8度餐廳

hi tea set... .衹可遠觀，食物質素差到無朋友；應熱葷的就是冷的.......。以為在酒店吃Hi Tea Set 最起碼飲杯熱檸水都應該唔會中伏吧.....我從未想過飲杯熱檸水，無檸檬片，只有自己去取濃縮檸檬汁調較隔離檯兩位客人，應該祗是吃了兩三件便走人，我們朋友都傻眼了，但是也理解的

都抵食嘅網上買Coupon仲有七折，因為小朋友放暑假有冇咩好做咪食嘢囉！消費券出咗朋友話請我食午餐咁我哋兩仔乸就去食個半自助餐啦，我哋一行四人兩大兩細，叫咗一個海南雞（冇影相）🤩兩個牛扒😎同埋一個羊架，牛扒同羊架要國家$10/ 1個餐牛扒叫咗五成熟味道OK，軟林林仲係熱辣辣楊假有點數，如果唔食羊嘅就可能要諗一諗，海南雞好大碟應該都有一個例牌加一碗黃色飯，出面仲有自助沙律吧！有免費飲品咖啡同熱茶，仲有幾壺檸檬汁😌湯有中有西有麵包，甜品有啫喱糖有最佢哋最出名嘅芒果拿破崙，仲有桂花糕始終都係酒店餐廳味道OK侍應們都好有禮貌，美中不足係冇凍飲俾小朋友，四個人食咗700+元都算坐得舒服但係因為佢啲枱係長方形咁擺出出入入好唔方便如果路口坐咗人。整體滿意嘅

見有$88套餐外賣推出，就買嚟試吓，揀左咕嚕肉和煎朧脷，炒飯，疍白杏仁茶，配蘑菇湯，加$60揀左海鲜忌廉意粉，咕噜肉又乾又硬量又少，朧脷得個鹹字，炒飯沒有炒飯的口感，蛋白杏仁茶似食粉漿，$88？坊間三十幾蚊的2餸飯比它還要豐富好食，至於意粉夠多的， 勉強可以，這間酒店，以前的水準還好，現在真是 每況愈下！

I had 3000 Asia miles that were about to expire soon and I saw this offer for their afternoon tea set for 1 person at Cafe 8 degrees which would cost around 3700 miles. It seemed to be a good choice, especially since there was no blackouts at the third day of Lunar New Year despite being a pubic holiday. The location is not too convenient but with Tuen Ma Line it was more accessible.If you don't use Asia Mile, you can prepay for the afternoon tea so it will only cost about 130 per person. Given

踏入2022年為家人慶生，除了購買生日蛋糕，還楝好一個價錢$898，「8度海逸酒店-8度餐廳」4位用的喜慶盆菜，在第五波疫情之下，也省得出外用晚膳，盆菜最豐富的食材已經舖滿在盆面，味道也不錯。晚上我將盆菜凖備放上電磁爐加熱，先用紙巾抹去盆底的汁液，一抹之下看，驚訝紙巾滿滿竟是銻盆的銻漬，繼續再抹發覺整個盆底與盆面的周邊都是烏黑銻漬，滿滿的食材，因此我不知道盆裏的潔淨情況，但經此不潔經驗後，我相信不會再購買盆菜了！

又黎食港女三層下午茶，今次揀左土瓜灣既酒店，地點不太方便，附近亦沒有甚麼地方可以消磨時間，但佢既賣點就係有聖誕版既下午茶，環境舒適，飲品係自助形式，可以自己調配檸檬茶/水及奶茶，佢呢個set亦都有1杯士多啤梨沙冰，好細杯，但好好飲，到野食方面，主要既聖誕氣氛係塊薑餅人度，再加埋朱古力樹頭蛋糕，其他都無特別聖誕感覺，鹹食只有最底個層，其中薯蓉較好食，之後甜點，蛋糕比較乾身，唔夠鬆軟，另外海綿蛋糕重覆了，有士多啤梨味同芒果味，覺得可以轉其中一款做其他甜品，整體還可以，因為係特價去食，人均：$150~

啱啱過冬, 大食妹喺KKDay見到8度餐廳賣緊喜慶盆菜, 有4人、6人同8人份量, 野食種類好似幾多元化, 就訂咗個4人份量<喜慶盆菜>8度餐廳嘅喜慶盆菜有鮑魚、花膠、瑤柱、金蠔、大蝦、花菇、貴妃雞、燒腩仔、鵝掌、時菜等等, 超級豐盛雖然話係4人份量, 但大食妹覺得有成6人份量醬汁用咗鮑魚、金華火腿、老雞等等食材熬製, 非常濃郁係咁多嘅食材裏面, 大食妹最愛燒腩仔、冬菇同芋頭燒腩仔好厚肉地, 肥瘦適中冬菇同芋頭就非常入味, 吸收左醬汁嘅精華

