞入口咁成口糖呢個試過就ok😂甜得太過份～我會揀普通咖央多d辣椒板麵呢個有少少驚喜 都幾好食少油更好🙉特飲分別叫左美祿爆炸朋友點的～甜😌黑粉又名玫瑰露仙草我叫既～點到🫠後悔貪得意再揀會揀斑斕薏米水甚至清水😮‍💨.雖然食邪惡食物真係好開心但總括我點既食物飲品就係甜同油(´･ω･`)適合喜歡挑戰新口味的瘦底人士愛計算幾多卡者good luck 🤫..#唯有食是最治癒的

特色新加坡菜，環境舒服，嘢食都好高質。🍜叻沙 $ 98 香濃椰香味，而且麵條都好有口感。😍我鍾意豆卜，非常入味，🦐可以吸收湯底嘅精華。加上爽口嘅白魚蛋，同埋蝦仁，配料豐富。🍲肉脞麵 $88 幼麵底，配上肉碎，🥟炸雲吞。鹹香菜舖，白魚蛋粒。哩一麵新奇又少見，🥰都非常好食。咖椰爆漿 $68 期待已久的特色甜品❤入邊有香濃的咖咉醬，而且topping仲有好多阿華田粉！🥳甜而不膩，🥥帶有濃郁嘅椰香。🧋斑蘭奶茶 (凍) $30 🍋酸梅青檸水(凍) $30

今日同朋友去完銅鑼灣行街 經過呢間位於怡和街後面要上一樓嘅ATAS新加坡菜度食晚餐晚餐時間嚟到超級多人 餐廳係自助形式 要自己搵位 自己點菜 不過價錢一啲都唔平ROJAK 囉喏 味道非常特別醬汁酸酸甜甜好開胃入面有炸豆卜夠曬脆卜卜 竟然入面加咗台灣特有嘅芭樂酸酸甜甜更加開胃 上面撒上芝麻同埋花生粉 成個配搭好得意炸魚片米粉 魚塊非常大舊 外脆內軟 魚肉嫩滑 魚湯味道濃沃Bak chor mee 肉脞麵 可以自選麵條我揀咗老鼠粉 上面有唔少嘅配料包括貢丸 肉碎 炸雲吞等等 撈埋惹味嘅醬汁 味道唔錯班蘭奶茶鹹檸檬梳打

經過見咁多好評又唔洗等位就去試吓餐廳要上行樓梯一層樓，自肋搵位去到見喇沙要$98就叫個最平魚蛋河 （$58）試吓，味道唔差，但同屋企附近食魚蛋河差唔多😅 $58黎講唔係好抵食。Lunch +20蚊叫咗斑斕奶茶，外表三隻色幾靚，唯一係要少冰都係半杯冰。最後叫左咖椰多士 $38，如果係熱上會推介，可惜係唔熱，但又未去到凍😅 個人覺得未必係即刻整🤔 但都脆扑扑ga最後舖頭由搵位，點餐，取餐同還盤都係自己負責，所以無加一服務費。