今天dinner buffet真係太差了！食物質素，生蠔瘦到不得了、鵝肝細到不得了、鮑魚細到不得了，食物更換得很慢，一句講晒非常之不好吃👎不會有下次😡超大中伏😡😡😡

D座位迫到呢，出入要丁字腳。食物種類少到呢，拎完兩三round已經可以傾計。最攪笑係問waitress拎濕紙巾，話斷貨wor.好多人，搶咁。食物質素好一般anyway,可一，不可再。

同朋友預約咗1800-2100時段buffet。首先食物質素真係唔係唔值近人均$500。我哋係晚市第一round客，但除咗有冚蓋嘅熱盤外，第一輪拎嘅「熱食」好多都係凍。薯角又凍又淋，炸魚仔係一啲溫度都無好似擺咗成日。切牛又乾又無味，導致我哋之後拎嘢食嘅標準係只求熱食有溫度。凍盤煙三文都算係港人至愛，無諗過係得個鹹字，完全無煙三文感覺。生蠔略腥，食完一舊完全無興趣再食。導致根本唔敢再試其他水產。甜品算唔錯嘅，因為有個布甸蛋糕真係好好食，同埋有movenpick補底，其他甜品都不過不失，算係可以。但係環境真係唔算好，枱與枱之間距離好窄，每次行出行入都好驚撞到沿途其他枱嘅客人。另外又泊埋收碟車出嚟喺主通道，收碟嘅阿姐又唔爽手醒目，成件事就好似去咗茶樓甚至喺茶記。總結一句，差唔多人均$500換嚟一餐咁嘅質素嘅buffet，真係中晒大伏。

喺疏化倉買咗張萬幾蚊嘅疏化送咗兩張下午茶voucher, 其實免費嘅嘢都唔會抱住咩期望，但係又真係冇諗到原來係咁CHEAP囉，見到佢個餐牌寫住$168/位，住客就再有75折，cheap 都唔係重點，始終一分錢一分貨，但食物質素真係好好好吾掂，服務態度更加冇，一去到門口，帶位嗰個小姐冇乜表情，只係問你攞voucher,然後叫人帶去坐，同我哋係原全冇eye contact，坐低已經有兩柸水，飲落去係水喉水咁，所以叫侍應可唔可以比柸熱水，侍應態度吾可以話好差，就係叫我自己出去水吧位…..，最後食物，真係無語，可以連平時冇乜要求嘅朋友都話難食，已經唔想再食….$168吾值，但我咁同佢計可能感覺上會好啲🥲一件炸雞 $112件迷你薯餅$12一件迷你鬆餅$5一件壽司 $12一件吞拿魚 $20一件迷你芒果布甸 $20一件迷你拿破輪$20一件迷你芒果批$18一件迷你芒果雪芳蛋糕$12一件雪米糍$8咖啡、奶茶自助加埋10% ，好似$168又差吾多

地理位置有點偏遠，如果唔系開通左屯馬線，要去呢到既話實在有點不方便。同朋友經網站優惠book左茫果下午茶架，本來系上上星期去但撞正8號波，酒店都好貼心咁打黎告知可以改期。同朋友一坐低就見到枱櫈都有d污糟，觀感馬上扣分。飲品有紅茶奶茶等等，食物質素同價錢都成正比，不能期待有一般既下午茶架水準。不過服務員有點馬虎，我個架仲淨左完整既scone，佢問都無問過我就直接收走左，叫都叫唔切就只好作罷。總體而言應該唔會再去。

當天是平日酒店有分類C區，獨立一間房幾好，不會太嘈……酒店食物種類雖然不算多，但都有生鮮生蠔，但要排隊（每次限取2隻）、鵝肝一般、有燉盅湯（但味道太咸）、最出色係芒果拿破崙蛋糕好好味熟食勁多不過一般，總括黎講平日$498另有openRice 82折抵食，生日4人有1人免費可以再食

午餐三人行,一份羊架,烹調味道及控制6成熟剛好,非常美味,海南雞飯一般,咖喱牛肉配印度薄餅不錯,水果比較少選擇,芒果千層回味無窮,沙律菜及湯都可以,大致食物都很好,以此價格可以吃出水準,不錯

餐廳位於工廠區，環境只是一般。餐廳裏面的座椅有一定的分隔，容人只有二至三成。我兩個人坐了近窗口的四人枱 ，環境可算是舒適的。食物方面，湯有羅宋湯及中湯，還可以。主菜我吃了羊架，算是不錯， 但羊肉味不是很濃。 提一提大家，最好是吃了湯及沙律後才叫主菜，因為主菜很快便會到。其他要讚的是甜品，芒果拿破崙很好吃，我吃了四五件，己經值百元。水果方面 有火龍果，西瓜及哈密瓜很鮮甜。但飲品方面就比較差，咖啡也不是即磨的，這點要改善。 整體來說還是不錯， 可以靜靜的享受兩小時 ，下次也會再光顧的。